ئەڤرۆ نیوز ، کاروان باعەدری :
ناڤەندا ئامارێن یا سەر ب ئێکەتیا نیڤدەولەتی یا تەپا پێ لیستا ریزبەندیا دوماھیێ یا باشترین راھێنەرێن سالا ٢٠١٥ ێ ئاشکەراکر کو راھێنەرێ بەرشەلۆنا رێزا ئێکێ بوو بێنێتیز راھێنەرێ ریال مەدرید رێزا پێنجێ دھات.

لویس ئێنریکی راھێنەرێ یانا بەرشەلۆنا یا ئیسپانی رێزا ئێکێ دھێت

ئۆنای ئێمری راھێنەرێ یانا ئەشبیلیا ئیسپانی

گواردیولا راھێنەرێ یانا بایرن ميونيخ یا ئەلمانی رێزا سیێ دھێت

ئەلیگری راھێنەرێ یانا یوڤانتوس یا ئیتالی

بینیتێز راھێنەرێ یانا ریال مەدرید یا ئیسپانی رێزا پێنجێ دھێت سەرارای ئەو ئەنجامێن نە ب دلێ حەژێکەرێن ڤێ یانێ

ھیکیینک راھێنەرێ یانا فولفوسبورگ یا ئەلمانی

دیییگو سیمیونی راھێنەرێ یانا ئەتلەتیکۆ مەدید رێزا حەفتێ دھێت

کالاردۆ راھێنەرێ یانا یانا ریڤەرپلێت یا ئەرژەنتینی

تیتی راھێنەرێ بەرنیاس  ل سەر ئاستێ بەرازیل و راھێنەرێ یانا کورینتیاس یا بەرازیلی  رێزا نەھێ دھێت

لۆران بلان راھێنەرێ قارەمانا خۆلا فەرەنسا پاریس سان جێرمان رێزا دەھێ دھێت.

ئەڤرۆ نیوز، ھەژار مەعروف:
پشتی یاریێن خولا پلا نایاب یا عیراقێ ھاتینە راوستاندن بۆ ماوەکێ و  زوربەیا یانێن ھەرێما کوردستانێ یێن پشکدار دخۆلا عیراقێ دا چەند یاریکەرێن تیما خوە یا عیراقێ ل تیمێن خوە یێن کوردستانێ زێدەکرن و تیما دھۆک ژی ئێک ژ ئەوان تیما ھژمارەکا یاریکەران ل تیما خوە زێدەکری نە ژ ئەوانا پیشەکارێ خوە یێ غانی سالومون تاکی.
ژێدەرەکێ نێزیک ژ یانا دھۆک بۆ ئەڤرۆ نیوز دیارکر زێدەکرنا ئەڤان یاریکەران ب مەرەما ب ھێز ئێخستا تیما خۆلا کوردستانێ یە و ھەردیسان ئەو یاریکەر ژی مفای ژ ڤی دەمی بینن ژبەرکو خول دێ بۆ ماوەکێ درێژ ھێتە راوستاندن .
ھەردیسان ئەوی ژێدەری دیارکر ئەو یاریکەرێن ھاتینە زێدەکرن ئەوژی ھەر ئێک ژ سالومون تاکی یێ غانی و ئەحمەد مەئیمون، یادگار یونس، ھارون و زنار فەیزی و شێرزاد محەمەد و چاڤەرێ دھێتەکرن چەند یاریکەرێن دی ژی بھێنە زێدەکرن بۆ یاریێن بھێت.

ھەژی گوتنێ یە ئەڤ یاریکەرێن ھاتینە زێدەکرن بۆ یاریا بھێت یا یانەیا دھۆک بۆ یاریا بەرامبەر پێشمەرگا ھەولێرێ بەرھەڤ بن ئەوا بریارە ل رۆژا پێنج شەمبیا بھێت ل یاریگەھا یانا دھۆک بھێتەکرن.

ئەڤرۆ نیوز، ھەژار مەعروف:
یانا دالکورد یا سویدی ئەوا ل وەرزێ ئەڤ سالە ب سەرکەفتی بۆ خۆلا پلا ئێک یا سوید یا تەپا پێ ل دووماھی کومبوونا خوە دا ھەڤبەستا ١٧ یاریکەرێن خوە یێن وەرزێ بوری نووکر ھەردیسان دەست ژ شەش یاریکەرێن خوە یێن وەرزێ بوری بەردا.
ل دۆر ڤی بیاڤی سەروکێ یانا دالکورد رەمەزان کزلەی د داخویانیەکا تایبەت بۆ ئەڤرۆ نیوز دیارکر کارگێریا یانێ پشتی کومبوونا خوە یا دووماھیێ بریار دا ھەڤبەستا ١٧ یاریکەرێن وەرزێ بوری نووکەن کو ١٠ یاریکەر ژ ئەوان یاریکەران بوون ئەوێن سەرەکی یێن وەرزی بوری ھەردیسان ٧ یاریکەرێن دی ژی زوربەیا یاریان پشکداری ل گەل تیمێ کری یە .
زێدەتر سەروکێ یانا دالکورد دیارکر تیما وان ل وەرزێ بوری گەلەک یا باش بوو لەورا ئەوان نە خوازت گوھورینێن مەزن ل تیمێ دا بکەن بتنێ ئەوان دەست بەردان ژ یاریکەرەکێ خوە یێ سەرەکی کری یە ئەوژی نە گەھشتە چو رێککەفتنا ھەر دیسان شەش یاریکەرێن دی ئەو بوون یێن ل وەرزێ بوری چو مفا ژ شیانێن ئەوان نە ھاتینە دیتن .
ژ گرنگترین ئەوان یاریکەرێن ھەڤبەستا ئەوان ھاتینە نووکرن ئەو ژی ھەر ئێک ژ پێشراو عەزیز کابتنێ تیمێ و یاریکەرێ سربی ئەرمین تەنکوڤیچ و یاریکەرێ ھەلبژارتیێ مەقدونیا پرێدراگ راندوڤیچ و یێ رومانی ئلین ڤیگەریو، عومەر چاگونی یاریکەرێ ھەلبژارتیێ گابون و دیگو مونیل و ئەریک تورنروس.