ئه‌ڤرۆ نيوز:
حەتاڤێن دژوار دبنە ئەگەرێ پەیدابوونا پنی و پرسکان ل سەر پیستی و ماسکێن پێدڤی بو لابرنا پنیا پتریا وان پێک دھێن ژ شیرێ سروشتی لێ بو پتر مفا وەرگرتنێ ژێ تو پێدڤی ب ٣ کەفچکێن ئاریی دگەل ھندەک شیری کو ئار پێ ببیتە کریم و دو کەچکێن ئاڤا لیمونا دێ تێکەل کەی و وەک ماسک بکار ئینی و بو ماوێ ٢٠ خولەکان لسەر دێمێ خوە ھێلی پاشی دێ ب ئاڤەکا تێن شیر شوی .
ئەڤرۆ نیوز،زنار تۆڤی:
رادیۆیا کادینا کۆپ یا ئیسپانی راگەھاندیە کو رافائیل بینیتزێ راھێنەرێ ریال مەدرید داخواز ژ فلۆرینتینۆ پێرێزی سەرۆکێ یانێ کریە کو لۆرێنتی ھێرشبەرێ یانەیا یۆڤێنتۆس یائیتالی بۆ بکریت،چونکی یاناوی پێدڤی ب ھێرشبەرەکێ ھەیە کو ل جھێ کەریم بن زیمای یاریێ بکەت ب ئەگەرێ ھندێ کو وەرزەکێ دوور و درێژ ل بەر سنگێ وان دا ھەیە و ھێرشبەرەک ب تنێ بەس نینە د یاننەیەکا وەکو ریال مەدرید دا، ژبەرکو ھنگافتن و راگرتن دیاریان دا ھەیە.
ھەروەسا ئەڤرۆ رۆژا ئەینی رۆژنامێن ئیتالیا بەحسێ چوونا لۆرێنتی کرینە و لەورا ئەگەرەکێ زۆر ھەیە د چەند رۆژێن نزیکدا ئەڤ یاریکەرە پەیوەندیێ ب ریالێ بکەت،چونکی بۆھایێ وی یێ ئەرزانە و دناڤبەرا ٧ ملیۆن تا ١٠ ملیۆن یۆرۆیان دانە.
ئەڤرۆ:
سترانبێژا بەرنیاسا رۆژھەلاتێ کوردستانێ نازێ عەزیزی راگەھاند ژبەر ھەلویستێ وێ دەربارەی سەرۆک مەسعود بارزانی ئەو ژلایێ کەنالێن راگەھاندنا ئێکەتیێ ڤە ھاتیە یایکۆتکرن.
ناڤھاتیێ کو ھەتا نوکە سێ ئەلبۆمێن سترانان ھەنە، دەربارەی وێ بایکۆتکرنێ بۆ رووداو گۆت: دەمەکێ درێژە کەنالێن راگەھاندنا ئێکەتیێ بایکۆتا سترانێن من کریە و بەلاڤ ناکەن، ھەروەسا بۆ چو ئاھەنگ و بیرەوەریێن ب سەر وانڤە من ماف نینە پشکداریێ بکەم و سترانان بێژم، ژبەرکو من گۆت بوو من کاک مەسعود خۆش دڤێت و رێزێ لێ دگرم، بەلێ بۆچوونا من ب دلێ وان نەبوو، و ئەز بایکۆتکرم.
ھێشتا گۆت: من چ کێشە ل گەل خەلکێ باژێرێ سلێمانیێ نینن و ئەز زوو ب زوو سەرەدانا وی باژێری دکەم و ئاھەنگێن تایبەت لێ دگێرم، و تێکەلی سیاسەتێ نابم.
ناڤھاتیێ ل ٢٠٠٣ دەست ب سترانگۆتنێ کریە و ژبلی سترانێن کوردی ھەتا نوکە دو ئەلبۆمێن سترانێن فارسی ژی بەلاڤکرینە.
ئه‌ڤرۆ نيوز:
جڤاتا سه‌ركرداتيا پارتى ديموكراتى كوردستان ب سه‌رپه‌رشتيا مه‌سعود بارزانى سه‌رۆكێ پارتى ديموكراتى كوردستان و نێچيرڤان بارزانى جێگرێ سه‌رۆكێ پارتى ئه‌ڤرۆ رۆژا ئه‌ينى رێكه‌فتى 14ى ته‌باخا 2015ێ ل پيرمام كۆمبوو و به‌رى ده‌مه‌كێ كێم راگه‌هاندنه‌ك به‌لاڤكر.
جڤاتا سه‌ركرداتيا پارتى د ڤێ راگه‌هاندنێ دا ئاماژه ب وێ چه‌ندێ كريه كو ژ ئه‌گه‌رێ كوده‌تايا ده‌ركه‌فتن ژ ته‌ڤده‌نگيێ ل هه‌يڤا خزيرانێ و ئه‌و رێكه‌فتنێن حوكمه‌ت و سه‌رۆكاتيا په‌رله‌مانى ل سه‌ر هاتينه پێكئينان قه‌يران دژوارتر لێ كريه.
پارتى مخابنيا خوه ده‌ربريه و راگه‌هانديه كو ل 23ى خزيرانێ سه‌ره‌رايى كاودانێن سياسى يێن نه ل رێ يێن كوردستانێ و هێرشێن دڕندانه يێن چه‌كدارێن داعش و كاودانێن سه‌ختێن ئابوورى يێن كوردستانێ و ئه‌و ره‌وشا خه‌لكى و كێشه و ئه‌ركێن مليۆنه‌ها ئاواران كو روو كريه كوردستانێ، ئها د ده‌مه‌كێ هوسا يێ هه‌ستيار دا پلانه‌ك دارێتيه و ژ لايێ لايه‌نه‌كێ به‌رنياس كوده‌تا دژى ته‌ڤده‌نگيێ و ئێكرێزيێ ل په‌رله‌مانێ كوردستانێ ئه‌نجام دايه، ئه‌و ژى ب وه‌رگرتنا بڕياره‌كا ئێكلاكه‌ر بۆ كێمكرنا پێگه‌هـ و رۆلێ سه‌رۆكاتيا هه‌رێما كوردستانێ كو هێمايێ گه‌لێ مه‌يه، ديسا دژى به‌رژه‌وه‌نديێن بلندێن كورد و كوردستانێ.
پارتى د ڤێ راگه‌هاندنا خوه دا ده‌ركه‌فتن ژ ته‌ڤده‌نگيێ ب مه‌ترسى دزانيت و ب مه‌ترسيه‌كا مه‌زن وه‌سف دكه‌ت كو كارتێكرنه‌كا نه‌رێنى يا مه‌زن دێ ل سه‌ر هه‌دو ئاستێن نه‌ته‌وى و نشتيمانى هه‌بيت و “خه‌له‌تيه‌كا مه‌زنه ژى و پێدڤيه ب له‌ز بهێته راستڤه‌كرن”. هاتيه ژى: “ڤێ كۆمبوونا وان ره‌تدكه‌ين و دێ دژى وێ راوه‌ستين”.
دده‌ته زانين ژى كو ئه‌ڤ پلانه چه‌ند كه‌سه‌كان ب رۆله‌كێ دوژمنكارى به‌رامبه‌ر ئه‌زمونا گه‌لێ مه و ئێكرێزيا ناڤمالا كوردى گێرايه، دبێژيت ژى: “ل ڤێره ب تايبه‌ت سه‌رۆكێ په‌رله‌مانى بێ لايه‌نى و شه‌رعيه‌تا خوه ژ ده‌ست دايه”.
جڤاتا سه‌ركرداتيا پارتى د ڤێ راگه‌هاندنێ دا يا ب هيڤيه ژى كو “هێشتا ده‌رفه‌ت ژ ده‌ست نه‌چوويه، دشيان دايه ب ته‌ڤده‌نگى و ئێكرێزى بهێته ئاڤاكرن و رێ بهێته خوه‌شكرن كو چاڤ ل هه‌موو ئه‌وان پێشنياز و هه‌لويستان بگرن كو ژ لايێ لايه‌ن و كه‌ساتيا ڤه هاتينه پێشكێشكرن”.
ل دووماهيێ ژى ب هه‌لكه‌فتا 69 ساليا دامه‌زراندنا پارتى، پيرۆزباهيێن خوه ئاراسته‌يى كه‌سوكارێن شه‌هيد و پێشمه‌رگێن قه‌هره‌مان ل سه‌نگه‌رێن شه‌ره‌فێ دا و هه‌موو ئه‌ندام و لايه‌نگرێن خوه و هه‌موو كوردستانيان كرينه.
ئه‌ڤرۆ نيوز:
ئومێد خۆشناو سه‌رۆكێ فراكسيۆنا پارتى ل په‌رله‌مانێ كوردستانێ، بۆ مالپه‌رێ فه‌رميێ پارتى ديموكراتى كوردستان گۆت: “هه‌تا نوكه ب ره‌نگه‌كێ فه‌رمى سه‌رۆكاتيا په‌رله‌مانى ئاگه‌هداريا چو فراكسيۆنێن ناڤا په‌رله‌مانى نه‌كريه ئه‌وا بڕياره رۆژا ئێكشه‌مبى ل گه‌ل سه‌رۆكاتيا په‌رله‌مانى ب رێڤه بچيت.
دا زانين ژى كو ب تنێ د داخۆيانيه‌كێ دا سكرتێرێ په‌رله‌مانى راگه‌هانديه كو بڕياره رۆژا ئێكشه‌مبى روونشتنا سه‌رۆكاتيا په‌رله‌مانى ل گه‌ل سه‌رۆك فراكسيۆنێن ناڤا په‌رله‌مانى بهێته ئه‌نجان دان.
خوشناو گۆتژى: “هه‌كه بهێينه ئاگه‌هداركرن ژى ب پشت راستى ڤه ل ده‌سپێكێ دێ هه‌لسه‌نگاندنێ بۆ به‌رنامێ كارى كه‌ين و باشان ژى ل گه‌ل فراكسيۆنێ روونين و پاشان ژى بڕياره ئاماده‌بوون يان ئاماده‌نه‌بوونێ ده‌ين و دێ پاشان ئه‌گه‌ران ژى دياركه‌ين”.
ئه‌ڤرۆ نيوز:
شێخ عه‌بدولمه‌هدى كه‌ربه‌لائى نوونه‌رێ تايبه‌تێ عه‌لى سيستانى د گۆتارا ئه‌ڤرۆ يا رۆژا ئه‌ينى دا راگه‌هاند كو ئايه‌تولا عه‌لى سيستانى مه‌رجه‌عێ بلندێ شيعان ل عيراقێ پشته‌ڤانيا ئه‌وان چاكسازيان كر يێن حوكمه‌تێ راگه‌هاندين و جڤاتا نوونه‌ران په‌سه‌ند كرين و ب پێدڤى ژى زانى چاكسازى د ده‌زگه‌هێن دادوه‌رى ژى دا بهێنه كرن.
ئه‌ڤرۆ نيوز:
كوسره‌ت ره‌سۆل جێگرێ سكرتێرێ گشتيێ ئێكه‌تيا نشتيمانى كوردستان به‌ياننامه‌ك ل دۆر ره‌وشا نوكه يا كوردستانێ به‌لاڤكريه و تێدا داخوازێ ژ هه‌موو حزب و لايه‌نێن سياسى و كاركه‌رێن د گۆره‌پانا سياسيا كوردستانێ دكه‌ت كو زێده‌تر ده‌مى ب هه‌روه نه‌بن هه‌تا د وان رۆژێن ماين دا، خوه ل دۆر مێزێن دانوستاندنێ خرڤه بكه‌ن ب پێخه‌مه‌ت گه‌هشتن ب سازانه‌كا نشتيمانى كو چاره‌سه‌ره‌كا هه‌موولانه‌يه و دبێژيت: “بلا ئه‌م ب خوه حه‌كيمێن ده‌ردێ خوه بين، هه‌كه مێژوو ره‌حمێ ب كه‌سێ نابه‌ت”.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌رێ گشتيێ كاروبارێن ئێزديان ل وه‌زاره‌تا ئه‌وقاف و كاروبارێن ئاينى ل هه‌رێما كوردستانێ ئامارا دروستا رزگار بوويى و ئازادكريێن ناڤ ده‌ستێ داعش ئاشكه‌را دكه‌ت كو يێن هه‌تا 11ى ته‌باخا 2015ێ نه.
خه‌يرى بۆزانى، رێڤه‌به‌رێ گشتيێ كاروبارێن ئێزديان ل وه‌زاره‌تا ئه‌وقاف و كاروبارێن ئاينى ل هه‌رێما كوردستانێ بۆ ئه‌ڤرۆ نيوز گۆت: “گه‌له‌ك كه‌س ژ ناڤ ده‌ستێ داعش رزگار بووينه و گه‌له‌ك ژى ماينه”.
خه‌يرى بۆزانى زێده‌تر گۆت: “كه‌سانێن هه‌تا نوكه ماينه د ناڤ ده‌ستێ داعش دا، پێنج هزار و 838 كه‌سن و ژ وان ژى سێ هزار و 192 كه‌س ژنن و دو هزار و 646 كه‌سن”.
رێڤه‌به‌رێ گشتيێ كاروبارێن ئێزديان ل وه‌زاره‌تا ئه‌وقاف و كاروبارێن ئاينى ل هه‌رێما كوردستانێ خۆيا كر كو ئه‌و كه‌سێن ژ ناڤ ده‌ستێ داعش رزگار ژى بووين دو هزار و 58 كه‌سن و ژ وان ژى 300 زه‌لام و 779 ژن و 477 زارۆيێن كچ و 502 زارۆيێن كوڕن.
دا زانين ژى كو ئه‌ڤ ژمارا رێڤه‌به‌ريا كاروبارێن ئێزديان ل وه‌زاره‌تا ئه‌وقاف و كاروبارێن ئاينى يا حوكمه‌تا هه‌رێما كوردستانێ راگه‌هاندى يا هه‌تا 11ى ته‌باخا 2015ێ يه
ئه‌ڤرۆ نیۆز، قائید میرۆ
شه‌ڤا بۆری هێزێن پێشمه‌رگه‌ی ل میحوه‌رێ گوێڕ هێرشه‌كا تیرۆرستێن داعش شكاند و گورزه‌كا كوژه‌ك ل چه‌كدارێن داعش كه‌فتیه.
ژێده‌ره‌كێ هێزێن پێشمه‌رگه‌ی ب ئه‌ڤرۆ نیۆز راگه‌هاند” ده‌مژمێر 12ی شه‌ڤا چه‌كدارێن داعش هێرش كریه سه‌ر هێزێن پێشمه‌رگه‌ی ل گوندێ تلڕیم یێ سه‌ر ب ناحیا گوێڕ و بۆده‌مێ ده‌مژمێره‌كا شه‌ڕه‌كێ گران بڕێڤه‌چوویه.
ژێده‌ری گۆتژی” پێشمه‌رگه‌ی ب چه‌كێن گران و سڤك به‌رسڤا هێرشا داعش دایه و د ئه‌نجامدا هێرش هاتیه شكاندن و زیانێن مه‌زن گه‌هشتینه تیرۆرستێن داعش، به‌لێ قه‌باره‌یێ ئه‌ڤان زیانا ناهێته زانین.
ئه‌ڤرۆ نیوز، ئه‌یاد
وه‌زاره‌تا داد یا عیراقی وه‌غه‌ركرنا برایه‌كێ سه‌دام حسێنی ژ ئه‌گه‌رێ نه‌خوه‌شیه‌كی راگه‌هاند.
وه‌زاره‌تا داد یا عیراقی دیاكر كو وه‌تبان ئیبراهیم ئه‌لحه‌سه‌ن زربرایێ سه‌رۆكێ رژێما به‌عس یا ژناڤچووی (سه‌دام حسێن) دوهی پێنج شه‌مبی ل نه‌خوه‌شخانه‌كا به‌غدا وه‌غه‌ركر.
وه‌تبان ئه‌لحه‌سه‌ن چه‌ندین پله ل سه‌رده‌مێ رژێما به‌عس وه‌رگرتبوون كو دووماهی پله ژى وه‌زیرێ ناڤخوه‌یی بوو و پشتى 2003 ێ هاتبوو ده‌سته‌سه‌ركرن و دادگه‌ها بلند یا تاوانان ل عیراقێ حوكمێ سێداره‌دانێ بۆ ده‌ركربوو پشتى ب ئه‌نجامدانا تاوانێن دژى مرۆڤایه‌تیێ هاتیه تۆمه‌تباركرن.
نيشاندان