ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 20ى ته‌باخا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1220 |
| 1 يۆرۆيێ ئه‌ورۆپى | 1350 |
| 1 ليرێ توركى | 450 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نيوز:
بڕیارە سوبەھی راھێنەرێ تیما تەپا پێ یا یانا ئاکرێ ب گەھیت بۆ سەرپەرشتیکرنا راھێنەراتیا تیما تەپا پێ د خولا پلە ئێکا ھەرێما کوردستانێ دا.
د ڤی چارچوڤەی دا راھێنەر تارق تەعیمە بۆ رۆژناما ئەڤرۆ گۆت: دێ سوبەھی ب رێکا فروکخانەیا ھەولێرێ ژ وەلاتێ سوریێ ھێمە ھەرێما کوردستانێ بۆ وەرگرتنا ئەرکێ راھێنەراتیا تیما تەپا پێ یانا ئاکرێ بۆ وەرزێ نوو یێ خولا ھەرێمێ بۆ یانێن پلە ئێک.
ناڤبری ئەو چەندە ژی دیارکر ھەتا ئەو یاریکەرێن تیمێ ژنێزیک نەبینت چو بریاران بۆ ئینانا یاریکەران نادەت، لێ یا گرنگ ئەوە ھەمی شیانێن خوە بێَخیتە کار بۆ دەستڤە ئینانا ئەنجامێن باش و گەھاندنا یانێ بۆ خولا نایاب ھەکە شیانێن یانێ و پێدڤی وێ چەندێ کر دێ یاریکەرێن پیشەکار ژی بۆ تیمێ ئینت بۆ نەھێلانا کێماسیان د پێکھاتیێ تیمێ دا.
ئەڤرۆ نيوز:
جێگرێ سەروکێ یان دھۆک دیارکر وان یاریکەرەکێ پیشەکار بۆ تیما تەپا پێ یانا دھۆک یا پشکدار د خولا کوردستانێ دا ئینایە و ئەڤرۆ دێ کەڤیت بن تاقیکرنا دەستەیا راھێنەریێ.
زێدەتر محەمەد عەبدی د داخویانیەکێ دا بۆ رۆژناما ئەڤرۆ گۆت: یاریکەرێ سووری خالد قەساب ل سەر داخوازا راھێنەرێ تیمێ تەپا پێ یانا دھۆک دوھی گەھشتیە پارێزگەھێ و ئەڤرۆ بریارە پشکداریێ د راھێنانێن تیمێ دا بکەت و تاقیکرن پێ بھێتە کرن بۆ زانینا ئاست و شیانێن وی بۆ پشکداری کرن د خولا نایابا ھەرێما کوردستانێ یا تەپا پێ ل وەرزێ بھێت، ژبەرکو یاریکەرێن تیما خولا کوردستانێ ھەمی ھاتینە سەرخستن بۆ خولا عیراقێ و تایبەت یێن ھێلا بەرەڤانیێ ب ڤێ چەندێ کێماسی د ڤێ ھێلێ دا پەیدابوینە بۆ خولا ھەرێمێ لەورا یا پێدڤی بوو یاریکەرەکێ پیشەکار بۆ تیما خولا کوردستانێ بینن.
دھێتە زانین یاریکەرێ سووری خالد قەساب بەری نوکە یاری بۆ یانا سلێمانیێ و کەربەلا و ئێتیحاد یا سووری کریە.
ئەڤرۆ نيوز:
یانا چێلسی یا ئێنگلیزی نێزیکی ئیمزاکرنا ھەڤبەستا ستێرا تەپا پێ یا یانا بەرشەلونە پێدرو رودرێگز بویە ب کوژمێ ٢١ ملیون جونەیھێن ئسترلینی د دەمەکی دا کو ناڤێ ڤی یاریکەری گرێدای چونا ناف رێزێن یانا مانچستەر یونایتد ببو و زێدەتر د ڤی بیاڤی دا روژناما دەیلی میل یا بریتانی خویاکریە کو ستێرا تەپا پێ یا ئسپانی بریار دایە یاریێ ل لەندەن بکەت ل ژێر سەرپەرشتیا راھێنەرێ یانا چێلسی یێ پرتوگالی جوزێ مورینھو ئەوێ ھەڤرکێ یانا وی بەرشەلونە دەمێ راھێنەرێ یانا ریال مەدرید.
زێدەتر ڤێ روژنامێ ئەو چەندە ژی خویاکریە ل ماوەکێ کێم ئەف ھەڤبەستە دێ ب دووماھی ھێت ئەوا کوژمێ وێ ٢١ ملیون جونەیھێن ئسترلینی پشتی یانا بەرشەلونە رازی بوی ل ھەمبەر ڤی کوژمێ یاریکەرێ وێ پێدڤیت خوە ھەلگریت قەستا لەندەن بکەت.
ئەف بریارا یانا چێلسی و ڤی یاریکەری ھاتە پێش پشتی وان گوتگوت و پەیامێن دوپاتکرین کو دێ ھێتە ڤەگوھاستن بو یانا مانچستەر یونایتد ب سەرپەرشتیا راھێنەر لویس ڤان گالی ئەوێ چەندین جاران کارگێریا یانا خوە راسپاردی دان و ستاندنان بکەن لێ مورینھوی ئەف بزاڤە و خواستا ڤانگالی ژ ناڤبری و ئەڤە دبیتە جارا دویێ مورینھو بزاڤێن مانچستەر یونایتد ژ ناڤ دبەت پشتی یاریکەرێ ئەرژەنتینی نیکولاس ئوتامیدی.
ئەڤرۆ نيوز:
ل دووڤ نڤیسارەکا وەزارەتا باژێرڤانی و گەشت و گوزارێ، رێڤەبەرێن ھەردو باژێرڤانیێن دھۆکێ رۆژھەلات و رۆژئاڤا دێ ھێنە گوھۆڕین.
ل دووڤ نڤیسارا ژمارە 10991 یا کو ل 16\8 دەرکەفتی، بەھجەت حسێن عەبدوللا ل شوونا مللەت سالم محەمەد دێ بیتە رێڤەبەرێ باژێرڤانیا رۆژھەلات و مللەت سالم محەمەد ل شوونا جەلال رەشید سولتان دێ بیتە رێڤەبەرێ باژێرڤانیا رۆژئاڤا.
ھەر ل دووڤ ھەمان نڤیسار، جەلال رەشید سولتان ژی دێ بۆ دیوانا سەرۆکاتیا باژێرڤانیا دھۆک ھێتە ڤەگوھاستن و ئەڤ فەرمانە ھەر ژ رۆژا دەرکەفتنێ دێ ھێنە بجە ئینان.
ئەڤرۆ نيوز:
ب سەدەما ھێرشێن سوپایێ تورکیا بۆ سەر باژارێن باکورێ کوردستانێ و بەردەوامیا شەڕێ ناڤبەرا چەکدارێن پەکەکێ و سوپایێ تورکی، ژمارەکا خێزانێن ئاکنجیێن باژارێ شەمزینان ئاوارەی ھەرێما کوردستانێ بوون.
غەفوور ئەحمەد، قائیمقامێ قەزا مێرگەسۆر راگەھاند چونکی ژیانا خەلکێ باژارێ شەمزینان ژ بەر ھێرشێن سوپایێ تورکیا و شەرێ سوپای ل گەل چەکدارێن پەکەکێ کەفتیە د مەترسیێ دا، ب دەھان وەلاتی ل سنوورێ شەمزینان ئاوارە بوون و گەھشتینە باژارکێ مێرگەسۆر و گۆت “ل گۆر ئامارا ھەتا نھا ٣٨ خێزان کو ژمارا وان دبیتە ٢٤١ کەس ھاتینە مێرگەسۆرێ”.
قائیمقامێ قەزا مێرگەسۆر خویا ژی کر ئەو تشتێ ژ وان بھێت دێ بۆ ڤان ئاوارا کەن، لێ چونکی چ کەمپ ل مێرگەسۆرێ نینن، ڕەنگە ل دەستپێکێ ھندەک گرفت دروست ببن و گۆت “لێ زێدەباری وێ ئێکێ ژی مە ئالیێن پەیوەندیدار ھایدار کرینە کو ھەکە ئەڤ ئاوارەبوونە یا بەردەوام بیت پێدڤیە ئەم خوە بەرھەڤ بکەین و جھەکی بۆ ئاواران ڤەکەین، و ھەر ئاوارەکێ بێت ژی دەرگەھێن مە بۆ دڤەکرینە”.
ئەڤرۆ نیوز،زنار تۆڤی:
دەزگەهێن راگەهاندنێ ل وەلاتێ تورکیا دانە دیارکرن کو کۆمسیونا بلند یا هەلبژارتێن تورکیا دادیارکرن کوو ل ئێکی چریا دویێ یا ئەڤ سالە هەلبژارتنێن پێشوەخت ل تورکیا دێ هێنە ئەنجامدان،ئەڤ چەندە هات پشی کو پارتێن سیاسی ل وی وەلاتی نەگەهشتینە رێکەفتنێ ل سەر پێکئیننا حوکمەتا نوو یا وی وەلاتی.
ئەڤرۆ نيوز:
فەریق جەمال سۆپاسالارێ پێشمەرگێ کوردستانێ بۆ ئەڤرۆ دیار کر کو پتری چوار کۆمبوونان ل سەر ئاستێ وەزارەتێن پێشمەرگەی و ناڤخۆ یێن ھەرێمێ یێ د گەل وەزارەتێن ناڤخۆ و بەرەڤانیا عیراقێ ل دۆر پرۆسا رزگارکرنا مووسل ھاتینە کرن.
ل دووڤ گۆتنێن فەریق جەمال ئەو ئۆپەراسیۆنێن ل بێجی و ئەنبار چێبووین گیرووبونەک ئێخستە پلانا رزگارکرنا مووسل، لێ رێککەفتن یا ھاتیە کرن کو ژوورەکا ئۆپەراسیۆنان یا تایبەت بۆ رزگارکرنا مووسل د ناڤبەرا ھەرێمێ، بەغدا و ھەڤپەیمانان دا بھێتە پێکئینان و گۆت:(رزگارکرنا مووسل پتر گرێدای عیراقێ یە کا دێ ئەو کەنگی شێن ھێزێن خوە بۆ وێ ئۆپەراسیۆنێ بەرھەڤ کەن، وەزارەتا پێشمەرگەی و ھەڤپەیمان د بەرھەڤن).
ل دۆر نووچەیێ ھاتنا ھندەک کوماندوسێن ئەمریکی بۆ سنورێ رەبیعە کو ھندەک ئاژانسان بەلاڤکریە، فەریق جەمال رەتکر کو چو کوماندوسێن ئەمریکی ھاتبنە وێ دەڤەرێ.
ئه‌ڤرۆ نيوز:
به‌رى ده‌مه‌كێ كێم كۆمبوونا پێنج لايه‌نێن سياسى بۆ گه‌هشتنا ب سازانێ ل دۆر پرسا سه‌رۆكێ هه‌رێما كوردستانێ ده‌سپێكر.
ئه‌ڤرۆ رۆژا پێنجشه‌مبى رێكه‌فتى 20ى ته‌باخا 2015ێ ب پشكداريا هه‌ر پێنج لايه‌نێن سياسى يێن سه‌ره‌كى يێن كوردستانێ كو ژ پارتى ديموكراتى كوردستان و ئێكه‌تى نشتيمانى كوردستان و بزاڤا گۆڕان و ئێكگرتوويا ئيسلامى كوردستان و كۆمه‌لا ئيسلامى ل هۆلا سه‌عد عه‌بدولا ل هه‌ولێر ده‌سپێكر.
نيشاندان
