ئەڤرۆ نیوز، ئەیاد بەرواری:
دەستەیا گەشناسیێ ل عیراقێ راگەھاند، پێلەکا سڕێ دێ بۆ دەمێ چەند رۆژێن داھاتی دەڤەرێ ڤەگریت و پلێن گەرمێ دێ چنە دبن سفڕێ دا.
دەستەیا گەشناسیا عیراقی د بەیاننامەکێ دا گوت” پێلەکا سڕێ یا مەزن ل ڕۆژێن شەمبی و ئێکشەمبی و دو شەمبی ژ حەفتیا بھێت دێ ھەموو عیراقێ ڤەگریت”.
گوت ژی” پلێن گەرمێ دێ چنە دبن سفڕێ دا ب تایبەتی ل کوردستانێ کو پێلەکا بەفرێ چەندین دەڤەرێن وێ یا ڤەگرتی”.
ئەڤرۆ نیوز، ئەیاد بەرواری:
سەرکردەکێ میلیشیێن حەشد شەعبی یێ شیعی راگەھاند، شەڕێ ئازادکرنا مووسلێ پێدڤی ب پشکداریا ھەموویانە ژوان ژی حەشد شەعبی.
موعین کازمی بۆ (عراق نیۆز) گوت” پێدڤیە لەشکرێ عیراقێ و پۆلیسێن فیدرالی و حەشد شەعبی و پێشمەرگە و خەلکێ مووسل، پشکداریا د شەڕێ ئازادکرنا مووسلێ دا بکەت”.
موعینی گوت ژی” حەشد شەعبی دێ ڕۆلەکێ گرنگ د ئازادکرنا مووسلێ دا گێریت”.
ئەڤرۆ نیوز، ئەیاد بەرواری:
بھایێ ئێک باجان سۆرک ل رووسیا گه‌هشتە دو دۆلار و نیڤان، پشتی ھاتنا فێقی و کەسکاتیێ تورکی بۆ رۆسیا ھاتیە قەدەغەکرن، ژ ئەنجامێ ئێخستنا لەشکرێ تورکی بۆ فرۆکەکا رۆسی ل دووماھیا چریا دویێ یا بۆری.
رۆژناما (سەباح) یا تورکی بەلاڤکر کو بھایێ ئێک باجان سۆرکێ کو کێشا وێ دگەھیتە 260 گرام، یێ گەھشتیە 145 رۆبلێن رۆسی (دو دۆلار و نیڤ) و بھایێ کیلۆیەکا باجانان یێ گەھشتیە 560 رۆبلێن رۆسی (10 دۆلاران).
سەرۆکێ رۆسی (فلادیمێر بۆتن) د نامەکێ دا بۆ فرۆشیارێن کەلوپەلێن خوارنێ یێن رۆسی داخواز ژێ کربوو بھایێن کەلوپەلێن خوارنێ نەھێنە بلندکرن وەکو ئاماژەک بۆ بھایێن فێقی و کەسکاتیێ.
رۆژناما (ئەکشام) یا تورکی بەلاڤکربوو کو ژ رۆژا ئێکێ ژ سالا 2016 ێ، دێ ھەموو فێقی و کەسکاتیێ تورکی ل رۆسیا ھێتە قەدەغەکرن.
ئەڤرۆ نیوز، ئەیاد بەرواری:
بەرپرسەکێ وەزارەتا ساخلەمیێ ل دەڤەرا داغستان ل باشوورێ رۆسیا، ئەڤرۆ چار شەمبی، راگەھاند، چەکدارەکی ھێرش کرە سەر ھژمارەکا گەشتیاران ل کەلھەکا دیرۆکی ل وێ دەڤەرێ و کەسەک ھاتە کوشتن و 11 ھاتنە بریندارکرن.
ل دووڤ سایتێ (ھلڤینگتۆن پۆست)، داغستان بنگەھێ کریارێن داعشێ یە بۆ گەھاندنا کەسان بۆ ناڤ ڕێزێن خوە و ل سێ سالێن دووماھیێ، ئیسلامیێن توندڕەو ھێرشێن توند ل داغستانێ ئەنجامداینە و گەلەک ژوان دناڤ ڕێزێن ڕێکخستیا قاعیدە دابوو و پاشی یێن گەھشتێنە داعشێ.
ئه‌ڤرۆنیوز:كاروان باعه‌درى :
رۆژنامه‌ڤان خدر خه‌لات بۆ ئه‌ڤرۆنیوز دیاركر ,10 ته‌رمێن كۆچبه‌رێن ئێزدیان نها كه‌هشتنه شێخان و دێ ل شێخان ب ئاخێ سپێرن>
خدر خه‌لات زێده‌تر گۆت , ئه‌و 10 ته‌رمه یێن خه‌لكێ باشیك و به‌حزانى بوون دده‌ریا ئیجه دا داكو خۆ بگه‌هیننه سنورین یۆنانێ د ده‌ریا ئیجه دا خه‌ندقى بوون و 4 زارۆك ژی دناڤ وان دابوون.
ئه‌ڤرۆ نیوز: ڤه‌ده‌ر ره‌شاڤایی:
نۆشدارێن پسپۆرێن خه‌وێ چه‌ندین رێیان دیاردكه‌ن بۆ وێ یه‌كێ زوو خه‌وا ته بهێت و بچیه د جیهانا خه‌ونا دا، ئه‌ڤێن خارێ 7 ژ وان رێیانه كو نۆشدار شیره‌تێن بكارئینانا وان دكه‌ن:
ته‌ماشای ده‌مژمێرێ نه‌كه:
ئێكسه‌ر پشتی تو گلۆپان دڤه‌مرینی، ته‌ماشای ده‌می نه‌كه، چونكی دێ هزركه‌ی كا ته چه‌ند ده‌م مایه ژ خه‌و رابی ، خوو هه‌كه‌ر ل نیڤ شه‌ڤ ژی ژ خه‌و رابی هه‌ر ته‌ماشه نه‌كه كا ده‌مژێر چه‌نده جونكی دێ هزركه‌ی تو چه‌ند ده‌مژمێران نڤستی و چه‌ند ماینه كو دڤێت هشیاربیه‌ڤه، بڤێ یه‌كێ دێ خه‌وا ته ڤه‌ره‌ڤیت، لدووڤ گۆتنا دكتۆر نه‌ته‌نیال واتسۆن سه‌رۆكێ ئه‌كادیمیا ئه‌مریكا بۆ ده‌رمانێن خه‌وێ.
گێولێ خوه ب موزیكێ بگوهوره:
گوهداریا موزیكه‌كا نه‌رم و سڤك بۆ گوهان بكه، ڤه‌كۆلین ئاشكرا دكه‌ن موزیكا ئاوازه‌كا هێدی هه‌بیت فشارا خوینێ لده‌ڤ مرۆڤی كێم دكه‌ت و دلی ئارام دكه‌ت،
سه‌رێ خوه بشوو:
30 خۆله‌كان به‌ری بنڤی سه‌رێ خوه بشوو، هه‌كه‌ر تو حه‌ژێكه‌ری شیری بی په‌رداغه‌كێ شیری كه‌ڤچكه‌كێ بچیك یێ هنگڤینی بێ شه‌كر بكه ناڤ و ڤه‌خوو.
راهێنێن وه‌رزشی بكه:
ڤه‌كۆلین دبێژن 90 خۆله‌كان به‌ری بنڤی راهێنێن وه‌رزشی بكه یان ژی لده‌مێ تو ژ كاری دزڤری بۆ 20 خوله‌كان وه‌زرشێ بكه، دێ له‌شێ ته ئاماده كه‌ت كو زووتر پێدڤی خه‌وێ ببی و بنڤی.
په‌رتۆكه‌كێ بخوینه و گه‌له‌ك لسه‌ر جهێن خوه نه‌لڤه:
به‌ری بنڤی په‌رتۆكه‌كێ بخوینه، و گه‌له‌ك خوه نه وه‌رگێره و لڤینێن زێده نه‌كه ژبه‌ركو د ئه‌نجام دا دێ له‌شێ ته ئه‌درنه‌لاینی به‌رده‌ت و خه‌وێ بزه‌حمه‌ت ئێخیت ، لسه‌ر ره‌خێن خوه بنڤی باشتره ژ سه‌ر پشتێ و سه‌ر زكی .
هه‌ناسه‌دانا خوه بهه‌ژمێره:
بۆ ده‌مێ 3 بۆ 15 خۆله‌كان هه‌ناسه‌دانا خوه بهه‌ژمێره، دێ هزرا ته سه‌ر تشتێن خه‌وا ته ڤه‌دره‌ڤینن چیت و دێ نڤستنا ته بساناهیتر بیت.
لیسته‌كا ئه‌ركان ئاماده بكه:
هه‌كه‌ر تو نه‌شێی تشتێن وێ رۆژێ ژهزرا خو بینیه ده‌ر ، د سه‌رێ خوه دا لیسته‌كا ئه‌و كار و ئه‌ركێن پێدڤییه رۆژا پاشتر بكه‌ی دروست بكه.
ئه‌ڤرۆنیۆز، ئه‌یاد به‌رواری
ڕێكخراوا چاڤدێریا دادوه‌ری ل ئه‌مریكا گوژمێن پاره‌ی یێن سه‌رۆكێ ئه‌مریكی باراك ئۆباما ل بێهنڤه‌دانا سه‌رێ سالێ ل گزێرتێن هاوای د مه‌زێخیت ئاشكراكرن.
ڕێكخراوا ناڤبری دیاركر كو وێ ئه‌و هژماره ژ لایه‌نێن فه‌رمی وه‌رگرتینه و گه‌شتا ئۆبامای و خێزانا وی بۆ هاوای ل سالا 2013 ێ ب گوژمێ هه‌شت ملیۆن دۆلاران بوو و ئه‌ڤه ئاماژه‌كه بۆ بهایێ بێهنڤه‌دانا نوكه یا سه‌رۆكێ ئه‌مریكی ل هاوای.
ئه‌ڤ ڕێكخراوه كو كار بۆ پاراستنا مافێن باج به‌خشێن ئه‌مریكی دكه‌ت ل په‌یچێ خوه ل سه‌ر تۆرا ئه‌نترنێتێ دیاركر هه‌كه كۆژمێن گه‌شتێن ئۆبامای و خێزانا وی بۆ هاوای ل سه‌رێ سالێ یێن هه‌فت سالێن بۆری بهێنه كۆمكرن، دێ گه‌هیته 50 ملیۆن دۆلاران و پێشبینی ژی دهێته كرن ئۆباما گه‌شتا هه‌شتێ ژی ل دووماهیا سالا بهێت بكه‌ت به‌ری ده‌ستهه‌لاتێ بجه بهێلێت بۆ سه‌رۆكه‌كێ نوو.
خویاكر ژی كو وێ تومارێن وه‌زاره‌تا ئاسایشا نه‌ته‌وی یا ئه‌مریكی بده‌ستڤه‌ئیناینه و تێدا دیار دبیت كو مه‌زاختیێن ده‌زگه‌هێن ئه‌منی ل ده‌مێ بێهنڤه‌دانا ئۆبامای و خێزانا وی بۆ هاوای ل كانوونا ئێكێ 2013 ێ و كانوونا دوییێ 2014 ێ ل سه‌ر باج به‌خشێن ئه‌مریكی ب 316698 راوه‌ستیا، ئانكو هه‌موو مه‌زاختیێن گه‌شتا وی بۆ هاوای ل سه‌رێ سالێ دبنه هه‌شت ملیۆن و 98 دۆلار.
ئه‌ڤرۆ نيوز:
دۆناڵد ترامپ به‌ربژێرێ كوماريان بۆ سه‌رۆكايه‌تيا ئه‌مريكا ئاشكراكر كو ئه‌و ب ژڤانه حه‌فتيانه دو مليون دولاران بۆ هه‌لمه‌تا بانگه‌شه‌يا خوه بمه‌زێخيت.
برياره ل شوباتا 2016 هه‌لبژارتنێن سه‌ره‌كى بهێته ئه‌نجامدان و به‌ربژێرێن سه‌ره‌كى بهێنه هه‌لبژارتن و ل هه‌يڤا 11 يا هه‌مان سال، دێ هه‌لبژارتنێن سه‌رۆكايه‌تيا ئه‌مريكا هێته ئه‌نجامدان.
ئه‌ڤرۆ نیوز: ڤه‌ده‌ر ره‌شاڤایی:
ئایه‌تولله عه‌لی خامه‌نایی رێبه‌رێ بلندێ كۆمارا ئیسلامییا ئیرانێ خویاكر كو: به‌رپرسێن ئه‌مریكا داعش دروستكرییه، بمه‌ره‌ما په‌یداكرنا ناكوكییان دناڤ بوسرمانان دا.”
هه‌روه‌كی ئاژانسا فارس نیوز به‌لاڤكری خامه‌نایی دبێژیت: دوژمنان بزاڤكرییه برێیا پشته‌ڤانیكرنا گرۆپێن تیرۆری و دروستكرنا داعش رێ ل ژدایكبوونا شارستانیيا مۆدێرن یا ئیسلامى بگرن.
هه‌روه‌سا خامه‌نایی گۆتیه: بۆ ئه‌مریكا جیاوازی دناڤبه‌را شیعه و سونه‌یان دا نینه، ماده‌م لدووڤ بنه‌مایێن ئیسلامێ دچن ئه‌مریكا لدژی وانن”
نيشاندان