ئەڤرۆ نیوز، ھەژار مەعروف:
بریارە سوباھی یاریێن گەرا دوێ ژ خۆلا فاستیلنک یا کوردستانێ ب ھێـنەکرن کو ھەردو ھەر سێ نوونەرێن پارێزگەھا دھۆکێ دێ یاریێن خوە یێن ڤێ حەفتیێ ل یاریگەھێن خوە کەن.
د گوپیتکا یاریێن ڤێ حەفتیێ دا تیما دھۆک دێ ل یاریگەھا خوە مێڤانداریا یانا پێشمەرگا ھەولێرێ کەت ل یاریگەھا سێ تیما دھۆک ئەوا نوکە خالەک ھەی دێ دڤێ یاریێ ھەمی بزاڤا کەت بۆ سێ خالێن یاریێ تایبەت پشتی ھژمارەکا یاریکەرێن تیما خۆلا عیراقێ ل تیما خوە زێدەکرین ژ ئەوانا پیشەکارێ غانی سالومون تاکی، بەرامبەر تیما پێشمەرگە ئەوا ل وەرزێ ئەڤ سالە کوما یاریکەرێن خودان ل خوە کومکرین دێ بزاڤێ کەت سەرکەفتنا دوێ ل وەرزێ ئەڤ سالە ب دەستخوڤە بینت پشتی د یاریا ئێکێ دا شیای سەرکەفتنێ ل سەر نەوروز توماربکەت .
ژلایەکێ دیڤە تیما گارە ئەوا د یاریا ئێکێ دا شیای سەرکەفتنەکا مەزن ژ دەرڤەی یاریگەھا خوە توماربکەت دێ ئەڤ جارە ل یاریگەھا خوە مێڤانداریا یانا سولاڤ کەت ئەوا ژلایێ خوڤە وەکھەڤ بووی د یاریا ئێکێ دا ل گەل یانا دھۆک کو ھەردو تیمێن سولاڤ و گارە ل وەرزێ ئەڤ سالە ژ خۆلا پلا ئێک بۆ پلا نایاب سەرکەفتی نە.
بۆ ڤێ یاریێ تیما گارە د بەرھەڤیەکا باش دایە و چاڤ ل سەرکەفتنا دوێ یە و رێیا خوە خوشتر لێ بکەت بۆ ھەڤرکیێ ل سەر ئێک ژ پلێتێن دەربازبوونێ بۆ قوناغا چارگوشا زێرینا،  ژلایەکی دیڤە بریارە رۆژا ھەینا بھێت ھەلگرا ھەر سێ ناسناڤێن وەرزێ بوری تیما زێرەڤانی مێڤانداریا شێروانە بکەت ل یاریگەھا خوە و زاخۆ دێ ڤێ حەفتیێ یا چاڤەرێکری بیت.

ئەڤرۆ نیوز:
پێکھاتیێ چاڤەرێ کری یێ یاریا ئەڤە شەڤە ناڤبەرا یانا بەرشەلونە و ریال بتیس ژ گەرا ١٧ یا خولا ئسپانی ل دەمژمێر ١٠:٣٠ شەڤ بھێتە کرن دێ ب ڤی شێوەی بیت.

بەرشلونە: براڤۆ، ئەلڤێس، پیکێ، ماسکێرانۆ، ئەلبا، بۆسکێتس، ئینێستا، ڕاکیتیچ، نێیمار، مێسی، سوارێز.

ریال بیتیس: ئادان، مۆلینێرۆ، برۆنۆ، وێستەرمان، ڤارگاس، پیترۆس، کیبایۆس، ندیای، سیخۆدۆ، خواکین، کاسترۆ.

ئەڤرۆ نیوز، زنار:
بریارە ئەڤرو یاریێن گەرا ١٧ ژ خولا پلە ئێکا ئسپانیا بھێنە کرن و ل یاریگەھا خوە یانا ریال مەدرید دێ مێڤانداریا یانا ریال سوسیداد کەت ل دەمژمێر شەش مەغرەب ل دووڤ دەمێ کوردستانێ.
بۆی یاریا ئەڤرۆ ھەردو یاریکەران کارڤاخال و سێرجیو راموس د ئامادە نابن پشکداریێ بکەن ژ ئەگەرێ ھنگافتنێ و پێکھاتیێ یاریا ئەڤرۆ یێ چاڤەرێ کری دێ ب ڤی شێوەی بیت.

ریال مەدرید: ناڤاس، دانێلۆ، ڤاران، پیپی، مارسێلۆ، کرۆس، لوکا مۆدرێچ، جەیمس رودریگس، گاریس بەیل، کرستیانو ڕۆناڵدۆ، کەریم بنزیما.

سۆسیداد: ڕولی، ئیلۆستاندۆ، دیێگۆ، مارتینێز، یوری، مارکێل، ئیرامێندی، ڤێلا، پریتۆ، کانتالێس، ئاگیراتشی.