ئەڤرۆ نیوز:
زێدەتر ژ دەھـ یانێن باکورێ کوردستانێ ل وەرزێ ئەڤ سالە پشکداری د قارەمانیا کاسا تورکیا دا کر بوو لێ ھەمی یانێن کوردستانێ نەشێن بەردەوامی ب دەنە ھەڤرکی و ل قوناغێن دەستپێکێ قارەمانی بجھـ ھێلان،  بتنێ ھەردو یانێن ئورڤا سپور و ئامەد سپور نەبیت ئەو ھەردو گەھشتی نە قوناغا ٣٢ یا کومان .
ل دووماھیا حەفتیا بوری ل بارەگایێ ئێکەتیا تەپا پێ یا تورکیا پشکێشانا قوناغا ٣٢ ژ کاسا تورکیا ھاتە کێشان ھەردو نوونەرێن باکورێ کوردستانێ د قارەمانیێ دا کەڤتنە د کوما ئێکێ دا ئەوژی پێکھاتیی نە ژ یانێن ئیستەنبۆل باشکە شەھیر ئەوا دخۆلا پلا نایاب دا یاریێ کەت و یانا باندەمیر سپور دخۆلا پلا دو دا یاریێ کەت و ئامەد ژی ھەمان خول و ئورڤا سپور دخولا پلا ئێک دا یاریێ کەت.
بریارە یاریێن ڤێ قوناغێ ل رۆژا چارشەمبیا بھێت بھێنەکرن کو ھەردو یانێن ئامەد و ئورڤا دێ دەرڤەی یاریگەھا خوە یاریێ کەن ئامەد دێ بیتە مێڤانا باندەمیر سپور و ئورڤا ل ئیستەنبول ل گەل باشکەشەھیر کەت

ئەڤرۆ نیوز:
راھێنەرێ یانا بەرشەلونا یێ ئیسپانی لویس ئەنریکی د گونگرێ رۆژنامەڤانی دا یێ یاریا ئەوان ل گەل دیپورتیڤو لاکەرونیا ئەوا بریارە ئەڤرۆ دەمژمێر شەش ئیڤاری بھێتەکرن دیارکر دڤێت ئەو رێزێ ل یانا بەرامبەر بگرن، ژبەرکو تیما دیپورتیڤو ژ وەرزێ بوری یا چیوازە و ل وەرزێ بوری د مەترسیا داکەفتنێ بۆ لێ ل وەرزێ ئەڤ سالە تیمەکا باش ھەیە و نوکە رێزا شەشێ دھێن بتنێ یاریەکێ ژ دەرڤەی یاریگەھا خوە خوسارەت بوویە و شێوازی کرنا یاریا ئەوان یا ب مەترسی یە ژلایێ ھێلا بەرەڤانیێ و ھێرشبەریێ ڤە .
زێدەتر راھێنەرێ یانا کەتەلونی دیارکر ئەرکێ ئەوان دڤێ یاریێ دا یێ ب سانەھی نابیت ژبەرکو تیما بەرامبەر ل ھێلا بەرەڤانیێ درێکو پێکن و پێدڤی یە ئەو خوە ژ ھێزە ھێلا بەرەڤانیا ئەوان قورتال بکەن و سەرکەفتن دڤێ یاریێ دا یا گرنگە بەری پشکداریێ د موندیالا یانێن جیھانی دا بکەن.

ئەڤرۆ نیوز، ھەژار مەعروف:
چاڤەرێ دھێتەکرن سوباھی دەست ب یاریێن قوناغا دوێ یێن خولا عیراقێ یا تەپا پێ بۆ یانێن پلا نایاب بھێتەکرن تیما دھۆک بریارا یاریا خوە ل دەرڤەی یاریگەھا خوە بکەت دەمێ بیتە مێڤانا یانا نەفت ئەلجنوب ل باژێرێ بەسرا.
تیما دھۆک ئەوا د یاریا خوە یا ئێکێ دا ژ قوناعا ئێکێ ل گەل یانا نەفت ئەلجنوب خوسارەت بووی ل یاریگەھا خوە دێ ھەمی بزاڤا کەت ڤێ جارێ ب ئەنجامەکێ باش ب سەرپەرشتیا راھێنەرێ خوە یێ گەنج و کورێ باژێرێ دھۆکێ ئاشتی مستەفا دەرکەفیت ژ یاریێ ھەر چەندە دڤێ یاریێ دا ئەرکێ یانا دھۆک یێ ب سانەھی نابیت ژبەرکو سێ یاریکەرێن سەرەکی ژ پێکھاتیێ تیما دھۆک نەشێن پشکداریێ ل گەل تیمێ بکەن ئەوژی پیشەکارێ غانی سالمون تاجی ژبەر نەبوونا فیزا عیراقێ و ھەردیسان ھەردو یاریکەران ئاماد ئیسماعیل و ئەحمەد جاسم ژ بەر کارتێن زەر و سور ل یاریا بوری وەرگرتین .
ھەژی گوتنێ یە نوکە تیما دھۆک ل رێزا نەھێ دھێـت ب حەفت خالان و نەفت ئەلجنوب رێزا حەفتێ دھێت ب نەھـ خالان.