ئەڤرۆ نیوز:
د چارچوڤێ ھەڤرکیێن کاسا تورکیا یا تەپا پێ دا یانا ئیستەبۆل باشکەشەھیر سپور ئەوا دخۆلا سوپر لیگا تورکیا دا کەت نەشیا سەرکەفتنێ ل سەر نوونەرا باکورێ کوردستانێ یانا ئامەد سپور توماربکەت ئەوا دخۆلا پلا دو یا تورکیا دا یاریێ کەت دەمێ ھەردو یانا وەکھەڤ بووین ب دو گولان دوێ یاریێ دا ئەوا ل یاریگەھا شارەدەریا ئامەد ھاتنەکرن.
دڤێ یاریێ دا دەستپێکێ یانا ئامەد پێشکەڤت ب گولا ئاردان ل دقیقا ١٦ پاش دادڤانێ یاریێ ب کارتا سور یاریکەرێ ئامەد محەمەد عەبدوللا دورخست و پەنەلتیەک بۆ یانا ئیسەتبۆل ھژمارت  و یاریکەرێ وێ سەمیح سەنتورک شیا گولا ئێکێ بۆ تیما خوە توماربکەت ،  ل دەستپێکا نیڤا دوێ یاریکەرێ ئامەد عەبدوللا جەتین ب خەلەتیڤە گولا دوێ بۆ تیما ئیستەبنول ل سەر خوە تومارکر و پاش ل دقیقا ٦٠ دادڤانێ یاریێ ب کارتا سور یاریکەرێ دوێ ژ ئامەد دورخست ئەڤ جارە سەرجان ئوزچەلیک، لێ سەرارای ب ٩ یاریکەران یاری کر کورێن ئامەد سپور شیان یاریێ وەکھەڤ بکەن وئەڤ جارە ب رێیا یوسف مەگمور گولا دوێ وەکھەڤی تومارکر و یاری ب وەکھەڤیا ھەردو تیمان ب دو گولان ب دووماھی ھات .

ئەڤرۆ نیوز:
ئەڤرۆ ل سەرانسەری جیھانا ئیسلامی رۆژا ژ دایکبوونا پێغەمبەرێ ئیسلامێ محەمەد سلاڤێن خودێ ل سەر بن ھاتە گێران، یانا بایرن میونیخ یا ئەلمانی ژی ئەڤ ھەلکەفتا ل ھەمی موسلمانێن جیھانی پیروزکرن  ب رێیا پەیجێ خوە یێ فەرمی ل قێسبوکی و پوستەک بەلاڤەکر ب ھەلکەفتنا ڤێ رۆژا پیروز .
ھەژی گوتنێ یە ئەڤ سالە سیێ ل دویڤ ئێک ئەڤ یانە ڤێ ھەلکەفتێ ل ھەمی موسلمانان پیروزکەت

ئەڤرۆ نیوز، زنار:
د ڤێ حەفتیێ دا یانا بەرشەلونە ناسناڤێ قارەمانیا موندیالا یانێن جیھانێ دەستخوە ڤە ئینا ل وەلاتێ ژاپونێ پشتی د یاریا دووماھیێ دا سەرکەفتن ل سەر یانا ریڤەر پلێت یا ئەرژەنتینی تومارکری.
پشتی دەستڤە ئینانا ڤی ناسناڤێ کارگێریا یانێ بریار دا لوگویێ کاسا جیھانێ ل سەر درێسێ یانێ زێدە بکەت و ڤی شێوەی دیار د وێنان دا ببینە.