ئەڤرۆ نیوز، ھەژار مەعروف:

تیما تەپا پێ یا دالکورد یا کوردی ئەوا ل وەرزێ ئەڤ سالە سەرکەفتی بۆ خولا پلا ئێک یا سوید ھەر ل گەل دەربازبوونا وێ بۆ خۆلا پلا ئێک یا سویدی دەستەیا کارگێریا ڤێ یانێ ئەوا پیکھاتی ژ کومەکا کوردان کاردکەن بۆ ب دەستڤە ئینانا سپونسەران چو ل کوردستانێ بیت یان ل ئورۆپا بیت ل دور گوتنا سەروکێ وێ یانێ ئەو دخوازن کومپانیەکا کوردی بیتە سپونسەرێ وێ یێ فەرمی دخۆلا پلا ئێک یا سویدا.
زێدەتر رەمەزان کیزلی سەروکێ یانا دالکورد نوونەرا کوردستانێ دخۆلا پلا ئێک یا سوید دا بۆ مالپەرێ ئەڤرۆ نیوز دیارکر ئەو نوکە ل باژێرێ ھەلێرێ یە بۆ دانوستاندنان ل گەل چەند کومپانیا بۆ سپونسەریا یانا ئەوان بکەن دخولا سویدا بۆ وەرزێ بھێت و چەند کومپانیا دەرگەھێ خوە ڤەکەریا نوکە ئەو ل رێککەفتننێن دەستپێکی نە ل رۆژێن بھێت دێ سپونسەرێ نووی یا یانا دالکورد دیاربیت .
ناڤبری زێدەتر دیارکر مەرەما ئەوان ب ئەڤان سپونسەران ئەوە بشێن بارێ دارایی یێ یانێ باشتر لێ بکەن دخۆلا پلا ئێک یا سوید دا ژبەرکو ئەرکێ ئەوان دێ یێ ب زحمەت بیت ل وەرزێ بھێت ئەو پێدڤی پشتەڤانیێ نە بۆ وەرزێ بھێت داکو بشێن ل وەرزێ بھێت ھژمارەکا یاریکەرێن خودان شیان ل تیما خوە زێدەبکەن .

سەروکێ یانا دالکورد رەمەزان ل گەل رێڤەبەرێ کومپانیا ڤاسلینک و نەوروز تیلکوم ل  دەمێ سەردانا وی بۆ کومپانیا نەوروز ل ھەولێرێ

ئەڤرۆ نیوز:
د یاریێن گەرا ئێکێ ژ قوناغا دوێ ژ خۆلا فوکس یا عیراقێ ئەڤرۆ پێنج یاری ھاتنە کرن ھەردو یانێن ھەرێما کوردستانێ نەشیان سەرکەفتنێ توماربکەن ژ دەرڤەی یاریگەھا خوە تیما زاخۆ ل یاریگەھا بەسرا وەکھەڤ بۆ ل گەل یانا مینا ب گولەکێ کو ل نیڤا ئێکێ تیما مینا پێشکەڤت بۆ ب گولا یاریکەرێ خوە عەمار عەبدولحسێن لێ ل نیڤا دوێ پیشەکارێ لییبی عەبدوسلام شیا گولا وەکھەڤی بۆ تیما خوە زاخۆ توماربکەت و خالەکا گرنگ بۆ یانا خوە زاخۆ بینت.
ژلایەکێ دووڤە ل یاریگەھا بەغدا تیما ھەولێر نەشیا پێشکەڤتنا خوە پارێزیت کو تیما ھەولێرێ ل دەستپێکێ یا پێشکەڤتی بوو ب دو گولان لێ ل نیڤا دوێ ل جارێکا دووماھیێ خودانا یاریگەھێ شیان یاریێ وەکھەڤبکەن .
ژ ئەنجامێن دی یانا نەجەف ب سەرکەفت ل سەر کەربەلا ب گولەکێ بێ بەرامبەر و حدود ل گەل سیناعە بێ گول وەکھەڤ بوون.
ھەلویسستێ کوما دوێ ب ڤی رەنگی یە
مینا ٢٠ خال
زاخو ١٧ خال
نەججەف ١٦ خال
جەویە ١٥ خال
ھەولێر ١٤ خال
بەغدا ١٤ خال
شورتە ١٠ خال
حدود ١٠ خال
کەربەلا ٩ خال
سیناعە ٣ خال

ئەڤرۆ نیوز:

نوکە یاریێن گەرا ئێکێ ژ خۆلا فوکس یا عیراقێ دھێنەکرن  و نیڤا ئێکێ ژ ھەر پێنج یاریێن ئەڤرۆ ب دووماھی ھاتینە،  ل باژێرێ بەسرا تیما تەپا پێ یا زاخۆ یا خوسارەتە ل گەل یانا مینا ب گولەکێ بێ بەرامبەر و ل پایتەختێ بەغدا تیما ھەولێر یا پێشکەفتی یە ل سەر یانا بەغدا ب گولەکێ بێ بەرامبەر.

ژ ئەنجامێن یاریێن دی زەورا ب دو گولان بێ بەرامبەر یا پێشکەڤتی یە ل سەر کەرخ و نەجەف و حدود ل گەل سیناعە بێ گول وەکھەڤن