ئەڤرۆ نیوز، ھەژار مەعروف:
ئەڤرۆ ل بارەگایێ ئێکەتیا تەپا پێ یا ھەرێما کوردستانێ سەروک و ئەندامێن ئێکەتیا ناڤەندی کومبوونا ھونەری ل گەل نوونەرێن ھەمی یانێن پشکدار دخۆلا پلا ئێک دا کر ل سەر شێوازی کرنا یاریێن خولێ، پاشتر پشککێشانا خولا پلا ێک یا کوردستانێ ھاتە کێشان کو ١٥ یانا بەرھەڤیا خوە دیارکر بوو بتنێ یانا بروسک نەبیت ئەوا ب فەرمی خوە ژ خۆلێ ڤەکێشا و یانێن دی ل سەر سێ کومان ھاتنە بەلاڤەکرن ھەر کومەک پێکھاتیی یە ژ پێنج یانا ب شێوازی ھاتنو چون یاریێن خولێ ھێنەکرن.
قارەمانێن ھەرسێ کومان ئێکسەر دەربازی چار گوشا زێرین بن ل گەل باشترین تیما خودانا رێزا دوێ و ئێک تیم دێ پاشڤەزفریتە خۆلا پلا ئێک ھەر تیمەکا کێمتر خالا ژ ھەر سێ کومان ب دەستخوڤە بینت ئەو دێ پاشڤەفریتە خۆلا پلا ئێک.
ھەر سێ کوم ب ڤی شێوەی نە
کوما ئێکێ پێشمەرگا سلێمانی، سێمێل، خاک، دەربەندیخان وکویە.
کوما دوێ سیروان نووی، شەھیدان، سوران،ئالتون کوپیری و ئاشتی.
کوما سێ گاز باکوور، ھەلو، ئاکرێ، سەورە و ھەلبچە شەھید.
ئه‌ڤرۆ نيوز:
سه‌رۆك بارزانى په‌يامه‌ك به‌لاڤكر و راگه‌هاند:تيرورستان دخواستن ل رۆژا ئالايێ كوردستانێ هێرشێ بكه‌نه سه‌ر كوردستانێ و ئالايێ كوردستانێ دابگرن، به‌لێ خه‌يالا تيرورستان و دوژمنان يا خاڤه و ئالايێ مه ل سايا خودايێ مه‌زن و قاره‌مانيا پێشمه‌رگه‌ى و هيمه‌تا گه‌لێ مه هه‌رده‌م دێ ب بلند مينيت.
ئەڤرۆ نیوز:
راھێنەرێ ھەلبژارتیێ چیلی یێ تەپا پێ خورخی سامبۆلی دیارکر ئەندریس ئێنیستا ستێرا ئێکێ یە ل یانا بەرشەلۆنا و باشترین یاریکەرە ل جیھانی ژ لیونێل مێسی و کریستیانو رۆنالدوی باشترە .
زێدەتر راھێنەرێ ھەلبژارتیێ چیلی بۆ رۆژناما ” ئەی ئەس بی ئەن ” دیارکر ئەو گەلەک ب ئاستێ یاریکەر ئێنیستای داخابرە و یاریکەرێن وەکو وی نوکە د یاریا تەپا پێ دا کێمن ژبەرکو شارازیەکا مەزن ھەیە ل نیڤا یاریگەھێ ھەر چەندە مێسی و رۆنالدوی ژلایێ ئاستێ ھونەری ڤە شیانێن مەزن ھەنە چو کێماسی لێ نینە لێ ئێنیستا دەمێ یاریێ کەت پشتەڤان و حەشێکەرێن تەپا پێ خوشیێ ژ دیتنا یاریا وی بینن لەورا دبینت باشترین یاریکەرە ل جیھانێ .
ئەڤرۆ نیوز، ھەرھین محەمەد:
سترانبێ حاجی زاخوی دکورتە دیدارەکێ دا بۆ ئەڤرۆ نیوز ئاشکەراکر کو نوکە ئەو مژوولی دو سترانێت نەتەوەیی یە ژڤانە بھێتە تومارکرن.
حاجی زاخوی زێدەترگۆت: سترانا (ھەڤالینو لەزێ نەکەن من نە ڤەشێرن) کو ژپەیڤێن ھەلبەستڤان بەدرخان سندی و ئاواز وەلید خالد و دیسان سترانا دوێ ل سەر شەھید (مەحمید ھالو) ب ناڤێ (پێشمەرگەمە) دێ ھێتە گۆتن.
ئه‌ڤرۆ نيوز:
بۆ جارا ئێكێ ل سه‌دێ 21ێ، د شه‌ڤا جه‌ژنا سه‌رێ سالا داهاتى دا، دێ هه‌يڤا تابان ده‌ركه‌ڤيت.
پشتى سالا 1977ێ ئه‌ڤ ديارده ل شه‌ڤا جه‌ژنا سه‌رێ سالێ دا نه‌هاتيه ديتن وه‌كو پێگه‌هێ ” Huffington Post”ژى به‌حس لێ كرى، ئه‌ڤ ديارده جاره‌كا دى دێ ل سالا 2034ێ رووده‌ت.
ده‌ركه‌فتنا هه‌يڤێ ب پرى، ب هه‌يڤا تابان يان يا 14 شه‌ڤى دهێته ب ناڤبرن و هنده‌ك هه‌يڤا شه‌ڤگارى يا درێژى ب ناڤ دبه‌ن.
ئه‌ڤرۆ نيوز:
ل ڤێره دێ چه‌ند مفايه‌كێ سه‌رشووشتنا هه‌ڤژينان يا پێكڤه به‌رچاڤ كه‌ين كو هه‌تا نوكه ته هزر لێ نه‌كريه و هه‌كه هه‌تا نوكه هه‌وه ئه‌ڤ رێيه تێست نه‌كربيت پشتى خواندنا ڤى بابه‌تى و مفايێن وێ دبيت بۆچوونا هه‌وه بهێته گوهۆڕين و هه‌مان كار بكه‌ن.
زێده‌بوونا هه‌ستێ رۆمانسيه‌تێ:
خوه شووشتنا پێكڤه ب تايبه‌ت هه‌كه ب سانوونا بووندار بيت د ناڤ بانيويه‌كێ دا بن كو يا تژى ئاڤا گه‌رم بيت و چه‌ند به‌لگه‌كێن گولێن سور ژى د ناڤ دا بن، هه‌ستێ رۆمانسيه‌تێ يێ ناڤبه‌را ژن و مێران زێده دكه‌ت.
نه‌هێلانا شه‌رمێ د ناڤبه‌را وان دا:
پشكه‌ك ژ هه‌ڤژينان چ ژن و چ ژى زه‌لام، يان هه‌ردو شه‌رم ژ وێ چه‌ندێ دكه‌ن به‌رامبه‌ر هه‌ڤژينێ يان هه‌ڤژينا خوه، خوه ب ته‌مامى رووت بكه‌ن و خوه بشوون! بۆ نه‌هێلانا ڤێ شه‌رمێ، باشترين رێ سه‌رشووشتنا هه‌ڤژينان يا پێكڤه‌يه.
رزگاربوون ژ رووتينه‌كا بێزاركه‌ر:
خووشووشتنا هه‌ڤژينان پێكڤه شێوازه‌كێ هه‌تا راده‌كى نوويه ل ده‌ف گه‌له‌ك هه‌ڤژينان و كارتێكرنه‌كا ده‌روونى يا مه‌زن هه‌يه، دبيته ئه‌گه‌رێ رزگاربوون ژ رۆتينه‌كا بێزاركه‌ر كو هه‌رده‌م ب تنێ خوه دشوون و شێوازه‌كێ دووباره‌كه‌ره.
باشتركرنا په‌يوه‌نديێن خێزانى:
ژ ئه‌گه‌رێ خوه شووشتنا هه‌ڤژينان پێكڤه په‌يوه‌نديێن خێزانى باشتر لێ دهێن و هه‌ستێ سۆزداريێ زێده دكه‌ت كو مفايێن باش بۆ خێزانێ هه‌نه.
كێمكرنا دودلى و ماندووبوونێ:
ژن و مێر و ب تايبه‌ت مێر گه‌له‌ك كار دكه‌ن، رۆژانه بۆ ماوه‌كێ درێژ مێشكێ وان ماندوو دبيت، ده‌ما دچنه مال پێدڤى ب سه‌ربرنا ده‌مه‌كێ ئارام هه‌يه، ئه‌ڤه ژى ب گۆره‌ى ڤه‌كۆلينێن شاره‌زايان ده‌ركه‌فتيه، د رێيا خوه شووشتنا هه‌ڤژينان پێكڤه هه‌ست ب ئاراميه‌كا زۆر دكه‌ن و ماندووبوونا وان ژبيرێ دچيت.
ئه‌ڤرۆ نيوز، بارزان مزوورى:
ئاخفتنكه‌رێ ب ناڤێ فه‌رماندا سپيلك يا پێشمه‌رگێ كوردستانێ بۆ ئه‌ڤرۆ نيوز دياركر كو د هێرشا شه‌ڤا بۆرى دا، بۆ سه‌ر هێزێن پێشمه‌رگه‌ى ل ميحوه‌رێ تلسقۆف هاته تێكشاندنن و چه‌ندين ته‌رم ژى ل دووڤ خوه هێلان.
عه‌ميد مه‌رعان گۆت: “شڤێدى 18ى كانوونا ئێكێ يا 2015ێ چه‌كدارێن داعش ل ميحوه‌رێ تلسقۆف هێرشه‌كا چه‌كدارێن داعش تێكشاندن يا كو پێشتر مه پێزانين ل سه‌ر هه‌ين كو دێ هێرشێ كه‌ن”.
زێده‌تر گۆت: “زيانێن دروست يێن ب وان كه‌فتينه نه‌هاتينه زانين، به‌لێ 15 ته‌رمێن وان كه‌فتينه ده‌ستێ مه ل گه‌ل چه‌ندێن چه‌ك و ته‌قه‌مه‌نيان و هێزێن پێشمه‌رگه‌ى ژى چو زيان نه‌بوون”.
ئەڤرۆنیوز،کارون باعەدری :
یاریکەرێ یانا ریال مەدرید و ھەلبژارتیێ پرتوگال کریستیانو رۆنالدۆ د ئەکاونتێ خۆ یێ تۆرا کۆمەلایەتی یێ فێسبوکی دا دیارکری یە ئەو گەھشتە رێککەفتنێ ل گەل کومپانیا بستانا یا پرتوگالی یا تایبەت ب ڤەکرنا ئوتێلان ڤە بۆ پروژەیەکێ مەزن ب ڤەکرنا چار ئوتێلان ل ئورۆپا و ئەمریکا .
ژلایەکێ دووڤە رۆژنامەیێن پرتوگالی وەسا دیارکری یە کومەلا بستانا یا ئوتێلان دیارکری یە ئەو رێککەفتی نە ل گەل رۆنالدوی ب ڤەکرنا چار ئوتێلان کو دو ژ ئەوانا ل پرتوگال بن یا ئێکێ ل مادێرا ل جھێ دایکبوونا رۆنالدوی و یا دوێ ل باژێرێ لەشبونا یێ پرتوگالی بیت و بریارا ل سالا نووی دەست ب کارێ بھێتەکرن و ھەردو ئوتێلێن دی ل ٢٠١٧ دەست ب کاری کەن ئەوژی ل مەدرید و نیورۆک بن و مەزاختیێ ئەوان دێ نێزیکی ٧٠ ملیون یورۆیا بن و ھەر ئوتێلەکێ دێ نێزیکی ٥٠٠ ئودە دناڤا ئوتێلی دا بن .
ئه‌ڤرۆ نیوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئێكشه‌مبى رێكه‌فتى 20ى كانوونا ئێكێ يا 2015 ئه‌سمانێ دهۆكێ دێ د ناڤبه‌را ساهياتى و ئه‌وره‌كێ كێم دا بيت و ل دانێ سپێدێ ئه‌گه‌رێ په‌يدابوونا مژه‌كا كێم يێ هه‌ى.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن بلندێن باكوورێ رۆژهه‌لاێ وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمانى دهۆكێ دناڤبه‌را ساهياتى و ئه‌وره‌كێ كێم دا بيت و ل دانێ سپێدێ ئه‌گه‌رێ په‌يدابوونا مژه‌كا كێم يێ هه‌ى.
پشكا پێشبينيان دايه زايه زانين كو دێ ئاراستێ باى ژى دێ باشوورێ رۆژئاڤا بيت ب ره‌نگه‌كى د ناڤبه‌را 5 هه‌تا 10 كم دا و ماوێ ديتنێ ژى 8 بۆ 10 كم بيت، پلێن گه‌رمێ ژى دێ د ناڤبه‌را 2 بۆ 14 پلان دا بيت.
نيشاندان