ئه‌ڤرۆ نيوز:
فوئاد حسێن، سه‌رۆكێ ديوانا سه‌رۆكاتيا هه‌رێمێ د كۆنگره‌كێ رۆژنامه‌ڤانى دا راگه‌هاند كو لايه‌نان ته‌كست ل سه‌ر وێ چه‌ندێ كر كو هه‌موو لايه‌ن ل سه‌ر هندێ د هه‌ڤرا نه كو بگه‌هنه ئه‌نجامه‌كى.
دا زانين ژى كو بۆچوونه‌كا ب هێز يا هه‌يى كو داكوكيێ ل سه‌ر وێ چه‌ندێ دكه‌ن كۆمبوونا سوبه‌هى يا په‌رله‌مانێ كوردستانێ بهێته پاشخستن.
نه‌ڤه‌شارت ژى كو هنده‌ك لايه‌نان پێدڤى ب وێ چه‌ندێ هه‌يه به‌رسڤێ ژ سه‌ركرداتيا خوه وه‌ربگرن و ئه‌نجامه‌كى بده‌نه ده‌ست.
ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ ژڤانێ به‌لاڤكرنا مووچێ هه‌يڤا خزيرانێ يێ فه‌رمانبه‌رێن هه‌رێما كوردستانێ ديار كر و بڕيار دا ل ئێكشه‌مبيا بهێت ده‌ست ب به‌لاڤكرنا مووچه‌ى بهێته كرن.
ئه‌حمه‌د عه‌بدولره‌حمان ئاخفتنكه‌رێ ب ناڤێ وه‌زاره‌تا دارايى و ئابوورى ل حوكمه‌تا هه‌رێما كوردستانێ د داخۆيانيه‌كێ دا بۆ خه‌ندان گۆت: “هه‌ر چه‌نده ئه‌و پارێ فرۆتنا په‌ترۆلێ يێ خستيه سه‌ر به‌نكا وه‌زاره‌تا وان يێ كێمه، به‌لێ دێ ئێكشه‌مبێ مووچێ هه‌يڤا خزيرانێ يێ وه‌زاره‌تا پێشمه‌رگه‌يى هێته به‌لاڤكرن”.
گۆتژى: “چاڤه‌رێ بووين كۆژمێ 850 مليۆن دۆلار ژ داهاتێ په‌ترۆلێ يێ فرۆتى بێخنه سه‌ر به‌نكا مه، به‌لێ ب تنێ 75 مليۆن دۆلار خستينه سه‌ر حسابا مه”.
ئه‌ڤرۆ نيوز:
بڕياره سه‌رۆكێ هه‌رێما كوردستانێ ل گه‌ل كۆمسيۆنا هه‌لبژارتن و راپرسيان و نوونه‌رێن وه‌لاتێن جيهانێ ل هه‌رێما كوردستانێ كۆم ببيت.
ب گۆره‌يى ئه‌و پێزانينێن ب ده‌ست باسنيوز كه‌فتين ژ ژێده‌ره‌كێ گه‌له‌ك تايبه‌ت وه‌كو مالپه‌رێ ناڤبرى دايه زانين، سه‌عه‌ت 10:00 يا سوبه‌هى رۆژا چارشه‌مبى 19ى ته‌باخا 2015ێ مه‌سعود بارزانى، سه‌رۆكێ هه‌رێما كوردستانێ، ل گه‌ل جڤاتا كۆمسيۆنا هه‌لبژارتنان و راپرسيێ ل هه‌رێما كوردستانێ و نوونه‌رێ وه‌لاتێن جيهانێ ل هه‌رێما كوردستانێ كۆم ببيت.
ب گۆره‌يى پێزانينێن باسنيوز ئه‌ڤرۆ ئێڤارى داخوازنامه بۆ هه‌موو لايه‌نێن په‌يوه‌نديدار هنارتيه و كۆمبوون دێ ل هۆلا سه‌عد عه‌بدولا ل هه‌ولێر هێته ئه‌نجام دان و تێدا چه‌ند بابه‌تێن گرنگ و تايبه‌ت يێن گرێدايى پاشه‌رۆژا هه‌رێما كوردستانێ گه‌نگه‌شه كه‌ن.
ئه‌ڤرۆ نيوز:
سۆران عومه‌ر ئه‌ندامێ فراكسيۆنا كۆمه‌لا ئيسلامى ل په‌رله‌مانێ كوردستانێ رژدبوونا فراكسيۆنا خوه ل سه‌ر هه‌لويستێ به‌رێ و پشكداريكرن د كۆمبوونا نه‌يا ئاسايى يا په‌رله‌مانى دا راگه‌هاند و ته‌كست ل سه‌ر وێ چه‌ندێ كر كو هه‌كه د روونشتنا سوبه‌هى دا رێژا قانوونى ته‌مام نه‌بوو، پرۆژێ قانوونێ ب دووماهى ناهێت و دێ شێن د قووناغه‌كا دى دا ده‌مێ دشێن وێ رێژا ده‌نگان ب ده‌ست بخه‌ن بێخنه ناڤ به‌رنامێ كارێ په‌رله‌مانى.
ئەڤرۆ نیوز،زنار تۆڤی:
پرۆژێ چاکسازیا سەرۆک وەزیرێ عێراقێ حەیدەر عەبادی یێ بەردەوامە و ئەڤرۆکەژی عەبادی بریارەکادی یا گرنگ دەرکر بو پرۆژەیێ خوەیێ چاکسازیێ کو تێدا هاتیە ئەڤرۆ رۆژا سێشەمبی ئەنجۆمەنێ وەزیرێن عێراقێ بریاردایە کو 80 رێڤەبەرێن گشتی ل پارێزگەهێن جودا یێن عێراقێ و هەروەسا 18 بریکارێن وەزارەتان ژی بهێنە خانەنشینکرن.
ئه‌ڤرۆ نیوز:
هێمن سلێمان رێڤه‌به‌رێ راگه‌هاندن و په‌یوه‌ندیێن پۆلیسێن پارێزگه‌ها دهۆك ئه‌ڤرو د كونگره‌كێ رۆژنامه‌ڤانى دا دیاركر كو ئه‌و شیاینه تاوانبارەکى دەستەسەر بكه‌ن پشتی د رویدانەکێ دا، ب ترومبێلێ کەسەکی دکوژیت و ئێکێ دى بریندار دکەت و درەڤیت.
هه‌روه‌سا 4 تاوانبارێن دى ژى دەستەسەرکر بكه‌ن پشتی هەول داین شوفێرەکی برەڤینن و بکوژن و ترومبێلا وی بفروشن.
هێمن سلێمان دیاركر كو دڤەکولینان دا هەر 5 تاوانباران دان ب تاوانێن خو کرینە و لدیف یاسایێ دێ گەهنە سزایێ خو.
ئەڤرۆ نيوز:
ھژمارەکا راپورتێن روژنامەڤانی یێن بریتانی خویاکریە کو یانا ریال مەدرید خودانا رێزا دویێ ل وەرزێ بوری بزاڤکریە بۆ بشت راستکرنا ھەڤبەستا گولچیێ یانا مانچستەر یونایتد یا ئێنگلیزی دیڤێد دی خیا د ماوێ ڤەگوھاستنێن ھاڤینا سالا بھێت دا.
زێدەتر روژناما میرور یا بریتانی خویاکریە کو یانا ریال مەدرید د روونشتنەکا نەھینی دا کورژمێ ١٢ ملیون جونەیھێن ئسترلینی داینە ڤی گولچی پێخەمەت وێ چەندێ خوە بگریت ھەتا ھاڤینا سالا بھێت داکو ھەڤبەستا وان ئیمزا بکەت و ل ھەمبەر دی خیا رازیبویە ب ڤەگەریتە ریال مەدرید.
یانا ریال مەدرید ب درێژاھیا ھاڤینا ئەف سالە بزاڤێن ئیمزاکرنا ھەڤبەستێ ل گەل ڤی گولچیێ ٢٥ سالی دکرن لێ کارگێریا یانا مانچستەر یونایتد داخوازا ٣٥ ملیون جونەیھان کر بەرامبەر دەست بەردانێ لەورا یانا ریال مەدرید نەچاربوو ب نەھینیڤە ڤێ بزاڤا خو ب دووماھی بینت ھەر چەندە سەرپێچیە ل سەر یاساێن ڤەگوھاستنێ و یانا مانچستەر یا مفادار نینە ژ ڤێ چەندێ.
راھێنەرێ ھولەندی یێ یانا مانچستەر یونایتد لویس ڤان گال گولچی دیڤید دی خیا ژ یاریا دەستپێکرنا خولێ ل ھەمبەر توتنام ژ پێکھاتی ھاتبوو دوورخستن و دیسان دوڤدا د یاریا ل ھەمبەر ئەستونڤێلا ژی دا وەکو سزایەک بو داکەفتنا ئاستێ وی و ناڤێ وی ھاتیە گرێدان ب ڤەگوھاستنێ بو ریال مەدرید.
نيشاندان