ئەڤرۆ نیوز، زنار:
د گەرا دویێ یا خولا ھەرێما کوردستانێ یا تەپا پێ دا بۆ یانێن نایاب ئەڤرۆ یانا دھۆکێ شیا سەرکەفتنەکا گرنگ ل ناف یاریگەھا خوە دا ل سەر یانا پێشمەرگا ھەولێر توماربکەت و نوونەرا دویێ یا پارێزگەھێ یانا گارە ژی د یاریگەھا خوە دا وەکھەڤ دەرکەفت ل گەل یانا سولاڤ یا کەرکووک ب گۆلەکێ.
د یاریا ئێکێ دا یانا دھۆک شیا ئەنجامەکی باش دەستخوە ڤە بینت و ب گۆلا پیشەکارێ خوە سالومون تاجی شیا سەرکەفتنەکا گرنگ ل سەر یانا پێشمەرگا ھەولێر تومار بکەت و سێ خالێن گرنگ دەستخوە ڤە بینت و ب ڤی ئەنجامی یانا دھۆک پێشڤە ھاتە رێزا دویێ د کوما دویێ دا ب چار خالان.
ژلایێ خوە ڤە یانا گارە نەشیا مفای ژ یاریگەھا خوە بینت دەمێ وەکھەڤ دەرکەفتی ب گۆلەکێ ل گەل یانا سولاڤ یا کەرکووکێ د ڤێ یاریێ دا گۆلا یانا گارە ل دەقیقەیا نەھێ ژ لایێ یاریکەرێ وێ رافع خەلەف ڤە ھاتە تومارکرن و گۆلا سولاڤ ژ نیڤا یاریگەھێ ژلایێ یاریکەرێ وێ متەلەب محەمەد ڤە ھاتە تومارکرن ژ ئەگەرێ خەلەتیا کوژەک یا گۆلچیێ گارە. ب ڤی ئەنجامێ خالێن گارە بونە چار خال و یێن سولاڤ بونە دو خال.
د یاریەکا دی یا ھەمان گەر دا ھەردو یانێن نەوروز و برایەتیب گۆلەکێ وەکھەڤ دەرکەفتن.

ئەڤرۆ نیوز، زنار:
ماوەکە رۆژنامەیێن ئنگلیزی ئاماژێ ب وێ چەندێ دکەن کو یاریکەرێ بەرازیلی و یانا لازیو یا ئیتالی فلیپی ئەندرسون نێزیکی ئیمزاکرنا ھەڤبەستا یانا مانچستەر یونایتد بویە ل ڤەگوھاستنێن زڤستانێ دا ئەوا بریارە سوبەھی دەسپێبکەت بۆ ماوێ پازدە رۆژان.
رۆژناما سەن یا ئنگلیزی ئاماژە ب ڤی پەیامی دایە کو یاریکەرێ بەرازیلی یێ ٢٢ سالی ھەتا رادەیەکێ مەزن بویە ئارمانجا یانا مانچستەر یونایتد و کوژمێ ٣٥ ملیۆن پاوندا بەرھەڤ کرینە بۆ ئینانا وی ژبەرکو یاریکەرەکێ خودان شیانە ل ھێلا ناڤین و شیایە ل ڤی وەرزی ھژمارەکا باش یا گۆلان بەرھەڤ بکەت بۆ تیما خوە د خولا ئیتالیا و قارەمانیا یوروپا لیگ دا.
ل وەرزێ بوری ئەندرسون د ٣٧ یاریان دا شیابوو ١١ گۆلان بۆ یانا خوە لازیو توماربکەت د خولا ئیتالیا دا.

ئەڤرۆ نیوز، زنار:
سەروکێ یانا ریال سوسیداد خواکین ئیبریبای ل دەمێ بھێن ڤەدانا نیڤا ئێکێ بەر ب ژورا دادڤان ڤە چویە و گەفێن تومارکرنا سکالایەکێ ب تاوانا دزیا ئەنجامێ یاریێ ل بنگەھێن پولیسان ل دادڤانێ یاریا یانا خوە ھەمبەر یانا ریال مەدرید کرینە ئەوا ب سەرکەفتنا یانا مەلەکیب سێ گۆلان بەرامبەر گۆلەکێ ب دووماھی ھاتی.
رۆژناما ئاس یا ئسپانی ئاشکرا کر کو سەروکێ یانا ریال سوسیداد ل دەمێ بیھنڤەدانا نیڤا ئێکێ بەر ب ژورا دادڤانان ڤە چویە و گەفێن تومارکرنا سکالایەکێ ژی داداڤانێ ڤێ یاریێ کرینە ل بنگەھێ پولیسان پشتی دادڤانێ ڤێ یاریێ دو پەنەلتیێن نە دورست بۆ یانا ریال مەدرید ھژمارتین بەرامبەر نە ھژمارتنا دو پەنەلتیێن دروست بۆ یانا ریال سوسیداد کو ئەڤ چەندە بویە ئەگەرێ تورەبونا وی،

ئەڤرۆ نیوز، زنار:
لژنا بەریکانەیان ل ئێکەتیا تەپا پێ یا عیراقێ د کومبونا خوە یا دوھی دا راگەھاندیە ئەوان داخوازەک ژ ئێکەتیا تەپا پێ کریە کو ھەڤرکیێن خولێ ل ٢٠ کانوونا دویێ یا سالا بھێت بھێنە ئەنجامدان.
زێدەتر د ڤی چارچوڤەی دا عەلی جەبار بۆ دەزگایێن راگەھاندنێ ئاشکرا کریە کو ل کومبونا خوە یا ڤێ جارێ دا لژنا وان داخوازەک پێشکێشی ئێکەتیا تەپا پێ کریە و تێدا ژڤانێ دەسپێکرنا ھەڤرکیێن خولێ بۆ ٢٠ ھەیڤا کانوونا دویێ دیارکریە بۆ ھەڤرکیێن خولا تەپا پێ یا عیراقێ و نوکە بریار ھەمبەر بەرپرسێن ئێکێ یێن ڤێ ئێکەتیێ یە پێخەمەت دیارکرنا رازەمەندیا خوە ھەمبەر ڤێ داخوازیێ سەرەرای یاریێن ھەلبژارتیێ ئولومپی کو دێ د ڤی ماوەی دا ھێنەکرن.