ئەڤرۆ نیوز، زنار:
ل باژێرێ پاریس پشککێشانا قارەمانیا ئوروپا یا تەپا پێ ٢٠١٦ ل وەلاتێ فرەنسا ھاتە کێشان و ھەلبژارتێن پشکدار ل سەر شەش کومان ھاتنە پارڤەکرن و ھەتا رادەیەکێ ئەڤ پشککێشانە یا ھەڤسەنگ بوو تنێ ھەلبژارتیێ ئیتالیا نە بیت ئەوا کەفتیە د کومەکا بھێز دا،.
جارا ئێکێ یە ٢٤ ھەلبژارتیێ پشکداری د قارەمانیا ئوروپا دا پشکداریێ کەن
کوما ئێکێ پێکھاتیە ژ فرەنسا، رومانیا، ئەلبانیا، سویسرا.
کوما دویێ پێکھاتیە ژ ئنگلتەرا، روسیا، وێلز، سلوڤینیا.
کوما سیێ: ئەلمانیا، ئوکرانیا، پولەندا، ئێرلەندا باکور.
کوما چارێ : ئسپانیا، تورکیا، کرواتیا، چیک
کوما پێنجێ: ئیتالیا، بەلچیکا، سوید، ئێرلەندا باشور.
کوما شەشێ: پرتوگال، نەمسا، مەجەر، ئایسلەندا.

ئەڤرۆ نیوز:

فوتو،عادل سندی:
شاندێ تیما تەپا پێ یا زاخۆ ئەڤرۆ گەھشتە باژێرێ بەسرا ب مەرەما کرنا یاریا خوە یا گەرا ئێکێ ژ قوناغا دوێ ژ خۆلا فوکس یا عیراقێ ئەوا بریارە سوباھی ل یاریگەھا زوبێر ل دەمژمێر ٢:٠٠ پشتی نیڤرو بھێتەکرن.
بۆ ڤێ یاریێ تیما زاخۆ د بەرھەڤیەکا باش دایە ل دویڤ گوتنا سەرپەرشتێ تیما تەپا پێ یا زاخۆ تەھا عەبدولحکیم ئەوێ زێدەتر بۆ ئەڤرۆ نیوز دیارکری ئەو ب مەرەما ئەنجامەکێ باش چووینە باژێرێ بەسرا تیما ئەوان ژ چو یانێن دی کێمتر نینە راستە یاری بەرامبەر مینا ل یاریگەھا وێ یا ب سانەھی نابیت لێ یاریکەرێن زاخۆ ژی باوەریەکا مەزن ب شیانێن خوە ھەیە دێ ب ئەنجامەکێ سەرکەفتی ژ یاریێ دەرکەفن و بەردەوامی دەنە ھەڤرکیا رێزێن پێشیێ د خولێ دا .