ئه‌ڤرۆ نيوز:
كۆمبوونا پێنج قولى يا پارتێن پشكدار ل حوكمه‌تا هه‌رێما كوردستانێ دێ ل هه‌ولێر هێته ئه‌نجام دان و لايه‌ن ژى د گه‌هشبينن بگه‌هنه رێكه‌فتنێ.
بهار مه‌حمود، ئه‌نداما شاندنێ بزاڤا گۆڕان بۆ رووداو گۆت: “كۆمبوونا رۆژا چارشه‌مبى ره‌نگه دووماهى كۆمبوون نه‌بيت، به‌لێ دێ بڕيار هه‌بن”.
فه‌رسه‌ت سۆفى، ئه‌ندامێ په‌رله‌مانێ كوردستانێ ژ فراكسيۆنا پارتى كو وه‌كو كه‌سه‌كێ قانوونى پشكدارى نێدا دكه‌ت بۆ رووداو گۆت: “لايه‌نان نه‌رمى يا نيشان دايى بگه‌هنه سازانێ، پتريا پرسان د نێزيكى ئێكن، ب تنێ دانوستاندن ل سه‌ر چاوانيا هه‌لبژارتنێ و ده‌سته‌لاتێن سه‌رۆكێ هه‌رێمێ يه”.
ئه‌ڤرۆ نيوز:
فراكسيۆنێن كوردستانى داخوازێ ژ حه‌يده‌ر عه‌بادى سه‌رۆك وه‌زيرێن عيراقێ دكه‌ن ل ده‌مێ بجهئينانا پلان و بڕياران بۆ ئه‌نجامدانا چاكسازيان هه‌ڤسه‌نگيێ د حوكمه‌تا خوه دا ب پارێزيت.
ئه‌ڤرۆ رۆژا سێشه‌مبى رێكه‌فتى 25ى ته‌باخا 2015ێ، سه‌رۆكێن فراكسيۆنێن كوردى كۆمبوون و تێدا داخواز ژ عه‌بادى كر كو نابيت پێنگاڤێن چاكسازيێ هێز و لايه‌ن و پێكهاتان بكه‌نه ئامانج و پێدڤيه د هه‌ر پێنگاڤه‌كێ دا، عه‌بادى هه‌ڤسه‌نگيا پشكداريا لايه‌نان د حوكمه‌تێ دا ب پارێزيت.
ئه‌ڤرۆ نيوز:
وه‌لاتيه‌كێ رۆژائاڤايێ كوردستانێ د ژيێ 23 ساليێ دا د خابيرى دا ل زاخۆ خه‌ندقى و تيمێن نقوومڤانێن بنگه‌هێ زاخۆ ژى ته‌رمێ وى ژ ئاڤێ ئينا ده‌ر.
به‌رپرسێ راگه‌هاندنێ رێڤه‌به‌ريا به‌ره‌ڤانيا شارستانى ل دهۆكێ بۆ ئه‌ڤرۆ نيوز گۆت: “ئه‌ڤرۆ رۆژا سێشه‌مبى رێكه‌فتى 25ى ته‌باخا 2015ێ ل ده‌مژمێر 12:30 ده‌قيقيه بنگه‌هێ ئاگرڤه‌مراندنا زاخۆ هاته ئاگه‌هدار كرن كو وه‌لاتيه‌كى ب ناڤێ (أ. م.ع) د ژيێ 23 ساليێ دا يێ كوردێ رۆژئاڤا د خابيرى دا خه‌ندقيه”.
رائيدێ مافپه‌روه‌ر بێوار عه‌بدولعه‌زيز زێده‌تر گۆت: “پشتى گه‌هشتنا تيمێن نقوومڤانان گه‌هشتنه جهێ روودانێ و پشتى بۆرينا چه‌ند ده‌قيقه‌كان تلاشێ وى ده‌رخست و گيانێ خوه خوه ژ ده‌ست دابوو”.
ئه‌ڤرۆنیۆز، ئه‌یاد به‌روارى
رۆژنامه‌كا بریتانی دیاركر كو رێكخستیا ده‌وله‌تا ئیسلامی (داعش) چه‌كێ كیمیاوی ل حه‌له‌ب ل سووریێ بكارئینایه و ئه‌ڤه دبیته جارا دویێ پشتى دژى هێزێن كوردی ل عیراقێ بكارئیناى.
رۆژناما (تلگراف) یا بریتانی به‌لاڤكر” داعشێ ل ده‌ڤه‌را مارع ل باكوورێ حه‌له‌بێ غازا خه‌رده‌ل بكارئینایه و 30 كه‌س تووشی وێ غازێ بووینه و ئه‌ڤه جارا ئێكێ نینه داعش هێرشان ب غازا خه‌رده‌لێ دكه‌ت كو به‌ری نوكه دژى هێزێن كوردی ل عیراقێ بكارئینابوو، ڤێ چه‌ندێ ژى مه‌ترسی په‌داكرینه كو داعشێ چه‌كێ كۆمكوژ هه‌بیت”.
رۆژناما بریتانی پێشبینیا وێ چه‌ندێ دكه‌ت كو داعشێ ئه‌و چه‌كه ژ عومبارێن عیراقێ یێن سه‌رده‌مێ رژێما سه‌دامی بده‌ستڤه‌ئینابن، یان ژی ده‌ست ب سه‌ر چه‌كێ كیمیاوی د عه‌مبارێن له‌شكرێ سووری دا گرتبیت، دیسا داعشێ ده‌ست ب سه‌ر ده‌زگه‌هێ (به‌رق) ل مووسلێ دا گرتبوو كو رێژه‌كا چه‌كێ نه ئاسایی تێدابوو”.
لێ رۆژناما تلگراف ئاماژێ ب بۆچوونه‌كا رۆژناما (بریتون گۆردون) یا تایبه‌تمه‌ند ب وارێ ئه‌منی ڤه كریه كو به‌لاڤكریه” هه‌بوونا ڤی جۆره چه‌كی دده‌ستێ داعشێ دا وێ هاندده‌ت ئێكسه‌ر بكاربینیت وه‌كو شه‌ڕه‌كێ ده‌روونی، لێ ئه‌ڤه رامانا وێ چه‌ندێ ناده‌ت كو داعشێ رێیه‌كا مه‌زن ژ وی چه‌كی یا هه‌ی”.
ئه‌ڤرۆنیۆز، ئه‌یاد
ژێده‌ره‌كی ژ پۆلیسێن عیراقێ راگه‌هاند، رێكخستیا داعش یا تیرۆرستی ئاڤاهیێ قایمقامیا بێجی یا ب سه‌ر پارێزگه‌ها سه‌لاحه‌دین ڤه كونترۆلكر.
ئه‌فسه‌ره‌كێ پۆلیسێن عیراقێ بۆ شه‌فه‌ق نیۆز گوت” تیرۆرستێن داعشێ دوهی هێرش كره سه‌ر تاخێ تامیم و شیان ئاڤاهیێ قایمقامیا بێجی كونترۆل بكه‌ن”.
حه‌یده‌ر عه‌بادی سه‌رۆك وه‌زیران و فه‌رماندێ گشتیێ هێزێن چه‌كدار ل رۆژا دو شه‌مبی سه‌ره‌دانا به‌ره‌یێن شه‌ڕى ل پارێزگه‌ها سه‌لاحه‌دین كربوو ژ وان ژی قه‌زا بێجی ب مه‌ره‌ما ئاگه‌هداربوون ل سه‌ر ره‌وشا ئۆپه‌راسیۆنێن له‌شكری دژی داعشێ و پلانا رزگاركرنا پالاوگه‌ها بێجێ و هنده‌ك ده‌ڤه‌رێن ده‌روبه‌ر.
ئه‌ڤرۆنیۆز، ئه‌یاد به‌روارى:
وه‌زیرێ ده‌رڤه‌یێ توركیا راگه‌هاند، ئه‌مریكا و توركیا ل نێزیك دێ ده‌ست ب ئۆپه‌راسیۆنه‌كا ئه‌سمانى یا مه‌زن ژبۆ ده‌ركرنا چه‌كدارێن داعشێ ژ باكوورێ سووریێ ل سه‌ر سنۆرێ توركیا.
مه‌ولود چاویش ئوگلۆ وه‌زیرێ ده‌رڤه‌یێ توركیا بۆ رویته‌رز گوت” دانوستاندنێن ل دۆر ڤێ ئۆپه‌راسیۆنێ ل رۆژا ئێكشه‌مبی 23/8 ب دووماهی هاتینه و سعودیه و قه‌ته‌ر و ئوردن و بریتانیا و فره‌نسا ژى دێ پشكداریێ تێدا كه‌ن و ل نێزیك دێ ده‌ست ب وێ ئۆپه‌راسیۆنێ دژی داعشێ هێته كرن” گوت ژی” ئه‌و ئۆپه‌راسیۆنه نامه‌كه ژی بۆ سه‌رۆكێ سووری به‌شار ئه‌سه‌د كو پێدڤیه ل سه‌ر وی به‌ر ب دیتنا چاره‌كا سیاسی بۆ شه‌ڕێ سووریێ بچیت”.
ل دووڤ هنده‌ك ژێده‌رێن ئاگه‌هدار مه‌ره‌ما ئه‌مریكا و توركیا ژ وێ ئۆپه‌راسیۆنێ دابینكرنا پاراستنا ئه‌سمانی یه بۆ ئۆپۆزسیۆنا سووری یا چه‌كدار د چارچۆڤێ پرۆسا ده‌ركرنا داعشێ ژ سنۆرێ توركیا و سووریا كو درێژاهیا وێ 80 كیلۆمه‌ترن.
ژلایێ خوه‌ڤه په‌یڤدارێ وه‌زاره‌تا ده‌رڤه‌یا ئه‌مریكا جون كێربی د كونگره‌كێ رۆژنامه‌ڤانیدا ل واشنتۆن راگه‌هاند” ل ده‌مه‌كێ نێزیك هێزا ئه‌سمانی یا توركی دێ پشكداریێ د شه‌ڕێ دژى داعشێ دا كه‌ت”.
نيشاندان