ئه‌ڤرۆ نيوز:
ئێكه‌تيا ماموستاييێن كوردستانێ راگه‌هاند كو ئه‌و دێ درێژيێ ب خواندنێ ده‌م و ده‌وامێ راناگرن كو مووچه گيروبوويه و داخوازێ ژ حكومه‌تێ دكه‌ت كو زوو موچێ هه‌يڤا 9 ديار بكه‌ن.
سكرتێرێ ئێكه‌تيا ماموستايێن كوردستانێ عه‌بدولواحد محه‌مه‌د ل دۆر گيروبوونا موچێ ماموستايان گۆت: وه‌كو سالێن 2014 و 2015 سه‌ره‌راى هه‌بوونا قه‌يرانان مه هه‌ر به‌رده‌وامى دايه پرۆوسا خواندنێ، له‌وما ئه‌ڤ ساله ژى دێ به‌رده‌واميێ ده‌ينه پروسا خواندنێ و ده‌وامێ تێكناده‌ين.
ئەڤرۆ نیوز:
ھژمارەکا یاریکەران ل ڤێ دووماھیێ ل دیڤ بریاریێن ھەڤژیێن خوە دچن ژ یانەکێ بۆ یانەکا دی ژ ئەوانا ل ڤێ دووماھیێ کو فاڤریگاس یانا چێلسی ھەلبژارت ل سەر داخوازیا ھەڤژینا خوە و راھێنەرێ یانا بایرن موینخ گواردیولا میونیخ ب جھـ ھێلا ھەر ژ بەر ھەمان ئەگەر.
ئەڤێن خوارێ ژی وێنەیێن دەھـ یاریکەرێن جیھانێ نە ل گەل ھەڤژینێن وان و ب دیتنا تە کیژ ھەمیا جوانترە .
لیونێل مێسی ل گەل ھەڤژینا خوە ئەنتونیلا رۆکوزو
ماریو گونزە ل گەل ماترین برومل
جیراد پیکیە ل گەل ھەڤژینا خوە و ستێرا کولومپی یا ھونەرمەند شاکیرا
ڤابریگاس و ھەڤژینا خوە دانییلا سمعان ئەوا بووی یە ئەگەرێ ڤەگوھاستنا ڤابریگاسی بۆ یانا چێلسی یا لەندەنی
راموس گەل بیلار رۆبیو
واین رۆنی ل گەل کولین رونی
دافید دی خیا ل گەل ھەڤژینا خوە ئیتورنی
ئەندریس ئێنیستا ل گەل ئانا ئورتیز
لویس سوارێز ل گەل ھەڤژینا خوە سوفیا 
جیراد ل گەل ھەڤژینا خوە ئەلیکس
ئیبراھیموڤیچ ل گەل ھەڤژینا خوە
دی ماریا ل گەل ھەڤژینا خوە
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 30ى كانوونا ئێكێ يا سالا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1233 |
| 1 يۆرۆيێ ئه‌ورۆپى | 1330 |
| 1 ليرێ توركى | 420 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز، نيوار محه‌مه‌د سه‌ليم:
د پرێسكۆنفرانسه‌كى دا ئه‌ڤرۆ ل باره‌گايێ پشكا ناڤ باژێرى يا رێڤه‌به‌را هاتنوچوونا پارێزگه‌ها دهۆكێ ئامارا سالا 2015ێ هاته راگه‌هاندن.
رائيدێ مافپه‌روه‌ر ئازاد تاها د پرێسكۆنفرانسه‌كى دا گۆت: “ل پارێزگه‌ها دهۆكێ و ده‌وروبه‌رێن وێ هزار و 223 روودانێن جواروجور په‌يدابووينه و ژ وان ژى 966 لێكدان و 170 وه‌رگه‌ريان و87 لێدان بوون”.
زێده‌تر گۆت: “د ڤان روودانان دا، 181 كه‌سان گيانێ خوه ژ ده‌ست دايه و ژ وان ژى 140 ژ ره‌گه‌زێ زێر و 41 ژ ره‌گه‌زێ مێ بوون، سێ هزار و 825 كه‌س ژى بريندار بووينه”.
رائيدێ مافپه‌روه‌ر داخواز ژى ژ ته‌ڤايا شوفێران كر كو پێگريێ ب قانوون و رێنمايێن هاتنوچوونێ بكه‌ن دا كو گيان و سامانێ وان يێ پاراستى بيت ژ هه‌موو مه‌ترسيێن هاتنوچوونێ.
ئه‌ڤرۆ نيوز، نيوار محه‌مه‌د سه‌ليم:
چه‌كدارێن داعش كه‌سه‌كێ به‌رچاڤێ عه‌شيره‌تا جبۆرى سه‌رژێكر پشتى كو زانى ئه‌و يێ رابوويى ب ره‌ڤاندن و ده‌ربازكرنا چه‌ند كچێن ئێزدى.
ب گۆره‌ى ژێده‌رێن ده‌نگوباسان، چه‌كدارێن تيرۆرستێن داعش، كه‌ساتيێ به‌رنياسێ عه‌شيره‌تا جبۆرى “محه‌مه‌د عه‌بدولا جبۆرى” موختارێ گوندێ ئه‌بۆ كدور ل ناحيا حه‌ميدات رۆژئاڤايێ مووسل سه‌رژێكر، ده‌ما كو بزاڤا ره‌ڤاندن و ئازادكرنا كچێن ئێزدى دكر، كه‌فتيه ده‌ستێن وان.
ئه‌ڤرۆ نيوز، بێوار حسێن زێبارى:
رێڤه‌به‌ريا به‌ره‌ڤانيا باژێرى ل قه‌زا ئاكرێ راگه‌هاند كو د ئه‌ڤ ساله دا، ژ ئه‌نجامێ روودانێن ل وێ قه‌زايێ رووداين، هه‌شت كه‌سان گيانێ خوه ژ ده‌ست دايه و 12 بريندار بووينه و ب مليار و نيڤان ژى زيان هه‌بووينه.
فيراس ياسين به‌رپرسێ به‌ره‌ڤانيا باژێرى ل ئاكرێ بۆ ئه‌ڤرۆ نيوز گۆت: “10 روودان ژى ژ ئه‌نجامێ له‌هيان دروست بووينه”.
ئەڤرۆ نیوز:
راھێنەرێ یانا ئەرسینال یا ئینلگیزی ئەرسن فینگەر دیارکر تیما ئەوان بۆ ڤەگوھاستنێن زفستانی دێ ھەڤبەستێ ل گەل چەند یاریکەرێن نووی ئیمزاکەن ژ بوو ب ھێز ئێخستنا پێکھاتیێ تیمێ بۆ ھەڤرکی ل سەر ناسناڤێ خولێ .
زێدەتر فینگەر بۆ دەزگەھێن راگەھاندنێ دیارکری یە ئەو دخوازن بۆ یاریێن قوناغا دوێ پێکھاتیەکێ ب ھێزتر دروست بکەن و چەند یاریکەرێن نووی ل تیمێ زێدەبکەن و بۆ برنا ناسناڤێ خولێ کو ژ سالا ٢٠٠٤ وەرە ئەو نەشیانە ناسناڤێ خولێ ب دەستخوڤە بین.
ناڤبری نەڤیا ناڤێ ئەوان یاریکەران ژی ئەوێن نووی دیاربکەن بۆ رۆژنامەیێن برێتانی دیارکری یە ل نێزیک دێ ئەو یاریکەر ھێنە راگەھاندن.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا باجا كۆمپانيان ل دهۆكێ راگه‌هاند كو ب گۆره‌يى نڤيساره‌كێ كو ژ وه‌زاره‌تا دارايى و ئابوورى يا حوكمه‌تا هه‌رێما كوردستانێ بۆ وان هاتيه ره‌وانه‌كرن ئه‌و مامه‌لێن وه‌لاتيان ب رێڤه نابه‌ن.
جه‌لال كه‌مال، رێڤه‌به‌رێ باجا كۆمپانيان ل دهۆكێ بۆ ئه‌ڤرۆ نيوز گۆت: “ل دووڤ گه‌شتاندنا وه‌زاره‌تا دارايى و ئابوورى، رێڤه‌به‌ريا گشتى يا باجێ، رێڤه‌به‌ريا كارگێرى و خۆيه‌تى يا هژماره 4768 ل 29\12\2015 دێ ده‌واما مه هێته راگرتن”.
زێده‌تر گۆت: “ئه‌ڤ راگرتنه دێ ژ 3\1\2015 هه‌تا 5\1\2015 بيت و ب مه‌ره‌ما جه‌ردكرن و رێكخستنا كارى بۆ سالا نوو 2015 بيت”.
جه‌لال كه‌مال داخواز ژ خودانێن كۆمپانيان ژى دكه‌ت ل ده‌مێ سه‌ره‌دانا وان بۆ ئه‌داكرنا باجا خوه گه‌رده‌ن ئازاكرنێ ژ لايێ رێڤه‌به‌ريا باجا ده‌رامه‌تى ڤه بۆ رێڤه‌به‌رێ كۆمپانيێ و پارێزه‌رێ كۆمپانيێ و گۆت: ” بودجا خوه يا بۆ سالا 2016ێ ئاماده بكه‌ن”.
زێده‌تر گۆت: “هيڤيه سه‌ره‌دان بۆ رێڤه‌به‌ريێ ژى دێ ب تنێ ژ لايێ رێڤه‌به‌رێ كۆمپانيێ يان پارێزه‌رێ كۆمپانيێ يان ژى ئه‌و كه‌سێ هاتيه ته‌خويلكرن بيت”.
ل دووماهيێ ژى دا زانين كو ل ده‌مێ پێشكێشكرنا هه‌ر داخوازيه‌كێ بۆ رێڤه‌به‌ريا باجا كۆمپانيان و داخوازا ڤه‌ديتنێ بۆ كۆمپانيێ دڤێت نڤيسار ب كه‌ليشا كۆمپانيێ بيت و ئيمزا رێڤه‌به‌رێ كۆمپانيێ ل سه‌ر بيت.
ئەڤرۆ نیوز ، نەوزاد زادە ھلۆری:
قوتابیێن ھەرێمێ ئەوێن کو ناڤێن وان ل زانکویێن پارێزگەھێن دن یێن عیراقێ ھاتین دکارن ل زانکویێن سەر ب پارێزگەھا کەرکوکێ بخوونن.
ئەمیرا کەریم زەنگەکە ئەنداما پەرلەمانێ عیراقێ لسەر تۆرا کومەلایەتیان فەیس بووکێ گوتیە: ( ب ھەول و بزاڤەکا زۆر ب ھەڤکاریا پەرلەمانتار ” شێرکو ” ئەم شیاین رەزامەندیا ” حسێن شەھرستانی ” وەزیرێ خوێندنا بلندا یا عیراقێ وەربگرین کو ئەو قوتابێن ناڤێت وان ل زانکویێن باژێر و پارێزگەھێن دن یێن عیراقێ ھاتین وەکو زانکۆیا ” تکریت ” بکارن ل زانکویێن پارێزگەھا کەرکوکێ بخوونن و بەردەوام بن لسەر خوێندنێ )
گوت ژی : (ئەم دێ لسەر ھەول و بزاڤێن خوە بەردەوام بین و ئومێدەوارین کو قوتابی سەرکەفتی بن د ھەموو قوناغێت خواندنێ دا ژبۆ خزمەتا کورد و کوردستانێ )
پێشتر کومەکا قوتابێن ھەرێما کوردستانێ ب تایبەتی قوتابێن سنوورێ پارێزگەھا کەرکوکێ ب رێیا ئەندامێن پەرلەمانێ عیراقێ دخواست کو وەزارەتا خوێندنا بلندا یا عیراقێ رازی بیت ژبەر ئەگەرا شەر و ئالوزیێن ھندەک دەڤەرێن عیراقێ ب تایبەتی تکریتێ ل زانکویێن ھەرێمێ بخوونن.
نيشاندان
