ئەڤرۆ نیوز، زنار:
نیێمار داسێلڤا ستێرا یانا بەرشەلونە و ھەلبژارتیێ بەرازیل یێ بەردەوامە ل سەر دانانا نەخشێن تاتاوی ل سەر لەشێ خوە ڤێ جارێ ژی تاتویەکێ مەزن ل سەر پێ خوە یێ چەپێ چێکریە.
تاتویێ ڤێ جارێ یێ یاریکەرێ ناڤبری وێنێ زاروکەکی یە کو خەونێ ب یاریا تەپا پێ ڤە دبینت رۆژەکێ بیتە یاریکەرەکێ ستێر و بشێت داھاتەکی بۆ خێزانا خوە دابین بکەت.
بۆ زانین د راھێنانێن شەڤا بوری نێیمار تووشی ھنگافتنێ ببوو و دبیت بۆ ماوێ حەفتیەکێ ژ یاریگەھان دوورکەڤیت.
ئه‌ڤرۆ نیۆز، رێوار مزیرى:
رێڤه‌به‌ریا گشتى یا ره‌وه‌شه‌نبیرى و هونه‌رى ل دهۆكێ، رێڤه‌به‌ریا ره‌وشه‌نبیرى ل ئاكرێ، بزاڤا ره‌وشه‌نبیرى ل ئاكرێ، ب هه‌لكه‌فتا بۆرینا 100 سالان ب سه‌ر رێكه‌فتنا سایكس بیكۆ ل ژێر چاڤدێریا (ئه‌یوب ره‌مه‌زان) رێڤه‌به‌رێ گشتى یێ ره‌وشه‌نبیرى و هونه‌رى ل دهۆكێ دێ دو رۆژێن هه‌ڤبه‌ند ب باندور و كارتێكرنا كه‌لتۆرى و جیوپۆلیتیكى و پێشهاتێن نوو یێن رێكه‌فتنا سایكس بیكۆ دێ ل رۆژێن 12-13/12/2015 ل هولا شه‌هید شاكر فه‌تاح ل بزاڤا ره‌وشه‌نبیریا ئاكرێ شرۆڤه‌كه‌ت.
عادل عه‌بدولره‌حمان، به‌رپرسێ پشكا راگه‌هاندنێ ل رێڤه‌به‌ریا گشتى یا ره‌وشه‌نبیرى و هونه‌رى ل دهۆكێ بۆ ئه‌ڤرۆ نیۆز ئاشكرا كر كو ئه‌ڤ چالاكیه دێ بۆ ده‌مێ دو رۆژان دبه‌رده‌وام بن و هه‌ر رۆژه‌كێ دێ دو په‌نه‌ل هه‌بن و گۆت: ” د رۆژا ئێكێ یا ڤێ چالاكیێ دا ل په‌نه‌لێ ئێكێ دێ سمیناره‌ك ل ژێر ناڤێ (پێشبینیێن كارتێكرنێن رێكه‌فتنا سایكس بیكۆ) ژ لایێ (فه‌رسه‌ت صوفى) ڤه هێته پێشكێشكرن و د هه‌مان رۆژدا و د په‌نه‌لێ دویێ دا سمیناره‌ك ل ژێر ناڤێ (كارتێكرنا رێكه‌فتنا سایكس بیكۆ ل سه‌ر ده‌ڤه‌رێ ژ روویێ جیوپولیتیكى ڤه) ژ لایێ (د. جۆتیار عادل ئاكره‌یى) ڤه هێته پێشكێشكرن.
ناڤهاتى ئاماژه دا وێ چه‌ندێ ژى كو هه‌ر ب ڤێ هه‌لكه‌فتێ د رۆژا دویێ دا و د په‌نه‌لێ ئێكێ دا دێ سمیناره‌ك ل ژێر ناڤێ (كوردستان د رێكه‌فتنا سایكس بیكۆ دا/سازانۆڤ دا) ژ لایێ (د. هوزان سلێمان میرخان) ڤه هێته پێشكێشكرن و د هه‌مان رۆژ دا د په‌نه‌لێ دویێ دا دێ سمیناره‌ك ل ژێر ناڤێ (نویبوونه‌ڤا رێكه‌فتنا سایكس پیكۆ) ژ لایێ (د. فه‌رهاد محه‌مه‌د ئه‌حمه‌د) ڤه هێته پێشكێشكرن.
ئه‌ڤرۆ نیۆز، قائید میرۆ
په‌رله‌مانتاره‌كێ پارتی دیموكراتی كوردستان ئاماژه‌كر، بۆجارا ئێكێ یه سعودیه بڤێ شێوێ گرنگیێ پێشوازیا سه‌رۆكێ وه‌لاته‌كی بكه‌ت، 23 ئه‌ندامێن مالباتا سه‌رۆكێ سعودیێ پێشوازی ل سه‌رۆك بارزانی كر.
عه‌ره‌فات كه‌ره‌م، په‌رله‌مانتارێ پارتی دیموكراتی كوردستان ب ئه‌ڤرۆ نیۆز راگه‌هاند” كو سه‌ره‌دانا سه‌رۆك بارزانی بۆ وه‌لاتێن ده‌ڤه‌رێ گرنگیا خوه بۆڤێ قۆناغا ئه‌م نوكه تێدا ده‌ربازدبین، چونكو یا فه‌ره كورد ژی كاروبارێ خوه بكه‌ن بۆ گۆهۆڕینێن رۆژهه‌لاتا ناڤین ڤه‌گرتی.
عه‌ره‌فاتی گۆت ژی” ئه‌ف سه‌ره‌دانا سه‌رۆك بارزانی بۆ وه‌لاتێ سعودیێ و پێشوازیا سه‌رۆكێ ئه‌ڤێ وه‌لاتی بۆ جارا ئێكێ یه سعودیه بڤی شێوه‌ی پێشوازیا سه‌رۆكێ وه‌لاته‌كی بكه‌ت، هه‌تا باراك ئوباما ده‌مێ سه‌ره‌دانا سعودیا كریه هوسا پێشوازی لێنه‌هاته‌كرن.
ئه‌ڤرۆ نیۆز، قائید میرۆ
رێكخراوا یونسێف ئاشكراكر، لسه‌رانسه‌ری هه‌رێما كوردستانێ 200 قوتابخانه بۆ قوتابیێن ئاواره هاتینه ڤه‌كرن.
عه‌بدولقادر كاكه‌سۆر، نوونه‌رێ رێكخراوا یونسێف یا نه‌ته‌وێن ئێكگرتی لهه‌رێما كوردستانێ ب ئه‌ڤرۆ نیۆز راگه‌هاند” لسه‌رانسه‌ری هه‌رێما كوردستانێ 240 هزار قوتابیێن ئاواره هه‌نه و هه‌موو ئاواره‌یێن سوریا و عێراقێ نه لهه‌رێما كوردستانێ به‌رده‌وامیێ ب خواندنێ دده‌ن، بۆڤێ مه‌ره‌مێ ئه‌م شیاینه 200 قوتابخانا بۆ قوتابیێن ئاواره ڤه‌كه‌ین و ژوانا 40 هزار قوتابی ل سووریا ئاواره‌ی هه‌رێما كوردستانێ بووینه و 200 هزار قوتابیژی ئاواره‌یێن ده‌ڤه‌رێن جۆدایێن عێراقێ نه بۆهه‌رێما كوردستانێ.
كاكه‌سۆری گۆت ژی” هه‌موو پێدڤیێن خواندنێ و قوتابخانا بۆ قوتابیێن ئاواره هاتینه به‌رهه‌ڤكرن، تنێ وه‌رزێ سه‌رمایێ ده‌ستپێكریه و ئاریشا كێمیا كاره‌ب و گازێ هه‌یه، چونكو لهه‌موو قوتابخانا سۆپه و سپلیت هاتینه دانان بۆ قوتابیا، به‌لێ مخابن نه‌بوونا كاره‌بێ و نه‌بوونا گازێ كاریگه‌ری كریه ره‌وشا قوتابیان و ئه‌ف ئاریشه لهه‌موو هه‌رێما كرودستانێ هه‌یه، ژبه‌ركو ئاریشه‌یه‌كا گشتیه.
ئه‌ڤرۆ نیوز: ڤه‌ده‌ر ره‌شاڤایی:
ئه‌حمه‌د داودئۆغلو سه‌رۆك وه‌زیرێن توركیا تۆمه‌ته‌كا نوو یا مه‌ترسیدار پالدا رووسیا و گۆت رووسیا ب بپاقژكرنا نه‌ته‌وه‌یی ل سوریا رادبیت.
داودئۆغلۆ گۆت: ب هێرشێن ئێكلایه‌نی بۆ سه‌ر چه‌كدارێن توركمان ل باكۆرێ سوریا رووسیا رامالینا نه‌ته‌وه‌ییی دكه‌ت و بتنێ داعش بهێز دئێخیت.
“هێرشێن رووسیا بۆ سه‌ر عه‌زاز ل باكۆرێ رۆژئاڤا سوریا ل نێزیكێ سنۆرێ توركیا بتنێ بۆ بێ هێزكرنا هێزێن ئۆپۆزسیۆنا سورییه كو دژی داعش شه‌ری دكه‌ن. ”
ژ ئالیێ خوه‌ڤه سێرگی لاڤرۆڤ وه‌زیرێ ده‌رڤه‌یێ رووسیا گۆت كو توركیا ئه‌ركێ خوه وه‌ك ئه‌ندامه‌كا هه‌ڤپه‌یمانیا دژی داعش بجهنائینیت ل شوونا بۆمبه‌بارانكرنا داعش كوردێن هه‌ڤپه‌یمانێن ئه‌مریكا و دوژمنێ داعش بۆمبه‌باران دكه‌ت، ئه‌ڤ یه‌كه ژی جهێ گۆمانێ یه.
ئه‌ڤرۆ نیوز: ڤه‌ده‌ر ره‌شاڤایی:
ئاشتۆن كارته‌ر وه‌زیرێ به‌ره‌ڤانیا ئه‌مریكا ل كۆنگرێسێ ئه‌مریكی رۆنكرن لسه‌ر داعش دانه كۆنگرێسی و چه‌ند خالێن گرنگ ئینانه زمان.
كارته‌ر گۆت ئه‌مریكا نه‌شیایه تیرۆرستێن داعش راوه‌ستینیت، دڤێت ئه‌مریكا دڤی بیاڤی د بزاڤێن پتر و باشتر بكه‌ت.
هه‌روسا ناڤهاتی گۆت كو ئه‌و به‌رهه‌ڤن ب هێرشێن هه‌لیكۆپته‌ران و هنارتنا سه‌رباز و چه‌كێن پتر هاریكاریا سۆپایێ ئیراقێ بكه‌ن بۆ پاقژكرنا ئیراقێ ژ داعش.
ناڤهاتی ژ وه‌لاتێن هه‌ڤپه‌یمان خاست بزاڤێن خوه بۆ به‌رهنگاربوونا داعش بهێزتر بێخن، و ژ رووسیا خاست بچیته سه‌ر ئالیێ راست د به‌رهنگاربوونا داعش دا.
ئه‌ڤرۆ نیۆز، قائید میرۆ
بڕیاره سبه‌هی ل باژێڕێ هه‌ولێرێ مه‌زنترین ماڕاسۆن بۆ 200 خۆدان پێدڤیێن تایبه‌ت یێن هه‌رێما كوردستانێ بهێته ئه‌نجامدان و تێدا سه‌ركه‌فتی بهێنه خه‌لاتكرن.
مه‌حه‌مه‌د كانی، په‌یڤدارێ وه‌زاره‌تا كاروبارێن كۆمه‌لایه‌تی ب ئه‌ڤرۆ نیۆز راگه‌هاند” سبه رۆژا پێنج شه‌مبی بن چاڤدێریا وه‌زیرێن كۆمه‌لایه‌تی و په‌روه‌رده یا حوكمه‌تا هه‌رێما كوردستانێ قوتابخانا كه‌نه‌دی ل هه‌رێما كوردستانێ دێ ماڕاسۆنه‌كێ بۆ خۆدان پێدڤیێن تایبه‌ت یێن هه‌رێما كوردستانێ ئه‌نجامده‌ت.
كانی دیاركر، ماڕاسۆن دێ ل پاركا شه‌هید سامی عه‌بدولڕه‌حمان ل باژێڕێ هه‌ولێرێ بڕێڤه‌چیت و تێدا 200 خۆدان پێدڤیێن تایبه‌ت دێ پشكداریێ كه‌ن.
ئه‌ڤرۆ نیۆز، قائید میرۆ:
چه‌كدارێن داعش ل قه‌زا حه‌ویجه یا نێزیك كه‌ركووكێ كورێ سه‌ركرده‌یه‌كێ بلند یێ گرۆپا تیرۆرییا نه‌قشبه‌ندیان گوله بارانكرن و ته‌رمێ وی راده‌ستی كه‌سوكارێن وی هاته‌كرن.
غه‌یاس سورچی، كارگێڕێ مه‌لبه‌ندێ ئێكه‌تیێ ل نه‌ینه‌وا ب ئه‌ڤرۆ نیۆز راگه‌هاند” ئه‌ڤرۆ چه‌كدارێن داعش كورێ سه‌ركرده‌یه‌كێ گروپێ تیرۆریێ نه‌قشبه‌ندی ل قه‌زا حه‌ویجه بناڤێ مه‌حه‌مه‌د فارس عوبێدی خه‌لكێ مووسل گوله بارانكر، ئه‌و ژی ب تومه‌تا ئه‌ڤان ناكۆكیێن ناڤبه‌را گروپا داعش و گروپێ تیرۆریێ نه‌قشبه‌ندییان.
سورچی گۆت ژی” ئه‌ف كه‌سێ هاتیه كوشتن كورێ سه‌ركرده‌یه‌كێ بلندێ نه‌قشبه‌ندیه و ئه‌ڤرۆ پشتی ل نێزیك كه‌ركووكێ هاتیه كوشتن، ته‌رمێ وی هاته ڤه‌گه‌ڕاندن بۆ كه‌س و كارێن وی ل باژێڕێ مووسل و به‌ری نوكه ئه‌ڤی تیرۆرستێ نه‌قشبه‌ندی چه‌ندین كریارێن تیرۆرستی ئه‌نجامدابوون.
ئەڤرۆ نیوز:
چاڤەرێ دھێتەکرن ل رۆژا پێنج شەمبیا بھێـت ل وەلاتێ ژاپون قارەمانیا موندیالا یانا ب پشکداریا قارەمانێن شەش کێشوەران بھێتەکرن ئەوژی بەرشەلۆنا قارەمانا ئورۆپا و رێڤەرپلێت یا ئەرژەنتینی ژ ئەمریکا ژوری، یانا ئەمریکا یا مەکسیکی ژ ئەمریکا ژێری کونکاکاڤ، یانا مازیمبی قارەمانا یانێن ئەفریقا و گوانگزو ئیفراجراند یا چینی و ئوکلاند سیتی ژ نیوزلەندا.
یانا بەرشەلۆنا ئەوا ١٨٩٩ ھاتیە دامەزراند دھێتە ھژمارتن ئێک ژ بەرنیاسترین یانا ل سەر ئاستێ ئورۆپا و جیھانی یانا کەتەلونی خودانا پێنج ناسناڤێن چامپیونس لیگ و بەرامبەر چار جاران قارەمانیا کاسا ئورۆپا و ٢٣ ناسناڤێن خولا ئیسپانیا ل گەل ٢٧ ناسناڤێن کاسا شاھێ ئیسپانیا و دو جاران موندیالا جیھانی یا یانە ب دەستخوڤە بری یە.
یانا رێڤەرپلێت یا ئەرژەنتینی قارەمانا کاسا لێبەرتادوریس ئەوژی ئێک ژ یانێن پشکدارە شیای ٣٦ جاران ناسناڤێ خولا ئەرژەنتین ب دەستخوڤە بینت بەرامبەر سێ ناسناڤێن قارەمانیا ئەمریکا ژوری کاس لێبەرتادوریس کو ئەڤ یانا ل سالا ١٩٠١ ھاتیە دامەزراندن ل ڤی وەرزی پێکھاتیێ وی بەروڤاژی سالێن بوری یە کو ئەڤ جارە پشت بەستن ل سەر ھژمارەکا یاریکەرێن گەنج کری یە کو ژ ئەوانا ماتیاس کو نوکە یانا ئەتلیتکو مەدرید یا ئیسپانی گرنگیەکا مەزن ب ڤی یاریکەری دایە و ھەردیسان خودانا دو یاریکەرێن خودان شارازە ئەوژی یاریکەرێن نیڤدەولی یێن بەری نوکە خافیر ساڤیولا و لوتشو گونزالیس پشتی ڤەگەریان ژ ئورۆپا.
گوانگزو یا چینی قارەنانا یانێن خولا یا ئاسیا ئەوژی یانێن کەڤنە ل چینی و ل سالا ١٩٩٣ ھاتیە دامەزراند کو بەری نوکە یانە ل سالا ١٩٥٤ یانەکا ئامتور بوو نە پیشەکار بوو لێ پشتی سالا ١٩٩٣ وەکو یانا ب فەرمی ھاتیە دانان شیا کونترولا قارەمانێن نافخوی یێن چینی بکەت و پێنج جاران وەکو قارەمانا خولێ جارەکێ شیا کاسا چینی ب دەستخوڤە بینت بەرامبەر دو ناسناڤێن قارەمانێن خولا یا یانێن ئاسیا
مازیمبی یا کونگو دیموکراتی قارەمانا کێشواری ئەفریقا سالا ١٩٣٩ ھاتیە دامەزاند شیا ١٤ ناسناڤێن وەلاتێ خوە ل گەل پێنج کاسا ب دەستخوڤە بینت گونگو ھەردیسان پێنج ناسناڤێن قارەمانێن کاسا یێن ئەفریقا ل گەل ناسناڤەکێ قارەمانێن خولا یێن ئەفریقیا
ئوکلاند ستی یا نیوزلەندی شیا حەفت جاران بیتە قارەمانا ئوقیانیوس ل گەل شەش ناسناڤێن خولا نیوزلەندا
یانا ئەمریکا یا مەکسیکی ژ بەرنیاسترین یانێن دەڤەرا کونکاکاڤ یێن ئەمریکا ژێری یە کو شیا شەش ناسناڤێن قارەمانیا ئەمریکا ژێری ب دەستخوڤە بیت بەرامبەر ١٦ ناسناڤێن خولا مەکسیک
ئه‌ڤرۆ نیوز:
هه‌كار نهێلی دامه‌زرێنه‌رێ پشكا كورمانجی ل كه‌نالێ (NRT) و ئێك ژ بێژه‌ر و پێشكێشكارێن به‌رچاڤێن وی كه‌نالی ده‌ستژكاركێشانا خوه ژ كارێ خوه ل (NRT) راگه‌هاند.
هه‌كار نهێلی پشتی نێزیكی پێنج سالێن كاركرنێ ل وی كه‌نالی د ئه‌كاونتا خوه‌ل سه‌ر تۆرا جڤاكیا فه‌یسبۆكی مائاڤاهیكرنا خوه ژ هه‌ڤكارێن خوه ل (NRT) دیاركریه، و د داخویانیه‌كا تایبه‌ت دا بۆ (ئه‌ڤرۆ نیوز) گۆت: ئه‌ز دێ لسه‌ر كارێ راگه‌هاندنێ به‌رده‌وام بم و ل نێزیك دێ من لسه‌ر شاشا كه‌ناله‌كێ دی يێ پرۆفێشینال بینن.
نيشاندان