ئه‌ڤرۆ نيوز:
ب گۆره‌ى رۆژهه‌مژمێرا بهێنڤه‌دانێن حوكمه‌تا هه‌رێما كوردستانێ رۆژا 6ى كانوونا دويێ يا 2016ێ كو دبيته رۆژا چارشه‌مبى ل هه‌موو داموده‌زگه‌هێن هه‌رێما كوردستانێ بهێنڤه‌دانا فه‌رمى يه.
ب هه‌لكه‌فتا بيره‌وه‌ريا دامه‌زراندنا سۆپايێ عيراقێ، رۆژا 6ى كانوونا دويێ هه‌موو سالان ل هه‌رێما كوردستانێ كريه بهێنڤه‌دانا فه‌رمى ل هه‌موو داموده‌زگه‌هێن حكومى.
فه‌وجا ئێكێ يا سۆپايێ عيراقێ ب ناڤێ “موسايێ كازم” ل 6ى كانوونا دويێ يا سالا 1921 ژ لايێ بريتانيا ڤه هاتيه دروستكرن.
ئه‌ڤرۆ نيوز، نيوار محه‌مه‌د سه‌ليم:
ژ ئه‌نجامێ كه‌فتنا پێله‌كا به‌فرێ ل سه‌ر هه‌رێما كوردستانێ و ب تايبه‌ت ژى ده‌ڤه‌را دهۆكێ چه‌ندين رێيێن سه‌ره‌كى يێن پارێزگه‌ها دهۆكێ هاتبوونه گرتن، به‌لێ پشتى كارێ رێڤه‌به‌ريا سه‌خبێريا رێك و پرا ل پارێزگه‌ها دهۆكێ نوكه ب تنێ رێيا سه‌ره‌كى يا چيايێ گاره‌يى و سه‌رزێرى يا گرتيه.
دێوالى حه‌مێ بريندار، رێڤه‌به‌رێ سه‌خبيريا رێك و پرا ل پارێزگه‌ها دهۆكێ، د داخۆيانيه‌كێ دا بۆ ئه‌ڤرۆ نيوز گۆت: “ژ ئه‌نجامێ كه‌فتنا وێ پێلا باران بارينێ گه‌له‌ك رێيێن سه‌ره‌كى يێن پارێزگه‌ها دهۆكێ هاتينه گرتن، به‌لێ رێڤه‌به‌ريا مه ب حه‌فت تيما شيان پتريا ڤان رێيان ڤه‌كه‌ن”.
زێده‌تر گۆت: “به‌رى كێمتر ژ نيڤ ده‌مژمێرێ رێيا گه‌ليێ زاخۆ هاتيه ڤه‌كرن”، دا زانين ژى كو نوكه رێيا سه‌ره‌كى يا دهۆك هه‌تا سه‌رسنگ و گه‌ليێ بالندا يا بێ كێشه‌يه و ل لايێ دچيت بۆ به‌روارى بالا ژى هه‌تا نێزيك سه‌رزێرى يا هه‌ى، به‌لێ رێيا سه‌رزێرى نينه.
ئاماژه ب وێ چه‌ندێ ژى كر كو ژ لايێ سيار و سينداران ژى هه‌تا رێ يا هه‌ى و هه‌تا دگه‌هيته چيايێ گاره‌يى ژى، به‌لێ رێيا چيايێ گاره‌ى نينه و گۆت: “ل وێرێ ژى ده‌ما شوفێر هاتنچوونێ دكه‌ن، دڤێت دهشيار بن ژ به‌ر كو جه‌مه‌د دروست دبيت و به‌رده‌وام به‌فر يا د باريت”.
ل دووماهيێ ژى گۆت: “ئه‌ڤه د ماوێ سێ رۆژێن بۆرى دا، شه‌ش جاران ئه‌ڤ هه‌موو رێيێن سه‌ره‌كى يێن دهێنه پارێزگه‌ها دهۆكێ هاتنه ڤه‌كرن ژ لايێ تيمێن مه ڤه”.
ئه‌ڤرۆ نیوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئه‌ينى رێكه‌فتى 3ى كانوونا دويێ يا 2016ێ دێ هنده‌ك ئه‌ور ل ئه‌سمانى هه‌بن و ل هنده‌ك جهان دێ مژ ژى هه‌بيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن نزمێن ده‌ريا سپى بۆ سه‌ر هه‌رێما كوردستانێ دهێته پێشبينيكرن دێ هنده‌ك ئه‌ور ل ئه‌سمانى هه‌بن و ل هنده‌ك جهان دێ مژ ژى هه‌بيت.
پشكا پێشبينيان دايه زايه زانين كو دێ ئاراستێ باى ژى دێ باشوورێ رۆژئاڤا بيت ب ره‌نگه‌كى د ناڤبه‌را 5 هه‌تا 10 كم دا و ماوێ ديتنێ ژى 5 بۆ 6 كم بيت، پلێن گه‌رمێ ژى دێ د ناڤبه‌را (-2 بۆ 3) پلان دا بيت.
ئەڤرۆ نیوز:
مالپەرێ ئی.ئەس.بی.ئەن ئەن یێ ئیسپانی دیارکری یە دبیت ریال مەدرید دەست ژ ھژمارەکا یاریکەرێن خوە یێن بەرنیاس بەردەت داکو بارێ یانێ سڤکتر لێ بھێت ژبەرکو ئەو حەفت یاریکەر ھەڤبەستێن ئەوان زێدەتر ژ ٢٠٠ ملیون یورویانە ، بۆ وێ چەندێ وەرزێ بھێت ھەڤبەستا ھژمارەکا یاریکەرێن ستێر ئیمزابکەن ژ ئەوانا لیفاندوفسکی و ھازارد.
گولچیێ تیمێ نافاس دبیت ریال مەدرید ب جھـ بھێلت ھەکە یانا ریال مەدرید گولچیێ یانا مانچستەر یوناید دی خیا ئینا .
تونی کروس ئێک ژ بەربژێرن ب ھێزە ل وەرزێ بھێـت ریال مەدرید ب جھـ بھێلیت
ئیسکو ژی بەربژارە یانا مەلەکی بجھـ بھێلیت ژبەرکو بەردەوام وەکو یاریکەرەکێ یەدەکە
خیسی ژی ئەو یاریکەرە ئەوێ حەزا خوە دیارکری یانێ ب جھـ بھێلت سەرارای پشکداریا وی د چەند یاریێن ئەڤ سالە دا ژی ل گەل تیمێ لێ زوربەیا جاران دەرڤەی پێکھاتیێ تیمێ یە
خودانێ شەرمزاریا ریال مەدرید د قارەمانیا کاسا مەلەکێ ئیسپانیا دا دینیس تشیرشیف یاریکەرێ روسی ئەوژی دبیت بھێـتە ڤەگوھاستن بۆ یانەکا روسی
کەریم بن زیما دبیت بھێتە ڤەگوھاستن بۆ خۆلا پریملیگ یا ئینگلیزی کو چەند یانێن بەرنیاس داخوازیا وی کری یە
ل دووماھیێ ئەو مالپەرێ دەنگوباسی دیارکری یە کریستیانو رۆنالدو ژی بەربژارە یانا خوە ریال مەدرید ب جھـ بھێلیت ژبەرکو ئەو شێیایە ل گەل ڤێ یانێ ھەمی ھیڤێن خوە ب جھـ بینت و دبیت بەرەڤ یانەکا دی بچیت
ئەڤرۆ نیوز، ھەژار مەعروف:
د یاریێن ئەڤرۆ یێن گەرا دوێ ژ خۆلا فاست لینک یا کوردستانێ یا تەپا پێ بۆ یانێن پلا نایاب یا ھەرێما کوردستانێ ھەردو یانێن زێرەڤانی و شێروانە ب گولەکێ وەکھەڤ بوون.
دڤێ یاریێ دا یاریکەرێ یانا زێرڤانی ئەیوب ئەیاد پشتی گۆلا ئێکێ بۆ تیما خوە تومارکری کو د بوو گولا وی یا ئێکێ ل وەرزی ئەڤ سالە کرە دیاری بۆ گیانێ ھەڤالێ خوەسەرکەفت تەھا (ئیداریێ تیما زێرەڤانی) ئەوێ بەری ماوەکە ژ ئەگەرێ نەخوشیەکێ چووی یە بەر دلوڤانیا خودێ .
ھەژی گوتنێ یە ئەیوب ئەیاد تێکلیەکا باش ل گەل کارگێرێ تیمێ سەرکەفت ھەبوو ئەوێ بەری ماوەکە چووی یە بەرد دلوڤانیا خودێ .
ئەڤرۆ نیوز، زنار:
راھێنەرێ یانا چێلسی یا ئنگلیزی جوس ھێدێنک دێ چیتە ناف مێرکاتو یا زڤستانێ دا پێخەمەت لێگەریانا ھێرشبەرەکی ژ ئەگەرێ ھنگافتنێن زێدە یێ کولومبی رادمێل ڤالکاوی ئەوێ ژ ھەیڤا چریا ئێکێ وەرە نە ڤەگەریایە ناڤ پێکھاتیێ تیمێ.
ل دووڤ پەیامەکێ رۆژناما سپورت یو یا ئسپانی دیارکریە کو نوکە ھێدێنگ چاڤەرێ ڤەگەریانا ڤالکاوی یە بەری بریارا دووماھیێ بدەت بۆ ئینانا ھێرشبەرەکێ نوو بۆ تیمێ کو ل دووڤ راپورتێن نوژدارێن یانێ دیارکریە د یەکەکا راھێنانێ دا ھنگافتنا ڤالکاوی دوبارە بویە و دێ بۆ مازێ ١٠ رۆژێن دی دوورکەڤیت.
دھێتە زانین ل ڤی وەرزی ھەمیێ ڤالکاوی تنێ یاریەک بۆ یانا چێلسی کریە و گۆلەک ژی تومارکریە، و ئەڤ چەندە دبیتە ئەگەر کو یانا ئنگلیزی پێدڤی ب ھێرشبەرەکێ نوو یە.
ئه‌ڤرۆ نیوز: ڤه‌ده‌ر ره‌شاڤایی:
پتری 500 ژ هێزێن دژه‌تیرۆر و پۆلیسێن ئه‌لمانی ل حه‌فت به‌رگۆمانێن ئیراقی یێن تیرۆرست دگه‌رن كو پلان دانابوو هێرشێن خوه‌كوژیێ ل شه‌ڤا سه‌رسالێ ل باژێرێ میونخێ ئه‌لمانی بكه‌ن.
هه‌تا نها هه‌والگیرییا ئه‌لمانی نزانیت كا شانا ڤان به‌رگۆمانان ل ناڤ میونخ و ئه‌لمانیا دانه یان ژی لده‌رڤه‌ی ئه‌لمانیا نه.
ئه‌ڤرۆ نیوز: ڤه‌ده‌ر ره‌شاڤایی:
نوونه‌راتیا نه‌ته‌وێن ئێكگرتی ل ئیراقێ (یونامی) راگه‌هاند كو ل داوی مه‌ها 2015 ێ كانوونا ئێكێ، د توندوتیژیێن سه‌رانسه‌ری ئیراقێ و به‌رۆكێن شه‌ری دا 980 كه‌سان گیانێ خوه ژ ده‌ست دایه و هزار و 244 برینداربووینه.
506 كه‌س ژ وان خه‌لكێ سڤیل بوویه و یێن مایی هێزێن ئێمناهیێ بوون كو هێزێن پێشمه‌رگه ژی بخوه‌ڤه دگریت.
نيشاندان