ئه‌ڤرۆ نيوز:
ئه‌ڤرۆ رێكه‌فتى 26ى كانوونا ئێكێ يا سالا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
پشتی کو پێشمەرگێن ژینگەھێ چوینە بەروکێن شەری و وەرزێ زڤستانێ ھاتی ھژمارەکا زور یا خەلکی سەرپێچیێن ژینگەھی دکەن و کوڤیان د کوژن و دارێن تەر دبرن ، و ئەڤ یەک بوویە سەدەم کو ھژمارەکا زور یا کوڤیێن دەڤەرێن جوداجودایێن کوردستانێ ئاوارەیێ دەڤەرا بارزان ببن و ب ئارامی بژین.
ژلادڤی واریدا زێتی سەروکێ رێکخراوا بارزان بو چاکسازی یا ژینگەی بو ئەڤرۆ نیوز گۆت : ( کوشتنا کوڤیان و سەرپێچیکرنا وەلاتیان ل دەڤەرێن دن بوویە سەدەم کو ھژمارەکا زور یا کوڤیێ، وان دەڤەران ئاوارەیێ دەڤەرا بارزان ببن ژبەرکو دەڤەرا بارزان ئارامگەھا ڤەحەواندنا کوڤیانە و د ئێمن و پاراستنی نە).
زێدەتر گۆت : ( پاراستنا کوڤیان ل دەڤەرا بارزان بوویە سەدەم کو رۆژ بۆ روژێ ھژمارا کوڤیێن دەڤەرا بارزان دزێدەبوونێ دانە و نھا ھژمارا وان ژ ھەزارانە دبووریت و گەلەک جورێن کوڤیان ژی ل بارزان ھەنە مینا بزنا کوڤی ، شڤر ، پلنگ ، ھرچ ..ھتد دگەل چەندین جورێن دن یێن بەربەلاڤ وەکو گورگ ، ریڤی ، سیخور …ھتد و ئەڤە ژ بلی ھەبوونا دەھان جورێن بالندەیان ب تایبەتی کەو و بالندەیێن بازی و …ھتد و ئەڤ یەک ژی دزڤریت بو وێ یەکێ کو ل دەڤەرا بارزان پوتەکێ مەزن ب کوڤی و دارستانێ دھێتەدان و چەندین جورێن سزایی بۆ سەرپێچیکەران ھەنە).
د رێژاھیا ئاخفتنێ، خودا گۆت : ( ل دەڤەرا بارزان ٢٤ دەمژمێران دوڤچونا وان کەسان دھێتەکرن یێن سەرپێچیا ژینگەھی دکەن و سزایێن گران بوو وان کەسان ھەیە کو کوڤیان دکوژن).
ل گورەی ژێدەرێن مێژوویی پاراستنا کوڤی و دارستان و ژینگەھا بارزان دڤریت بو پاراستنا ژینگەھێ ل بەرا گەلەک وەلاتێن ئەوروپی و دیڤا رژێمێن عیراقێ سەدان جاران سەرپێچی لسەر ژینگەھا بارزان کرن ، و جارەکا دن لسەر دەما شێخ ئەحمەدێ بارزان و شێخ عەبدولسەلامێ بارزان ھەتا دگەھیتە سەردەمێ جارەک دن ژینگەھا بارزان خەملا خوە وەرگرتەڤە و پوتەکێ مەزن پی ھاتەدان و ئەوان ژینگەھا بارزان رادەستی سەرکردێ ملەتێ کورد مەلا موستەفا بارزانی کر بەلێ جارەکا دن لسەر دەستێ رژێما بەعس و سەدامی سەدان سەرپێچیێن دن لسەر ژینگەھا بارزان ھاتنەکرن ، و پشتی مرنا بارزانیێ نەمر مەسعود بارزانی ھەتا نھا ژینگەھا بارزان دپارێزیت و ل سایەیا پاراستنا وی نھا ھەزاران جورێن کوڤیان ل بارزان پەیدابوینە و کەسانێن سەرپێچێی دکەن دھێنە سزادان.
ئه‌ڤرۆ نيوز:
پەیڤدارێ حکومەتا هەرێمێ ڕەتکر مووچێ سێ هەیڤێن فەرمانبەران بکەنە چەک و گۆت ژى “پێشبینی دکەن د دوماهیکا ساڵا ٢٠١٧ دا غازا سروشتى یا هەرێما کوردستانێ هناردەى دەرڤە بهێتە کرن”.
سەفین دزەیى پەیڤدارێ حکومەتا هەرێمێ بۆ NRT ڕاگەهاند، ب هەر رێکەکێ بیت حکومەتا هەرێمێ یا پابەندە ب بەرهەڤکرنا مووچێ فەرمانبەران و ب چ ڕەنگەکى بەحس ل وێ چەندێ نەهاتیە کرن مووچێ ئەو چەند هەیڤێن فەرمانبەران کو گیرۆ بوویە بکەنە چەکێن بانکى.
ئه‌ڤرۆ نیوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئێكشه‌مبى رێكه‌فتى 26ى كانوونا ئێكێ يا 2015 ئه‌سمانێ دهۆكێ دێ ساهى بيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن بلندێن باكوورێ رۆژهه‌لاێ وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمانى دهۆكێ دێ ساهى بيت ل گه‌ل هه‌بوونا هنده‌ك ئه‌ورێن كێم ل ده‌ڤه‌رێن جودا.
پشكا پێشبينيان دايه زايه زانين كو دێ ئاراستێ باى ژى دێ باشوورێ رۆژئاڤا بيت ب ره‌نگه‌كى د ناڤبه‌را 5 هه‌تا 10 كم دا و ماوێ ديتنێ ژى 8 بۆ 10 كم بيت، پلێن گه‌رمێ ژى دێ د ناڤبه‌را 2 بۆ 14 پلان دا بيت.
ئەڤرۆ نیوز، بارزان سلێمان:
سترانبێژ ھەڤال ئیبراھیم بۆ ئەڤرۆ نیۆز دیارکر کو ئەڤە بۆ ماوەکی یە مژوولی سترانەکێ ب ناڤێ (برایەتی) د گەل سترانبێژ (عەدنان کەریم و کەژێ و کەویار) و ژڤانە د نێزیکترین دەم دا بھێتە بەلاڤکرن و نوکە د قووناغا مونتاژێ دایە.
ھەڤالی گۆتژی: “ناڤەرۆکا ڤێ سترانێ بەحسێ برایەتی دکەت و کو ھەموو کورد دەستێن خوە بدەنە ئێک و رۆژا مە یا ھاتی و زمانێ مە ئێکە و ئەم برایی نە”.
دا زانین ژی کو چار ھوزانڤانان پەیڤێن ڤێ سترانێ داناینە (غەریب قادر، شەھاب زەنگەنە، رێبوار شێروانی و گۆران) و ئاواز ھەڤال ئیبراھیم و گۆت: “ئەڤ سترانە ل ستودیۆیا فورمیوزیک ھاتیە تومارکرن، ب پشتەڤانیا نێچیرڤان بارزانی ئەڤ کلیپە ھاتیە چێکرن”.
ل دووماھیێ ھەڤال گۆت: ئەز حەز دکەم خەلک باش گۆھێ خوە بدەنە سترانا برایەتی و بزانن مەرەما مە چیە؟”.
هۆنه‌رمه‌ند كه‌ژێ هاوتا ژى بۆ ئه‌ڤرۆ نيوز دياركر كو ده‌مێ هندێ هه‌يه ئه‌ڤ كليپه هه‌موو كوردستانێ هه‌رێما كوردستانێ پێكڤه گرێدده‌ت.
ئه‌ڤرۆ نيوز:
سه‌عد حه‌ديسى، ئاخفتنكه‌رێ ب ناڤێ جڤاتا وه‌زيرێن عيراقێ راگه‌هاند كو حوكمه‌تا عيراقێ پۆستێن جێگرێن سه‌رۆك كۆمارى نه‌هێلاينه و ئه‌وێ ب ناڤێ جێگرێ سه‌رۆك كۆمارى كاره‌كى دكه‌ت نه‌يێ قانوونى و ژێ ناهێته قه‌بوولكرن.
ئاماژه ب وێ چه‌ندێ كريه ژى كو ئه‌ڤ پۆسته ب فه‌رمى نه‌ماينه و نابيت كه‌س پۆستێ جێگرێ سه‌رۆك كۆمارى ب ناڤێ خوه ڤه بكه‌ت.
ئه‌ڤه د ده‌مه‌كى دا كو هێشتا نورى مالكى سه‌رۆك هه‌ڤپه‌يمانيا ده‌وله‌تا قانوونێ ناسناڤێ جێگرێ سه‌رۆك كۆمارێ عيراقێ ب ناڤێ خوه ڤه دكه‌ت.
ئه‌ڤرۆ نيوز:
ئه‌ڤرۆ نێچيرڤان بارزانى سه‌رۆكێ جڤاتا وه‌زيرێن هه‌رێما كوردستانێ ب هه‌ڤالينيا شانده‌كێ بلند يێ حوكمه‌تا هه‌رێما كوردستانێ دێ سه‌ره‌دانا وه‌لاتێ توركيا كه‌ت.
نێچيرڤان بارزانى سه‌رۆكێ جڤاتا وه‌زيرێن هه‌رێما كوردستانێ ئه‌ڤرۆ رۆژا شه‌مبى رێكه‌فتى 26ى كانوونا ئێكێ يا 2015ێ ب هه‌ڤالينيا شانده‌كێ بلند يێ حوكمه‌تا هه‌رێما كوردستانێ دێ سه‌ره‌دانا وه‌لاتێ توركيا كه‌ت و بڕياره ل گه‌ل به‌رپرسێن پله بلندێن توركيا كۆم ببيت.
ب گۆره‌ى پێزانينێن ل به‌ر ده‌ست ئه‌ڤرۆ ده‌مژمێر 3:00ى ئێڤارى ب ده‌مێ هه‌رێما كوردستانێ، نێچيرڤان بارزانى ل گه‌ل ره‌جه‌ب ته‌يب ئه‌ردۆگان سه‌رۆك كۆمارێ توركيا كۆم بيت.
د داخۆيانيه‌كێ دا بۆ مالپه‌رێ فه‌رميێ حوكمه‌تا هه‌رێما كوردستانێ، سامى ئه‌رگۆشى سكرتێرێ رۆژنامه‌ڤانيێ سه‌رۆك وه‌زيرێن هه‌رێما كوردستانێ راگه‌هاند: “ئه‌ڤرۆ رۆژا شه‌مبى، نێچيرڤان بارزانى سه‌رۆك وه‌زيرێن هه‌رێما كوردستانێ دێ سه‌ره‌دانا وه‌لاتێ توركيا كه‌ت و ل سته‌مبۆل ل گه‌ل هه‌ر ئێك ژ ره‌جه‌ب ته‌يب ئه‌ردۆگان يێ سه‌رۆك كۆمارێ توركيا و ئه‌حمه‌د داود ئۆغلۆ سه‌رۆك وه‌زيرێن وى وه‌لاتى كۆم بيت”.
ده‌رباره‌ى كۆمبوونان ژى ئه‌رگۆشى دا زانين كو د كۆمبوونان دا ل گه‌ل سه‌رۆك و سه‌رۆك وه‌زيرێن توركيا، نێچيرڤان بارزانى دێ چه‌ندين بابه‌تێن گرێدايى پێشهاتێن نوكه و كاودانێن نوكه يێن ده‌ڤه‌رێ و شه‌رى دژى تيرۆرێ و په‌يوه‌نديێن هه‌رێما كوردستانێ و توركيا و چه‌ندين بابه‌تێن دى ئێخيته به‌ر دانوستاندنێ.
ئەڤرۆ نیوز:
بریارە ئەڤرۆ رۆژا شەمبی تنێ یاریێن خولا ئنگلیزی بھێنە کرن ل سەر ئاستێ ئوروپا و ھەمی خولێن دی ژ بەر جەژنا مەسیحیان ھەمی خول ھاتینە راوەستاندن ھەتا رۆژا چارشەمبیا بھێت.
یاریێن ئەڤرۆ رۆژا شەمبی
٢٦/١٢/٢٠١٥
خولا ئنگلیزی
٣:٤٥ ستوک ستی _ مانچستەر یونایتد
٦:٠٠ مانچستەر ستی _ سندرلاند
٦:٠٠ بورنموس _ کریستال پالاس
٦:٠٠ ئەستون ڤێلا _ وێستھام یونایتد
٦:٠٠ توتنھام _ نوروێچ ستی
٦:٠٠ لیڤەرپول _ لیستەر ستی
٦:٠٠ چێلسی _ واتفورد
٨:٣٠ نیوکاسل _ ئیڤرتون
١٠:٤٥ ساوسھامبتون _ ئارسنال
ئەڤرۆ نیوز، ئەیاد بەرواری:
د نووترین لیستا پیڤەرێ دیموکراسیێ ل جیھانێ، نەرویج ل رێزا ئێکێ ھات و و سووریا و یەمەن ل رێزێن 112 و 113 ێ و یێن دووماھیێ ھاتن و عیراق ژی د لیستێ دا نەبوو، ئانکو یا ل دەرڤەی پێڤەرێن دیموکراسیێ.
د وێ لیستێ دا نەرویج ل رێزا ئێکێ ھات و ددوڤدا ھەر ئێک ژ سویسرا و سوید و فنلەندا و دانیمارک و ھولەندا و ئەلمانیا و نیوزیلاندا و ئیرلەندا و بەلجیکا ل رێزێن دویێ ھەتا 10 ھاتن.
ل سەر ئاستێ عەرەبی تونس ل رێزا ئێکێ ھات و یا 66 ل سەر جیھانێ و کوێت ل رێزا دویێ ھات و یا 85 ل سەر ئاستێ جیھانێ و لوبنان ل رێزا سیێ ھات و یا 92 ل جیھانێ.
د وێ لیستێ دا ئەوا چو ئاماژە ب عیراقێ و سعودیێ نەکرین، ھندەک وەلاتێن دیموکراسی ل رێزێن دەھێن ئێکێ دا نەھاتن، وەکو بریتانیا کو ل رێزا 12 ھات و فرەنسا ل رێزا 14 و ئەمریکا ل رێزا 16 و ئیسرائیل ل رێزا 24، د ھەمان دەم دا تورکیا ل رێزا 69 ھات و روسیا ل رێزا 98 ھات.
ئەڤرۆ نیوز: بارزان مزووری::
دەریا رەواندزی ،کچەکا وەرگێر دبواری زمانی دا بو مالپەرێ ئەڤرو نیوز ئاشکرا کر کو گروپەکێ نە ناسیار ھێرش یا کریە سەر مەزنترین ویبساتێن تورکی شیائینە حەتا نھا 40,000 چل ھزار ویبسایتا بگرن ب گشتی ھەمویان پەیوەندی ب رێکخراوا تیرورستی یا داعش ھەبویە کا چاوا تورکیا خەلکی ھاندەن بۆ ناڤ رێکخراوا داعش.
ناڤبری دیار کر کو ئەڤ گروپێ نەدیار ناڤێ وی ل تورکیا ناڤکریە “سیخور، تیرورست” ئەڤ ھێرشا مەزن یال 14ی کانوونا ئێکێ دەست پێکری و بەردەوام بووینە ھەتا 21ی کانوونا ئێکێ دەست ب سەر 400,000 میدیا و راگەھاندنێن سەر ب حوکمەتا تورکیا ل چەند ناوچەیێن جیاواز دا یا گرتی شیاینە سەر ب دەست ب سەر ھێلێن وان دا بگرن تایبەت روژنامێن ب ناڤ و دەنگێن تورکیا ھەتا نھا ئەڤە مەزنترین ھێرش ھاتینە نیاسین بۆ سەر سایتێن تورکیا.
ناڤبری گوت ژی: “ئەڤ گروپە ب ناڤێ “Anonymous” نامەیەکێ بو گشت جیھانێ فرێ دکەن ب رێیا تویتەری گروپی ب ناڤێ “Anonymous operations ” ،سلاڤ بو گشت جیھانێ ئەم دبێ ناڤین نەدیارین گشت خەلک دزانیت تورکیا پشتگیریا داعش دکەت پترولا عیراقێ ب بھایەکێ ئەرزان ژ داعش دکریت، ھاریکاریا داعش دکەت مێڤانداریا ئێک دو دکەن کۆمبوونە ب ھەڤرا ئەنجام دەن ئەم د رازی نینین “ئەردوگان” ھاریکاریا داعش بکەت، ئەگەر تو دەست ژ ڤی کاری بەرنەدەی دێ ھەولدەین گشت ھێلێن ئەنترنێتێ دێ پەلامار دەین ل بانکێن تورکیا و جھێ تە دێ حکومەتێ لاواز کەین رەنگە دەستتێکدانا فروکخانەیێن تورکیا کەین دێ ھەولدەین رەوشا لەشکرێ تورکیا و پەیوەندیێن تورکیا د گەل جیھانێ تێک دەین، دوماھیا ناما خودا نڤیسایە تو راوەستە بۆ مە تورکیا چارەنڤیسێ تە دەف مەیە”.
نيشاندان