ئه‌ڤرۆ نیوز:
تیمێن بنگه‌هێ ئامێدیێ ئه‌ڤرۆ هاتنه ئاگه‌هداركرن ب هه‌بوونا ئاگره‌كێ ل ده‌وروبه‌رێن كومه‌لگه‌ها ئاشكێ دێرى ل سنورێ قه‌زا ئامێدیێ كو ئاكنجیێن وێ مه‌سیحى نه.
رائیدێ مافپه‌روه‌ر بێوار عه‌بدولعه‌زیز، به‌رپرسێ راگه‌هاندنێ ل رێڤه‌به‌ریا به‌ره‌ڤانیا باژێرى دیاركر ب سه‌دان دارێن باهیڤا د ڤێ روودانا ئاگربه‌ربوونێ دا هاتینه سوتن و تیمێن ئاگرڤه‌مراندنا بنگه‌هێ ئامێدیێ ب سه‌رپه‌رشتیا نه‌قیب ئه‌نه‌س د به‌رده‌وامن بۆ كونترولكرنا ئاگرى.
ئه‌ڤرۆ نیوز،زنار تۆڤى:
بر برا پشتێ ئێكه ژ وان به‌شێن له‌شى كو رۆژانه ب ئه‌گه‌رێ كارێن جۆدا هێزه‌كا زۆر دكه‌ڤیته سه‌ر،ئه‌ڤه ئه‌گه‌رێ تۆشبوونا ب چه‌ند كێشه‌یێن ساخله‌مى زێده دكه‌ت،له‌ورا پاراستن زۆرا گرنگه و ێدڤیه ره‌رده‌وام مرۆڤ دوور بكه‌ڤیت ژوان كارێن زیانێ دگه‌هیننه پشتێ. ئه‌و كارێن رۆژانه زیانێ دگه‌هیننه پشتێ ئه‌ڤه‌نه:
1_ مۆبایل:
لدووڤ ئه‌نجامێ ڤه‌كولینه‌كێ مرۆڤ هه‌یڤانه 37 ده‌مژمێران خو دچه‌مینیت بۆ به‌رێخۆدانا مۆبایلێ،زۆربه‌یا جاران چه‌ماندن ب شێوه‌یێ 60 پلێ یه،ئه‌ڤه‌ژى 18 كیلۆگراما كێشا زێده دئَیخیته سه‌ر ملى و بر برێن پشتێ.
2_ رونشتن:زۆربه‌یا وه‌لاتیان رۆژانه ماوه‌یه‌كێ زۆر درووننه‌خوار بتایبه‌تى فه‌رمانبه‌ر كو حه‌فتیانه 40 بۆ 47 ده‌مژمێرا ل جهێ شۆلى درووننه‌خوار،زۆر جاران د وى ده‌میداكۆمپیوته‌رى بكاردئینن و سه‌رێ خوه دچه‌مینن،ئه‌ڤێ ژى زیان بۆ بربرا پشتێ هه‌یه،له‌ورا پێدڤیه پشتى 50 خۆله‌كان رووننه‌خوار،بۆ ماوه‌یه‌كێ كۆمپیوته‌رى بكارنه‌ئینن. 3_نڤستن:پتریا وه‌لاتیان رێژه‌یا پێدڤى یا خه‌وێ نینه،كو هه‌شت ده‌مژمێرن،به‌لێ رۆژانه بۆ ماوه‌یه‌كێ زۆر د جهدا دمینن و بێى كو بنڤن،ئه‌ڤێ ژى زیان بۆ بربرێن پشتێ هه‌نه.
4_ چوون،د ده‌مێ چوونێ دا پێدڤیه پێلاڤه‌كا گۆنجاى و ساخله‌م بكه‌یه پێ خوه،بتایبه‌تى ره‌گه‌زێ مێ كو پێدڤیه دووربن ژ پێكرنا پێلاڤا بلند.
5_جانته:هه‌لگرتنا جانته‌كێ كو كێشا وێ ژ سێ كیلۆگراما زێده‌تر بیت،زیانێ دگه‌هینیته بربرا پشتێ،له‌ورا باشتره زێده‌تر گرنگى ب هه‌لگرتنا جانتا پشتێ بده‌ت،ل جهێ جانتا ملى،هه‌روه‌سا كێشه‌كا كێمتر هه‌بیت.
6_شۆفێرى:لێخۆرینا ترۆمبێلێ بۆ ماوه‌یه‌كێ زۆر و روونشتنا خه‌له‌ت د ترۆمبێلێ دا،زیانا دگه‌هینیته بربرا پشتێ و ملى،له‌ورا پێدڤیه وه‌لاتى بۆ ماوه‌یه‌كێ زۆر شۆفێریێ نه‌كه‌ن،هه‌روه‌سا بره‌نگه‌كێ گونجاى د ترۆمبێلێ دا رووننه‌خوار.
ئەڤرو نیوز، بارزان مزووری:
ئه‌فسه‌ره‌كى ژ هێزێن پێشمه‌رگه‌يى بۆ ئه‌ڤرۆ نيوز ئاشكه‌را كر كو ئه‌ڤه حه‌فتيه‌كه چه‌كدارێن داعش ب ره‌نگه‌كێ به‌رده‌وام يێ هێرشێ دكه‌نه سه‌ر هێزێن پێشمه‌رگه‌يى ل ناوه‌ران و ئه‌و ده‌ڤه‌ر بۆ خوه كريه ئارمانج، به‌لێ ژ لايێ هێزێن پێشمه‌رگه‌يى و هێزێن هه‌ڤپه‌يمانان ڤه دهێنه ژ ناڤبرن.
ئه‌ڤى ئه‌فسه‌رێ ئه‌ڤرۆ نيوز پاراستن ل سه‌ر به‌لاڤكرنا ناڤێ وى كرى، زێده‌تر گۆت: “د ڤێ حه‌فتيێ دا، زێده‌ترى 20 چه‌كدارێن داعش هاتينه كوشتن و هنده‌ك جاران د شه‌ڤێ دا، دو جاران هێرشێ دكه‌نه سه‌ر هێزێن پێشمه‌رگه‌يى”.
دا زانين ژى كو پێشمه‌رگه گه‌له‌ك شاره‌زاى وان بوويه و نوكه دشيانێن وان دايه هه‌موو هێرشێن چه‌كدارێن داعش ژ ناڤ برينه.
ئه‌ڤرۆ نيوز:
ژ ئه‌گه‌رێ به‌لاڤبوونا چه‌ند وێنێن په‌رواز حسێن، سترانبێژا كچا كورد د دووماهى ئاهه‌نگ دا، ل هه‌ولێر سازكربوو، ميديايێن عه‌ره‌بى ب تايبه‌ت يێن لوبنانى، به‌حس ل وێ چه‌ندێ كر كو ناڤبرى يا دوگيانه ژ ئه‌گه‌رێ دوگيانبوونێ كێشا وێ زێده بوويه و چاڤدێريا زارۆيێ خوه يێ دويێ دكه‌ت.
د ڤێ ده‌ربارێ دا، گۆران سالح يێ سترانبێژ، هه‌ڤژين و رێڤه‌به‌رێ كاوبارێن وێ بۆ تۆڕا ميديايى يا خه‌لك گۆت: “چ تشتێ
ئه‌ڤرۆ نيوز:
ب مه‌ره‌ما زێده‌كرنا شيانێن كه‌رتێ پارزينكرنا به‌رهه‌مێن په‌ترۆلى و پڕكرنا پێدڤيێن ناڤخۆ، حوكمه‌تا هه‌رێما كوردستانێ ته‌نده‌ره‌ك بۆ دروستكرنا سێ پارزينگه‌هان راگه‌هاند.
د به‌ياننامه‌كا وه‌زاره‌تا سامانێن سرۆشتى دا كو وێنه‌ك ئه‌ڤرۆ نيوز ب ده‌ست خوه ئێخستيه دا راگه‌هانديه: مه‌ره‌ما حوكمه‌تا هه‌رێما كوردستانێ زێده‌كرنا شيانێن پارزنينێ يه د پێناڤى ب ده‌ستڤه‌هاتنا داخوازا زێده يا وه‌لاتيان بۆ به‌رهه‌مێن په‌ترۆلێ ل هه‌رێما كوردستانێ، ژ به‌ر هندێ حوكمه‌تا هه‌رێما كوردستانێ ته‌نده‌ره‌كى بۆ دروستكرنا خودانه‌تيا كارپێكرنێ د سێ پارزينگه‌هان دا رادگه‌هينيت بۆ ڤێ مه‌ره‌مێ ژى كۆمپانيا حه‌زا هه‌بيت دشێت داخوازيێن خوه پێشكێش بكه‌ت.
ئه‌ڤرۆ نيوز:
ب گۆره‌يى بازارێن پاره‌گوهۆڕان ل دهۆكێ ئه‌ڤرۆ رۆژا شه‌مبى رێكه‌فتى 19ى ئيلۆنا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
گەنجەکێ ٢٥ سالی کو پەیمانگەە بداوی ئینایە دلێ خوە بۆ ئەڤرۆ ڤەدکەت و دبێژیت: دلێ من گەلەک یێ کەفتیە کچەکێ کو دگەل من بو ل پەیمانگەھێ، لێ ئەز نەشێم بخوە بێژمێ ، ژبەرکو کچک گەلەک خوە مەزن دکەت و نەکە خوە لسەر سەرێ من ژی مەزن کەت و من رەد بکەت ئەڤجا ھیڤیا چارەیەکێ ژ وە دکەم نزا بێژمێ یان نە؟
گەنجێ ھێژا :
نە ھەر تشتەکێ مروڤ ھەست پێ بکەت واقعە و ئەڤ چەندە یا دیارە کا مروڤ حەز ژ کەسەکی بکەت یان نە، بەلێ پشتی مروڤ تێکەلیا وی کەسی دکەت ژنوی گوھورین د دیتنێت مروڤی دا چێدبن، نھا زور کارەکی نورمالە ھەکە ب ئنیەتەکا سافی تو بابەتی دگەل ڤەکەی و پەیاما خوە بگەھینیێ و نە ئارێشەیە بەرسڤ ب چو رەنگ بیت لەوما بشێوازەکێ شارستانی بابەتی دگەل ڤەکە و یێ وێرەک بە.
ئەڤرۆ نیوز، سالار دۆسکی:
بەرپرسێ پەیوەندی و راگەھاندنێ ل دەستەیا گەشت و گوزارێ ل ھەرێما کوردستانێ ئاشکراکر کو دێ ھەرێما کوردستانێ پشکداریێ فیستەڤالا فرینێ دا کەت ل وەلاتێ فەرنسا.
نادر روستی پەیڤدارێ دەستەیا گەشت و گوزارێ ل حوکمەتا ھەرێما کوردستانێ دبەیجێ خوە یێ تایبەتێ فەیسبووکی دا ئاشکراکریە کو ھەرێم دپشکداربیت دفیستەڤالا فرینێ دا ل وەلاتێ فەرنسا، چیایێ سانت ھیلاری دکەڤیتە باژێرێ گرۆنوبلی و سالانە ئەف فیستەڤالا ل ڤی چیایی دھێتەکرن و ناڤدارە ب کوبی ئیکارۆ و ئەف سالە 170 وەلات پشکدارن و کوردستان ژی ب فەرمی وەک وەلاتێن جیھانێ ھاتیە داخازکرن بۆ ڤێ فیستەڤالێ .
روستی ئاشکراکر کو 17ى ئيلۆنێ دەست ب فیستەڤالێ ھاتیەکرن و دێ ماوێ چوار رۆژان یا بەردەوام بیت و شاندێ ھەرێما کوردستانێ پێک ھاتیە ژ عەمید روکن (علمی مزووری) عەمید کوردەوان نەقشەبەندی).
نيشاندان