ئه‌ڤرۆ نيوز:
گەلەک ژ دایبابان ھیڤیا وێ چەندێ نە کو زارۆیەکێ کور ھەبیت، ھندەکا ژی حەزا کچان ھەیە، ھەر ل دەستپێکا پێکئینانا ژیانا ھەڤژینیێ دێ دەست ب لێگەریانێ ل وان رێان کەن کا چاوا دێ شێن رەگەزێ زارۆیێ خوە دەستنیشان کەن؟ پتریا جاران ژی دکەڤنە ھندەک شاشیان و چو تشتێن زانستی نینن بۆ دەستنیشانکرنا رەگەزی و پتریا شاشیان ژی ئەڤەنە:
• ل فرەنسا ل چەرخێ ١٨ گوتگوتکەک بەلاڤببوو کو ھەر گۆنه‌كێ زەلامی بەرپرس و تایبەتمەندە ژ رەگەزەکی، دگۆتن ئاڤا زەلامی ژ لایێ چەپێ دبیتە ئەگەرێ ھاتنا کچان و لایێ راستێ کور دەردکەڤن، لەورا زەلام رادبوون ب گرێدانا گۆنێ چەپێ ھەکە کور ڤیابان.
• یونانیێن بەرێ دگۆتن ھەکە ل دەمێ ئەنجامدانا کریارا سێکسی زەلام ل سەر لایێ راستێ بیت دێ کور ھەبن.
• ھندەک ھزر ژی بەربەلاڤ ببوون کو دگۆتن حەیمەنێن زەلامی (Y) کو ل دەمێ دگەھنە ھێکێن ژنێ دێ کور پەیدابن، وان دگۆتن کو ئەو زووتر ژ حەیمەنێن (X) یێن بەرپرسیار ژ پەیدابوونا کچان پووچ دبن، ل دویڤ ڤان ھزرا دگۆتن ھەکە زەلام ل دەمێ ئەنجامدانا سێکسی ژ پێیاڤە بیت دێ کور ھەبن، چونکو حەیمەنێن بەرپرسیار ژ کوران زووتر دێ گەھنە ھێکێن ژنێ بۆ دوگیانبوونێ.
• ھندەک ھزر ژی ھەبووینە کو ھەکە زەلام گەلەک قەھوێ ڤەخووت بەری ئەنجامدانا سێکسی رەنگە کور پەیداببن.
• ھندەک ژی ھزر دکەن کو ھەکە ژن بەری زەلامی بگەھیتە خوشیا سێکسی دێ کور پەیدابن، وان دگۆتن کو دەرھاڤێژێن زەلامی یێن بەرپرسیار ژ کوران پتر ل ناڤ ھێکێن ژنێ دێ مینن و دێ کور پەیدابن.
• ھندەک ژی ب تەمامی بەروڤاژی ڤێ چەندێ ھزر دکەن و دبێژن ھەکە ژنێ کور بڤێن پێدڤیە نەگەھیتە خوشیا سێسکی، چونکو ھەکە گەھشتێ دێ کچ پەیدابن.
• ل سالا ٢٠٠٨ێ ڤەکولینەکێ پێشبینی کر کو ئەو ژنێن سپێدەھیان تێشتێ دخوون وان پتر شانسێ ئینانا کوران ھەنە.
• ھندەک ژی ھزر دکەن کو ئەنجامدانا سێکسی ب چار ھەتا شەش رۆژان ژ ھاتنەخارا ھێکێن ژنێ دبیتە ئەگەر وێ ژنێ کور ببن، بەلێ ھەکە دو یان سێ رۆژ بن دێ کچ ھەبن.
• ل دووڤ ڤان ھەموو ھزران، یا دروست ئەوە مرۆڤ یێ رازی بیت چ کور یان کچ بیت و گەلەک باوەر ژ ھزر و شاشیان نەکەت.
ئه‌ڤرۆ نيوز:
زور جاران د ناڤا جڤاکێ مە دا ئەم گوھداری پەیڤا شەرمە تو کچی دبین، ب ڕامانەک دی ئانکو دبێژنێ تو گەلەک ژ رەگەزێ نێر جیاوازتری و ڤی کاری نەکە بڤێ گوتنا پەککەفتی کو سنورێ وێ ھندێ بەرتەسکە.
گەلەک حەز و ئارەزوین جوان و پڕ بھا د مەژیێ کچێ دا دکوژن، و ھند جاران ژی بو دیار دکەن کو ئەڤ کارە بتنێ بو کوڕان دروستە خۆ ئەگەر شکاندنا سنورێن مروڤایەتیێ ژی بن و لادان بیتن ژ دەستورێ وی دینی ئەوێ ئەو جڤاک پەیرەو دکەتن و ل سەر دچیتن.
ھند جاران ژی ئەگەر ئەو شاشیا کوڕ دکەتن کچکەک وێ شاشیێ ئەنجام بدەتن خەلک دێ ب چاڤەک زور کێم سەح کەنە وێ، ڤێجا دێ بیتە بەنیشتێ دەڤێ خەلکی و ھند گوت گوتک ژی دێ ل سەر ھێن گوتن و کەساتیا وێ د چاڤێ خەلکی دا دێ گەلەک کێم بیتن.
لێ ئەگەر کوڕ مەزنتر ژی بکەتن رەنگە بۆ ماوەیەکێ کورت بەحسێ وی بێتە کرن یان ژی ھەر شاشیا وی ڤەشێرن و ب چڤە نە وەرگرن، ئەو بخو ژی د بنەرەت دا چ تشت نینە بناڤێ شەرمە تو کچی لێ تشتەکێ ھەی دبێژنێ (حەرام) و ئەڤەژی ل سەر ھەموویان دگونجیتن بێ ژ ئێک جودا کرنا رەگەزان، چونکی ل ئاخرەتێ و روژا لێ پرسینێ تو ناچی بەرامبەر خودایێ مەزن بێژی ئەز کوڕم و ب رەنگەک دی جیاواز ژ رەگەزێ مێ لێ پرسین ژتە بیتە کرن.
لەورا بدیتنا من ئەڤە دیاردەیەک نەجوان و نە ژ ھەژی یە کو بەرامبەر ھەست و حەزێن کچێ دھێتە کرن و تشتێ کو ل سەر مە ھەموویا پێدڤی ئەوە ئەم د ناڤا خێزانێن خوە دا ڤێ دیاردا ھندە کرێت نەھێلین.
دا کو ئەم ببین خودان جڤاکەک پاقژ و سەرکەفتی و تژی ڤیان و ئەم ب دەرونەک تەنا ڤێ ژیانێ ببورینین و ھەست ب دلوڤانیێ بکەین.
ئه‌ڤرۆ نيوز:
سه‌رۆكێ فراكسيۆنا يه‌كگرتوو ل په‌رله‌مانێ كوردستانێ به‌رسڤا په‌رله‌مانتاره‌كێ فراكسيۆنا گۆڕان ب دژوارى دده‌ت و رادگه‌هينيت: “ب هزاران ئه‌ندامێن يه‌كگرتوو ل سه‌ر ده‌ستێ گۆڕانخوازان هاتينه زيندانكرن و بێحورمه‌تى و سكڤاتى ل گه‌ل هاتيه كرن”.
ئه‌بۆ به‌كر هه‌له‌ده‌نى، سه‌رۆكێ فراكسيۆنا يه‌كگرتوو ئيسلامى كوردستان ل په‌رله‌مانێ كوردستانێ د روونكرنه‌كێ دا كو وێنه‌ك ب ده‌ست ئه‌ڤرۆ نيوز كه‌فتيه، به‌رسڤا په‌رله‌مانتاره‌كێ فراكسيۆنا گۆڕان ب دژوارى دده‌ت ل به‌رامبه‌ر گۆتنا ئاخفتنێن كرێت ب جزبا وى و دبێژيت: “ب هزاران ئه‌ندامێن يه‌كگرتوو ل سه‌ر ده‌ستێ گۆڕانخوازان هاتينه زيندانكرن و بێحورمه‌تى و سكڤاتى ل گه‌ل هاتيه كرن و نوكه ژى چاكسازيان ب مه د فرۆشن”.
د وێ روونكرنێ دا، سه‌رۆكێ فراكسيۆنا يه‌كگرتوو به‌حسێ په‌رله‌مانتار ئه‌نوه‌ر قادر ئه‌ندامێ فراكسيۆنا گۆڕان ل په‌رله‌مانێ كوردستانێ دكه‌ت و دبێژيت: “خيانه‌ت ئه‌وه جه‌نابێ ته تشته‌ك د مێشكى دا نينه بوويه ئه‌ندامێ لژنا قانوونى. تو هه‌موو تشتان دزانى ژبلى قانوونێ و هه‌ڤالێن من دزانن ئه‌ڤه ساله‌ك و چار هه‌يڤه ب ئێك ده‌سته‌واژه ژى ته خزمه‌ت ب لژنا قانوونى نه‌كريه”.
دبێژيتژى: “ئه‌وى په‌رله‌مانتارى ئاخفتنێن كرێت گۆتينه يه‌كگرتوو كو ب هزاران ئه‌ندامێن (زيندانى و بێ پشك و بێحورمه‌تى و سڤكاتى) پێ كريه و ل سه‌ر ده‌ستێ هنده‌ك گۆڕانخوازان كو ل گه‌ل وى هاريكار بووينه و ديموكراسيێ و چاكسازيێ ل به‌رێ هه‌لدگرن و هوون ب خوه پشكدارێن هه‌ره كارا يێن ب هه‌ده‌ردانا مالێ گشتى و بنه‌جهكرنا گه‌نده‌ليێ نه ل ڤێ هه‌رێمێ”.
ده‌قێ روونكرنێ
وه‌ڵامێك بۆ وته نه‌شیاوه‌كانی په‌رله‌مانتارێكی فراكسیۆنی گۆڕان
له چاوپێكه‌وتنێكی گۆڤاری لڤیندا ئه‌نوه‌ر قادر له فراكسیۆنی بزوتنه‌وه‌ی گۆڕان كۆمه‌لێك وته‌ی نه‌شیا و و جوێنی ئاڕاسته‌ی یه‌كگرتووی ئیسلامی كردووه كه پاڵ بزوتنه‌وه‌ی گۆڕاندا نه‌بوایه زاتی ئه‌وه‌ی نه‌ده‌كرد به ئێمه مان بلێ (خائن و دووڕ و چه‌واشه‌كار و بێ جورئه‌ت و ترسنۆك و له‌باردا نه‌بوو).
ئه‌و په‌رله‌مانتاره جوێن به یه‌كگرتوویه‌ك ده‌دات كه هه‌زاران ئه‌ندامی (زیندانی و بێ به‌ش و بێحورمه‌تی و سوكایه‌تی) یان پێكراوه له‌سه‌رده‌ستی هه‌ندێك گۆڕانخواز كه له‌گه‌ڵ تۆدا هاوكارن و لافی چاكسازی و دیموكراسیشمان به‌سه‌ره‌وه لێده‌ده‌ن و به‌شدارێكی كارابوون له به‌هه‌ده‌ردانی سامانی گشتی و چه‌وساندنه‌وه و گه‌نده‌ڵی له‌م هه‌رێمه‌دا.
نه‌مده‌ویست له ئاستی كه‌سێكی وادا قسه بكه‌م به‌ڵام له‌به‌ر هه‌ندێك ئیعتیبار به كورتی ده‌ڵێَم خیانه‌ت كامه‌یه:-
1. خیانه‌ت ئه‌وه‌یه تۆ له‌سه‌ر كورسی په‌رله‌مانێك دانیشتویت و شایسته‌ی نیت.
2. خیانه‌ت ئه‌وه‌یه جه‌نابت سه‌ره واو ێكت له مێشكدا نی یه‌و بویته ئه‌ندامی لیژنه‌ی یاسایی. كه هه‌موو شتێك ده‌زانیت جگه له یاسا و هاوكارانم ده‌زانن ئه‌م ساڵ و چوار مانگه به‌یه‌ك ده‌سته‌واژه و ڕسته خزمه‌تت به لیژنه‌ی یاسایی نه‌كردوه.
3. خیانه‌ت ئه‌وه‌یه هه‌موو كاری په‌رله‌مانتاری له جنیۆوداندا خڕ بكه‌یته‌وه.
4. خیانه‌ت ئه‌وه‌یه خۆت لێبگۆڕێت، ئاخر چیت له ئێمه‌زیاتر كردوه، هه‌موو خه‌ڵكی كوردستان ده‌زانێت كه ئه‌گه‌ر یه‌كگرتوو (نیسابی 23 ی حوزه‌یران) و (نیسابی لیژنه‌ی یاسایی) (نیسابی واژۆی لیژنه‌ی یاسایی) ته‌واو نه‌كردایه كۆبونه‌وه‌ی نائاسایی له دایك نه‌ده‌بوو.
بۆیه ئامۆژگاریت ده‌كه‌م ده‌ست له‌م موهاته‌راته هه‌ڵبگریت تۆ مافی ئه‌وه‌ت نی یه موزایه‌ده به‌سه‌ر ئێمه مانانه‌وه بكه‌یت كه هه‌موو ته‌مه‌نمان له خزمه‌تی (شۆڕش و خه‌ڵك و كوردایه‌تی و چاكسازی و نیشتمان په‌روه‌ریدا) به‌سه‌ربردوه. ته‌نها قامێكمان له قه‌ڵافه‌تی شێره به‌فرینه‌ی تۆ (ئازایی و جورئه‌ت و رۆشنبیری و بوێری و یاسایی و راستگۆ) تره.
جوێندان و په‌لاماردانی ئێمه و مانان جگه له گه‌مژه‌یی و ناحاڵی بوون هیچی تر نی یه چونكه خه‌ڵك هه‌موان ده‌ناسن و ئه‌و شاهیدیه بۆ خه‌ڵكی كوردستان به‌جێده‌هێڵم.
(والعاقل یكفیه الاشاره)
ئه‌بوبه‌كر هه‌ڵه‌دنی
ئەڤرۆ نیوز،زنار تۆڤی:
ئەڤرۆ ماوێ پێکئینانا حوکمەتا ھەڤپەیمانی ل تورکیا بدوماھی ھات و بریارە سۆبەھی سەرۆک کۆمارێ تورکیا رەجەب تەییب ئەردۆگان ماوێ پێکئینانا حوکمەتەکا دەمکی ب سپێریتە پەرلەمانێ وی وەلاتێ کو بۆ ماوێ پێنج رۆژان دڤێت حوکمەتەکا دەمکی ل وی وەلاتی بھێتە ئاڤاکرن ھەتا کو ھەلبژراتنێن پێشوەخت دھێنە ئەنجامدان>
میدیایێن وەلاتێ تورکیا ئاماژە ب ھندێ داینە کو ھەردو پارتێن جەھەپە و مەھەپە بەشداریێ د حوکمەتا دەمکی دا ناکەن و ھەروەسا کێشە دناڤبەرا ھەدەپێ و ئاکەپێ ژی دا درۆستبوویە، ژ بەر کو ل دووڤ ئیستیحقاقا ھەلبژارتنا مافێ ھەدەپێ یە کو سێ وەزارەتان وەربگریت، لێ ژ بەر کو ئەردوگانی گۆتیە ئەز دێ وەزیرێن ھەدەپێ دەست نیشانکەم و ڤێ چەندێ ئاریشە پەیداکریە، لەورا دبیت بۆ پێکئینانا حوکمەتەکا دەمکی ب تنێ ئاکپارتی ئاڤا بکەت، هه‌تا کو ھەلبژارتن ل ئێکێ چریا دویێ د ئەڤ سالە دا دھێنە ئەنجامدان.
ئه‌ڤرۆ نيوز:
رۆنالدۆ ستێرا ب ناڤ و ده‌نگا يانا ريال مه‌دريد و هه‌لبژارتيێ پرتۆگال ل تۆڕا جڤاكيا ئينستگرامى ب جوانيا جانسۆ تاشكنى سه‌رسام بوويه و داخوازى ئسپانيا كريه.
جانسۆ تاشكنى يا 21 سالى، ئه‌كته‌ر و فاشيۆنا توركيا ب جوانى و سه‌رنجراكێشيا خوه، سه‌رنجا كرستيانۆ رۆنالدۆيى ب خوه ڤه كێشايه و داخواز ژمارا تله‌فۆنێ ژ وێ چكێ كريه و ديسا داخواز ژێ كريه بچيته ده‌ف وى ل وه‌لاتێ ئسپانيا.
ئه‌ڤرۆ نيوز:
رێڤەبەرێ پرۆژێ تۆنێلێ زاخۆ راگەھاند، ھەردو سایدێن ھاتن و چوونا تۆنێلێ گەھشتنە ئێک، لێ ھەشت ھەیڤێن دی ب سەر ماوێ پرۆژێ تۆنێلا زاخۆ دا ھاتنە زێدەکرن، ھاتن و چوون ژی دبینیت: ب رێژا ٦٠% ژ روودانێن زاخۆ ل گەلی پەیدا دبن و روودانێن گیانی نە، شۆفێر ژی دبێژن: حۆکمەت ل چاڤدێریکرنا بەرژەوەندیا شۆفێران دا ل گەلی گەلەک یا لاوازە.
ئەحمەد تاھر، رێڤەبەرێ پرۆژێ تۆنێلا زاخۆ بۆ رۆژناما ئەڤرۆ دیار کر، ھەشت ھەیڤێن ھاتینە زێدەکرن، کو پرۆژێ مە ژی بەر بریارا پەرلەمانێ کورستانێ دکەڤن و گۆت: ل سەر دو قۆناغان ٢٤٠ رۆژ بۆ پرۆژێ تۆنێلا زاخۆ ھاتنە زێدەکرن.
ئازاد تەھا، بەرپرسێ راگەھاندنا رێڤەبەریا ھاتن و چوونێ گیرۆبوونا پرۆژی ل گۆرەیی گۆتنێن وی دێ بەردەوامیێ دەتە کێشەیان ژ پەیدابوونا روودانان، دبینن ھەکە ب رێژا ٦٠% ژ روودانێن ل زاخۆ ل گەلیێ پەیدا دبن پتریا وان ژی روودانان گران و دلتەزینن و گۆت: ڤەکرنا تۆنێلێ دناڤبەرا زاخۆ و دھۆکێ دا ١٥ خۆلەک دێ ھێنە کێمکرن، ترۆمبێلێن بارھەلگر و تایبەت ژێک ھێنە جوداکرن، کێشا سەرەکی نھۆ ل زاخۆ بۆ مە کێشەیە، تۆنێل و ئۆڤەرپاس و ھەروەسا پرا ل دەڤ گازینۆ راوەند ھەموو ل سەر ئێک ھێلا ھێلێ نە د قۆناغێن چێکرنێ دانە، ڤێ کێشەکا مەزن و قەرەبالغ بۆ مە درۆستکریە.
محەمەد حسێن، شۆفێرێ ترۆمبێلا تایبەت ل راستا گەلیێ ل ئەڤرۆ راوەستا، یێ تۆرەبوو ژ بەر د رێیا د ناڤبەرا زاخۆ و دھۆکێ دا تایرەکێ ترۆمبێلا خوە ل تەسەیەکێ دا پەقاند دیار کر، ل پرۆژێن بەرژەوەندیا گشتی تێدا بیت دسستن، چونکۆ حوکمەت ب خوە گەلیێ زاخۆ ب مرنێ ناڤ دکەن، ئەڤە ب دەھان سالە خەلکێ ل گەلی ب روودانان دمرن، حۆکمەت پێنج کێلۆمەتران ژ گەلی دوورن و خوە لڤی بابەتی ب خودان نزانن.
گۆت ژی: رێیا دناڤبەرا زاخۆ و دھۆکێ دا یا ھەلوەریایە، دلێ مە ب تۆنێلی خۆشبوو ئەو ژی بھانەیا قەیرانان دەرێخستن براستی ئەڤە غەدرەکا مەزنە ل شۆفێران دھێتە دکەن، چونکو ھەکە پرۆژە براوەستیت، بۆچی پرۆژێ نەفتا تاوکێ چوار رۆژان ناراوەستین، ئەم دبێژین ھەکە مافێ خوونا وان کەسێن ل گەلی ب روودانان گیانێ خوە ژ دەستداین ل ریێ مەزاختبان، نھۆ دا رێ ب زێری ھێتە درۆستکرن.
رێڤەبەرێ تۆنێلی دا زانین، زێدەکرنا ماوەی نە وەک سزا ھاتیە ل گۆرەیی گۆتێن وی پرۆژە، ل دووڤ بەرنامەیێ خوە برێڤە دچیت، کارێ ب زەحمەت ب دووماھی ھاتیە، ھەردو سایدێن ھاتن و چوونێ گەھشتینە ئێک، ل ١٥/٩ یا ئە ڤسالە نووژەنکرنا د ناڤ تۆنێلی دا دێ ب دووماھی ھێت، لێ ھێشتا دیار نینە پرۆژە ب ئێکجاری کەنگی ب دووماھی بھێت و گۆت: ھەتا نھۆ ژی کار گەلەک ب باشی برێڤە دچیت، ھەر چەندە ژی پارە ل دووڤ کاری مە کری مە وەرنەگرتیە.
دھێتە زانین، ل رۆژا ٢٥-٤-٢٠١٣ دەست ب کارێ نووژەنکرنا تۆنێلا زاخۆ ب درێژاھیا ٣ کێلۆمەتر و ٦٠٠ مەتران ب کۆژمێ ١٦٠ ملیار دینارێن عێراقێ ھاتیە کرن، ژ دەستپێکا گەلی دەست پێ دکەت، ل راستا دۆریانا گۆندێ حەسەن ئاڤا دەردکەڤیت.
د ناڤ تۆنێلی دا ل گۆرەیی گۆتنێن رێڤەبەرێ تۆنێلی ب سیستەمەکێ ھەڤچەرخ دھێتە درۆستکرن و گۆت: ھەر سایدەکی سێ ترۆمبیل تێدا دشێن ھاتن و چونێ بکەن، سیستەمێ ئاگر ڤەمراندنێ د ناڤ دایە، ھەروەسا ئاڤاھیێ کۆنترۆل و کامێرەیێن زێرەڤانێ د ناڤ دا ھەنە، ھەروەسا بۆ ھەر روودانەکا پەیدا دبیت، رێیەکا یەدەک ژی بۆ ترۆمبێل و مرۆڤان ھاتیە دانان.
ئەڤرۆ نيوز:
کۆمبوونا چارێ یا ھەر پێنج لایەنێن سەرەکی یێن ھەرێما کوردستانێ “پارتی، گۆڕان، ئێکەتی، کۆمەل و ئێکگرتوو” ل پارێزگەھا سلێمانیێ، ل ئۆتێلا گراند ملیۆم، بۆ دانوستاندنێ ل دۆر پرسا سەرۆکاتیا ھەرێما کوردستانێ ده‌سپێكر.
ھەر ل دۆر پرسا سەرۆکاتیا ھەرێمێ، دلشاد شھاب ئەندامێ سەرکرداتیا پارتی دیمۆکراتی کوردستان و ئەندامێ شاندێ پارتی یێ دانوستاندنان راگەھاند، کو ئالیێن سیاسی د ھەڤڕانە ل سەر پرسا سەرۆکاتیا ھەرێمێ، ھندی پرسەکا سیاسی یە، پێدڤی یە ژ دەرڤەی پەرلەمانی بھێتە چارە کرن، ھند پرسەکا قانوونی نینە.
ب گۆره‌يى ئه‌و پێزانينێن ل به‌ر ده‌ست ئه‌ڤرۆ نيوز ئه‌ڤرۆ كۆمبوونا پێنج لايه‌نێن سياسى ل ئۆتێلا پێنج ستێر دێ گه‌له‌ك يا تايبه‌ت و هه‌ستيار بيت و دبيت ئه‌ڤرۆ بگه‌هنه رێكه‌فتنه‌كێ.
هه‌ر ب گۆره‌يى وان پێزانينان د كۆمبوونا ئه‌ڤرۆ دا ئه‌وا ل سلێمانيێ دێ هێته كرن، نوونه‌رێن پارتێن سياسى يێن ناڤا په‌رله‌مانى ژى د پشكدارن و پرۆژه‌كێ نوو هاتيه به‌رهه‌ڤكرن كو ل به‌ره قانوونا ژماره ئێك يا قانوونا سه‌رۆكاتيا هه‌رێما كوردستانێ بهێته راستڤه‌كرن.
هه‌ر ديسا ئه‌ڤ پێزانينێن ل به‌ر ده‌ست ئه‌ڤرۆ نيوز ئاماژێ ب وێ چه‌ندێ ژى دكه‌ن كو نوكه ب تنێ كێشه ل سه‌ر شێوازێ هه‌لبژارتنا سه‌رۆكێ هه‌رێمێ ماينه كو پارتى پێداگريێ ل سه‌ر وێ چه‌ندێ دكه‌ت ژ لايێ خه‌لكى ڤه بيت و لايه‌نێن ژى دخوازن د ناڤا په‌رله‌مانى دا بيت.
نيشاندان