ئەڤرۆ نیوز، ھەژار مەعروف:
یانا شنگھای یا چینی ئەوا بەرنیاس ب ئیمزاکرنا ھەڤبەستێ ل گەل ستێرێن جیھانی کو بەری نوکە ژی ھەڤبەست ل گەل چەندین ستێرین جیھانی ب کوژمێن مەزن یێن پارەی  ئیمزاکری ب مەرەما کرنا یاریێ ل گەل تیما ئەوان و ئەڤ جارە ھەمان یانا ھاتیە سەر ھێلی و و کوژمێ ٧٥ ملیون جینێ ئیسترلینی  پێشکێشی کابتنێ یانا مانچستەر یوناید و ھەلبژارتیێ ئینگلتەرا واین رونی کری یە .
رۆژناما دە سەن یێ برێتانی دیارکری یە شنگھای ئەوا راھێنەرێ بەرێ یێ ھەلبژارتیی َئینگلتەرا گوران ئیرکسون سەرپەرشتیا وێ کەت دخوازیت ل ڤەگوھاستنێن ھاڤینا بھێت ھەڤبەستێ ل گەل ھێرشبەرێ یانا مانچستەر یوناید رونی ئیمزابکەن بۆ ماوێ سێ سالان بەرامبەر ھەر سالەکێ کوژمێ ٢٥ ملیون جینی ئیسترلینی .
ھەژی گوتنێ یە واین رونی نوکە ھەڤبەستا وی ل گەل یانا مان یوناید ١٤ ملیون جینی ئیسترلینی یە ئەو ھەڤبەستا یانا چینی پێشکێشی ئەوی کری دبیت تەماع بکەت ھەردیسان یانا وی ژی دەستا ژێ بەردەت ژبەرکو یانا چینی کوژمەکێ مەزن پێ دایە

ئەڤرۆ نیوز:
راپورتا نوژداری ل یانا زاخۆ وەسا بۆ دەستەیا راھێنەریا تیما زاخۆ دیارکری یە کابتنێ تیمێ جاسم حاجی  نەشێت ل دو یاریێن بھێت ژ خولا پلا نایاب یا عیراقێ پشکداریێ ل گەل تیمێ بکەت ژبەر ئەو ھنگافتنا ل یاریا بوری گەھشتی یە .
ل دور ڤی بابەتی سەرپەرشتێ تیمێ تەھا عەبدولحەکیم د داخویانیەکێ دا بۆ ئەڤرۆ نیوز دیارکر یاریکەرێ ئەوان یێ ھێلا بەرەڤانیێ نەشێت ل ھەردو یاریێن بھێت بەرامبەر مینا و کەربەلا ژ یاریێن قوناغا دوێ ژ خۆلا عیراقێ پشکدار بیت ژبەرکو یاریکەر توشی ھنگافتنەکا گران بووی یە و نوژدارێ یانێ دیارکری یە ئەو پێدڤی دەمی یە دو ھەتا سێ حەفتیان ھەتا رەوشا وی باش بیت.
زێدەتر ناڤبری دیارکر نە پشکداریا یاریکەرەکێ وەکو جاسم محەمەد حاجی دێ کارتێکرنا خوە ل سەر تیمێ ھەبیت چونکو ئەو یاریکەرەکێ سەرکێشە ل گەل تیمێ و ھەبوونا وی دناڤا تیمێ دا وەکو سەرکێشەکێ یە د یاریێ دا .
ھەردیسان سەرپەرشتێ تیمێ گوت: مە پێگھورێ باش ژی ھەیە و ب ئومێدین دێ پێگھورێ وی شێت جھێ وی پرکەت.

ئەڤرۆ نیوز:
دوھی ل باژێرێ کولامبور یێ مالیزی پشکێشانا قارەمانیا کاسا ئێکەتیا ئاسیا یا تەپا پێ ھاتە کێشان کو دقارەمانیا ئەڤ سالە دا دو یانێن عیراقێ پشکدارن ئەوژی یانا نەفت وەست وەکو قارەمانا وەرزێ بوری و یانا جەویە خودانا رێزا دوێ کو ئەرکێ ھەلگرا ناسناڤێ وەرزێ بوری یێ خولا عیراقی َیێ ب سانەھی نابیت کو تیما نەفت وەست کەڤتیە د کوما دوێ دا ئەوژی پێکھاتیێ یە ژ یانێن فەیسەلی یا ئوردونی و یانا ئیستقلال یا تاچاگستانی خودانا رێزا دوێ د قارەمانیا وەرزێ بوری و سەرکەفتیێ یاریا ترابلوس یا لوبنانی و عەلاوی یا قیرخستانی .
نوونەرا دوێ یا عیراقێ تیما جەویە ئەرکێ وێ یێ ب زحمەت نابیت کەڤتیە د کوما سێ دا ئەوژی پێکھاتی یە ژ یانێن عروبە یا عومانی و شەباب زەھر یا فەلەستینی و سەرکەفتی یێ یاریا وەحدە یا سوری و نوونەرا تورکمانستان.
ھەژی گوتنێ یە یانێن عیراقێ ل ١٢ قارەمانیێن  بوری كو ھەر ژ سالا ٢٠٠٤ وەرە نەشیای نە چو دەستکەفتیا ب دەستخوڤە بینن بتنێ یانا ھەولێرێ دو جاران گەھشتی یە یاریا دووماھیا قارەمانیێ ئەوژی خوسارەت بووی یە.