ئەڤرۆ نیوز:
راھێنەرێ یانا دھۆک یێ بەری نوکە سائێر جەسام ب فەرمی گەھشتە رێککەفتنێ بۆ وەرگرتنا ئەرکێ راھێنەریا یانا بەعقە یا ئوردونی ئەوا دخۆلا پلا نایاب یا وی وەلاتی دا کەت .
یانا بەعقە نوکە ل رێزا بەری دووماھیێ دھێت د لیستەیا خۆلا پلا نایاب یا ئوردون دا ب حەفت خالان ژ ١١ یاریان بتنێ سەرکەفتنەک ھەیە ل گەل چار وەکھەڤیا .
سائێر جەسام ئەوێ بەری ماوەکە ھەڤبەستا خوە ل گەل یانا دھۆک ھەلوەشاندی ژ بەر ئەنجامێن لاوازێن تیمێ دخۆلا عیراقێ دا دێ ل رۆژا شەمبیا بھێت سەرپەرشتیا تیما خوە یا نووی کەت بەرامبەر یانا سەریح ل حەفتیا ئێکێ ژ قوناغا دوێ ژ خۆلا ئوردون.

ئەڤرۆ نیوز:

فوتو، ئازاد زووم:
خوبەرھەڤکرن بۆ وەرزێ نوویێ خۆلا پلا نایاب یا ھەرێما کوردستانێ یا تەپا پێ ئەوا بریارە ل حەفتیا بھێت ھەڤرکیێن وێ بھێنەکرن تیما زاخۆ شیا سەرکەفتنا دوێ ل سەر یانا دھۆک د ماوێ سێ رۆژان دا توماربکەت پشتی دیاریا خوە یا  ئەڤرۆ ژێ شیای سەرکەفتنێ ل سەر دھوکێ توماربکەت ب دو گولان بەرامبەر گولەکێ دوێ یاریێ دا ئەوا ل یاریگەھا یانا دھۆک یا سێ ھاتەکرن.
ھەژی گوتنێ یە یانا زاخۆ ل رۆژا سێ شەمبیا بوری شیابوو ل یاریگەھا خوە سەرکەفتنێ ل سەر دھۆکێ توماربکەت ب گولەکێ بێ بەرامبەر .

چەند دیمەن ژ یاریا ئێکێ یا ھەڤالینی یا ھەردو تیمان

ئەڤرۆ نیوز، ھەژار مەعروف:
تیما تەپا پێ یا زاخۆ نەشیا خوە ژ گرێیا یانا کەربەلا قورتال بکەت ئەڤ جارە ژی توشی خوسارەتیێ بوو ل سەر دەستێ یانا کەربەلا ل یاریگەھا وێ ب گولەکێ بێ بەرامبەر ژ چارچوڤێ یاریێن گەرا دوێ ژ قوناغا ئێکێ یا خۆلا عیراقێ، کو دبیتە وەرزێ سێ ل دوویڤ ئێک تیما کەربەلا خوسارەتیێ گەھینتە یانا زاخۆ ل یاریگەھا خوە ب ڤێ خوسارەتیێ تیما زاخۆ ژ رێزا دوێ پاشڤە زفری رێزا چارێ د لیستەیا خۆلا عیراقێ یا کوما دوێ.
ژلایەکێ دووڤە ل یاریگەھا خوە تیما تەپا پێ یا ھەولێر شیا سەرکەفتنەکا باش ل سەر سەرکێشا کوما دوێ تیما مینا توماربکەت ب سێ گولان بەرامبەر گولەکێ ھەرسێ گولێن ھەولێرێ ژ لایێ یاریکەران محەمەد جەفال و ئەحمەد عەبدولەمیر و کوسرەت بایز ھاتنە تومارکرن، ب ڤی ئەنجامێ تیما ھەولێرێ خالێن خوە گەھاندنە ١٧ خالان ژ رێزا پێنجێ پێشڤە ھاتە رێزا سێ و کێمتر یاریەکێ ژ یانێن دی.
ھەردیسان ژ یاریێن دی یێن ئەڤرۆ ھاتینە کرن  نەجەف بەردەوامی دا ئەنجامێن خوە یێن باش ب سەرپەرشتیا راھێنەرێ خوە یێ گەنج عیماد محەمەد ئەڤ جارە شیا سەرکەفتنەکا گرنگ ل سەر یانا حدود توماربکەت ب گولەکێ بێ بەرامبەر و پێشڤە ھاتە رێزا دوێ ب ١٩ خالان و ژ یاریێن کوما ئێکێ تیما زەورا سەرارای وەکھەڤیا خوە ل گەل نەفت ئەلجنوب بێ گول سەرێ لیستەیا کوما ئێکێ پاراست ب ٢٥ خالان و ھەلگرا ناسناڤێ وەرزێ بوری تیما نەفت وەست ب سەرکەفت ل سەر تیما کەرخ ب گولەکێ .

ئەڤرۆ نیوز:
ھەلگرا ناسناڤێ لیگا ئیسپانیا و چامپیونس لیگا ئورۆپا یانەیا بەرشەلۆنا بۆ جارا چارێ دەربازی یاریا دووماھیا موندیالا یانێن جیھانێ بۆ پشتی بەری دەمەکێ کێم شیا سەرکەفتنەکا مەزن ل سەر یانا گوانزو یا چینی توماربکەت ب سێ گولان بێ بەرامبەر کو ھەرسێ گولێن یانا کەتەلونی ژلایێ ستێرا وێ سواریز ڤە ھاتنە تومارکرن.
یانا بەرشەلۆنا ل رۆژا ئێک شەمبیا بھێت دێ یاریا خوە یا دووماھیێ ژ قارەمانیێ بەرامبەر یانا ریڤەرپلێت یا ئەرژەنتینی کەت ئەوا دوھی ژلایێ خوڤە شیای سەرکەفتنێ ل سەر مێڤاندارا قارەمانیێ یانا ھێروشیما یا ژاپونی توماربکەت ب گولەکێ بێ بەرامبەر .

ئەڤرۆ نیوز:
نیڤا ئێکێ یا ھەر پێنج یاریێن خۆلا عیراقێ یا تەپا پێ بۆ یانێن پلا نایاب نوکە ب دووماھی ھاتینە و ھەردو نوونەرێن کوردستانێ ژی یانا زاخۆ ل گەل کەربەلا ل یاریگەھا کەربەلا و ھەولێر ل گەل مینا ل یاریگەھا ھەولێرێ وەکھەڤبن بێ گول .
ژلایەکێ دووڤە یاریێن ھەر سێ یانێن زەورا ل گەل نەفت ئەلجنوب و نەفت وەست ل گەل کەرخ و حدود ل گەل نەجەف بێ گول ب دووماھی ھاتینە.

ئەڤرۆ نیوز، زنار:
سەروکێ ئێکەتیا تەپا پێ یا عیراقێ گەف ل ئەوان یانا کرن ئەوێن بوینە رێگر ھەمبەر چونا یاریکەرێن وان بۆ ھەلبژارتیێ ئولومپێ یێ عیراقێ بۆ یاریێن ڤاڤارتنا ئولمپیادتێن بەرازیل.
زێدەتر ناڤبری دیارکر وان باوەری ب شیانێن یاریکەرێن ھەلبژارتیێ ئولمپی ھەنە کو دێ شێت ب سەرکەفتیانە ژ کوما خوە دەربازبیتە ئولومپیاتێن ریو دیجانێرو یا بەرازیل، لێ ھندەک یانە بوینە رێگر ھەمبەر چونا یاریکەرێن وان بۆ ھەلبژارتیێ ئولومپی و دیارکر ھەر یانەکا بیتە رێگر ھەمبەر پەیوەندیکرنا یاریکەرێن وان بۆ ھەلبژارتیێ عیراقێ دێ ب توندی یانە و ئەو یاریکەر ھێنە سزادان ژوانا راوەستاندنا یاریکەری بۆ ماوێ سالەکێ نابیت پشکداریێ د خولا عیراقێ یا تەپا پێ دا بکەت.