ئه‌ڤرۆ نيوز:
ستێرا ب ناڤوده‌نگا ئه‌مريكى سيلينا گۆمێز يا 23 سالى، بڕيار دايه بۆ ئه‌لبۆما خوه يا نوو وێنه‌كێ خوه يێ رووت وه‌كو ريكلام بۆ سيديێ نوو يێ خوه به‌لاڤ بكه‌ت كو بڕياره ل هه‌يڤا 10 يا ئه‌ڤ ساله سيديێ وێ بهێته به‌لاڤكرن.
نووترين نووچه
- پێدڤییە د پرۆسەیا سیاسی یا سووریێ دا هەلوەستێ كوردی ئێك بیت
- سەرۆكێ حوكمەتا هەرێمێ هەموو وەزارەت راسپاردن ب لەز لیستا مووچەیێ مەها ئادارێ بەرهەڤ بكەن
- هنارتنا پەترۆلێ دێ كاریگەری ل سەر داهاتێ ئیراقێ و كوردستانێ هەبیت
- حزبا كۆمۆنیستا چینی: ب گرنگیڤە دنێڕینە پەیوەندیێن خوە ل گەل پارتی دیموكراتی كوردستان
- رێككەفتنا 11 ئادارێ بەرهەمێ خەباتا پێشمەرگەی و هەموو تەخ و چینێن كوردستانێ یە
- رێككەفتنا 11 ئادارێ نموونەیا چارەسەرییەكا دادپەروەرانە بوو ل سەر بنەمایێ تێكگەهشتنێ
- سەرۆكێ هەرێما كوردستانێ: پێشوازیێ ل رێككەفتنا د ناڤبەرا سەرۆكێ سووریێ و فەرماندەیێ هەسەدێ دا دكەین
- مەسرور بارزانی: پێدڤییە كێشەیێن هەولێرێ و بەغدایێ ب شێوەیەكێ بنەڕەتی بهێنە چارەسەكرن
- رێككەفتنا 11 ئادارێ دەستكەفتا خەبات و قوربانیدانا كوردستانییان و شۆڕەشا مەزن یا ئیلۆنێ بوو
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
سهرهكى Twitter
ھەڤژینا من باوەری بمن نینە
ئه‌ڤرۆ نيوز:
زەلامەکێ ٢٨ سالی کو خودان کارە دلێ خوە بۆ ئەڤرۆ ڤەدکەت و دبێژیت: ئەز خودان ھەڤژینم و مە ٣ زارۆ ھەنە، لێ ئاریشا من ئەوە ھەڤژینا من باوەری بمن نینە و دەما کو دچمە جھەکی و دزڤرمەڤە گەلەک پسیارا ژ من دکەت و دڤێت ھەر بزانیت کا ئەز کیڤە دھێم و کیڤە دچم گەلەک ئەڤ چەندە جھێ دلنەخۆشیا منە و نزا چ بکەم و چاوا دێ شێم بۆ وێ باوەریێ چێکەم؟
ھەڤالێ ھێژا :
باوەری و ھەبونا وێ دخێزانێ دا گەلەگ یا گرنگە و یا باش ئەوە ھەموو کار بکەن ژبو پەیدا کرنا وێ چونکی لایێ باوەری ب یێ دی نەھێت گەلەک دئێشیت ژبەرکو گومان لسەر ھەموو رەفتارێن کەسێ دی ھەیە و ھندەک جارا ئەوان کەسا نەخوشی یا ھەی و پێدڤی ب چارەسەریێ ھەیە، بەلێ وەک ھاریکاری دا باوەریێ لنک پەیدا بکەی ببە کەسەکێ روون و ئاشکەرا وەسا دێ ئاستێ باوەریێ لنک زێدەتر لێ ھێت و جار جار بو بەحسێ روودانێن ژیانا خوە یا روژانە بکە ھەتا ئەو ژڤێ رەفتارێ رزگار دبیت و تو ببە چارەسەرکارەک بو وێ مادەم تە باوەری بخوە ھەیە و تو یێ راستی دگەل و ب نورمالی وان پسیارا ببەرسڤینە .
كێمترين و پترترين مووچێ خانه‌شينكريان دێ ب ڤى ره‌نگى بيت
ئه‌ڤرۆ نيوز:
پشتی ئەنجامدانا کۆمبوونا لیژنا دارایی و ئابووریا پەرلەمانێ کوردستانێ ھویردەکاریێن چاکسازیێ لدۆر مووچێ فەرمانبەر و خانەنشین و پلەیێن تایبەت ھاتنە ئاشکراکرن و ئەندامەکا لژنا دارایی و ئابووری تەکەزکر، ئەو کەسێن بێ خزمەت ھاتینە خانەنشینکرن دێ ھێنە ھەلوەشاندن و کێمترین مووچە دێ بیتە چوارسەد ھزار دینار.
دکتۆر شیرین حوسنی، ئەنداما لژنا دارایی و ئابووریا پەرلەمانێ کوردستانێ بۆ رۆژناما ئەڤرۆ گۆت” رۆژا دوشەمبی لیژنا دارایی و ئابووریا پەرلەمانێ کوردستانێ لدۆر دەستپێکرنا چاکسازیێ د مووچێ فەرمانبەر و پلەیێن تایبەتدا کۆمبوو، بەری نوکە پێنج پڕۆژە قانوون یێن ھاتینە بەرھەڤکرن ژلایێ فڕاکسیۆنێن پەرلەمانی، سێ ژوان پڕۆە قانوونا بۆ رێکخستن و پێداچوونا مووچانە و پڕۆژەیەک بۆ راستڤەکرنا مووچێ خانەنشین و پڕۆژەیەک ژی بۆ کێمکرنا موچێ پلێن تایبەتە ل ھەرێما کوردستانێ، لژنا دارایی بڕیاردا راپۆرتەک لدۆر ھەرسێ پڕۆژە قانوونێن دەربارەی مووچەی بھێتە بەرھەڤکرن، خالەکادی یا کۆمبوون ئەو بوو کو نڤیسارەک بھێتە ھنارتن بۆ نێچیرڤان بارزانی سەرۆک وەزیرێن ھەرێما کوردستانێ، ژبەرکو بەری نوکە سەرۆکێ حوکمەتێ ئیماژە بڤێ چەندێ کربوو مەلەفەکێ چاکسازیێ لبەردەستێ ویە و بھێتە ھنارتن بۆ لژنا دارایی ھەتا ئەڤا پەیوەندی ب مووچەیڤە ھەی بھێتە راستڤەکرن بۆ ناڤا پڕۆژە قانوونێ و ببیتە پشتەڤانەک بۆ پڕۆسا چاکسازیێ”.
ئەنداما لژنا دارایی دیارکر” ھندەک کەس ھەنە تنێ رۆژەکێ فەرمانبەرێن حوکمەتێ نەبووینە و ب پلا وەزیر یان رێڤەبەرێ گشتی ھاتینە خانەنشینکرن، خەلکەکێ دی ب پلێن سەربازی ھاتینە خانەنشینکرن و چو خزمەتا سەربازی و پێشمەرگایەتی نەبوویە وەکی ئەف لیستا ٤٠٤ ژنێن ئێکەتیێ ھاتینە خانەنشینکرن ب پلێن سەربازی ئەڤە ھەموو دکەڤیتە چوارچوڤێ ئەڤێ چاکسازیێ و نوکە کار یێ لسەر دھێتەکرن، ئەف کەسێن ب حەقێ خوە نەھاتینە خانەنشینکرن دێ ھێنە ھەلوەشاندن و جۆداھی دێ ھێتەکرن ناڤبەرا کەسێن بێ خزمەت خانەنشینبووی دگەل کەسێن خەبات ھەی، ھەر کەسەکێ بندیواربیت و دەوامێ نەکەت دگەل کەسێن دو مووچە ھەی ھەموو دێ ھێنە رەشکرن، ئەڤەژی ب پشتەڤانی و ھاریکاریا حوکمەتا ھەرێما کوردستانێ بتایبەت دڤێت سەرۆک وەزیران پشتەڤانبیت”.
دکتۆر شیرینێ گۆتژی” کار یێ لسەر قانوونا مووچێ ئێکگرتیێ عێراقێ دھێتەکرن و کێمترین مووچە دێ مووچێ خانەنشینیێ بیت کو دکەتە ٤٠٠ ھزار دینار، واتە پشتی چاکسازیێ نابیت چو مووچەیەک ل ٤٠٠ ھزار دیناران کێمتربیت، ددەمەکیدا نوکە فەرمانبەرێ خانەنشین ھەیە مووچێ وی بتنێ ٢٥٠ ھزار دینارن، مووچێن بلندژی دێ ھێنە کێمکرن بشێوەیەکی زۆربەیا بۆچوونان لسەرڤێ چەندێ یە بلندترین موچە ژ چوار ملیۆن دیناران دەرباز نەبیت، چونکە نوکە پەرلەمانتار و وەزیرێ خانەنشین ھەیە مووچێ وی شەش ملیۆن دینارن، پشتی پێداچوونێ بێگومان جوداھیەکا زۆر ناڤبەرا مووچەیدا نامینیت، ئەف مووچێن پلە بلند دەمێ دھێنە کێمکرن دێ زێدەبیتە سەر مووچێن کێم”.
رێڤەبەرێ ناحیا زومار ھاتە گوھۆرێن
ئەڤرۆ نيوز:
سەرۆکێ کوتلا برایەتی و پێکڤەژیانێ ل ئەنجومەنێ پارێزگەھا نەینەوا بۆ ئەڤرۆ دیار کر کو رێڤەبەرێ ناحیا زومار موزاحم سەعدون ھاتە گھۆرین و ل شوونا وی ئەحمەد جەعفەر عەبدولرەحمان وەکو رێڤەبەرێ نوو یێ ناحیا زومار ھاتە دانان و دوھی ١٥/٩/٢٠١٥ ب فەرمی رێڤەبەرێ نوو یێ ناحیا زومار دەست بکاری خوە کر.
سەیدو چەتو سەرۆکێ کوتلا برایەتی و پێکڤەژیانێ ل ئەنجومەنێ پارێزگەھا نەینەوا دیار کر کو ب ئامادەبوونا ئەندامێن ئەنجومەنێ پارێزگەھا نەینەوا و بەرپرسێ لقێ ١٧ و لقێ ٨ یێن پارتی دیمۆکراتی کوردستان و چەندین دامودەزگەھێن حکوومی و حزبی و لشکەری و ریھسپی و ماقوولێن دەڤەرا زومار رێورەسمێن دانانا رێڤەبەرێ نوو یێ ناحیا زومار ھاتنە گێران و دەست خوش ل رێڤەبەرێ بەری ھاتە کرن و ھیڤیا سەرکەفتنێ بۆ رێڤەبەرێ نوو ھاتە خواستن.
سەرۆکێ کوتلا برایەتی و پێکڤەژیانێ ل ئەنجومەنێ پارێزگەھا نەینەوا گۆت ژی “گھۆرین تشتەکێ نۆرمالە د ڤی بارودوخێ نوکە یێ مووسل تێدا و ھەر تشتەکی ئەم د بەرژوەندیا گشتی دا ببینن دێ ئەنجام دەین، ب تایبەتی گھۆرینا رێڤەبەرێن دامودەزگەھان ل پارێزگەھا نەینەوا بۆ ھندێ ب شێوەیەکێ باشتر خزمەتا خەلکێ خوە بکەین و دبیت رێڤەبەرەک ھەبیت زۆر ماندی ببیت د کارێ خوە دا و ھەکە ئێکێ نوو ل شوونێ بھێتە دانان بێگومان دێ باشتر کار کەت”.
سەیدو چەتو ئەو ژی دیار کر کو ھەتا نوکە کەیسا گھۆرینا پارێزگاری مووسل ئەسیل نوجێفی نەھاتیە ئێکلاکرن و دادگەھا ئیداری بریارا خوە ل سەر نەدایە کا بمینت د پۆستێ خوە دا یان ژی بھێتە لادان لەورا ژی ھێشتا ئەنجومەنێ پارێزگەھا نەینەوا دەرگەھێ خوە بەربژێرکرنێ ڤەنەکریە و چ کەسان ھەتا نوکە خوە کاندید نەکریە بۆ پۆستێ پارێزگاریا نەینەوا ھەتا کەیسا پارێزگاری ل دادگەھێ ئێکلا نەبیت، دەرگەھێ خوە بەربژێرکرنی ناھێتە ڤەکرن.
زڤستانا ئەڤ سالە دێ گەلەک سارتر و دژوارتر بیت ژ یێن سالێن بۆری
ئه‌ڤرۆ نيوز:
شارەزایەکێ ئاڤێ و سەقای ل زانکۆیا دھۆکێ بۆ ئەڤرۆ دیار کر کو پێشبینی دھێـتە کرن پایزا ئەڤ سالە گەلەک زووتر ژ سالێن بۆری بھێت و د ئەنجام دا ژی دێ زڤستانەکا سارتر و دژوارتر ژ سالێن بۆری ھێت، پێشبینی دھێتەکرن ھندەک جاران ژ بەر گەلەک تۆزبارینێ بارانا سۆر ب باریت.
رەمەزان حەمزە، ماموستایێ زانکۆیا دھۆکێ و شارەزا د ستراتیژیا ئاڤێ و سەقای دا دیار کر، پێشبینی دھێتەکرن ھندەک جاران تۆزبارین ھەرێما کوردستانێ ڤەگەریت و ژبەر تۆزبارینێ ھندەک جاران دێ بارانا سۆر باریت و گۆت:” زانایێن سەقای ل جیھانی ئاشکراکرینە کو ئەڤ سالە دێ گەلەک بەفر و باران و سر و سەرما ھێت ژبەر ڤێ چەندێ دێ سالەکا سار و دژوار بیت بەرامبەر سالێن بۆری”.
ناڤھاتی ئاشکرا کر، ژ بەر گھۆرینا سەقای ئەڤ سالە دێ گەلەک بایێ سار ھێت و ئەو بایێ سار و گھۆرینێن سەقای ھەموو دێ بنە ئەگەرێ بەفر و باران بارینەکا زۆر و پەیدابوونا جەمدێ، چونکی ھەر نوکە ئاراستێ قوتبی یێ ھاتیە گھۆرین و گۆت: ئەڤ گھۆرینە دێ رتوبە و بایێ سار و جەمدێ ئینت و ئەڤ چەندە ژی نیشانێن ھاتنا زڤستانەکا گەلەک سار و دژوارن”.
کۆنفڕانسێ ئێکێ بۆ دەرخستنا قانوونا ھاتنوچوونێ ھاتە گێڕان
ئه‌ڤرۆ نيوز:
کۆنفڕانسێ ئێکێ بۆ راستڤەکرنا قانوونا ھاتنوچوونێ ل ھەرێما کوردستانێ ھاتە گێڕان و شارەزایەکێ بیاڤێ ھاتنوچوونێ ژی دبێژیت: ئەگەر قانوونەکا باش ل ھەرێما کوردستانێ نەھێتە دەرکرن دێ رێژا قوربانیێن ھاتنوچوونێ دو جار ھندی نوکە زێدە بن.
دوھی ١٥/٩/٢٠١٥ ل دیوانا وەزارەتا ناڤخوە یا حوکمەتا ھەرێما کوردستانێ ل ھەولێرێ، کۆنفڕانسێ ئێکێ بۆ راستڤەکرنا قانوونا ھژمار ٨٦ یا سالا ٢٠١١ێ یا تایبەت ب کەرتێ ھاتنوچوونێ ڤە کو رێڤەبەرێن ھاتنوچوونا پارێزگەھێن ھەرێما کوردستانێ و ھژمارەکا پەرلەمانتار و کەسێن شارەزا تێدا پشکداربوون ھاتە گێڕان و ب ھویری بەحسێ راستڤەکرنا قانوونا ھژمار ٨٦ ھاتە کرن.
یوسف بازیانی، سەرۆکێ رێکخراوا سلامەتی و ھشیاریا ھاتنوچوونێ ل ھەرێمێ کو ئێک ژ پشکداران بوو، بۆ رۆژناما ئەڤرۆ ئاشکرا کر، د کۆنفڕانسی دا بەرھەڤبوویان بۆچوونێن خوە دیارکرن و د دەمێ راستڤەکرنا قانوونا ھاتنوچوونێ یا ھژمار ٨٦ دا دێ ئەو بۆچوونە بەرچاڤ ھێنە وەرگرتن و گۆت: “بڕیارە ل حەفتیا بھێت کۆمبوونەکا دی یا گرنگ ل دۆر کەرتێ ھاتنوچوونێ بۆ ھەمان مەرەم بھێتە کرن، ھەروەسا ئەڤ قانوونا نوکە ل بەغدا دەرکەفتیە و رەنگە د گەلەک بیاڤان دا ئاماژە ب ھندەک ئاریشێن ھاتنوچوونێ تێدا نەھاتبیتە دان و ئەم دێ بۆ زێدەکەین”.
بازیانی دیار کر، ھەرێما کوردستانێ ب رێیا پەرلەمانی دەستھەلات ھەنە ئەڤێ قانوونێ راستڤەکەت و ھندەک خالان گوھۆڕین دێ تێدا ھێتەکرن، وەکو: دانانا کامیرێن ھاتنوچوونێ، چونکو ل وی دەمێ قانوون ھاتیە پەسەندکرن کامیرە نەبوون، ھەروەسا ھێمایێن ھاتنوچوونێ و زۆر خالێن دی و گۆت: “ب دیتنا من ئەگەر قانوونەکا باش بۆ ھاتنوچوونێ نەھێتە دەرکرن، ل ھەرێما کوردستانێ رێژا قوربانیێن ھاتنوچوونێ بۆ چەند سالێن دی دو بەرامبەر دێ زێدە بن”.
ژ بەر خرابیا رەوشا حەجیێن ھەرێمێ، پەرلەمان دێ ئەڤرۆ لێپرسینێ ل گەل وەزیرێ ئەوقافێ کەت
ئەڤرۆ نیوز:
ئەندامەکێ لیژنا ئەوقافێ ل پەرلەمانێ کوردستانێ ئاشکرا کر ئەڤرۆ چارشەمبی ١٦/٩/٢٠١٥ لیژنا وان ل دۆر رەوشا خرابا حەجیێن کوردستانێ دێ لێپرسینێ ل گەل وەزیرێ ئەوقانێ کەت، چونکی ل گۆر وان بێزانینێن گەھشتینە وان کو بەلگەژی ل بەردەست ھەنە رەوشا حەجیێن کوردستانێ ل عەرەبستانا سعودیێ ژ ئالیێ خزمەتگوزاریان ڤە زۆرا خرابە.
ئەنەس محەمەد شەریف ئەندامێ لیژنا ئەوقافێ ل پەرلەمانێ کوردستانێ بۆ رۆژناما ئەڤرۆ دیار کر کو ل گۆر وان پێزانینان جھێ بۆ ئاکنجیا حەجیێن ھەرێما کوردستانێ ھاتیە کرێکرن وانەیێ گونجایە، ب ئاوایەکی ٢٤ ھزار حەجیێن ھەرێمێ د ئێک ئاڤاھی ڤە ھاتینە ئاکنجیکرن و ھەمی ب رێکا چەند مەسعەدان ھاتنوچوونێ دکەن، ھەتا کو حەجی ب سەعەتا ل ھیڤیا مەسعەدان دمینن و حەجی ١٠ قاتان سەر دکەڤن ژ نوو ب مەسعەدان دچنە جھێن خوە و گۆت “ئاڤاھی ھێشتا ژ دروستکرنێ ب دووماھی نەھاتیە و نھا ژی کار ل سەر دھێتەکرن، ھەتا وەختێ باران ژی ھاتیە ئاڤ چوویە د ژوورێن وان ڤە”.
ئەنەس محەمەد شەریف خویا ژی کر ئەڤ ئاڤاھیە ژ ئالیێ وەزارەتا ئەوقافێ ڤە ھاتیە کرێکرن، ل دەمەکی وەزیرێ ئەوقافێ دگۆت “ئەم یێن ھاتین کو گەندەلیێ نەھێلین ھەتا کو ملیۆنەک و ٧٠٠ ھزار دۆلار ژ خانیێن بۆ حەجیان دھاتنە کرێکرن مە یێن زڤراندینە خزینا حوکمەتێ” ب وێ ھێجەتێ کو ئەڤ سالە ئەرزانتر جھێ ڤەحەویانا حەجیان کرێ کریە، لێ ھەتا نھا ئەو پارە ژی نەیێ دیارە و گۆت “ئەڤجا ژ بەر گازندێن حەجیان و وی پارێ نەدیار ئەڤرۆ وەزیرێ ئەوقافێ دێ ھێتە گازیکرن بۆ لیژنا ئەوقافێ یا پەرلەمانێ کوردستانێ، داکو ل دۆر ڤی بابەتی لێپرسین ل گەل بھێتەکرن”.
ئەندامێ لیژنا ئەوقافێ ل پەرلەمانێ کوردستانێ ئاشکرا ژی کر کو نیاز ئەو بوو چار پەرلەمانتار بچنە حەجێ، لێ مخابن ھندەک ئالیان چوونا وان کرە جھێ مزایداتێن سیاسی، ھەرچەندە ب نڤیسار وەزیرێ ئەوقافێ رازی بوو، لێ ل نڤیسارا خوە پەشیمان بوو و گۆت “١٨٨ کەس ئەڤ سالە وەکو ئیفاد یێن چووینە حەجێ سەر ب وەزارەتێن ئەوقاف و ساخلەمیی و راگەھاندن و ژ ئەنجومەنێ وەزیرانن”.
رێڤەبەرێ ھەوالگیریا کەرکووکێ ھاتەلادان
ئه‌ڤرۆ نيوز:
ئەندامەکێ کورد ل جڤاتا پارێزگەھا کەرکووکێ راگەھاند، چو راستی بۆ دەستەسەرکرنا رێڤەبەرێ پۆلیسێن پارێزگەھا کەرکووکێ نینە و تنێ بەرپرسێ ھەوالگیریا کەرکووکێ ھاتیە لادان ژکارێ وی و دیارکر، ئەڤ گوندێن نوکە دھێنە ئازادکرن ھندەک خەلکێ وانا دگەل داعشێ دانە و ڕەڤینە.
ئەحمەد عەسکەری، ئەندامێ جڤاتا پارێزگەھا کەرکووکێ بۆ رۆژناما ئەڤرۆ گوت” ئەو پێزانینێن ل دەزگەھێن راگەھاندنێ ل دۆر دەستەسەرکرنا رێڤەبەرێ گشتیێ پۆلیسێن پارێزگەھا کەرکووکێ ھاتینە بەلاڤکرن دوورن ژ راستیێ، ئاریشە ل گەل بەرپرسێ دەزگەھێ ھەوالگیریا کەرکووکێ ھەبوویە ل گەل جڤاتا پارێزگەھێ، بەرپرسێ ھەوالگیریا پارێزگەھا کەرکووکێ کەسەکێ تورکومانێ شیعە بوو، وەک پێدڤی ب کارێ خوە نەرابوویە و چەندین کەس یێن ھاتینە کوشتن و ڤەکۆلین نەھاتبووکرن ژلایێ سازیا ھەوالگیری و بناڤێ دەزگەھێن ئەمنی زۆری ل خەلکی دھاتەکرن، لەوما لیژنا ئەمنی و جڤاتا پارێزگەھێ ب ڤێ چەندێ زانی و ژێ نەھاتە قەبوولکرن و پشتی ڤەکۆلین ل گەل ھاتیەکرن ئەڤ بەرپرسە ھاتە لادان و ب چو شێوەیەکی رازینابین قانوون نەھێتە بجھئینان و بەرپرسێن پارێزگەھێ چاڤێن خوە ل ھەمبەر ھندەک پرسێن گرنگ و روودانێن ئەمنی بگرن، لەوما جڤاتا پارێزگەھێ یا رژدبوو پشتی ڤەکۆلینێ بھێتە لادان، گەلەک بادەکێن ئەمنی ھەبوون کار ل سەر نەھاتبوونە کرن، بەلێ ھەموو ل راگەھاندنێ ناھێنە بەلاڤکرن”.
ل دۆر دەڤەرێن دھێنە رزگارن و ھاتنا ئاواران، عەسکەری دیارکر” بەری نوکە و پشتی ھاتنا گروپا تیرۆرستێن داعش، ھژمارەکا مەزن یا وەلاتیێن پارێزگەھێن دی ئاوارەبووینە باژێڕێ کەرکووکێ، نوکە ژی دەمێ ھێزێن پێشمەرگەی ئۆپەڕاسیۆنان ئەنجامدەن، خەلکێ عەرەب ل ڤان گوندان مایە و ئاوارە دبن، ئەڤ ١٢ گوندێن ل ڕۆژێن بۆری ژلایێ ھێزێن پێشمەرگەی ڤە ھاتینە ئازادکرن، ھژمارەکا ئاکنجیان تێدا مابوون، ئەوێن نێزیکی داعشێ و باوەری ب بەرنامێ داعشێ ھەی، ل گەل چەکدارێن داعشێ چووینە و ڕەڤینە، بەلێ خەلکەک یێ مای و دبێژن ئەم ل گەل داعشێ نینین، لەوما ئەڤ خەلکە دکەڤیتە سنورێ پێشمەرگەی و ڤەکۆلین دگەلدا دھێتەکرن، ھەتا ژلایێ ئەمنی ڤە لێ پشتڕاستبن دگەل داعشێ دا نینە و نەشێن چو بزاڤێن خراپکاریێ ل دەڤەرێن کەرکووکێ بکەن”.
ئامينا زكرى: دو ئیدارەیی دپرەنسیپێن سیاسەتا پارتی دا نینە
ئەڤرۆ نيوز:
جێگرا فراکسیۆنا پارتی دیموکراتی کوردستان ل پەرلەمانێ کوردستانێ بو ئەڤرۆ دیارکر، ھەر ل شورشا ئەیلولێ ھەتا نھا کار بۆ سەربەخوەیا کوردستانێ ھاتیە کرن تایبەتی دەمێ سەرۆک بارزانی سەفەرا ئەمریکا کری و پشتی ڤەگەریای، داخواز ژ ھەموو لایەنێن سیاسی کر بۆ دەمەکێ کێم ژۆرا عەمەلیاتان پێک بینن دا کاری بۆ سەربەخوەیا کوردستانێ بکەن.
ئامینا زکری جێگرا فراکسیۆنا پارتی دیموکراتی کوردستان ل پەرلەمانێ کوردستانێ، ل دۆر پرسا دو ئیدارەیێ کو نھا ھندەک لایەنێن سیاسی بەحس ژێ دکەن، گۆت:دو ئیدارەیی دێ د بەرژەوەندیا دوژمن و پلانگیرێن کوردستانێ دا و وان لایەنان دا بیت کو ھەر ژکەڤندا بووینە سەدەما وێ یەکێ پەیمانا (سایکس – بیکو) جێبەجێ بووی و بەردەوامی دانە ب وێ سیاسەتێ و دێ بەرژەوەندیا وان دەولەت و ھەرێمێن کو سیاسەتا پارچە پارچەکرنا کوردستانێ پێخوەش بیتن .
سەبارەت پرسا سەرۆکاتیا ھەرێمێ و کارتێکرنا وێ ل سەر دوئیدارەیێ، گۆت: ئومێدەوارم پرسا سەرۆکاتیێ کارتێکرن ل سەر دو ئیدارەیێ نەبیت، چونکی ھەموو بزاڤ دھێنەکرن کو سازان دروست ببیت.
ئامینایی ھەروەسا گۆت: ئەم وەک پارتی دژی دو ئیدارەیێ نە و دێ ھەموو بزاڤێن خوە کەین بگەھینە سازانێ , رێرەوێ گفتوگوکرنێ یێن کۆمبوونێن پێنج قۆلی کو ئەو دەست پێشخەریێن پارتی وئەو رێ چارەیێن پارتی ددانیت ئاماژێ ددەتە وێ چەندێ کو حەزناکەتن پرسا دوئیدارەیێ بھێتەکرن و تەنھا پارتی یە کو رێیێن چارەیێ دگریتە بەر، لێ لایەنێن دی پرۆژێ خوە یێ ٢٤ێ خزیرانێ یێ دانای و ھەتا نوکە ئێک پێشھات بۆ پرۆسا سازانێ نەبوویە”.
ئامینا زکری ئاماژە وێ چەندێ دا،کو سەرۆکێ ھەرێمێ داخازکریە کو ژۆرا عەمەلیاتا بھێتە پێکئینان کو ئەڤ ژۆرە دا ھاریکاریا لژنا دستووری کەتن ودا لوبیەکا ب ھێز بۆ دروستکرنا رایا گشتی بۆ سەربەخوەیێ ئامادەکەت و چێکرنا لوبی بۆ جیھانا دەرڤە بۆ ھندێ کو خواست و ویستێن سەربەخوەیێ بگەھینین ھەم ژی بەرھەڤیێن دارایی بۆ پروسا سەربەخوەیێ وئەو شایستەیێن دارایی یێن کو ژیانا خەلکێ کوردستانێ خوەش دکەن دا ل سەر کار کەن و دا ھاریکاریا کۆمسیۆنا سەربەخوەیا ھەلبژارتنان و پەرلەمانێ کوردستانێ کەتن بۆ پرسا ریفراندومێ، ئەڤە کارێن سەرەکیێن ژۆرا عەمەلیاتان بوون کو مخابن ئەو کۆمبوونا ھندەک لایەنێن سیاسی ل ٢٣ یێ خزیرانێ ئەنجام دای بۆ ئەگەر ئەو ژۆر نەھێتە پێکئینان و دێ ل بەردەم دیرۆکێ و خەلکێ کوردستانێ بەرپرسیاربن، چونکی کوردستان نێزیکی دەولەتبوونێ ببوو و بەرھەڤی بۆ دھاتەکرن و جیھانێ بەرھەڤی ھەبوو ھاریکاریا کوردستانێ بکەت بۆ دەولەتبوونێ.
گوت ژی”سیاسەتا مە پێتڤی ب دو ئیدارەیێ نینە ودڤێت خەلکێ کوردستانێ ڤێ چەندێ قەبوول نەکەت، ئەم وەک پارتی دێ بزاڤێ کەین سازان بھێتە کرن و دو ئیدارەیی دپرەنسیپێن سیاسەتا پارتی دا نینە و ھەر لایەنەکێ بەحسێ دو ئیدارەیێ بکەت ئەڤە کێماسیە، یا ب ساناھی نینە ئەم دەستا ژوان شورەش و بەرخودانێن مە بۆ مللەتێ کوردسانێ کری بەردەین و کوردستان بەر ب کنارێ نەئارامیێ بچیت.
وه‌زیرێ بازرگانییێ ئیراقێ لسه‌ر ئاهێن خارنێ به‌یاننامه‌كێ به‌لاڤ دكه‌ت
ئه‌ڤرۆ نیوز: ڤه‌ده‌ر ره‌شاڤایی:
محه‌مه‌د عه‌بدولكه‌ریم وه‌زیرێ بازرگانیێ ئیراقێ پرۆپاگندێن راگرتنا ئاهێن خارنێ ژ پارێزگه‌هێن هه‌رێما كوردستانێ كو مه‌هانه دهێـه به‌لاڤكرن ره‌ت كرن.
د به‌یاننامه‌كێ دا ناڤهاتی خویا كرییه ژبه‌ر ئاریشێن دارایی و ئابۆری ل ئیراقێ ئاهێن خارنێ مه‌هانه ب تمامی ناهێنه دابه‌شكرن لێ ب چ ره‌نگه‌كی ژ هه‌رێما كوردستانێ ناهێته برین و لسه‌ر هه‌می ناوچێن ئیراقێ ل دووڤ یاسایا بۆدجێ ئیراقێ دهێته به‌لاڤكرن، بۆ ڤێ یه‌كێ وان هه‌ماهه‌نگی لكه‌ل هه‌رێمێ هه‌یه، ئه‌ڤ پرۆپاگنده یێن به‌حسێ راگرتنێ دكه‌ن بتنێ بۆ ئالۆزكرنا په‌یوه‌دنیێن هه‌ولێر و به‌غدا نه.
نيشاندان
WP Facebook Auto Publish Powered By : XYZScripts.com