ئاكرێ ، بێوارحسێن زێبارى :
هونه‌رمه‌ند رێناس ئاكره‌یى ددیداره‌كا كورت دا بۆ ئه‌ڤرۆ نیوز دیاركر كو ئه‌و كار نها د دروست كرنا كلیبه‌كێ دا دكه‌ت كو ل سه‌ر هه‌ر پارچێن كوردستانێ یه و ب دووماهیك هاتیه كو ئه‌ڤ كلیپه ژى جوداهیه‌ك هه‌یه دگه‌ل كارێن وى یێن به‌رێ .
ناڤبرى گوت ژى كۆ د ڤان رۆژاندا ئه‌ڤ كلیبه دێ هێته به‌لاڤكرن و كو هوزان ژى یا هوزانڤان بورهان زێباریه و ئاواز ژى یا وى ب خوه‌یه و كارێ موزیكى ژى نوبه‌ردار ئیبراهیم بۆ كریه.
ئەڤرۆ نیوز:
یاریکەرێ کورد و یانا ئەرسینال و ھەلبژارتیێ ئەلمانیا مەسعود ئوزێل دیارکر ئەو کەسەکێ دیندارە و ل یانا وی رێزێ ل دینێ وی یێ ئیسلامی گرن بەروڤاژی چەند یانێن دی ل جیھانی .
ئوزێل دیدارەکا خوە دا ل گەل رۆژناما تایمز یا برێتانی دیارکری یە ئەو رۆژنە دچیتە نڤێژین خوە ژ ئێک ژ مزگەفتێن باژێرێ لەندەن ل برێتانیا و ئەو بەردەوام دخوازیت خوە نێزیکی دینی خوە یێ ئیسلامی بکەت ژبەرکو ئەو موسلمانە و ژ خێزانا خوە ڤێربووی یە .
ھەردیسان دیارکر ژی ئەو بەردەوام ل یاریگەھا دوعا ژ خودێ خوە کەت و دەستێن خوە بەری یاریێ بلند کەت داکو ھەمی خەلکێ جیھانی بزانیت ئوزێل موسلمانە .
ئەڤرۆ نیوز:
رۆژنامەیێن برێتانی تەکید ل وێ چەندێ کری یە یانا چێلسی یا لەندەنی ب ھێز کەڤتیە د پەیوەندیان دا ل گەل راھێنەرێ یانا بایرن میونیخ پێپ گواردیولا پشتی راگەھاندی ئەو دێ یانا بافاری ل دووماھیا ڤی وەرزی ب جھـ ھێلیت.
زێدەتر رۆژنامەیێن ئینگلیزی ئاماژە ب وێ چەندێ ژی کری یە ئیراموڤیتچ ملیاردێرێ رۆسی و خودانێ یانا چێلسی یێ بزاڤێ کەت راھێنەرێ ئیسپانی رازی کەت بۆ ئیمزاکرنا ھەڤبەستا یانا چێلسی بۆ وەرزێ بھێت .
ھەمان رۆژناما دیارکری یە ژی ئیراموڤیتچ دیارکری یە ئەو دێ ھەمی داخوازیێن گواردیولای قەبول کەت زێدەباری بیتە خودانێ بلندترین موچەیێ ھەیڤانە ل سەر ئاستێ راھێنەرێن جیھانێ.
ئه‌ڤرۆنیۆز، ئه‌یاد به‌رواری
شانده‌كێ پارتیا كاركه‌رێن كوردستانێ (په‌كه‌كه) ژ چیایێ قندیلی ل هه‌رێما كوردستانێ ل چه‌ند رۆژێن بۆری سه‌ره‌دانا به‌غدا كر.
ئه‌و شاندێ په‌كه‌كێ ل دووڤ ژێده‌ره‌كێ ئاگه‌هدار بۆ (شه‌فه‌ق نیۆز) دیاركری، ل گه‌ل هنده‌ك به‌رپرسێن حوكمه‌تا عیراقی كۆمببو.
وی ژێده‌ری خویاكر ژی ئه‌و سه‌ره‌دان بۆ ب هێزكرنا په‌یوه‌ندیێن په‌كه‌كێ و حوكمه‌تا عیراقێ بوو ب تایبه‌تی پشتی وێ ئاریشا ل ڤێ دووماهیێ د ناڤبه‌را به‌غدا و ئه‌نقه‌ره دا په‌یدابووی ژ ئه‌گه‌رێ به‌لاڤكرنا هێزێن توركی دناڤ ئاخا عیراقێ دا.
وی ژێده‌ری ئاشكراكر كو حوكمه‌تا عیراقێ دێ په‌كه‌كێ وه‌كو كارته‌كا فشارێ ل سه‌ر توركیا بكارئینیت، گوت ژی” به‌غدا ل به‌ره چه‌كی بۆ په‌كه‌كێ بهنێریت”.
ئه‌ڤرۆنیۆز، هه‌رهین محه‌مه‌د:
رێڤه‌به‌ریا گشتى و ئه‌وقاف و كارو بارێن ئاینى ل پارێزگه‌ها دهۆكێ رێڤه‌به‌ریا گشتى یا ره‌وشه‌نبیرى و هونه‌رى دهۆكێ ل ژێرچاڤدێریا فه‌رهاد ئه‌مین پارێزگه‌رێ دهۆكێ دێ رابن ب گێرانا چه‌ند ئاهه‌نگان ب هه‌لكه‌فتنا رۆژا ژدایك بوونا سه‌روه‌رێ پێغه‌مبه‌ران (محه‌مه‌د) سلاڤ ل سه‌ربن.
سه‌میان عه‌بدولخالق سه‌عدى، رێڤه‌به‌رێ گشتى ئه‌وقاف و كارو بارێن ئاینى ل پارێزگه‌ها دهۆكێ بۆ مالپه‌رى َئه‌ڤرۆ نیوز ئاشكه‌راكر ئاهه‌نگێن هه‌لكه‌فتنا رۆژا ژدایك بوونا پێغه‌مه‌رى دێ بۆ ماوێ سێ رۆژان به‌رده‌وام بن و هه‌رقه‌زایه‌كێ دێ ده‌ه ئاهه‌نگ هێنه گێران و گۆتار هێنه خاندن و ئه‌و ئاهه‌نگه دێ بۆ ماوێ حه‌فتیه‌كێ د به‌رده‌وام بن
رێڤه‌به‌رێ گشتى ئه‌وقاف و كارو بارێن ئاینى زێده‌تر ژى گۆت: ئه‌ڤ ئاهه‌نگه دێ هێنه گێران ب هه‌ڤكارى دگه‌ل رێڤه‌به‌ریا گشتى یا ره‌وشه‌نبیرى و هونه‌رى و رێڤه‌به‌ریا گشتى یا ئه‌وقاف وكارۆبارێن ئاینى و ئه‌ڤه بۆ ئێكه‌م جاره ده‌زگه‌هێن ره‌وشه‌نبیرى پێ رادبن له‌ورا ب رۆژه‌كێ ئاهه‌نگه‌ك هاته گێران به‌رى هه‌لكه‌فتنا رۆژا ژدایك بوونا پێغه‌مبه‌رى و ل هه‌رحه‌فت قه‌زاێن پارێزگه‌ها دهۆكێ ل دانێ سپێدێ و دو ئاهه‌نگ هه‌نه و و ل ئێڤارى هه‌رپێنچ قه‌زایێن دن ژى ب فه‌رمى ئاهه‌نگ دێ هێنه گێران هه‌روه‌سان ل رۆژا پێنچ شه‌مبى ب هه‌ڤكارى دگه‌ل رێڤه‌به‌ریا ئه‌وقافا قه‌زا زاخو ورێڤه‌به‌ریا ره‌وشه‌نبیرى دێ ئاهه‌نگه‌كا دى ل زاخو هێته گێران و گۆت: ئه‌و هه‌ر ده‌ه ئاهه‌نگێن ل قه‌زایان دهێنه كرن فه‌رمى نابن و ماموستا یێن ئاینى دى َبه‌حسێ ژیان نا ما پێغه‌مبه‌رى كه‌ت.
ئه‌ڤرۆنیۆز، ئه‌یاد به‌رواری
ل دووڤ ڤه‌كۆلینه‌كا ئه‌مریكی كو ل ڤێ دووماهیێ به‌لاڤبووی، ڕێكخستیا ده‌وله‌تا ئیسلامی (داعش) یا تیرۆرستی 14% ژ وان ده‌ڤه‌رێن ل سالا 2015 ێ كونترۆل كرین یێن ژده‌ستداین، دیسا ئه‌و ئه‌ردێ كوردێن سووریێ كونترۆلكری سێ جاركی یێ زێده‌بووی.
ئه‌و ڤه‌كۆلینا ژلایێ ئه‌نستیتیۆتا (ئای ئیتش ئێس جینز) یا ڤه‌كۆلینان ل ئه‌مریكا دیاردكه‌ت كو زیانێن داعشێ ل سالا 2015 ێ، ژده‌ستدانا باژێركێ (گرێ سپیێ) بوو ل سه‌ر سنۆرێ سووریێ ل گه‌ل توركیا و باژێرێ (تكریت) و پارزینگه‌ها (بێجی) ل عیراقێ.
ئاماژه دا ژی كو ژ زیانێن هه‌ره مه‌زن یێن داعشێ ل سالا 2015 ێ، ژده‌ستدانا باژیرێ شنگالێ وپشكه‌ك ژ ڕێیا بله‌ز د ناڤبه‌را باژێرێ ره‌قه یێ سووری (پایته‌ختا داعشێ) و باژێرێ مووسلێ ل عیراقێ و ئه‌ڤ چه‌نده بوویه ئه‌گه‌رێ وێ چه‌ندێ كو ڕێیێن هاتنوچوونێ بۆ داعشێ ب زه‌حمه‌تتر لێ بهێن.
كولۆمب ستراك، شرۆڤه‌كارێ كاروبارێن رۆژهه‌لاتا ناڤین ل وێ ئه‌نستتیۆتێ گوت” كارتێكرنه‌كا دراڤی یا نه‌رێنی ل داعشێ یا بووی ژ ئه‌گه‌رێ ژده‌ستدانا ده‌رگه‌هێ گرێ سپیێ یێ سنۆری، به‌ری چڕكرنا هێرشێن ئه‌سمانی ل سه‌ر ده‌ڤه‌رێن به‌رهه‌مئینانا په‌ترۆلێ یێن داعشێ.
ل دووڤ وێ ڤه‌كۆلینا ئه‌مریكی، ئه‌و ئه‌ردێ داعشێ كونترۆل ل سه‌ر هه‌ی، ب رێژه‌یا 12800 كیلۆمه‌تران یێ كێمبووی و یێ گه‌هشتیه 78 هزار كیلۆمه‌ترێن چار گوشه‌یی د ناڤبه‌را ده‌ستپێكا سالا 2015 ێ و هه‌تا 14 ڤێ مه‌هێ.
به‌لێ داعشێ هنده‌ك ده‌ستكه‌فت ژی هه‌بوون ل سالا 2015 ێ، ئه‌وژی كونترۆلكرنا باژێرێ ته‌دمور یێ دیرۆكی یێ سووری و باژێرێ ره‌مادی سه‌نته‌رێ پارێزگه‌ها ئه‌نبار مه‌زنترین پارێزگه‌ها عیراقێ.
خویاكر ژی، مه‌زنترین زیاندار ژ شه‌ڕی، حوكمه‌تا سووریێ بوو ئه‌وا 16% ژ ئه‌ردی ژده‌ستدای و تنێ 30 هزار كیلۆمه‌تر یێن دبن كونترۆلا وێ ماین كو دبیته هندی نیڤا ئه‌ردێ داعشێ كونترۆلكری.
ئەڤرۆ نیوز، ھەژار مەعروف:
تیما تەپا پێ یا حسێن شیا حنێرەکا مەزن د قارەمانیا کاسا عیراقێ دا توماربکەت دەمێ شیای ئەڤرۆ سەرکەفتنێ ل سەر یانا زەورا ھەلگرا ١٤ ناسناڤێن ڤێ قارەمانیێ توماربکەت ب دو گولا بەرامبەر گولەکێ ژ چارچوڤێ یاریێن ھاتنێ ژ کاسا عیراقێ کو دبیتە خوسارەتیا ئێکێ ل ڤی وەرزی د گەھیتە یانا زەورا پشتی بورینا ١٤ یاریێن فەرمی ژ خول و کاسا عیراقێ.
ژلایەکێ دووڤە د یاریەکا دی دا ژ قوناغا ھەشتێ ژ کاسا عیراقێ تیما نەفت ئەلجنوب ب سەرکەفت ل سەر بەغدا ب سێ گولان بەرامبەر دو گولان.
بریارە یاریێن چونێ ژ کاسا عیراقێ ل ٢٧-١٢-٢٠١٥ بھێنەکرن ئەوژی دھۆک ل گەل ختوت و زەورا ل گەل حسێن و بەغدا ل گەل نەفت ئەلجنوب و کەرخ ل گەل جەویە.
ئەڤرۆ نیوز، ھەژار مەعروف:
تیما تەپا پێ یا ھەولێر نەشیا پێشڤە بچیتە سەرێ لیستەیا کوما دوێ ژ خۆلا عیراقێ یا تەپا پێ پشتی د یاریا خوە یا پاشئێخستی دا توشی خوسارەتیێ بووی ب دو گولان بێ بەرامبەر دوێ یاریێ دا ئەوا ئەڤرۆ ل یاریگەھا یانا جەویە د ھاتەکرن ل باژێرێ بەغدا.
د نیڤا ئێکێ دا جەویە ب رێیا یاریکەرێ خوە حەمادی ئەحمەد گولا ئێکێ بۆ تیما خوە ب لێدانا پەنەلتی تومارکر و دڤێ نیڤێ دا ئاستێ ھەردو تیمان نە ل ئاستێ پێدڤی بوو.
نیڤا دوێ دا ئاستێ ھەردو تیمان باشتر بوون تایبەت یێ یانا ھەولێرێ چەندین مەترسی ل سەر گولا تیما جەویە تومارکر و ھەتا دقیقا چارێ ژ وەختێ زێدەکری عیماد موحسن ب لێدانا پەنەلتی گولا دوێ بۆ تیما خوە جەویە تومارکر و ب ڤی ئەنجامێ یانا جەویە خالێن خوە گەھاندنە ٢٢ خالان پێشڤە چو رێزا ئێکێ و ھەولێر ژی ھەر ل رێزا چارێ ما ب ١٧ خالان.
ئەڤرۆ نیوز:
پشتی ب فەرمی ھاتیە راگەھاندن کارلو ئەنشلوتی ل وەرزێ بھێت دێ ئەرکێ راھێنەریا یانا بایرن موینیخ یا ئەلمانی وەرگرت، د ئێکەم داخوانیا خوە دا داخوازی ژ کارگێریا یانا بافاری کر ئەو ھەڤبەستا ھێرشبەرێ یانێ رۆبرت لیفاندوسکی نووبکەن .
رۆژانا ئاس یا ئیسپانی دیارکری یە ئەنلشوتی دێ بیتە رێگر د رێیا یانا ریال مەدرید دا بۆ ئیانا ھێرشبەرێ بولەندی ژبەرکو ئەو دخوازیت بۆ وەرزێ بھێت پشت بەستنێ ل سەر ئەوی یاریکەری بکەت ل ھێلا ھێرشبەری ھەردیسان ئاماژە ب وێ چەندێ ژی کری یە نەخشتەیێ وی دێ گرێدای ھەر ئێک ژ یاریکەران دۆگلاس کوستا، روبن و رێبری بیت .
ئەوژی رۆژنامێ ئاماژە ب و ێ چەندێ ژی کری یە راھێنەرێ ناڤبری ل دەمێ سەرپەرشتیا یانا ریال مەدرید کر داخوازی ژ یانێ کر بوو ھەڤبەست ل گەل لیفاندوسکی ئیمزابکەن لەورا دەست بەردان ژلایێ ئەنشلوتی ڤە بۆ وی یاریکەری دێ یا ب زحمەت بیت.
نيشاندان