ئه‌ڤرۆ نیوز: ڤه‌ده‌ر ره‌شاڤایی:
لدووڤ ژێده‌رێن وه‌زاره‌تا په‌یوه‌ندییان یا ئیراقی ل ده‌مێ هێشتا نوری مالكی سه‌رۆك وه‌زیرێن ئیراقێ داعش شیابوو ئیمه‌یلا مالكی هاك بكه‌ت و نامێن ئه‌لكترۆنیێن وی ڤه‌كه‌ت و ژ پێزانينێن گرنگ ئاگه‌هدارببیت.
موحه‌مه‌د عه‌لاوی وه‌زیرێ په‌یوه‌ندیێن ئیراقێ یێ به‌رێ دیاركر كو نها داعش پێزانین لسه‌ر هه‌می وه‌زاره‌تێن ئیراقێ هه‌یه، ژ وان ژی وه‌زاره‌تا ناڤخۆ، ژبه‌ركو حه‌یده‌ر عه‌بادی ب مه‌ترسیا ڤێ یه‌كێ دزانیت بزاڤان لسه‌ر پرۆژه‌كێ بۆ تۆره‌كا ئێكگرتی و ب ئێمناهی دكه‌ت.
ئه‌ڤرۆنیۆز، هه‌رهین محه‌مه‌د:
سترانبێژى گه‌نج مێهڤان ئامێدى دیداره‌كێ دا بۆ ئه‌ڤرۆنیۆز دیاركر كو نهو مژوولى دو كلیپایه ئێك بناڤێ (ابن مسعود) ژده‌رهێنانا كوڤان كاتولى یه ئه‌ڤه سترانه ل ستودیویا پرۆ میوزیك پرۆده‌كشن هاتیه توماركرن و ئه‌ڤ سترانه ل میحوه‌رێ تلسقوف هاتیه وێنه‌كرن و ژڤانه ئه‌ڤرۆ بهێته به‌لاڤكرن و هه‌روه‌سا سترانا دى بناڤێ شه‌هید كو ژپه‌یڤێن غه‌ریب قادر و ئاوازێن میهڤان ئامیدى.
هه‌روه‌سامیڤانى گۆتژى: سترانا(ابن مسعود) ب زمانێ عه‌ره‌بى هاتیه گۆتن و وه‌سفا فه‌رمانده مه‌سرۆر بارزانى دكه‌ت كو كورى سه‌روكێ مه‌ژى مل ب ملى پێشمه‌رگه‌ى شه‌رى دكه‌ت دژى تیرۆرستێن داعش و من دڤیا بۆ عه‌ره‌با دیاركه‌م كو كورى سه‌روكى مه ژى مل ب ملێ پێشمه‌رگه‌ى شه‌رى دكه‌ت.
زاخۆ ,هشیار دوبانكى:
سه‌روكێ یانا زاخۆ دیاركر كو گولكه‌رێ خولا عیراقێ مسته‌فا كه‌ریم ژ كه‌مپا راهێنانێ هاته دورخستن ئه‌وا شاندێ تێما ته‌پا پێ یا یانا زاخۆ ل وه‌لاتى رومانیا ئه‌نجام داى.
زیده‌تر عه‌بدولوه‌هاب محه‌مه‌د عیسا سه‌روكێ یانا زاخۆ داخویانیه‌كێ دا بۆ ئه‌ڤرۆ نیوز گوت : نه پێگریا یاریكه‌ر مسته‌فا كه‌رێمى ب یه‌كێن راهێنانێ و نه گوهداریكرنا راهێنه‌رێ تیمَى مه وه‌كو كارگیریا یانا زاخۆ بریار دا ژ كه‌مبێ بهێته دورخستن وئه‌و بهایێ هه‌ڤبه‌ستا وه‌رگرتى 35% هه‌موو دێ ژێ هێته ستاندن و پاشى ده‌ست به‌ردانا وى ده‌نێ .
ده‌رباره‌ێ دورخستنا گولچیێ یانا زاخۆ محه‌مه‌د حه‌میدى سه‌روكێ یانێ دیاركر كو ج راستێ بۆ دورخستنا وى نینن هه‌تا نوكه .
ئەڤرۆ نیوز،زنار تۆڤی:
جەنەرالەکێ ئەمریکی بۆ تورا جزیرە دبێژیت:باراک ئۆبامای سەرۆکێ ئەمریکا چەکدارێن داعشێ پرچەک کرینە و رێکدایێ بهێز ببن.
مایکل فلین رێڤەبەرێ بەرێ یێ دەزگایێ هەوالگیریا بەرگریا ئەمریکا گۆت:ئۆبامای ل دەستپێکێ دزانی هاریکاریا داعشێ ددەت هەتاکو بهێز دبن،بەلێ هەر چاوا بیت ئەڤ کارەکر و پشتگۆهخست.
هەروەسا دیارکر ژی:ئۆبامای دزانی ئەو چەکێ دهنێریت بۆ ئوپوزسیونا سوریێ دێ کەڤیتە دەستێ داعش،بەلێ بەردەوام دبوو ژ هنارتنا چەکی بۆ وان،ئەڤەژێ بۆ ئەگەرێ پرچەک کرنا داعشێ.
ناڤهاتی گوتژی:ئەمریکا سەرۆکاتیا 60 وەلاتێن هەڤپەیمان ل دژی داعشێ شەرێ ئەسمانی دکەت،لێ هەتانوکە نەشیایە وەکو پێدڤی ل دژی داعش شەری بکەت.
ئه‌ڤرۆ نیوز،زنار تۆڤى:
ئه‌ڤرۆ سه‌رۆك وه‌زیرێ عێراقێ حه‌یده‌ر عه‌بادى چه‌ندین بریارێن گرنگ ده‌رخستن و ژ وان بریاران چه‌ند وه‌زاره‌ته‌ك تێكه‌لى ئێككرن و بریارا كێمكرنا وه‌زاره‌تان ده‌ركر و دیاركریه:كو وه‌زاره‌تا گه‌شتوگوزار و شۆینه‌وارا دێ هێته تێكه‌لكرن دگه‌ل وه‌زاره‌تا رۆشه‌نبیرى و هه‌روه‌سا تێكه‌لكرنا وه‌زاره‌تێن باژێرڤانیێ و ئاڤه‌دانكرنێ و نیشته‌جێكرنێ دگه‌ل ئێك.
عه‌بادى دیاركریه كو ئه‌میندارێ گشتیێ ئه‌نجومه‌نێ وه‌زیران دێ به‌رپرس بیت ل گرتنه به‌را رێكا پێدڤى بۆ بجهئینانا ڤان بریاران،هه‌روه‌سا عه‌بادى بریاردا ب هه‌لوه‌شاندنا پۆستێ جێگرێن سه‌رۆك وه‌زیرێ عێراقا فیدرال.
ناڤهاتى بریاردا كو وه‌زاره‌تێن مافێ مرۆڤى و وه‌زاره‌تا ده‌وله‌تێ بۆ كاروبارێن ژنان و وه‌زاره‌تا ده‌وله‌تێ بۆ كاروبارێن پارێزگه‌هان و ئه‌نجۆمه‌نێ نوونه‌ران بهێنه لادان و نه‌مینن،هه‌روه‌سا بریاردا كو وه‌زاره‌تێن زانست و ته‌كنولۆجیایێ دگه‌ل وه‌زاره‌تا خوێندنا بلند و ڤه‌كولینێن زانستى بهێنه تێكه‌لكرن و وه‌زاره‌تا ژینگه‌هێ دگه‌ل وه‌زاره‌تا ته‌ندوروستى بهێنه تێكه‌لكرن،ئه‌ڤه ژى ئێكه ژ پرۆژێن چاكسازیا عه‌بادى كو به‌رى چه‌ند رۆژان ده‌ستپێكریه.
ئه‌ڤرۆ نیوز: ڤه‌ده‌ر ره‌شاڤایی:
ئه‌مریكا راگه‌هاند كو ل داوییا چرییا ئێكێ یا ئه‌ڤ ساله دێ سیسته‌مێ مۆشه‌كیێ به‌رگریێ خوه پاتریۆت ژ توركیا ڤه‌كێشیت، پشتی ئه‌لمانییا ژی هه‌مان پێنگاڤ هاڤێتی.
بالیۆزخانا ئه‌مریكا ل ئه‌نقه‌ره ئاشكرا كر كو وان توركیا ئاگه‌هداركرییه كو ئه‌و دێ یه‌كه‌یێن سیسته‌مێ پاتریۆت یێ ئاسمانی و به‌رگریێ مۆشه‌كی ل داوییا مه‌ها چرییا ئێكێ یا ئه‌ڤ ساله كو داوی ژڤانه ژ توركیا ڤه‌كێشن و ده‌رێخن و بجهكرنا وان ناهێته نووكرنڤه.
ناهێته زانین كا ئه‌ڤ پێنگاڤا ئه‌مریكا چ گرێدان ب هێرشێن توركیا بۆ سه‌ر په‌كه‌كێ ڤه هه‌یه، لێ به‌رییا وه‌خت چه‌ند به‌رپرسێن پێنتاگۆن توركیا ب وێ یه‌كێ تومه‌تبار كر كو گه‌هشتیه ناڤ هه‌ڤپه‌یمانیا دژی داعش بتنێ دا به‌هانا بۆ هێرشێن خوه لسه‌ر شه‌رڤانێن په‌كه‌كێ بده‌رێخیت.
ل سالا 2013 ێ ئه‌ندامێن ناتۆ ئه‌لمانیا و ئه‌مریكا ئه‌ڤ سیسته‌مێ به‌رگریێ ل توركیا دانابوو بمه‌ره‌ما پاراستنا ئێمناهییا وی وه‌لاتی ژ گه‌فێن رژێما ئه‌سه‌د.
ئه‌ڤرۆ نیۆز، قائید میرۆ
لیوا عه‌بدولخالق ته‌لعه‌ت، رێڤه‌به‌رێ پۆلیسێن پارێزگه‌ها هه‌ولێرێ د پڕێنس كۆنفڕانسه‌كێ رۆژنامه‌ڤانی دا هویرده‌كاریێن كوشتنا به‌رپرسه‌كێ پۆلیسان ئاشكراكر و گۆت” به‌ری دو حه‌فتیان لیوایێ خانه‌نشین جه‌مال سیساوه‌یی رێڤه‌به‌رێ پۆلیسێن به‌رێ یێ هه‌ولێرێ د روودانه‌كا نه‌دیاردا گیانێ خوه ژده‌ستدا و هات به‌لافكرن ب روویدانا ترۆمبێلا گیانێ خوه ژده‌ستدایه.
رێڤه‌به‌رێ پۆلیسێن هه‌ولێرێ گۆتژی” لیوا جه‌مال سیساوه‌یی دگه‌ل هه‌ڤژینا خوه بشه‌ڕ هاتیه و پاشی ژلایێ هه‌ڤژین و كۆڕێن وی هاتیه قوتان و مێشكێ وی نه‌زیف بوویه، بشێوه‌یه‌كی هاتیه قوتان هه‌ردو پێت وی هاتینه شكاندن، پاشی بۆ ڤه‌شارتنا تاوانێ كۆڕێن لیوا جه‌مال ته‌رمێ بابێ خوه هاڤێتیه سه‌ر جاده‌یه‌كێ و به‌لافكریه ب روویدانا ترۆمبێلێ گیانێ خوه ژده‌ستدایه.
لیوا عه‌بدولخالقی دیاركر، پشتی دو رۆژان ژ روویدانێ تۆمه‌تبارێن سه‌ره‌كی گوره‌ی ماددێ 406 یا قانوونا سزادانا عێراقی هاتینه ده‌سته‌سه‌ركرن و دۆسیه ل دادگه‌هێ یه.
ئه‌ڤرۆ نیۆز، قائید میرۆ
فڕۆكه‌یێن هه‌ڤپه‌یمانان ل میحوه‌رێ مه‌خموور گوێڕ ترۆمبێله‌كا چه‌كدارێن داعش ژناڤبر و چه‌كدار ژی تێدانه.
ژێده‌ره‌كی ژ هێزێن پێشمه‌رگه‌ی ب ئه‌ڤرۆ نیۆز راگه‌هاند” تیرۆرستێن داعش سه‌نگه‌رێن پێشمه‌رگه‌ی ل بلنداهیێن سولتان عه‌بدولا یێ میحوه‌رێ مه‌خموور گوێڕ تۆپبارانكرن، به‌لێ ئه‌ڤێ تۆپبارانێ چو زیان نه‌گه‌هاندن هێزێن پێشمه‌رگه‌یی.
ژێده‌ری گۆتژی” پشتی تۆپبارانێ فڕۆكه‌یێن هه‌ڤپه‌یمانان گه‌هشتن ده‌ڤه‌رێ و ترۆمبێله‌كا جۆرێ كیا یا چه‌كدارێن داعش كره ئارمانج و د ئه‌نجامدا هاته سوتن، كو چه‌كدارێن داعش تێدابوون، به‌لێ هژمارا چه‌كدارێن داعش نه‌هاتیه زانین.
ئه‌ڤرۆ نیوز:
ئه‌ردوگان رادگه‌هینیت كو د ڤێ حه‌فتیێ دا دێ بریار سه‌باره‌ت پێكئینانا حكومه‌تا هه‌ڤپه‌یمانى هێته دان و دبێژیت” خه‌لكى ئه‌ز یێ هه‌لبژارتیم و دێ هه‌موو ده‌ستهه‌لاتێن خوه بكارئینم.
ره‌جه‌ب ته‌یب ئه‌ردۆغان، سه‌رۆك كۆمارێ توركیا ئاماژه ب پروسا پێكئینانا حكوومه‌تا هه‌ڤپه‌یمانى كر و راگه‌هاند” د ڤێ حه‌فتیێ دا دێ بریار سه‌باره‌ت وێ پرسێ هێته دان، كو ئه‌و بریار دێ پێكئینانا حكومه‌تێ بیت یان شكه‌ستنا دانوستاندنان.
ئه‌ڤرو نیوز،بارزان مزوورى
عصمت ره‌جه‌ب، به‌رپرسێ لقا 14 ل مووسل بو مالپه‌رێ ئه‌ڤرو نیوز ئاشكرا كر كو ئه‌ڤرو سپێدێ 16/8/2015 چه‌كدارێن تیرورستێن داعش روژنامه‌ڤان “یه‌حیا الختیب” سێداره‌دا ل بازارێ باب توب دناڤ باژێرێ مووسل كو به‌رى نها دناڤ مالا ویدا هات بو ده‌سته‌سه‌ركرن.
ناڤبرى دیار كر كو ئه‌و روژنامه‌ڤان ل كه‌نالێ مووسلیه كارێ په‌یامنیریێ دكر .
ناڤبرى گوت ژى : دهه‌مان وه‌خت دا چه‌كدارێن تیرورستێن داعش سێ ئافره‌ت یێن به‌ربژێرێن سالێن بورى ل مووسل یێن سه‌ر ب لایه‌نێن سیاسى ڤه بناڤێ “یوسرا سه‌میر و ئیخلاس زنون و لومه‌یا فازل ” ل گوره‌پانا دادگه‌ها مووسل یا داعش سێداره‌دان لدوڤ دا ته‌رمێن وان بو نوژداریا داد ل پارێزگه‌ها مووسل ڤه‌گوهاستن .
نيشاندان