ئەڤرۆ نيوز:
وەزارەتا بەڕەڤانیا رووسیا راگەھاند کو وان دوھی رێژەکا زۆر یا ھاریکاریێن سەربازی رەوانەی عیراقێ کرن.
ئاژانسا فارس یا ئیرانی ل سەر زارێ ژێدەرەکێ رووسی بەلاڤکریە کو ژمارەکا زۆر یا زریپۆشێن رووسی یێن گوللەنەبڕ گەھشتنە بەندەرێ بەسرە و گۆت:(ب گەھشتنا وان زریپۆشان شیانێن سەربازی یێن سوپایێ عیراقێ بۆ روو ب رووبوونا ھێرشێن داعش دێ بلند بن).
ئەڤرۆ نیوز،کاروان باعەدری :
قارەمانێ کورد ب یاریا بۆکسانێ بادین حەسۆ شێیا رێزا ئێکێ د قارەمانیا پیشەیی یا بۆکسانێ بۆ کێشەیا نیف گران ب دەستخوڤە بینت پشتی د یاریا خوە یا دووماھیێ دا شیای سەرکەفتنێ ل سەر قارەمانێ بیلاروسی دزیانیس ماکار بینت کو یاریکەرێ بیلاروسی خودانێ چەندین دەستکەڤتیا بوو ل سەر ئاستێ ئورۆپا خودانێ ٤٢ مەدالیێن رێزا ئێکێ بۆ د قارەمانێن نیڤدەولی و ئورۆپی دا .
ئەڤ قارەمانیا ھەڤرکیێن وێ ل باژێرێ کولونیا یێ ئەلمانی د ھاتنەکرن ھژمارەکا یاریکەرێن بەرنیاس ل سەر ئاستێ ئورۆپا پشکداری تێدا کر بوو لێ ل دووماھیێ یاریکەرێ کورد شیا ل سەر کێشەیا خوە رێزا ئێکێ ب دەستخوڤە بینت و د یاریا دووماھیێ دا خوشیەکا مەزن ئێخست بوو دناڤا دلێ جەماوەر و حەژێکەرێن ڤێ یاریێ.
ھەژی گوتنێ یە بادین حەسۆ خەلکێ کومەلگەھا شاریا یە يا سەر ب پارێزگەھا دھۆکێ ڤە .
ئه‌ڤرۆ نیوز:
هێمن هه‌ورامى به‌رپرسێ په‌یوه‌ندییێن ده‌رڤه یێ پارتى دیموكراتى كوردستان دژى راپرسیا پورتالا رووداو هاته ده‌نگ.
هێمن هه‌ورامى به‌رپرسێ په‌یوه‌ندییێن ده‌رڤه یێ پارتى دیموكراتى كوردستان د یه‌یجىێ خوه یێ فێسبوكێ دا دیاركر یه كو ئه‌و داخواز دكه‌ت ناڤێ وى ژ ناڤ وان ناڤان بهێته ده‌رێخستن كو هاتینه به‌ربژاركرن بۆ كه‌سایه‌تیێ گه‌نجێ سالێ.
هه‌ورامى دیاركریه كو بێ وى ناڤى وى هاتیه هه‌لبژارتن و یێ به‌رهه‌ڤ نینه ناڤێ وى د وێ لیستێ دا بیت.
هه‌ر سال رووداو ب رێیا مالپه‌رێ خوه ناڤێ چه‌ند كه‌سایه‌تیان دیار دكه‌ت بۆ دیاركرنا گه‌نجێ سالێ كو سه‌ره‌دانكه‌رێن رووداو ده‌نگێ خوه دده‌نێ و باشترینێ وان دهێته دیاركرن.
ئه‌ڤ كه‌سایه‌تیه بۆ ئه‌ڤ ساله هاتینه به‌ربژاركرن
ئه‌ڤرۆ نیوز:
سه‌باح بابیرى، سه‌رۆكێ فراكسیۆنا یه‌كگرتوو ئیسلامى كوردستان ل جڤاتا پارێزگه‌ها دهۆكێ بۆ ئه‌ڤرۆ نیوز گۆت: بریاره سوبه ل ده‌مژمێر11 سپێدێ ئه‌نجومه‌نێ پارێزگه‌ها دهۆك باوه‌ریێ بده‌ته به‌ربژێرێن یه‌كگرتووى ئیسلامى كوردستان بۆ وه‌رگرتنا وان پوستێن حكومه‌تا خوجهى ئه‌وێن به‌ركه‌فتین.
بابیرى گوت: دێ باوه‌رى ب سێ به‌ربژێران هێته دان و پاشان دێ بۆ سه‌رۆكایه‌تیا جڤاتا وه‌زیران هێته هنارتن و ئه‌و دێ ئێكێ هه‌لبژێرێن.
بریاره یه‌كگرتوو 23 پوستان وه‌رگریت ئه‌وژى ئه‌ڤه‌نه، پۆستێ جێگرێ پارێزگارێ دهۆك، سێ رێڤه‌به‌رێن ناحیا، دو رێڤه‌به‌رێن گشتى، دو راوێژكارێن پارێزگارێ دهۆك، سكرتێرێ ئه‌نجومه‌نێ پارێزگه‌ها دهۆك، ل گه‌ل 14 رێڤه‌به‌رێن دى یێن جورا و جور دێ پێ هێنه دان.
ئەڤرۆ نیوز:
قارەمانا خولا ئەلمانیا یانەیا یانا بایرن میونیخ بریارە ل دەستپێکا سالا نووی کەمپەکا راھێنانی یا زفستانی ل وەلاتێ قەتەر ب دانیت ب مەرەما کرنا یاریەکا ھەڤالینی .
یانا بافاری بریارە ل ٦ ھەیڤا بھێت ب گەھیتە باژێرێ دوحە و ١٢ ھەمان ھەیڤ یاریەکا ھەڤالینی بکەت و رۆژا پاشتر ڤەگەریتە وەلاتێ ئەلمانیا.
رێڤەبەرێ تیمێ ماتتیاس بۆ دەزگەھێن راگەھاندنێ دیارکری یە ژبەرکو کەشو ھەوایێ وەلاتێ قەتەر بۆ یاریکەران یێ ھاریکار و پلا سارمایێ ل وی وەلاتی گەلەک یا باشە و بەری نوکە ژی ئەوان سەرەدانا وەلاتێ قەتەر کری یە و سەردانا ئەوان یا سەرکەفتی بۆ ژلایێ ھەموو لایاناڤە.
ئەڤرۆ نیوز:
تیما تەپا پێ یا زاخۆ ئەڤرۆ گەھشتە باژێرێ کەربەلا ب مەرەما کرنا یاریا خوە یا گەرا دوێ ژ قوناغا دوێ یا خۆلا عیراقێ ئەوا بریارە ل رۆژا پێنج شەمبیا بھێت ل یاریگەھا کەربەلا بھێتەکرن .
تیما زاخۆ ئەوا نوکە ل رێزا دوێ دھێت د لیستەیا کوما دوێ دا ب ١٧ خالان، بۆ ڤێ یاریێ دێ ئەرکێ وێ یێ ب زحمەت بیت ژبەرکو چار یاریکەرێن تیمێ یێن سەرەکی نەشێن پشکداریێ ل گەل بکەن ئەوژی ھەر ئێک ژ عەباس رحێمە ژبەر کارتێن زەر و سەتار یاسین و پیشەکارێ لیبی عەبدوسلام فەتوری ژبەر ھنگافتنێ ئەوێن ل یاریا بوری توشی ھنگافتنەکێ بووین و ھەردیسان جاسم حاجی ئەوێ بەری ماوەکە توشی ھنگافتنێ بووی.
ئەڤرۆ نیوز، ھەژار مەعروف:
چاڤەرێ دھێتەکرن سوباھی ل یاریگەھا سەماوە تیما تەپا پێ یا دھۆک یاریا خوە یا گەرا دوێ ژ خۆلا فوکس یا عیراقێ بەرامبەر یانا سەماوە بکەت و بۆ ڤێ یاریێ دو یاریکەرێن تیمێ نەشێن پشکداریێ بکەن ژبەر ئەگەرێن ژێک جودا جودا.
ستێرا ھێلا بەرەڤانیا یانا دھۆک بەیار ئەبو بەکر نەشێت پشکداریێ ل گەل تیمێ بکەت دڤێ یاریێ دا ژبەر کارتێن زەر پشتی یاریا نەفت ئەلجنوب ب دووماھی ھاتی دادڤانێ یاریێ کارتا زەر دابوویێ و بۆ ڤێ یاریێ نەشێت پشکداریێ ل گەل تیما خوە بکەت و یاریکەرێ دوێ یێ غانی سالومون تاجی نەشێت پەیوەندی ب یانا دھۆک بکەت ل باژێرێ سەماوە ژبەرکو ھەتانوکە کارێن فیزا وی یا عیراقێ ب دووماھی نە ھاتیە.
ئه‌ڤرۆ نیوز:
د فه‌رمانه‌كێ دا، سه‌رۆكایه‌تیا جڤاتا وه‌زیران، موله‌تا بێ مووچه بۆ ماموستایێن هه‌رێما كوردستانێ كێم كرن.
فاتح مه‌لا زاده په‌یڤدارێ وه‌زاره‌تا په‌روه‌ردا هه‌رێمێ دیاركر كو سه‌رۆكایه‌تیا ئه‌نجومه‌نێ وه‌زیران فه‌رمانه‌ك ده‌رێخستى یه كه پێدانا موله‌تا بێ مووچه ب ماموستایان ژ سێ سالان بۆ دو سالان بهێته كێمكرن.
فاتح مه‌لا زاده په‌یڤدارێ وه‌زاره‌تا په‌روه‌ردا هه‌رێمێ ئه‌گه‌رێن ڤێ بریارا حكومه‌تا هه‌رێما كوردستانێ بۆ قه‌یرانا دارایى و كێمیا میلاكێ ماموستایان ل وه‌زاره‌تا په‌روه‌ردا حكومه‌تا هه‌رێما كوردستانێ ڤه‌گه‌راندن.
ئەڤرۆ نیوز:
ئێکەتیا تەپا پێ یا ئەفریقیا ناڤێ سێ یاریکەران بەربژارکرن بۆ خەلاتێ باشترین یاریکەرێ ل سەر ئاستێ کێشوارێ ئەفریقیا بۆ سالا ٢٠١٥ .
ئەو ھەر سێ یاریکەرێن ژلایێ ئێکەتیا ناڤبری ڤە ھاتینە دەست نیشانکرن ھەر ئێک ژ یاریکەرێ ھێلا ناڤین یێ یانا مانچستەر ستی یا ئینگلیزی یایا تورێ یێ کوتیفواری و ئوبامیانگ یێ گابونی ژ یانا برۆسیا دورتمورد یا ئەلمانی و یێ غانی و یانا سوانزی ستی یا ئینگلیزی ئەندریا ئەیوا، ئەڤ ھەر سێ یاریکەرە دێ ھەڤرکی ل سەر باشترینێ ئەفریقیا کەن کو بەربژارێ ئێکێ وەسا دھێتە دیارکرن یاریکەرێ کوتیفواری بیت ئەوێ ل پینج سالێن بوری ل دویڤ ئێک وەکو باشترین یاریکەر ب ڤی خەلاتی ھاتیە خەلاتکرن و بەری چەند رۆژا د راپرسینەکا کەنالێ بی بی سێ یێ برێتانی وەکو باشترین یاریکەر ل کێشوارێ ئەفریقیا ھاتبو دەست نیشانکرن.
ژلایەکێ دووڤە چو یاریکەرێن عەرەب نە ھاتنە ھەلبژارتن ئەوێن ل ھەلبژارتیێن عەرەبی کەن ل کێشواری ئورۆپا ھژمارەکا یاریکەران ھەنە ل یانێن بەرنیاس ل سەر ئاستێ ئورۆپا کەن لێ لژنەیا باشترینێن ئەفریقیا ناڤێ چو یاریکەرێن عەرەب ھەژی نەدیتن وەکو سێ باشترین یاریکەرێن دەستپێکێ ل کێشوارێ ئەفریقیا.
ژلایەکێ دووڤە چو یاریکەرێن عەرەب نە ھاتنە ھەلبژارتن ئەوێن ل گەل ھەلبژارتیێن خوە یێن عەرەبی یاریێ کەن، ھەر چەندە ھژمارەکا مەزن یا یاریکەرێن عەرەبێن ئەفریقی ھەنە ل یانێن بەرنیاس ل سەر ئاستێ ئورۆپا یاریێ کەن لێ لژنەیا باشترینێن ئەفریقیا چو ژ ئەوان یاریکەران نەدیتن ھەژی باشترینێن ئەفریقیا بن ل سالا ٢٠١٥ .
ئەڤرۆ نیوز، ھەژار مەعروف:
شاندێ تیما تەپا پێ یا یانەیا دھۆک ئەڤرۆ گە ھشتە باژێرێ سەماوە ب مەرەما کرنا یاریا خوە یا گەرا دوێ ژ قوناغا دوێ یا خۆلا فوکس یا عیراقێ ئەوا بریارە سوباھی ل یاریگەھا یانا سەماوە بھێـەکرن ل دەمژمێر ٢:٠٠ پشتی نیڤرۆ.
دڤێ یاریێ دا ھەردو تیم دێ شەرێ خالێن یاریێ کەت بۆ باشکرنا ھەلویستێ خوە دخولێ دا و ھیڤێن خوە گەش بکەن د مانا خولێ دا کو تیما دھۆک نوکە رێزا نەھێ دھێـت ب حەفت خالان و تیما سەماوە ئەوا ل وەرزێ ئەڤ سالە سەرکەفتی رێزا ھەشتێ دھێت ب ھەشت خالان و سەرکەفتی ڤێ یاریێ دێ ھیڤێن خوە گەش کەت ژبەرکو دێ خوە ژ تیما رێزا دووماھیێ دورکەت .
راھێنەرێ یانا دھۆک ئاشتی موستەفا د داخویانیەکێ دا بۆ ئەڤرۆ نیوز دیارکر تیما ئەوان د بەرھەڤیەکا باش دانە و ئارمانجا ئەوان ئەوە ب ئەنجامەکێ سەرکەفتی ژ باژێرێ سەماوە ڤەگەرین ژبەرکو خالێن ڤێ یاریێ ژ ھەر یاریەکا دی بوو ئەوان گرنگترن .
ھەژی گوتنێ یە یانا سەماوە دێ ڤێ یاریێ بێ جەماوەر یاریێ کەت ژبەر بریارەکا ئێکەتیا تەپا پێ یا عیراقی پشتی جەماوەرێ وی د یاریێن بوری دا توند تیشی د یاریگەھێ دا بەرامبەر پشتەڤانێن یانا نەفت میسان کری.
نيشاندان