ئه‌ڤرۆ نيوز:
نووترين نووچه
- نەخوەشخانەیا پەنجەشێرێ ب ئاست و كوالێتییەكا بلند دێ كەڤیتە د خزمەتا وەلاتییاندا
- پەرلەمانتارەك: ئەمریكا و ئۆپێك فشارێن ل ئیراقێ دكەن بۆ هنارتنا پەترۆلا هەرێما كوردستانێ
- ل نێزیك پارتی دێ بارەگەهێ مەكتەبا رێكخستنێ ل كەركووكێ ڤەكەت
- دەلیڤەیا سەختەكاریێ ب رێكا تەكنەلۆژیایێ یا هاتیە كێمكرن و دەنگ ب دەستی ژی دێ هێنە هەژمارتن
- پێدڤییە نیازپاكی و ئیرادەیەكا راستەقینە بۆ چارەسەركرنا كێشەیان هەبیت
- پێدڤییە هەوا هەلبژارتنان د سەقایەكێ ئازاد دا و دوور ژ گرژیێ بهێنە ئەنجامدان
- مەسرور بارزانی: ب هێزبوونا پارتی ب هێزبوونا كوردستانێیە
- گرنگە پڕۆژەیێ (هەژمارا من) بەردەوام بیت
- سەرۆكێ حوكمەتا هەرێمێ بۆ گوپیتكا جیهانییا سەقای هاتە ڤەخواندن
- پترییا كێشەیان دێ هێنە چارەسەركرن
سهرهكى Twitter
خانیێ عیسا پێغه‌مبه‌ری هاته فرۆتن
ئه‌ڤرۆنیۆز، ئه‌یاد به‌رواری
پشتی 82 سالان ژ ئاڤاكرنا خانیه‌كی بۆ عیسا پێغه‌مبه‌ری ل ئه‌مریكا كو بۆ هاتیه ته‌رخانكرن ببیته جهێ ئاكنجیبوونا وی ده‌مێ زڤریته سه‌ر ئه‌ردی، ئه‌و خانی د ئێك زێده‌كرنه‌كا ئاشكرا ب 10 ملیۆن دۆلاران هاته فرۆتن.
ل دووڤ (شه‌فه‌ق نیۆز)، ل سالا 1928 ێ، هه‌ڤژینا ئه‌ندازیار (كنیف كونسكۆم) ژ باژێرێ بونیكس ل ئه‌مریكا ئه‌ڤ خانی ئاڤاكر و خانیه‌كێ بچووك ژی بۆ خوه ب ڕه‌خ ویڤه ئاڤاكر ژبۆ چاڤه‌ڕێی هاتنا عیسایێ مه‌سیح و رۆژانه ژی خانیێ عیسای پاقژدكر هه‌تاكو گیانێ خوه ژده‌ستدای ل سالا 1958ی ێ.
ژنه‌كا بازرگان ب ناڤێ (ساندرا كالوتین) خانیێ عیسا پێغه‌مبه‌ری كری و یێ نووژه‌نكری و وێ ژی یێ ته‌رخانكری بۆ عیسایێ مه‌سیح و یا ل هیڤیا دیاربوونا وی.
سێ راھێنەران داخوازا لێبورینی ژی يانا زاخۆ کر
ئەڤرۆ نیوز:
چارەنڤێسێ راھێنەرێ نوو یێ یانا زاخۆ ھەتا نوکە یێ دیار نینە کو پشتی ل ماوێ بوری نوچەیێ دورخستنا یێ رومانی ھاتیە راگەھاندن، کارگێریا یانا زاخۆ بەردەوام يا لێگەریانا راھێنەرێن نووی کەت و ل دیڤ راپورتێن رۆژنامەڤانی یێن کوردستانێ و عیراقێ نوکە دو راھێنەرێن وەرزێ ئەڤ سالە ژ یانێن خوە ھاتینە دورخستن بەربژارن ل ڤێ یانێ ئەوژی عەلی وھاب راھێنەرێ یانا نەجەف ئەوێ ھاتیە دورخستن ژبەر ئەنجامێن لاواز و حەکیم شاکر ب ھەمان ئەگەر ژ شورتە ھاتیە دورخستن .
دووماھیی پێزانین کەڤتینە بەر دەستێ مالپەرێ ئەڤرۆ نیوز کارگێریا یانا زاخۆ پەیوەندی ب سێ راھێنەرێن بەرنیاس ل سەر ئاستێ عیراقێ کری یە ئەوژی ھەر ئێک ژ عەبدولغەنی شەھد راھێنەرێ نوکە یێ ھەلبژارتیێ ئولومپی عیراقێ کو وەرزێ بوری ناسناڤێ خۆلا عیراقێ ل گەل یانا نەفت وەست ب دەستخوڤە ئینابوو، ھەردیسان پەیوەندی ب ھەردو راھێنەرێن بەرنیاس رازی شنێشل راھێنەرێ بەری نوکە یێ یانا قەتەر یا قەتەری و عەدنان حەمەد لێ ھەرسێ راھێنەران داخوازا لێبورینێ ژ یانا زاخۆ کری یە ژبەرکو یێ ئێکێ گرێدای ھەڤبەستا خوە یە ل گەل ھەلبژارتیێ عیراقێ و یێن دوێ و سێ ژی نەخوازت ل ڤی دەمی ڤەگەرنە خۆلا عیراقێ
بۆ جارا ئێكێ ئاهه‌نگا سه‌رێ سالێ ل ڤی جهی ناهێته گێران
ئه‌ڤرۆنیۆز، ئه‌یاد به‌رواری
به‌رپرسه‌كێ ئه‌منی ل باژێرێ موسكو پایته‌ختێ رۆسیا راگه‌هاند، مه‌یدانا سۆر كو جهێ ئاهه‌نگێن سه‌رێ سالێ یه، بۆ جارا ئێكێ دێ ل شه‌ڤا سه‌رێ سالێ هێته داخستن ژبه‌ر مه‌ترسیا هێرشێن تیرۆرستی ل موسكۆ.
سه‌رۆكێ ده‌زگه‌هێ ئه‌منی ل موسكۆ (ئه‌لیكسی مایوروف) د داخۆیانیه‌كێ دا گوت” ل ئاهه‌نگا سه‌رێ سالێ ب ده‌هان هزار گه‌شتیار و وه‌لاتیێن رۆسی دهێنه مه‌یدانا سۆر كو دكه‌ڤیته به‌رامبه‌ر كوچكا كرملین باره‌گایێ فه‌رمیێ سه‌رۆكێ رۆسی ( فلادیمێر بۆتن) بۆ گێرانا ئاهه‌نگا سه‌رێ سالێ ل سه‌ر زه‌نگێن جه‌ره‌سا كۆچكا كرملێن.
سه‌رۆكێ باژێرڤانیا موسكۆ (سیرگی سوبیانین) راگه‌هاند “نه‌یا ڤه‌شارتی یه كو موسكۆ ئارمانجا تیرۆرستایه”.
ئافره‌ته‌كى گیانێ خوه ژ ده‌ستدا
ئه‌ڤرۆ نیوز:
رائیدێ مافپه‌روه‌ر بێوار عه‌بدولعه‌زیز، به‌رپرسێ راگه‌هاندنێ ل رێڤه‌به‌ریا به‌ره‌ڤانیا باژێرى ل پارێزگه‌ها دهۆكێ دیاركر كو ئه‌ڤ شه‌شه ل ده‌مژمێر 8 و 36 ده‌قیقه ئه‌و ژ ئالیێ بنگەهێ بەروشکێ یێ سەرب بەرەڤانیا باژێرێ دهوکێ ڤە هاتنە ئاگەهدار کرن ب هەبونا ریدانەکا ترافیکی كو دنافبەرا دوو ترومبێلاندا ژ جورێ شوفرلێت ئەڤیو و ئوپل فیکترا ل جادا ترافیکا ئێتیتێ كو د ئه‌نجامدا زیانێن مادی و گیانی دیڤ خورا هێڵان و ئافرەتەکێ گیانێ خو ژ دەست دا 4 کەس بریندار بون و هاتنە رەوانەکرن بو نەخوشخانا تەنگاڤیا ل دهۆكێ.
داعش 837 ئافره‌تێن مووسل گولله‌باران كرن
شێخان :بارزان مزوورى
شێخ محیده‌ین مه‌عروف، كارگێرێ لقا 14 ل مووسل بو مالپه‌رێ ئه‌ڤرو نیوز ئاشكرا كر كو ل لدوڤ ئاماره‌كا نوژداریا داد ل پارێزگه‌ها مووسل گه‌هشتیه وان ل شه‌ڤا بورى ته‌رمێن 837 ئافره‌تێن باژێرێ مووسل گه‌هشتینه نوژداریا داد ل پارێزگه‌ها مووسل كو به‌رى نها هات بونه ده‌سته‌سه‌ركرن ژلایێ چه‌كدارێن تیرورستێن داعش دناڤ بازارێ مووسل.
شێخ محیده‌ین مه‌عروف دیاركر كو ئه‌گه‌رێ گولله‌بارانكرنا وان ڤه‌دگه‌ریت بۆ وێ یه‌كێ كو ڤان ئافره‌تان ل فه‌رمانگه‌ه و نه‌خوشخانا پێگرى ب رێنمایێن داعش نه‌كریه.
ناڤبرى دیار كر كو ئه‌و ئافره‌تێن هاتینه گوله‌باران كرن ژ وانا به‌ربژێرێن ئه‌نجومه‌نێ پارێزگه‌ها مووسل دناڤ دانه و فه‌رمانبه‌رێن رێڤه‌به‌ریا وه‌كو په‌روه‌رده و شاره‌وانى و یێن ل دادگه‌ها مووسل كاردكر و پتریا وان كارمه‌ندێن كومسیونا هه‌لبژارتنا نه رێژه‌یه‌كا كێم ئه‌و ئافره‌تێن خودانێن جوانكاریا ئافره‌تانه.
بۆ هنده‌ك كارا یێ په‌شێمانه
ئه‌ڤرۆنیۆز، هه‌رهین محه‌مه‌د:
سترانبێژى كوچك و دیوانا سالم دهۆكى د دیداره‌كێ دا بۆ ئه‌ڤرۆنیۆز دیاركركو ل سالا 1983 ده‌ست ب سترانێن فلكلورى كریه و خودان چه‌ندین به‌رهه‌م وكلیپ و سترانێن توماركریه و به‌رده‌وام ل سه‌رتیڤیان دهێنه په‌خشكرن و گۆت: ستران گۆتن وه‌كو ئاره‌زویه‌كێ یه خودێ دده‌ته مرۆڤى و دڤێت مرۆڤ خودان ره‌وشته‌كێ مه‌زن بیت چونكو هه‌موو ده‌مان هونه‌رمه‌ند یێن دناڤ هه‌موو مالا دا.
دووڤدا گۆت: ستران گۆتن دگه‌نجاتیێ دا یا خوشه چونكو ده‌مێ مرۆڤ مه‌زن دبیت ده‌نگێ مرۆڤى دهێته گۆهارتن، به‌لێ دلێ من هه‌ریێ گه‌نجاتیێ یه و حه‌زدكه‌م هه‌موو ده‌ما خزمه‌تا هونه‌رێ كوردى بكه‌م.
هه‌روه‌سا گۆت: ب مخابنى ڤه نوكه سترانێن فلكلورى گه‌له‌ك ده‌ست كارى تێدا دهێته كرن وده‌ست خوه‌شیى َل وان گه‌نجا دكه‌م یێن سترانا دبێژن ئه‌و وه‌كو ده‌ستكێن گۆلانه.
ل دور نوترین كارێ خوه یێ هونه‌رى ناڤهاتى گۆت: نوكه مژوولى كلیپه‌كێ مه بناڤێ (فیدا كارم كورد له‌شكه‌رێ هیڤیێ) په‌یڤ و ئاوازفلكلوره ئه‌ڤ سترانه ده‌نگ توماركریه و نێزیك دێ هێته كلیپكرن ل سه‌نگه‌رێن پێشمه‌رگه‌ى دا
دووماهیێ گۆت: ئه‌گه‌ر كارێن جوان هه‌بن ئه‌ز زارڤه‌كرنێ ژى دكه‌م به‌لى َبۆ هنده‌ك كارێن زارڤه‌كرنێ یێ په‌شێمانم و هیڤیدارم ژ رێڤه‌به‌ریا ره‌وشه‌نبیرى نه‌هێلن ئه‌ڤ به‌رهه‌مه بهێنه چێكرن .
بۆ نه‌هێلانا دزینا گازێ ئه‌ڤ پشنیازه هاتینه كرن
ئه‌ڤرۆنیۆز، سالار دۆسكى:
عه‌بدولسه‌مه‌د تێلى سه‌رۆكێ لژنا پیشه‌سازى و سامانێن سرۆشتى ل جڤاتا پارێزگه‌ها دهۆكێ بۆ مالپه‌رێ ئه‌ڤرۆنیۆز دیاركر كو بۆ بنبڕكرنا دیاردا دزینا گازێ ژلایێ شوفێرێن تانكه‌ران ڤه مه چه‌ندین پێشنیار بلندكرینه و ژوانا هه‌ر سكاله‌كا بهێته تۆماركرن دێ بۆ داوكارێ گشتى هێته بلندكرن.
هێشتا گۆت: مه پێشنیاركرینه كو ژمارێن تێله‌فونێن لژنێن دوڤچوونێ ب هه‌ر تانكه‌ره‌كێ ڤه بهێته هه‌لاویستن و بۆ هه‌ر دیارده‌كا نه‌جوان وه‌لاتى بشێت په‌یوه‌ندیێ ب لژنێ بكه‌ت و دا ئه‌و شوفێر بگه‌هیته سزایێ خوه یێ كارگێرى و دیسان ژ كارى بهێته دورخستن و دیسا لژنه بهێـته هایداركرن ل سه‌ر ره‌فتارێ، دیسان لژنه ل سه‌ر ئاستێ قه‌زا وناحیا بهێنه ئه‌كتیفكرن و ئه‌ندامه‌كێ ئاسایش و چاڤدێریا بازرگانى ل گه‌ل دا بیت.
هه‌مبه‌ر ره‌وشا پانزینێ ژى گۆت: پانزینا نوكه دهێته به‌لاڤكرن یا حوكمى لیتر ب 700 دیناران و ئه‌ڤه ل هه‌رسێ پارێزگه‌هان دهێته به‌لاڤه‌كرن و ناهێته خوارێ، پانزینا بازرگانى به‌رده‌وام یا دهێته بازارى دا و به‌ر ب ئه‌رزانبوونێ یا دچیت و دیسان هه‌ڤركى ل سه‌ر كێمكرنا بهایێ پانزینێ دناڤبه‌را بازرگان دا هه‌یه و دیسان پێشبینى دهێته‌كرن كو پانزین ده‌رڤه یا ئه‌رزان دبیت له‌وما یا ئه‌رزان بووى و ئه‌ڤه كوالێتى یا وێ یا باشه و رۆژێن داهاتى دێ گه‌هیته پارێزگه‌هێ ژى . هه‌مبه‌ر ره‌وشا گازێ ژى ،ناڤبرى گۆت: پلێتا ژمارا ئێكێ دهێته‌به‌لاڤه‌كرن و سه‌رێ هه‌یڤا نیسانێ بۆ ماوێ دو هه‌یڤان دێ پلێتا هه‌ژماره دو هێته به‌لاڤه‌كرن.
نیمار ژى گەھشتە رۆنالدوی ل مەغرب
ئەڤرۆ نیوز:
یاریکەرێ یانا ریال مەدرید کریستیانو رۆنالدو یێ بەردەوامە ل سەر چوونا خوە بۆ وەلاتێ مەغرب بوو بوراندنا دەمێ خوە ل گەل ھەڤالێ خوە یێ مەغربی و قارەمانێ بوکسانێ بدری ھاری و راپورتێن رۆژنامەڤانی وەسا دایە دیارکرن رۆنالدو ل گەل ھەڤالێ خوە بدری رێککەفتی یە ب ھەلکەفتنا سەرێ سالا نووی ئاھنگەکێ ل باژێرێ مەراکش بکەن ل جھەکێ تایبەت یێ مەلەکی ل ئوتێلا ئللولوە.
رۆژنامەیێن ئیسپانی ئاماژە ب وێ چەندێ ژی کری یە رۆنالدوی ئەو جھە کرێ کریە ب کوژمێ ٣٢٠٠ ھەزار یورۆیا کو دبنە نێزیکی ٣٥ ھەزار دەرھەم وی وەلاتێ کو دبیتە کوژمەکێ گەلەک مەزن بۆ تاخەکێ شەعبی ب ڤی کوژمی دھێتە کرێ کرن ل گەل رۆنالدوی ئەڤ جارە دێ ھەڤالێ وی کەریم بن زیما ژی ل گەل بیت .
راپورتێن رۆژنامەڤانی وەسا ژی دایە خویاکرن کو رۆنالدو بن زیما بتنێ وێ شەڤێ ل مەراکش نابن بەلکو دێ چاڤەرێ ستێرا بەرشەلۆنا و ھەلبژارتیێ بەرازیل نیمار دێ سێلڤا و راھێنەرێ یانا بایرن میونیخ پێب گواردیولا ژی بن ل گەل ھەڤژینا وی.
ھەولێرێ نەھـ یاریکەرێن سەرەکی ژ تیما خۆلا عیراقێ بۆ تیما کوردستانێ زێدەکرن
ئەڤرۆ نیوز، ھەژار مەعروف:
ژێدەرەکێ نێزیک ژ یانا ھەولێرێ بۆ ئەڤرۆ نیوز دیارکر کارگێریا یانێ ئەڤرۆ ناڤێ نەھـ یاریکەرێن پشکدار ل گەل تیما خۆلا عیراقێ ل تیما خولا کوردستانێ زێدەکرن پشتی یاریێن خۆلا پلا نایاب یا عیراقێ ھاتینە راوستاندن.
ئەوی ژێدەری ئەو چەندە ژی دیارکر ئەو نەھـ یاریکەرێن ھاتینە زێدەکرن ھەر ئێک ژ گولچیێ تیمێ سەرھەنگ موحسن و محەمەد خالد و دیار رەحمان، رابد خالد، دلدار خدر، بارزان شێرزادر و میران خسرو ھەردیسان ھەردو پیشەکارێن تیمێ یێ سوری گولکەرێ باسل موستەفا و یێ ئیرانی و ھەلبژارتیێ ئیرانی میلاد زاندیپور .
بریارە ئەڤ یاریکەرە ل یاریێن بھێت بەرامبەر ھندرین ل رۆژا ھەینیا بھێت و ل ھەردو حەفتیێن دویفدا بەرامبەر زێرەڤانی و ئارارات بکەن .
نيشاندان
WP Facebook Auto Publish Powered By : XYZScripts.com