ئه ڤرۆ نیوز، ملله ت جه مال:
پشتی دوورخستنا وی ژ ئه رکێ راهێنه راتیا یانا چێلسی یا ئنگلیزی ده زگه هێن رۆژنامه ڤانی وه سا دیاردکه ن کو جوزێ مورینیو راهێنه رێ به رێ یێ یانا چێلسی هه ڤبه ستا یانا مانچسته ر یونایتد یا ئنگلیزی بو ماوێ پێنج سالان مورکریه و بڤێ چه ندێ دێ بیته جهێ راهێنه رێ نوکه یێ هوله ندی لویس ڤان گال.
لدور ڤی بابه تی روژناما ده یلی ستار یا بریتانی یا بناڤ و ده نگ راپورته ک لدورڤی بابه تی به لاڤکریه کو مورینیوی گلوپت که سک بو به رپرسێن مان یونایتد هلکریه و رازیبوونا خوه لسه ر هه ڤبه ستا وان دیارکریه لێ به حس ل ژڤانێ ده ست ب کاربوونا وی نه هاتیه کرن د راپۆرتێ دا
دهێته زانین مورینیوی پشتی دوورخستنا وی ژ ئه رکێ راهێنه راتیا یانا چێلسی دیارکر بوو دێ یێ به رده وام بیت لسر کارێ راهێنه راتیێ

ئەڤرۆ نیوز:
رۆژنامەیێن برێتانی و ئیسپانی ئاماژە ب وێ چەندێ کری یە نوکە یانا ئەرسینال گرنگیەکا مەزن ب یاریکەرێ یانا ریال مەدرید و ھەلبژارتیێ کولومپیا خامیس رۆدرێگیز دەن بۆ ئینانا وی دناڤ پێکھاتیێ یانا ئیگلیزی دا .
رۆژناما دون بالۆن یا ئیسپانی دیارکری یە راھێنەرێ فەرەنسی ڤێنگر دخوازیت ھەڤبەستێ ل گەل یاریکەرێ یانا ریال مەدرید  رودێگیز ئیمزابکەت پشتی د ھەردو ڤەگوھاستنێن خوە یێن بوری دا لگەل ریال بەرشەلۆنا یا سەرکەفتی بی ئەوژی ئینانا ئوزێل و سانشێز و دخوازیت ئەڤی یاریکەری ژی ب ھەمان رێک بینتە دناڤ لیستەیا یاریکەرێن خوە بۆ وەرزێ بھێت.
ھەمان رۆژنامە دیارکری یە ژی دبیت یاریکەرێ ناڤبری ریال مەدرید ب جھـ بھێلت ژبەرکو ل ڤێ دووماھیێ پەیوەندیێن وی ل گەل راھێنەرێ نوکە بینێتیز لاواز بووينه .
ژلایەکێ دووڤە رۆژنامەیێن برێتانی بەری نوکە ژی دیارکر بوو دو یانێن دی ژی ھاتینە د ھەڤرکیا ب دەستڤە ئینانا یاریکەرێ یانا ریال مەدرید رودرێگزی ئەوژی ھەر ئێک ژ یانێن مانچستەر سیتی و چێلسی.
ھەژی گوتنێ یە ریال مەدرید ب کوژمێ ٦٣ ملیون جینێ ئیسترلینی ھەڤبەست ل گەل خامیس رودرێگزی ئیمزاکر بوو دەمێ ژ موناکو ھاتیە ڤەگوھاستن بۆ ریال مەدرید ل سالا ٢٠١٤.

ئەڤرۆ نیوز، ھەژار مەعروف:
بریارە سوباھی ل یاریگەھا جەویە ل باژێرێ بەغدا یاریەکا ب ھێز و پری ھەڤرکی دناڤبەرا ھەردو یانێن جەویە و ھەولێر بھێتەکرن ژ چارچوڤێ یاریەکا پاشئێخستی ژ گەرا نەھێ یا خۆلا عیراقێ یا تەپا پێ ،  سێ خالێن ڤێ یاریێ بۆ ھەردو تیمان گەلەک گرنگن ژبەرکو سەرکەفتی ئەوان دێ سەرێ لیستەیا خولێ وەرگرت ل جھێ یانا مینا ئەوا نوکە رێزا ئێکێ دھێت ب ٢٠ حالان .
راھێنەرێ یانا جەویە سەباح عەبدولجەلیل دیارکر یاریا ئەوان بەرامبەر ھەولێرێ یا ب سانەھی نابیت ژبەرکو دڤێ یاریێ دا پێنج یاریکەر پشکداریێ ل گەل تیمێ نەکەن ژبەر چوونا ئەوان ل گەل ھەلبژارتیێ ئولومپی عیراقێ ئەوژی ھەر ئێک ژ ھەمام تارق،بەشار رەسەن، سەعد ناتق،فەھد تالب و عیماد موحسن.
ھەردیسان ناڤبری دیارکر سەرارای نە پشکداریا ھژمارەکا یاریکەرێن ئەوان لێ ئەو ب ئومێدین سەرکەفتنێ توماربکەن ژبەرکو ئەوی باوەری ب شیانێن یاریکەرێن پێگھور ھەیە ئاستێ وان ژ ئاستێ چو یاریکەرێن دی کێمتر نینە.
ھەژی گوتنێ یە نوکە تیما جەویە رێزا دوێ دھێت ب ١٩ خالان و ھەولێر رێزا چارێ دھێت ب ١٧ خالان و تیما مینا رێزا ئێکێ دھێت ب ٢٠ خالان .

ئەڤرۆ نیوز، زنار:

بریارە ئەڤ شەڤە دووماھی یاری ژ گەرا ١٧ ژ خولا ئنگلیزی یا تەپا پاپێ ل یاریگەھا ئیمارات ناڤبەرا ھەردو یانێن ئەرسینال و مانچستەر ستی ل دەمژمێر ١١ شەڤێ ل دووڤ دەمێ کوردستانێ بھێتە کرن.
پێھاتیێ ڤان ھەردو تیمان بۆ یاریا ئەڤ شەڤە ب ڤی رەنگی یە.
مان سیتی: ھارت، سانیا، مانگالا، ئۆتامێندی، کلیچی، فێرناندینھۆ، دێلف، ستێرلینگ، دی برۆین، سیلڤا، بۆنی.

ئارسیناڵ: چیک، بێلێرین، مێرتیساکەر، کۆسێلینی، مۆنریال، ڕامسی، فلامینی، والکۆت، ئۆزێل، کامبل، جیرۆد.

ئەڤرۆ نیوز، زنار:
ئێکەتیا تەپا پێ یا جیھانێ فیفایێ راگەھاند ئەوان سەروکێ خوە یێ ژ دەستکار کێشای جوزێف پلاتەر و سەروکێ ئێکەتیا تەپا پێ یا ئوروپا یێ فرەنسی پلاتینی بۆ ماوێ ھەشت سالان راوەستاندن ژ ئەگەرێ ئەوێ گەندەلی و ھەتکبەرێن د فیفایێ دا پەیدابوین.
لژنا ڤەکولین و رەوشتیێ یا سەر ب فیفایێ ڤە ئەڤرۆ رۆژا دوشەمبی راگەھاند پشتی ڤەکولین ھاتینە ئەنجامدان بۆ ئەوان دیاربویە کو ڤان ھەردو کەسا دەست ل گەل ئەوان گەندەلی و ھەتکبەرێن ڤی دەربارەی دا ھەین لەورا بریارا دووماھیێ ھاتە دان بۆ ماوێ ھەشت سالان بھێتە راوەستاندن ژ ھەمی کارێن وەرزشی ل گەل سزادانا یێ سویسری پلاتەری ب کوژمێ ٥٠ ھزار فرەنکێن سویسری و یێ فرەنسی پلاتینی ب کوژمێ ٨٠ ھزار فرەنکێن سویسری.