ئەڤرۆ نیوز:
پشتی یاریا دناڤبەرا ھەولێر و جەویە دا ھاتیە پاشێخستن ژبەر راگرتنا فروکخانەیا ھەولێرێ یا نیڤدەولی بۆ ماوێ ٤٨ دەمژمێرا کو تیما ھەولێر نەشیابوو بەر ب باژێرێ بەغدا ڤە بچیت .
د کومبوونا خوە یا ئەڤرۆ دا لژنەیا بەریکانان ل ئێکەتیا تەپا پێ یا عیراقێ ژڤانێ ئەوی یاریێ دەست نیشانکر ئەوژی بریارا ل ٢١-١٢-٢٠١٥ ل یاریگەھا جەویە بھێتەکرن.
ئەڤرۆ نیوز:
راھێنەرێ ھولەندی و یێ یانا مانچستەر یوناید یا ئبنگلیزی لویس ڤان گال دیارکر ئەو نەشێت بەرەڤانیێ ژ خوە بکەت ل ھەر رەخنەیەکا ل ماوێ بھێت لێ بھێتەکرن ژبەر ئەو شکەستنا یانا مانچستەر یوناید د قارەمانیا چامپیونس لیگا ئورۆپا دا ، پشتی شڤێدی د یاریا خوە یا گەرا شەشێ ژ قارەمانیێ خوسارەت بووی ل گەل یانا فولفسپورگ یا ئەلمانی و ژ قوناغا ئێکێ یا قارەمانیێ دەرکەفتی.
ناڤبری زێدەتر د کونگرێ رۆژمامەڤانی دا دیارکر ھەر رەخنەکا ل بھێتەکرن بەرەڤانیێ ژ خوە ناکەت چونکو نەشێت چو بەرسڤی ل سەر بدەت ژبەرکو ژ قارەمانیا یانێن خولا یا ئورۆپا دەرکەفتی یە و ب ڤێ دەرکەفتنێ دێ گەلەک رەخنە ل ئەوی ھێنەگرتن چونکو دەرکەفتنا یانەکا وەکو مانچستەر یوناید د قوناغا ئێکێ دا نە یا ب سانەھی یە .
ئەڤرۆ نیوز، قائید میرۆ:
بڕیاردەرێ لژنا دارایی ل جڤاتا نوونه‌رێن عيراقێ راگه‌هاند ھەتا پڕۆژێ بوودجەی ب دووماھی نەھێت لژنا دارایی پشکداری چو کۆمبوونەکا جڤاتا نوونه‌ران ناکەت.
ئەحمەد حاجی رەشید، بڕیاردەرێ لژنا دارایی و ئابووری ل جڤاتا نوونه‌رێن عيراقێ بۆ ئەڤرۆ نیۆز گۆت: “ژ لایێ جڤاتا نوونه‌رێن عيراقێ سەرۆک و جێگر و ئەندامێن لژنا دارایی ھاتیە مۆلەتدان ب مەرەما بەرھەڤکرنا پڕۆژێ قانوونا بوودجێ گشتیێ عيراقێ و د دەمێ نوکە دا ئەم یێ لەزێ ژ بەرھەڤکرنا بوودجەی دا دکەین”.
ئەحمەد رەشید خۆيا كر ژى كو لژنا دارایی ھەتا ب دووماھی ئینانا بوودجێ گشتیێ عيراقێ بەرھەڤی چو کۆمبوونێن پەرلەمانی نابیت، ژ بەر کو بوودجە گرنگترە بھێتە بەرھەڤکرن ژ هه‌ر تشتێ دى د ڤێ قووناغێ دا.
ئەڤرۆ نیۆز، قائید میرۆ:
پۆلیسێن ھەولێرێ دەستەسەرکرنا چوارکەسان راگەھاند، کو لسەر رێیا ھەولێرێ رێگری ل وەلاتیانکریە و پێنج تاوان ئەنجامداینە.
نەقیب ھۆگر عەزیز، پەیڤدارێ پۆلیسێن ھەولێرێ ب ئەڤرۆ نیۆز راگەھاند” رۆژا 7ی ڤێ ھەیڤێ پۆلیسێن نەھێلانا گونەھباریان ل باشوری باژێڕێ ھەولێرێ شیان چوار تۆمەتباران دەستەسەربکەن، کو رێگری ل وەلاتیانکریە و تۆمەتبارن ب دزی و رێگریێ ل وەلاتیان.
ھۆگری گۆتژی” ئەڤان چوار تۆمەتباران رێ ل وەلاتیانکریە و چەندین کەل و پەل و چەک ل وەلاتیان وەرگرتیە و پێنج تاوان ئەنجامداینە، نوکە ب ماددی 446 یێ سزادانێ ھاتینە بەندکرن و ھەر چوارژی خەلکێ باژێڕیچ ھەولێرێ نە و کوردن.
ئه‌ڤرۆ نيوز:
ده‌سته‌يا ده‌سپاكيا هه‌رێما كوردستانێ ئامارا وان سكالايێن ل پارێزگه‌هێن هه‌رێمێ هاتيه تۆماركرن ئاشكه‌را كر و دا زانين كو ل دهۆكێ 19 پێزانين هاتينه و 22 بوونه هه‌والده‌رى بۆ ده‌سته‌يا ڤه‌كۆلينێ و كه‌سه‌ك هاتيه ئيحاله‌كرن بۆ دادگه‌هێ.
ب هه‌لكه‌فتا رۆژا جيهانى يا گه‌نده‌ليێ، ده‌سته‌يا ده‌ستپاكيا هه‌رێما كوردستانێ راپۆرته‌ك به‌لاڤكر و تێدا ئاماژه ب وێ چه‌ندێ دا كو ل سه‌رانسه‌رى هه‌رێما كوردستانێ ل سالا 2015ێ 196 پێزانين ل سه‌ر گه‌نده‌ليێ گه‌هشتينێ.
ل هه‌ولێرێ 64 كه‌يس بووينه هه‌ه‌والده‌ر كو 45 ژ وان بووينه داخوازيێن سزايى، ژ لايێ دادوه‌رێ ڤه‌كۆلينێ، ڤه‌كۆلين ل سه‌ر دهێته كرن و ژ وێ رێژێ ژى 15 داخوازى خستينه به‌ر دادوه‌رى ژ ئه‌گه‌رێ نه‌بوونا توخمێ سزايى، 29 هێشتا ل بن ڤه‌كۆلينێ نه.
ل سلێمانێ ژى 80 هه‌ولده‌ر هه‌نه و هه‌تا نوكه 22 داخوازيێن سزايى، 3 هاتينه داخستن ژ ئه‌گه‌رێ فه‌رمانا دادوه‌رى و سێ ژى ره‌وانه‌ى دادگه‌هێن دى هاتينه كرن ب گۆره‌ى تايبه‌تمه‌نديێ و چه‌ند كه‌س ژى ل ده‌زگه‌هێن دى ره‌وانه‌كرينه و هه‌تا نوكه 23 داخوازيێن سزاى ل سنورێ سلێمانيێ ل بن ڤه‌كۆلينێ نه.
ئەڤرۆ نیوز:
یاریکەرێ ھەلبژارتیێ عیراقێ و یانا جەویە ھەمام تارق راگەھاند ئەو دێ ل دەستپێکا سالا نووی بەر ب وەلاتێ ئیتالیا چیت ب مەرەما پشکداری کرنێ د یەکێن راھێنانیێن یانا ئودونیزی یا ئیتالی پشتی ل ماوێ بوری بریکارێ وی ئەو پێشکێشی یانا ئیتالی کری و یانا دیڤچوونا سیڤی وی کری ل دووماھی یانا رازی بووی یە.
مالپەرێ پێشینگەھا عیراقی یێ وەرزشی دیارکری یە ل دەستپێکا ھەیڤا بھێت ھەمام تارق دێ کەڤیتە ل بن تاقیکرنا یانا ئودونیزی یا ئیتالی و دێ بۆ ماوەکێ راھێنانان ل گەل تیما ئیتالی کەت و ھەکە شیا بیتە جھێ رازەمەندیا دەستەیا راھێنەری دێ ھەڤبەست ل گەل ھێتە ئیمزاکرن و ھەکە نە دێ جارەکا دی ڤەگەریتە دناڤ رێزێن یانا جەویە ڤە .
ھەژی گوتنێ یە ھەمام تارق ئێک ژ یاریکەرێن سەرەکی یە ل گەل ھەلبژارتیێ عیراقێ و نێزیکی ٣١ یاریێن نیڤدەولی ھەنە و یاری بۆ ھەلبژارتیێن لاوان و ئولومپی عیراقی ژی کری یە.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 9ى كانوونا ئێكێ يا سالا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1218 |
| 1 يۆرۆيێ ئه‌ورۆپى | 1320 |
| 1 ليرێ توركى | 420 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ:
سترانبێژا بەرنیاسا لوبنانی باسکال مەشعەلانی راگەھاند نەخۆشترین تشت ل دەف وێ ئەوە دەمێ ل ئاھەنگان ھندەک کەس داخوازا سترانەکێ ژوێ دکەن و ئەو وێ سترانێ نەزانیت و گۆت: نێزیکی دەە جاران ئەز تووشی ڤێ چەندێ بوویمە، ب تایبەت ل ئاھەنگێن وەلاتێ مسرێ و گەلەک جاران ھندەک کەس ھاتینە سەردەپێ شانۆیێ و گۆتینە من بۆ من فلان سترانبێژە، ھەکە ئەو ستران یا ب ساناھی بیت یان ئەز بزانم تشتەکێ سروشتی یە دێ بۆ بێژم، لێ ھەکە ئەو ستران یا ب زەحمەت بیت یان ئەز نەزانم بێژم ئەو ئاریشە و ئەز نەشێم بێژمێ ئەز نوزانم بێژم و ل وی دەمی ژ نەچاری دێ کوپلەکێ بۆ بێژم، ئانکو دێ من دڤێت بێژم ( ئەز نەشێم دلێ کەسێ بھێلم).
ناڤھاتیێ د دیدارەکێ دا گۆت: من دڤێت بێژمە حەزژێکەرێن دەنگێ خوە بۆ سالا نوو 2016 ئەلبۆمەکا ھەرە باش بۆ وان بەرھەڤکریە و ھەموو کار ب دووماھی ھاتینە و بتنێ سپۆنسەرەک دێ ب کارێ بەلاڤکرنا وێ رابیت.
ئەلبۆما ناڤھاتی کو ھەتا نوکە چو ناڤ بۆ نەھاتینە دانان ژ 12تراکان پێک دھێت و بۆ سەر سالا نوو دێ کلیپەکێ ژێ بەلاڤکەت، ئەو ژی دیاریا وێ یە بۆ حەزژێکەرێن دەنگێ وێ.
نيشاندان
