ئەڤرۆ نیوز:
رادیویا کادینا کوبیە یا ئیسپانی د نوچەیەکێ خوە دا ناڤێ ئەوان راھێنەرێن بەربژار بۆ وەرگرتنا ئەرکێ راھێنەریا یانا مەلەکی ل جھێ راھێنەرێ نوکە رافائیل بینیتیزی دیارکری نە ئەوژی ھەر ئێک ژ راھێنەرێ یانا چێلسی مورینو  ئەوێ بەری چەند رۆژان ھاتیە دورخستن و راھێنەرێ یانا بایرن میونیخ پێب گواردیولا و ھەردیسان راھێنەرێ تیما دوێ یا ریال مەدرید زێدان ل گەل راھێنەرێ یانا ئەرسینال ئەرسن ڤینگر.
زێدەتر وێ رادیو دیارکری یە  بینیتیز ل یاریا بھێت یا یانا ریال مەدرید ل گەل ریال سوسیداد ئامادە نابیت ئەوا بریارە رۆژا ٣٠-١٢-٢٠١٥ بھێـتەکرن.

ئەڤرۆ نیوز:
کارگێریا یانا روما یا ئیتالی بریار دا راھێنەرێ خوە یێ فرەنسی رودی گارسیا بمینت ھەتا دەمەکێ دی سەرەرای ئەنجامێن لاواز.
ئەڤ چەندە ھاتە پێش پشتی سەرکەفتنا یانا روما ل سەر یانا جەنەوا ژ خولا ئیتالیا پشتی حەفت یاریان نەشیاین سەرکەفتنێ تومار بکەن، زێدەتر رێڤەبەرێ یانێ والتەر سپاتینی کو شیایە سەروکێ یانێ رازی بکەت کو پێدڤیە نوکە ئەو ل سەر ڤی راھێنەری د بەردەوام بن ژ بەرکو دەم نە یێ گونجایە بۆ گوھۆرینا گارسیای لەورا پێدڤیە ھەات دەمەکێ دی پَدڤیە بێھنا خوە زێدەتر فرەھتر بکەین داکو راھێنەرەکێ پێگوھۆر یێ باش بەرھەڤ بکەین بۆ یانێ تایبەت د دەمێ راوەستاندنا ھەڤرکیێن خولا ئیتالی.

ئەڤرۆ نیوز، زنار:
کارگێریا یانا بەرشەلونە راگەھاند ئێکەتیا تەپا پێ یا ئوروپی ئەو داخوازا تێھەلچوونا یانێ رەدکر دەربارەی سزادانا یانێ ب کوژمێ ٤٠ ھزار یورویان ب ئەگەرێ بلندنکرنا ئالایێ سەربەخویا کەتەلونیا د یاریا یانا بەرشەلونە و بایر لیڤەرکوزن یا ئەلمانی ژ قارەمانیا ئوروپا قارەمانێن خولان.
یانا بەشەرلونە راگەھاند کو پشتی رەدکرنا داخوازا وان ژلایێ ئێکەتیا ئوروپی ڤە ئەو دێ بەر ب دادگەھا وەرزشی ڤە چن بۆ تانێ ل بریارا سزادانا یانێ و ھەلوەشاندنا کوژمێ ٤٠ ھزار یورویان.
دھێتە زانین ئێکەتیا ئوروپی ل دووڤ مادێ ٦٢ ژ رێنمایێن ئێکەتیا وان ئاماژە ب وێ چەندێ کریە کو نابیت ل دەمێ یاریێن قارەمانیێن ئوروپی دا نابیت چو درووشمێن سیاسی و ئاینی و رەگەز پەرستیێ بھێنە ھەلگرتن د یاریان دا.

ئه ڤرۆ نیوز:
کارگێریا یانا دهوک ب فه رمی هه ڤبه ستا ياريكه رێ یانا زێره ڤانی محه مه د سه دیق ئیمزاکر بۆ تیما پشکدار دخۆلا هه رێما کوردستانێ دا، پشتی یاریکه رێ ناڤبری ده ست به ردانا خوه ژ یانا زێره ڤانی وه رگرتی.
هه ژێ گوتنێ یه محه مه د سه دیق نێزیکی شه ش سالانه یاریێ ل هه ردو تیمێن لاوێن زێرڤانی و تیما ئێکێ یا زێره ڤانی که ت.

ئەڤرۆ نیوز، ھەژار مەعروف:
پشتی چاڤەرێکرنەکا درێژ ل وەرزێ ئەڤ سالە بریارە سوباھی دەست ب شەمەندەڤرا ھەڤرکیێن خۆلا کوردستانێ بھێتەکرن و ل وەرزێ ئەڤ سالە ١٣ یانە دێ پشکدار بن ل سەر دو کومان ھاتینە بەلاڤەکرن، چار یانە ژ پارێزگەھا دھۆکێ پشکدارن ئەوژی زێرەڤانی دھۆک، گارە و زاخۆ .
بریارە سوباھی سێ یاری بھێنەکرن کو ھەلگرا ناسناڤێ خولێ تیما زێرەڤانی دێ د یاریا ڤەکرنا خولێ دا دێ بیتە مێڤانا یانا ئارارات کو دڤێ یاریێ دا ھەردو تیم د بەرھەڤیەکا باش دانە تایبەت ھەلگرا ھەرسێ وەرزێن بوری بەرھەڤیەکا باش ھەیە و چەندین یاریێن ھەڤالینی کری نە بەروڤاژی یانا ئارارات ئەوا ل وەرزێ ئەڤ سالە د رەوشەکا لاواز دا بوریت، تیما زاخۆ دێ ل یاریگەھا خوە مێڤانداریا یانا کەرکوک کەت و شێروانە دێ ل یاریگەھا خوە مێڤانداریا ھندرین کەت.
رۆژا ھەینی بریارە بەردەوامی ب ھەڤرکیێن خولێ بھێتەدانێ ھەردو یانێن پارێزگەھا دھۆکێ دھۆک و گارە دێ ژ دەرڤەی یاریگەھا خوە یاریێ کەن تیما دھۆک دێ بیتە مێڤانا سولاڤ ل باژێرێ کەرکوک و گارە ل گەل برایەتی ل یاریگەھا تیما دوێ ل ھەولێرێ و د یاریێن گوپیتکا ڤێ حەفتیێ دا پێشمەرگا ھەولێرێ مێڤانداریا نەوروز کەت.