ئەڤرۆ نیوز:
ھەردو یاریکەران ئاماد ئیسماعیل و ئەحمەد جاسم ئەڤرۆ سپێدڤی ژ فروکخانەیا ھەولێرێ بەر ب باژێرێ بەسرا چوون ھەر ئەڤرۆ نیڤرۆ پەیوەندی ب راھێنانێن تیمێ کرن خوبەرھەڤکرن بۆ یاریا بھێت ژ خۆلا عیراقێ یا تەپا پێ پشتی ھەردو یاریکەر نەشیان ل یاریا بوری دا بەرامبەر نەفت ئەلجنوب پشکداریێ بکەن ژبەر وەرگرتنا کارتێن زەر و سور ل یاریێن بوری دا.
ھەژی گوتنێ یە تیما تەپا پێ یا دھۆک یاریا خوە یا بھێت ل گەل سەماوە بریارە رۆژا چوارشەمبیا بھێت ل یاریگەھا سەماوە بکەت
ئەڤرۆ نیوز
ئەڤرۆ ل باژێرێ نیون یێ سویسری پشکێشانا قوناغا ٣٢ ژ قارەمانیا کاسا ئێکەتیا ئورۆپا یا تە پا پێ ھاتە کێشان پشتی ٢٤ یانا ژ قوناغا ئێکێ دەربازبووین و زێدەباری ھەر ھەشت یانێن خودانێن رێزا سێ د کومێن خوە دا ژ قارەمانیا چامپیونس لیگ و دڤێ قوناغێ دا ئەرکێ یانێن بەرنیاس یێ ب سانەھی نابیت ژبەرکو دێ ھەڤرکیا ئێک کەن ژ ئەوانا پورتو بروسیا دورتموند و مارسیلیا ل گەل ئەتیلتیکو بلباو و توتنھام ل گەل فیرونتینا .
ئەڤەژی خشتەیێ یاریێن قوناغا ٣٢
توتنھام یا ئینگلیزی ل گەل فیرونتینا ئیتالی
پورتۆ پرتوگالی ل گەل بروسیا دورتموند یا ئەلمانی
لیڤەرپۆل ئینلگیزی ل گەل ئوگسپورگ ئەلمامی
ئەتلیتیکو بلباو ل گەل مارسیلیا فەرەنسی
مانچستەر یوناید ل گەل میتولاند یا دانیمارکی
لوکوموتیف موسکو یا رۆسی ل گەل فەنەربخچە یا تورکی
بازل سویسری ل گەل سان ئانتنتیان فەرەنسی
بایر لیڤەرکوزن ئەلمانی ل گەل سپورتینگ لەشبونە پرتوگالی
سپورتینگ براگا پرتوگالی ل گەل سیمون سویسری
کراسنودار رۆسی ل گەل سپارتا براگا چیکی
رابید فینا نەمسا و ڤالنسیا ئیسپانی
لازیو ئیتالی و گەلاتەسەرای تورکی
مولدە نەرویج و ئەشبیلیا ئیسپانی
شالکە ئەلمانی و شەختار دونیسک ئوکورانی
ئولومپیاکوس یونانی و ئەندرلەخت بەلیجکی
ئەڤرۆنیوز :کاروان باعەدری :
یانا بەشەلۆنە پشتی سێ وەک وەکھەڤیی ل دیڤ ئێک ئیناین بەرامبەری دیپورتیڤو لاکەرونیا و ڤالینسیا ل خۆلا ئیسپانیا و بایرن لیڤەرکوزن ل خۆلا قارەمانیا ئوروپا ب دلەکێ شکەستی بەرەڤ ژاپونێ چوو ب مەرەما پشکداری کرنێ د موندیالا یانێن جیھانی دا و بریارە یاریا خوە یا بھێت ل گەل یانا گوانزو یا چینی بکەت قارەمانا ئاسیا .
حەشێکەرێن یانا کەتەلونی ترسەک ل دەڤ پەیدا بووی یە ژبەرکو ل ماوێ سێ یاریێن بوری دا ئاستێ تیما ئەوان نە ل ئاستێ پێدڤی یە و دبینن ئەو وەکھەڤیێن بەردەوام ل سێ یاریێن بوری دا دبیت بیتە مەترسی ژ دەستدانا ناسناڤێ موندیالێ ژێ.
ئەڤرۆ نیوز:
پشتی ئەڤرۆ پشکێشانا قوناغا ١٦ ژ قارەمانیا یانێن ئورۆپا ھاتیە کێشان و تیما رۆما کەڤتیە بەرامبەر یانا ریال مەدرید کو جادەیا وەرزشی وەسا دیار دکەت ئەرکێ یانا رۆما دێ یێ ب زحمەت بیت ژبەرکو کرنا یاریێ بەرامبەر یانا مەلەکی دێ ب زحمەت بیت لێ رێڤەبەرێ وێ یانێ زانزی بوجونەکا دی ھەبوو بۆ مالپەرێ کەنالێ میدیاسیت یێ ئیتالی دیارکر ل ڤێ قوناغێ چو یاریێن ب سانەھی نین ئەو یانێن گەھشتی نە ڤێ قوناغێ ھەمی خودان شیان و ئەو رێزێ ل ئاستێ ھەمی یانا دگرن لێ ژ کەسێ ژی ناترسن .
ناڤبری زێدەتر دیارکر ئەو د بەرھەڤن یاریێ بۆ ڤێ یاریێ ھەڤرکیا رۆنالدویی و ھەڤالێن وی بکەن تیما ئەوان ژی ئاستێ خوە ژ چو تیمێن دی کەمتر نابینت .
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 14ى كانوونا ئێكێ يا سالا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1218 |
| 1 يۆرۆيێ ئه‌ورۆپى | 1320 |
| 1 ليرێ توركى | 410 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز: کاروان باعەدری:
کچەکا کوردا ئێزدی ب ناڤێ (لوسی سیمون) کو ئاکنجیا روسیایە و ل باژیرێ موسکۆ ژیانا خوە بەردەوام دکەت و نھا بوویە فرۆکەڤانا فرۆکەیا رۆسی و چەندین بنگەھین داعشی تۆپبارانکرینە.
چالاکڤان فەھد داود ژ ئەلمانیا کو کەسەکێ نێزیکی فرۆکەڤان لوسی سیمۆنێ یە بۆ ئەڤرۆ نیوز گۆت: “کچەکا ئێزدی بوویە ڤروکەڤانا فرۆکەیەکا رۆسی و نھا چەندین جاران بنگەھێن داعش ل سوریێ تۆپبارانکرینە و گۆت: “لوسی سیمۆنی سۆز دایە تۆلا کچ و ژنێن ئێزدی ئەوێن رەڤاندی د دەستێن داعش دا ڤەکەت و دێ بەردەوام بیت ل سەر تۆپارانکرنا بنگەھێن داعش ل سوریایێ”.
ئەڤرۆ نیوز، بارزان مزووری:
د فارس بریفکانی، سەروکێ لژنا ساخله‌ميێ ل جڤاتا نوونه‌رێن عێراقێ بۆ ئەڤرۆ نیوز دیار کر کو ئەو نوشدارێن نھا ل بن دەستھەلاتا داعش هه‌كه ل دووڤ وان رێنمایێن وان کار نەکەن دھێنە سزادان ب سزایێ گولەباران کرن یان سێدارەدان تایبەت پارێزگەھا مووسل نھا رێیا وان ھاتیە گرتن کو ژ ناڤ مووسل دەرکەڤن.
ناڤبری دیار کر کو نەخوشخانەیێن مووسل ھەموو یێن بووینە پارە وەکو کلینیکێن ئیڤاریان ب بھایەکێ گران چارەسەریا نەخوشان دکەن رۆژانە ل سەر وان بەرتەنگتر لێ دھێت دەرمان بۆ وان ژ رەقە دهاتن، به‌لێ ئەڤە پتر ژ ھەشت ھەیڤانه دەرمانێن بۆ مووسل دچوون ھاتینە برین.
بريفكانى گۆتژى: “پتریا نوشدارێن وان یێن نھا ل مووسل ژ سوریا ئیناینە، ب تایبەت برینپێچ ئەوێن ل سوریا سەرکردەیێن وان چارەسەردکرن نھا ئیناینە مووسل، ناھێلن نوشدارێن عيراقی وان چارەسەر بکەن”.
ئه‌ڤى نوونه‌رێ جڤاتا نوونه‌رێن عيراقێ دا زانين ژى كو ل بەغدا ژی یا بوویە ئەزمەیەکا مەزن ل سەر نوشدارا یێ دچنه ژ دەرڤەی وەلاتی ئەگەر بەردەوام ب ڤی شێوەی بمینیت دێ بیتە مەزنترین ئالوزی بۆ حوکمەتا بەغدا.
ئەڤرۆ نیوز ، نەوزاد زادە ھلۆری:
فیدراسیوونا رێکخراوێن ناحکومییێن سۆران و سەنتەرێ رەوشەنبیریێ سۆران دێ لرۆژا ئالایێ کوردستانێ وەکو رێزگرتنەک بو پێشمەرگەیان دێ ب شەڤ ل چیایێ ھندرین مینن.
دڤی واریدا مەعاف بارزانی سەرپەرشتێ چالاکیێ و ئەندامێ فیدراسیوونا رێکخراوێن ناحکومیێن قەزا سۆران بو ئەڤرۆ گۆت : ( ئەم وەکو فیدراسیوونا رێکخراوێن ناحکومییێن قەزا سۆران بو بلند ڕاگرتنا رۆژی ئالایێ کوردستانێ مە بریاریادایی کو ئێڤاریا رۆژا ئالایێ کوردستانێ ب شەڤ بەر ب چیایێ ھندرین کو دکەڤیتە دناڤبەرا قەزا سوران و قەزا رەواندوز بچین و ھەتا سپێدێ ل چیایی بمینین ).
زێدەتر گۆت : ( مەرەم ژ ڤێ یەکێ ئەو کو خەلکێ کوردستانێ ب چاڤ ماندوبون و نەخوشیێن پێشمەرگێن قارەمان ببینن ، و بو ڤێ مەرەمێ ژی سەرجەم دام و دەزگەھێن حکومی و حزبی و رێکخراو و ھژمارەکا زوریا خەلکێ قەزا سوران و دەوربەر دێ پشکداریێ دڤێ یەکێ دا کەن ).
سەرپەرشتێ چالاکیێ دیارکر ژی کو ھژمارەکا ئافرەتان ژی بریار دایە کو پشکداریێ دڤێ یەکێ دا بکەن و گۆت ژی: (ئەو کەسانێن کو دێ پشکداربن چوو تشان دگەل خوە نائینن وەکو بەتانی و نڤیینک داکو پتر ھەست ب قارەمانیا پێشمەرگەی ل سەنگەرێن بەرگریێ بکەن ).
فیدراسیوونا رێکخراوێن ناحکومی ل دەڤەرا سوران ژ 20 رێکخراو و سازیێن جودا جودا پێکدھێت.
ئه‌ڤرۆ نیوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا سێشه‌مبى رێكه‌فتى 15ى كانوونا ئێكێ يا 2015 ئه‌سمانێ دهۆكێ دێ يێ نيڤ ئه‌ورى بيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ هاتنا فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمانى دهۆكێ دێ يێ نيڤ ئه‌ورى بيت.
پشكا پێشبينيان دايه زايه زانين كو دێ ئاراستێ باى ژى دێ باشوورێ رۆژئاڤا بيت ب ره‌نگه‌كى د ناڤبه‌را 5 هه‌تا 15 كم دا و ماوێ ديتنێ ژى 9 بۆ 10 كم بيت و پلێن گه‌رمێ ژى دێ د ناڤبه‌را 11 بۆ 16 پلان دا بيت.
نيشاندان
