ئه‌ڤرۆ نیوز:
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سه‌ره‌كى Twitter
ڤيديو: كاره‌ساته‌كا سروشتى يا ترسناك ل چينێ
مرۆڤ دێ چاوا شێت چاڤێن خۆ پارێزیت؟
ئه‌ڤرۆ نیوز،زنار تۆڤى:
چاڤ ئێكن ژ گرنگترین ئه‌ندامێن له‌شێ مرۆڤى و دڤێت مرۆڤ گرنگیه‌كا مه‌زن و تایبه‌ت پێ بده‌ت و باش پاراستنێ ل سه‌ر بكه‌ت،له‌ورا زۆر جاران لاوازى و كێمبوونا دیتنا چاڤان ڤه‌دگه‌ریت بۆ لایه‌نێ زكماكیێ یان ژى لایه‌نێ (ویراسى) لده‌ف مرۆڤان،به‌لێ پتریا جاران بكارئینانا رێكێن شاش دبنه هۆكارێن سه‌ره‌كى بۆ لاوازبوونا چاڤێن مرۆڤى،وه‌كى كاركرن بۆ ماوه‌یه‌كێ درێژ ل سه‌ر كۆمپیوته‌رى و هه‌روه‌سا ده‌مێ مرۆڤ گه‌له‌كێ نێزیكى تێله‌فزیۆنێ بیت و بۆ ماوه‌یه‌كێ درێژ ته‌ماشه بكه‌تێ،دیسان بكارئینانا لاپتۆپ و مۆبایلێ دجهێن تاریدا،ئانكو ده‌مێ گلۆپ دڤه‌مراندى بن،ئه‌ڤ چه‌نده دێ كارتێكرنا خراب كه‌ته سه‌ر چاڤان،ژبه‌ركو تیشكێن ژ شاشا لاپتۆپ و مۆبایلێ ده‌ردكه‌ڤن د زیانبه‌خشن بتایبه‌تى ل ده‌مێ دتاریاتیێ دا مرۆڤ سه‌حكه‌تێ بۆ ماوه‌یێن درێژ،هه‌روه‌سا ل ده‌مێ خواندنا ب شه‌ڤێ باشتره گلۆپ بكه‌ڤیته پشت سه‌رێ مرۆڤى،داكو تیرۆژكێن رۆناهیێ په‌رچ نه‌بن ل سه‌ر كاغه‌زێ،چونكى دێ زیانه‌كا مه‌زن گه‌هینیته چاڤان. بۆ رزگاربوون و پاراستنا چاڤان مرۆڤ دشێت ب چه‌ند راهێنانێن ب ساناهى رابیت و باشتره پشتى هه‌ر ده‌مژمێره‌كێ مرۆڤ بێهنه‌كا درێژ بهه‌لكێشیت و چاڤێن خۆ بگریت و بزاڤێ بكه‌ت هه‌مى ئه‌ندامێن له‌شێ مرۆڤى بهێن ڤه‌ده‌ن و دێ یا باشتربیت مرۆڤ ڤێ چه‌ندێ دوباره بكه‌ت،ئێكسه‌ر مرۆڤ دێ هه‌ست پێكه‌ت كو فشارا چاڤێن مرۆڤى سڤكتر لێ دهێن.
وه‌زيرێ به‌ره‌ڤانيا كه‌نه‌دا گه‌هشته كوردستانێ
ئه‌ڤرۆ نيوز:
به‌رى چه‌نده‌كێ، وه‌زيرێ به‌ره‌ڤانيا كه‌نه‌دل ب هه‌ڤالبه‌نديا باليوزێ كه‌نه‌دا ل عيراقێ ب فرۆكه‌كا سه‌ربازى و ب رێيا فرۆكخانا نێڤده‌وله‌تيا هه‌ولێرێ گه‌هشته هه‌رێما كوردستانێ و ژ ئاليێ كه‌ريم سنجارى وه‌زيرێ ناڤخو و پێشمه‌رگه ب و وه‌كاله‌ت و فه‌لاح مسته‌فا به‌رپرسێ فه‌رمانگه‌ها په‌يوه‌نديێن ده‌رڤه‌ى هه‌رێمێ پێشوازى لێ هاته كرن.
بهێنڤه‌دانا قوتابى و ماموستا و فه‌رمانبه‌رێن وه‌زاره‌تا خواندنا بلند
ئه‌ڤرۆ نيوز:
وه‌زاره‌تا خواندنا بلند رۆنكرنه‌ك ل دۆر بهێنڤه‌دانان به‌لاڤ كريه و دياركريه: پشتى كو حكومه‌تا هه‌رێمێ 4 شه‌مب و 5 شه‌مبى كريه بهێنڤه‌دان، وه‌زاره‌تا خواندنا بلند ژى بهێنڤه‌دانێن ماموستا و فه‌رمانبه‌ر و قوتابيان دياركر كو بۆ بهێنڤه‌دانا ماموستا و قوتابيان، هه‌ر زانكۆيه‌ك يا پابه‌نده ب سالناما خواندنا ئه‌كاديميا خوه كو ل ده‌ستپێكا سالێ ددانيت و بۆ بهێنڤه‌دانا فه‌رمانبه‌رێن وه‌زاره‌تا خواندنا بلند ژى رۆژێن 4 شه‌مب و 5 شه‌مبى بۆ وان ژى بهێنڤه‌دانه.
دامه‌زراندن نه‌ما
ئه‌ڤرۆ نيوز:
ژێده‌ره‌كێ ژ وه‌زاره‌تا دارايى يا عيراقێ راگه‌هاند بانكا نێڤده‌وله‌تى ب مه‌رجه‌كێ قه‌ر يێن دايه عيراقێ كو حكوومه‌تا عيراقێ هه‌تا سێ سالێن دى، كه‌سێ نه‌دامه‌زرينيت و پسولێن كاره‌بانێ ژى گران بكه‌ت.
پرۆتۆكوله‌ك د ناڤبه‌را بانكا نێڤده‌وله‌تى و وه‌زاره‌تا داراييا عيراقێ هاتيه ئيمزاكرن كو عيراق دڤێت پابه‌ند بيت ب وێ يه‌كێ كو نابيت هه‌تا سێ سالێن دى 2015 – 2016-2017 كه‌سه‌كى دامه‌زرينيت، د به‌رامبه‌ر دا، بانكا نێڤده‌وله‌تى كوژمێ 1 مليار و 200 مليون دولار داينه حكومه‌تا عيراقێ بۆ چاره‌كرنا قه‌يرانا خوه يا دارايى و ژ ئه‌گه‌رێ ئه‌رزانبوونا بهايێ نه‌فتێ تووش بوويى.
پارتى داخازا چاره‌كرنا كێشان دكه‌ت
ئه‌ڤرۆ نيوز:
جڤاتا سه‌ركردايه‌تيا پارتى ديموكراتى كوردستان د راگه‌هاندنه‌كێ دا، ئاماژه ب وێ يه‌كێ كريه كو قوناغا نوكه يا هه‌رێما كوردستانێ، قوناغه‌كا نازكه و دڤێت ب هشيارى ره‌فتار ل گه‌ل بهێته كرن.
ئه‌ڤرۆ جڤاتا سه‌ركردايه‌تيا پارتى ديموكراتى كوردستان ب سه‌رپه‌رشتيا مه‌سعود بارزانى كومبوونه‌كا به‌رفره ئه‌نجامدا و د كومبوونێ دا دانوستاندن ل سه‌ر شه‌ش خالان كر كو ئێك ژ وان خالان ئاماژه ب وێ يه‌كێ كريه كو ره‌وشا ناڤخويا كوردستانێ پێدڤى ب چێكرن و چاره‌كرنا كێشه‌يان هه‌يه كو پشكه‌كا زور ژێ ژ ئه‌نجامێ خواندنا شاش و نه‌واقعى و نالوژيكى يا هنده‌ك لايه‌نانه.
هه‌روه‌سا ئاماژه ب وێ يه‌كێ هاتيه كرن كو پێدڤيه چاكسازيا هه‌مه‌لايه‌ن د گه‌له‌ك بياڤان دا بهێته كرن هه‌تا كو ژيانا خه‌لكي خوشتر لێ بهێت
سه‌باره‌ت گرێدانا كۆنگرێ 14 يێ پارتى و گيربوونا وێ، جڤاتا سه‌ركردايه‌تيا پارتى ئاماژه ب وێ يه‌كێ كريه كو ب پێدڤى هاته زانين بۆ ڤێ مه‌ره‌مێ و چه‌ندين بابه‌تێن دى ييێن ناڤخويى و حزبى ل ده‌مه‌كێ نێزيك كۆمبوونه‌كا تايبه‌ت بهێته كرن.
ب وێنه: كاروان كامل ل گه‌ل ڤێ كچێ چ دكه‌ت؟
ئه‌ڤرۆ نيوز:
هۆنه‌رمه‌ندێ ده‌نگخۆشێ كورد كاروان كامل ل په‌يجێ خوه يێ تايبه‌ت يێ تۆڕا جڤاكيا ئينستگرامى وێنه‌كێ خوه و هۆنه‌رمه‌ندا كچ دلينار يه‌لدز به‌لاڤكر و تێدا په‌سنا ده‌نگ و جوانيا وێ كريه.
د به‌رامبه‌ر وێ دا، ل په‌يجێ هۆنه‌رمه‌ندا ناڤبرى ئه‌ڤا به‌رى چه‌ند رۆژان كليپا خوه يا نوو ل گه‌ل هۆنه‌رمه‌ند كه‌ريم باله‌ته‌ى به‌لاڤكريه، چه‌ند وێنه‌يه‌كێن خوه ل گه‌ل كاروان كامل به‌لاڤكرينه و ب برايه‌كێ خوه يێ نزێك وه‌سف كريه.
كاروان كامل به‌رى نوكه سترانێن ديۆتۆ ل گه‌ل هه‌ر ئێك ژ چۆپى فه‌تاح و ده‌شنێ موراد گۆتينه و پشتى ڤان روونشتنێن وان يێن ل گه‌ل ئێك و په‌سنا وێ ژ لايێ كاروان كامل ڤه دهێته پێشبينيكرن كو سترانه‌كا ديۆتۆ ل گه‌ل دلينارێ ژى ببێژيت.
ئوغلۆ ترانا ب پۆتن دکەت
ئەڤرۆ نیوز، ئەیاد بەرواری:
سەرۆک وەزیرێن تورکیا راگەھاند، ئەز ئاخڤتنێن فلادیمێر بوتینی یێن وەکو بچووکان ب رژد وەرناگرم و تنێ دگرنژم دەمێ گوە ل ئاخڤتنێن وی دبم.
ل دووڤ رۆژناما (ینی شەفەق) یا تورکی، ئەحمەد داود ئوگلۆ د بەرسڤا رۆژنامەڤانان دەمێ ژ برۆکسل دزڤری بۆ ئەنقەرێ ددا و دیاکر کو بوتینی ددەمێ سێ دەمژمێران دا داخۆیانی ددان و ھەموو ژی داخۆیانیێن بچووکان بوون و گوت” بوتین ب شێوەکێ سوڤیاتی دئاخڤیت نە وەکو سەرۆکێ روسیا کو ب شێوەکێ دیموکراتی ئەو وەلات دھێتە ب رێڤەبرن، ب دیتنا من بیرا بوتینی چو رۆژێن ھەوالگیریا روسی، دخوازم بێژمە وی ئەو رۆژ یێن بووینە رابردوو و ئەز تنێ دکەمە کەنی دەمێ گوە ل ئاخڤتنێن وی دبم”.
وێنه‌ى: ئاگرەکێ مەزن بەربوو ئەنقەرە
ئەڤرۆ نیوز، ئەیاد بەرواری:
ژ ئەگەرێ ئاگرەکێ مەزن ل بازارەکێ پایتەختێ تورکیا ئەنقەرە ئەڤرۆ ئێکشەمبی د ئەنجامدا 250 جھێن بازرگانی ب تمامی ھاتن سوتن.
ل دووڤ سایتێ (تورکیا پۆست)” ژێدەرێن ئەمنی دیارکرن کو ئەو ئاگرە بەربوو (بازارێ مللی یێ عوسمانی) ل دەڤەرا (کاتشی ئورن) ل ئەنقەرە و ددەمەکێ کێم دا ئەو 250 جھێن بازرگانی ھاتن سۆتن”.
نيشاندان
WP Facebook Auto Publish Powered By : XYZScripts.com