ئه‌ڤرۆ نیوز:
ره‌جه‌ب ته‌یب ئه‌ردوگان پشتى نڤێژا ئه‌ینیێ، داخواز ژ زه‌لامه‌كێ كر كو جگارا بهێلیت.
ئه‌ڤه جارا ئێكێ نینه ئه‌ردوگان داخوازێ ژ خه‌لكێ بكه‌ت جگارا بهێلن، ره‌خنه‌گرێن ئه‌ردوگان ڤێ یه‌كێ ب ده‌ستێوه‌ردان د ژیانا كه‌سایه‌تی دا دبینن.
نووترين نووچه
- پێدڤییە د پرۆسەیا سیاسی یا سووریێ دا هەلوەستێ كوردی ئێك بیت
- سەرۆكێ حوكمەتا هەرێمێ هەموو وەزارەت راسپاردن ب لەز لیستا مووچەیێ مەها ئادارێ بەرهەڤ بكەن
- هنارتنا پەترۆلێ دێ كاریگەری ل سەر داهاتێ ئیراقێ و كوردستانێ هەبیت
- حزبا كۆمۆنیستا چینی: ب گرنگیڤە دنێڕینە پەیوەندیێن خوە ل گەل پارتی دیموكراتی كوردستان
- رێككەفتنا 11 ئادارێ بەرهەمێ خەباتا پێشمەرگەی و هەموو تەخ و چینێن كوردستانێ یە
- رێككەفتنا 11 ئادارێ نموونەیا چارەسەرییەكا دادپەروەرانە بوو ل سەر بنەمایێ تێكگەهشتنێ
- سەرۆكێ هەرێما كوردستانێ: پێشوازیێ ل رێككەفتنا د ناڤبەرا سەرۆكێ سووریێ و فەرماندەیێ هەسەدێ دا دكەین
- مەسرور بارزانی: پێدڤییە كێشەیێن هەولێرێ و بەغدایێ ب شێوەیەكێ بنەڕەتی بهێنە چارەسەكرن
- رێككەفتنا 11 ئادارێ دەستكەفتا خەبات و قوربانیدانا كوردستانییان و شۆڕەشا مەزن یا ئیلۆنێ بوو
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
سهرهكى Twitter
ل دەمێ خوھدانێ چ پێدڤیە بھێتە کرن؟
ئەڤرۆ نيوز:
گەلەک کەس نەخۆشیا خۆ ژ خوھدانێ دبینن، خۆھدانا سروشتی دەرکەتنا ئاڤێ و ھندەک پێکھێنەرێن دی وەکو خوێ ژ کونکێن پیستی یە بۆ پاراستنا پلا گەرمییا لەشی ، بەلێ خوھدانا زێدە ئەگەر ژ بۆ ھەنە ژوانژی ئەگەرێن فزیولوژی وەکو بەرئاتافبوونا مرۆڤی ب پلەیەکا بلند یا گەرماتیێ، یان زێدە وەستیان ب کاری ڤە یان بێئارامی و فیریانا مروڤی و دیسان ئەگەرێن نەخۆشیان ژی ھەنە وەکو زێدەیلن پەریزدانێ و راوەستیانا عادەیا ھەیڤانە ل دەڤ ژنان، و ب کارئینانا دەرمانێن چارەسەریا پەنجەشێرێ و ھندەک جاران ژی قەلەوی دبنە ئەگەرێ خوھدانێ.
پتریا جاران وەسان دھێتە دیتن کو ئەگەر خۆھدان ژ ئەگەرێن فسیولوژی بیت بتنێ جھەکێ لەشی خۆە ددەت وەک ناڤیا دەستێن مرۆڤی یان پێن مرۆڤی یان بتنێ بن کەفشێن مرۆڤی یان سەروچاڤا و ناڤ ملان، بەروڤاژی ڤێ چەندێ ئەگەر خۆھدان ژ ئەگەرێن نەخۆشیان بیت ھەموو لەشێ مرۆڤی ڤەدگریت.
رەنگە خۆھدانا زێدە ئاریشەیان بۆ مرۆڤی پەیدابکەت و گەلەک جورێن چارەسەریێ ژ بۆ ھەنە بەلێ ھەتا نوکە چ دەرمانێن تایبەت نینن کو خۆە مرۆڤی نەدەت، بەلێ ل ڤێ دووماھیێ بۆ تێست ھندەک دەرمان ھاتینە دروستکرن، بەلێ پشتی ھاتینە ب کارئینان دیاربوو کو کارتێکرنێن وان پترن ژ باشیێن وان، لەورا رازەمەندی نەھاتە وەرگرتن کو بھێنە د بازاری دا و ژ کارتێکرنێن وان ئەون کو دبنە ئەگەرێ ھشکبوونا دەڤی و پیستی و بزاڤا چاڤی ژی ب زەحمەت دئێخن و چارەسەری ب رێکا نشتەرگەریان ژی ھەیە ئەوژی ب رێکا قەتاندنا دەمارێ ( سمبتاوی) ئەوێ رادبیت ب چالاککرنا خوھێ داکو ژ کاری ب راوەستیت، بەلێ ئەڤ نشتەرگەریە یا ب مەترسی یە و گەلەک نوشدارێن نشتەرگەریێ ئەنجام نادەن نەکو کارتێکرنێ ل دەمارەکا دی بکەن و نەخوش فالنجی ببت و نشتەرگەریەکا دیتر ژی ھەیە ئەوژی ب کێشانا گەلاندێن خوھدانێ ژبن کەفشا و ئەڤ نشتەرگەری یە ژی گەلەکا بەلاڤە نینە و ھندەک جاران نوشدارێن تایبەتمەندێن نشتەرگەریێن جوانکاریێ ئەنجام ددەن.
ھندەک کەس گەلەک ئیزعاجا خۆ ژ بێھنا خوھێ دبینن و ل ڤێرێ پێدڤی یە ئەم جێوازیێ بزانین دناڤبەرا بێھنێن کو ژ لەشی دەردکەڤن ئەوژی ب دو رەنگانە رەنگێ ئێکێ ژ کەسەکی بۆ ئێکی جێوازە و گلاندێن خوھدانێ ژێ بەرپرسن و ب تایبەت ل بن کەفشا و جھێن دی یێن موو لێ ھەین. بێھنەکا تایبەت ژێ دەردکەڤیت ئەگەر موو نەھێنە تراشین. چارەسەری بتنێ ب رێکا پاقژیێ یە و ھندەک جورێن بێھنێن خوش ژی ھەنە مرۆڤ دشێت لێ ب رەشینیت و رەنگێ دوێ ژ خوارنا ھندەک جورێن خوارنێ پەیدادبت وەکو خوارنا سویرا، پیڤاز، مێلاکێ و ھێکان و ھندەک جاران ژ ئەگەرێ ب کارئینانا ھندەک دەرمانان ژی پەیدادبیت و بۆ چارەسەریێ پێدڤی یە خۆ ژ ئەگەری دوور بکەین و پاقژیا گشتی ب پارێزین.
داعش ئەندامەکێ جڤاتا پارێزگەھا نەینەوا گولە بارانکر
ئەڤرۆ نیۆز، قائید میرۆ:
چەکدارێن داعش ل سەنتەرێ باژێڕێ مووسل ئەندامەکێ بەرێ یێ جڤاتا پارێزەگەھا نەینەوا رەڤاندن و ئەڤرۆ تەرمێ رادەستی کەس و کارێن وی ھاتەکرن.
غەیاس سورچی، کارگێڕێ مەلبەندێ نەینەوا یێ ئێکەتی نیشتیمانی کوردستان بۆ ئەڤرۆ نیۆز گۆت: “دوھی چەکدارێن داعش ئەفسەرەکێ سەردەمێ رژێما بەرێ ب ناڤێ عەمید مەحەمەد حەسەن متێوتی ل ناف مالا وی رەڤاند و پشتی ھاتیە گولە بارانکرن ئەڤرۆ تەرمێ رادەستی کەس و کارێن وی کر”.
سورچی گۆتژی: “عەمید مەحەمەد حەسەن متێوتی خولا بەرێ ئەندامێ جڤاتا پارێزگەھا نەینەوا بوویە و سەردەمێ رژێما بەرێ یا سەدام ژی پلەیا عەمید ھەبوویە و پشتی ئازادکرنا عێراقێ ھاتبوو خانەنشینکرن”.
پارته‌كا نه‌رویجى داخوازا سه‌ربخويا كوردستانێ دكه‌ت
نه‌رویج، ئاراس ره‌شاڤایى
پارته‌كا نه‌رویج ب ناڤێ ( De Kristine) بریاره ئه‌ڤرۆ ریپیڤانه‌كێ بۆ هه‌مبه‌ر په‌رله‌مانێ نه‌رویج رێكبێخێت.
ل گور په‌یجێ فێسبوكێ یێ ڤێ پارتێ، ئه‌و دێ داخواز بكه‌ن كو وه‌لاته‌كێ سه‌ربه‌خو بۆ كوردستانێ بهێته ئاڤاكرن.
ڤێ پارتى داخواز ژ جه‌ماوه‌رێ خوه‌كریه كو به‌رهه‌ڤى ریپیڤانێ ببن ب مه‌ره‌ما پشته‌ڤانیكرنا سه‌ربه‌خه‌بوونا كوردستانێ.
ڤى وێنه‌ى ئاگر به‌ردا حه‌نان فه‌تلاوی
دو رۆژێن بۆرى بهايێ په‌ترۆلێ 17% زێده بوو
ئه‌ڤرۆ نيوز:
بهايێ پترۆلێ د دو رۆژێن بۆرى دا ئاسته‌كێ پيڤايى يێ نوو د بلندبوونێ دا تۆماركر و بهايێ وێ ژ رۆژا پێنجشه‌مبيا بۆرى ب رێژا 19% و دوهى ژى ب رێژا 6% بلند بوو و ب ڤێ چه‌ندێ ژى ب تنێ د ماوێ دو رۆژێن بۆرى دا نێزيكى 17% ژ بهايێ وێ بلند بوو.
بلندبوونا بهايێ په‌ترۆلێ پشتى وێ چه‌ندێ دهێت كو بۆرسه د سێ رۆژێن بۆرى دا ب ره‌نگه‌كێ گه‌له‌ك به‌رچاڤ بلند بووينه و حوكمه‌تا چينێ ژى بڕيارا چاڤخشاندنێ د ره‌وشا ئابوورى يا وه‌لاتێ خوه دا كريه.
د دووماهى مامه‌لا بهايێ په‌ترۆلا ئه‌مريكى دا ب رێژا 6.25 ل بازاران بلند بوويه و هه‌ر به‌رميله‌ك ل ئاستێ 45 دۆوار و 22 سه‌نتان دا مامه‌له پێ هاتيه كرن.
بهايێ هه‌ر به‌رميله‌كا په‌ترۆلا خاڤ يا برێنێت ژى ل بازاران ب بهايێ 5.24 گه‌شه‌كريه و ئێك به‌رميل ب 50 دولار و 5 سه‌نتان مامه‌له پێ هاتيه كرن.
دولار گران بوو
ئه‌ڤرۆ نيوز:
ره‌وشا دراڤى ئه‌ڤرۆ رێكه‌فتى 22ى ته‌باخا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئۆباما هوشداريێ دده‌ت
ئه‌ڤرۆ نيوز:
ئۆباما هوشداريا وێ چه‌ندێ دده‌ته كونگرێسێ وه‌لاتێ خوه كو هه‌كه رێكه‌فتنا ئه‌تۆمى يا رۆژئاڤا و ئيرانێ بهێته ره‌تكرن، ته‌په دێ كه‌ڤيته د ياريگه‌ها ئيرانێ دا و هه‌ر ئێك ژ ئسرائيل و ئه‌مريكا دێ به‌ر نێزيكيێ چن و ده‌ڤه‌ر ژى روو ب روويێ شه‌ره‌كێ دى بچيت.
باراك ئۆباما يێ سه‌رۆكێ ئه‌مريكا د چارچۆڤێ پشكداريكرن د كۆنفرانسه‌كێ ڤيديۆيى دا كو ژ لايێ دو رێكخراوێن جوهى هاتبوو رێكخستن، ته‌كست ل سه‌ر په‌يوه‌نديێن نێزيك يێن ناڤبه‌را ئسرائيل و ئه‌مريكا كر و به‌ره‌ڤانى ژى ژ رێكه‌فتنا ئه‌تۆمى يا ناڤبه‌را ئيران و كۆمه‌لگه‌ها “پێنج كۆ ئێك” كر و راگه‌هاند: ب وێ رێكه‌فتنێ ب كێمى هه‌تا 15 سالێن دى هه‌موو رێيێن گه‌هشتنا ئيرانێ ب چه‌كێ ئه‌تۆمى هاتينه داخستن.
گۆتژى: “ئيران جهێ باوه‌ريێ نينه، دژى ئه‌مريكا و جوهيايه، به‌لێ ئه‌و رێكه‌فتنا ئه‌تۆمى ل سه‌ر بنه‌مايێ باوه‌ريێ نه‌كريه، به‌لكو ل سه‌ر بنه‌مايێ پشكنين و تاقيكرن و هه‌لسه‌نگاندنێ هاتيه كرن و هوشدارى دا كو هه‌كه ئه‌و رێكه‌فتن ژ لايێ كۆنگرێسى بهێته ره‌تكرن، دێ ته‌په كه‌ڤيته د ياريگه‌ها ئيرانێ دا و هه‌ر ئێك ژ ئه‌مريكا و ئسرائيل دێ به‌ر ب نێزيكى ئێك چن و ده‌ڤه‌ر دێ روو ب روويێ شه‌ره‌كێ دى چيت”.
ته‌قينه‌كێ باژێرێ مێردين يێ باكوورێ كوردستانێ هه‌ژاند
ئه‌ڤرۆ نيوز:
ئه‌ڤرۆ رۆژا شه‌مبى رێكه‌فتى 29ى ته‌باخا 2015ێ ل باژێرێ مێردين يێ باكوورێ كوردستانێ ته‌قينه‌ك روودا و تێدا ژماره‌كا وه‌لاتيان بوونه قوربانى.
ب گۆره‌يى ئاژانسێن ده‌نگوباسێن توركيا د ڤێ ته‌قينێ دا كو ژ ئه‌نجامێ بۆمبه‌كێ بوويه، ل مێردينا باكوورێ كوردستانێ نێزيكى 25 كه‌سان بريندار بووينه كو 10 ژ وان پۆليسن.
ئه‌ڤان ژێده‌ران راگه‌هانديه ژى ئه‌ڤ 24 بريندارێن ڤێ ته‌قينێ ب مه‌ره‌ما چاره‌كرنێ به‌ر ب نه‌خۆشخانا قزلته‌په ڤه‌گوهاستينه.
هه‌تا نوكه ژى چو حزب و لايه‌نان به‌رپرساتيا خوه ژ ئه‌نجامدانا ڤێ ته‌قينا باژێرێ مێردينێ يێ باكوورێ كوردستانێ رانه‌گه‌هانديه.
نێزيكى هه‌يڤه‌كێ يه شه‌ر و پێكدادان د ناڤبه‌را سۆپايێ توركيا و گه‌ريلايێن په‌كه‌كێ ده‌سپێكرى و ژ ئه‌نجامێ ڤێ چه‌ندێ ژى ل باكوورێ كوردستانێ ب ره‌نگه‌كێ گه‌له‌ك ئاشكه‌را شه‌رێ كولانان دهێته ديتن و د ماوێ بۆرى دا چه‌ندين ته‌قين ژى رووداينه.
ژمارا دروست يا ره‌ڤانديێن ناڤ ده‌ستێ داعش و يێن رزگار بووين هاته راگه‌هاندن
ئه‌ڤرۆ نيوز:
رێڤه‌به‌ريا گشتى يا كاروبارێن ئێزديان ل وه‌زاره‌تا ئه‌وقاف و كاروبارێن ئاينى ل حوكمه‌تا هه‌رێما كوردستانێ ئامارا دروست يا وه‌لاتيێن ئێزدى يێن ناڤ ده‌ستێ داعش و رزگار بووين راگه‌هاند.
رێڤه‌به‌رێ گشتى يێ كاروبارێن ئێزديان ل وه‌زاره‌تا ئه‌وقاف و كاروبارێن ئاينى ل حوكمه‌تا هه‌رێما كوردستانێ، د داخۆيانيه‌كێ دا بۆ ئه‌ڤرۆ نيوز ژمارا دروست يا وه‌لاتيێن ره‌ڤاندى يێن ناڤ ده‌ستێ داعش ب گۆره‌يى ئامارا رێڤه‌به‌ريا وان راگه‌هاند.
خه‌يرى بۆزانى گۆت: “ژمارا وه‌لاتيێن ئێزدى يێن ناڤ ده‌ستێ داعش ب گۆره‌يى ئامارێن ل به‌ر ده‌ستێ مه هه‌تا 17ى ته‌باخا 2015ێ پێنج هزار و 838 كه‌سن”.
رێڤه‌به‌رێ گشتى يێ كاروبارێن ئێزديان ل وه‌زاره‌تا ئه‌وقاف و كاروبارێن ئاينى ل حوكمه‌تا هه‌رێما كوردستانێ، گۆتژى: “ژ ڤان كه‌سان ژى سێ هزار و 192 ژنن و دو هزار و 646 زه‌لامن”.
دا زانين ژى كو ژ ڤێ رێژێ، دو هزار و 118 كه‌س رزگاربووينه كو ژ وان ژى 304 زه‌لام و 799 ژن و 494 زارۆيێ مێ و 521 زارۆيێن نێرن.
خه‌يرى بۆزانى ده‌رباره‌يى هاريكاريا ڤان كه‌سان ژى گۆت: “ل ڤێ دووماهيێ گه‌له‌ك ئه‌كاونت و ژمارێن به‌نكى هاتينه چێكرن و ئاماژه ب وێ چه‌ندێ دكه‌ن كو ئه‌و پاره‌يى بۆ رزگاركرنا ڤان كه‌سان كۆم دكه‌ن و مه‌بله‌غێن مه‌زن بۆ ڤێ مه‌ره‌مێ كۆم كرينه و گۆت: “د ژيوارى دا نه ژ دوور و نه ژى ژ نێزيك مه ئاگه‌هـ ژ ڤى كارى نينه و چو پاره ژى ژ وى نه‌گه‌شتيه به‌ر ده‌ستێ مه”.
نيشاندان
WP Facebook Auto Publish Powered By : XYZScripts.com