ئه‌ڤرۆ نیوز،زنار تۆڤى:
كۆمسیۆنا مافێن مرۆڤى ل عێراقێ دوماهیك راپۆرتا خوه به‌لاڤكریه و تێدا هاتیه كو رێكخراوا تیرۆرستیا داعش چه‌ندین كریارێن دوور ژ مرۆڤایه‌تیێ ل وان ده‌ڤه‌رێن ل ژێر كونترۆلا وان دا ل عێراقێ ئه‌نجامداینه و بازرگانى ب چه‌ندین ژن و زارۆیان كریه.
فازل ئه‌لراوى ئه‌ندامێ كۆمسیۆنا مافێن مرۆڤى ل عێراقێ دبێژیت:هه‌تانوكه داعشێ 1500 زارۆك ل مۆسلێ چه‌كدار كرینه و ل 4 سه‌ربازگه‌هان به‌لاڤكرینه و مه‌شقا سه‌ربازى پێ دكه‌ن،د ده‌مه‌كى دا ئه‌ڤ چه‌نده یا دووره ژ هه‌مى ره‌وشتێن مروڤایه‌تیێ ل جیهانێ،ژبه‌ركو نابیت زارۆك بۆ مه‌ره‌مێن سه‌ربازى بهێنه چه‌كداركرن.
ئه‌ڤرۆ نيوز:
رێڤه‌به‌ريا به‌ره‌ڤانيا باژێرێ راگه‌هاند كو نيڤرۆيا ئه‌ڤرۆ رۆژا چارشه‌مبى رێكه‌فتى 26ى ته‌باخا 2015ێ ل ده‌مژمێر 1:45 ده‌قيقه بنگه‌هێ به‌ره‌ڤانيا باژێرى ل سێمێلێ هاته ئاگه‌هداكرن كو وه‌لاتيه‌كێ ب ناڤێ (م.م.م) دژيێ 13 ساليێ دا و ئێكێ ب ناڤێ (م.ع) يێ 17 سالى د ئاڤا رووبارێ ديجله‌يى دا خه‌نديقينه.
بێوار عه‌بدولعه‌زيزى به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێر زێده‌تر گۆت: “پشتى گه‌هشتنا جهێ روودانێ، تيمێن نقومڤانان شيان لاشێ هه‌ردو سنێلان ژ ئاڤێ بيننه ده‌رێ”.
ئه‌ڤرۆ نیوز:
وه‌زاره‌تا دارایى ناڤێ وان وه‌زاره‌ت و جهان به‌لاڤكر كو رۆژا 5 شه‌مبى و 1 شه‌مبیێ دێ مووچێ هه‌یڤا 6 وه‌رگرن.
رۆژا پێنجشه‌مبى دێ 1_ فەرماندا پێشمەرگێ زێرەڤانی. 2_ هێزا ئاماددە دێ وه‌رگریت
و رۆژا ئێكشه‌مبیا بهێت ئه‌ڤ جهه دێ مووچه‌ى وه‌رگرن:
١_وەزارەتا پلاندانان. ٢_ وەزارەتا داد. ٣ – وەزارەتا ئاوەدانكردنەوە. 4_ وەزارەتا بازرگانی و پیشە سازی. 5_ وەزارەتا گواستنەوە. 6_ وەزارەتا رۆشنبیری. 7_ وەزارەتا دارایی و ئابووری. 8_ وەزارەتا سامانە سروشتیەكان. 9_دەستەيا وەبەرهێنان. 10_ دیوانا چاودێری دارایی. 11_دەستەیا دەسپاكی. 12_ دەستەيا مافی مرۆڤ. 13_دەستە يا ناوچەكانی دەرەوەی هەرێم. 14_ دەزگای مین . 15- دەستەيا ژینگە
ئه‌ڤرۆ نيوز:
د روودانه‌كا ترفيكى دا ل جادا سه‌ره‌كى يا ئێتيتێ به‌رامبه‌ر زانكۆيا جيهان كه‌سه‌كى گيانێ خوه ژ ده‌ست دا و سێ كه‌س ژى بريندار بوون.
رائيدێ مافپه‌روه‌ر، بێوار عه‌بدولعه‌زيز، به‌رپرسێ راگه‌هاندنێ ل رێڤه‌به‌ريا به‌ره‌ڤانيا باژێرى بۆ ئه‌ڤرۆ نيوز گۆت: “ئه‌ڤرۆ سپێدێ ل سه‌ر جادا ئێتيت – دهۆك ترۆمبێله‌كێ خوه ل ستوونه‌كێ دا و د ئه‌نجام دا كه‌سه‌كى گيانێ خوه ژ ده‌ست دا و سێ ژى بريندار بوون”.
زێده‌تر گۆت: “پشتى ئه‌م هاتينه ئاگه‌هداركرن كو روودانه‌كا ترافيكێ يا په‌يدا بوويى، تيمێن به‌ره‌ڤانيا باژێرى ب گه‌هشتنه جهێ روودانێ و شيان سێ كه‌سان قورتال بكه‌ن، به‌لێ ب مخابنى ڤه كه‌سه‌كى گيانێ خوه ژ ده‌ست دابوو”.
ب گۆره‌يى ئه‌و پێزانينێن راديۆيا ترافيك به‌لاڤكرن شۆفێرێ ڤێ ترۆمبێلێ ل سه‌ر جادا سه‌ره‌كى يا ئێتيتێ به‌ر ب دهۆك ڤه دهات و له‌زاتيه‌كا زێده ب كار ئينايه و بوويه ئه‌گه‌رێ روودانێ.
نيشاندان