ئه‌ڤرۆ نيوز:

1- شەکر: بتنێ کاوریێن لەشی زێدەدکەت و چ کەرستێن خوارنێ یێن مفادار نادەتە لەشی و دبیتە ئەگەرێ کرمیبوونا ددانان.
2- خوێ : ئەو تشتە یێ ئەم گەلەک دخوین و چ مفای ژێ وەنەگرین، لەورا باشترە رۆژێ ھەمیێ پتر نیڤ کاچکێ نەخوین و خوێ یا پێدڤی مرۆڤ ب رێکا خوارنا گوشتی فێقی و زەرزەواتی ب دەست خۆ دئینیت.
3- موقەبیلات: بۆ نموونە پارچەیێن پتاتا دەلەک روین و خوێ دناڤدا ھەنە و جھێ گەلەک ژ خوارنێن ب مفا وەردگرن و ب تایبەت ھەکە گەلەک بھێنە خوارن ژلایێ زارۆکان ڤە.
4- تەزیاتی: یان گەلەک شریناھی یان گەلەک ترشیاتی دناڤدا ھەیە و ئەڤە کارتێکرنەکا مەزن ل ددانان دکەن و زارۆک گەلەک ب کاردئینن و دبنە رێگر کو دلێ وان نەچیتە چ خوارنان و پێدڤیا خۆ ژ کەرستێن پێدڤی وەرنەگرن.
5- ساس: پتریا جاران کریم و زەیت دناڤدا ھەنە و مرۆڤ دشێت ل شوونا وان زەرزەواتان ب کاربینیت و کاسترێ ژ شیری دروست بکەت و بخوت.

ئەڤرۆ نیوز:
زانا وەسان پێشبینیێ دکەن، ھندەک ژ کەرستەیێن بۆ پاقژکرنا دەڤی دھێنە ب کارئینان ئاریشەیێن ھەناسێ پەیدا دکەن و گەلەک ژ کەرستەیێن پاقژکرنا دەڤی رێژەیەکا مەزنا کحولی د ناڤدایە و ئەو دبیتە ئەگەر کو میکروب دناڤ دەڤی دا زێدەببن و پتر بێھنا دەڤی نەخوش ببیت.
ھەتا نوکە چ کەرستەیێن شل و غەرغەرە یێن دروست بۆ چارەکرن و نەھێلانا بێھنا دەڤی نەھاتینە دروستکرن، بەلێ ھەر کەرستەیەکێ ببیتە ئەگەرێ ھشککرنا دەڤی رەنگە پشکداریێ د پەیداکرنا بێھنا دەڤی دا بکەت و گەلەک ئەگەر ژ بۆ پەیدابوونا بێھنێ ددەڤیدا ھەنە ژوانژی، جگارەکێشان و ئەو خوارنێن رێژەیەکا کێم یا کاربوھیدران یان گەلەک پروتین دناڤدا ھەی، ھەروەسان ریجێم ژی دبیتە ئەگەر کو بێھن ژ دەڤی بھێت، و خوارنێن تیژ و ئەوێن بێھنەکا ب ھێز ژێ دھێت وەکو کاری و پیڤازان دبنە ئەگەر کو ب رەنگەکێ بەروەخت بێھن ژ دەڤی بھێت.
ئەگەرێ سەرەکیێ ل پشت ھاتنا بێھنێ د دەڤیدا ئەوە کو پاقژیا دەڤی دھێتە پشتگوە ھاڤێتن و گۆت: پتریا جاران ژ ئەنجامێ کومڤەبوونا بەکتریایێن کو ژ خوارنێ پەیدادبن و دناڤ دەڤی دا کومڤە دبن و پێکھێنەرێن کبریتی دەردھاڤێژن بێھنا دەڤی نەخۆش دبیت و ئەو خوارن دناڤ حەشووێن ددانان و ئەو ددانێن دروست نەھاتینە چێکرن و ڤالاھیێن ددانان و وەرەمێن پێدیێ کوڤەدبن و ئەنجامێ دووماھیێ بێھن ژێ پەیدادبیت.
رەنگە پاقژکەر ھندەک جاران ھاریکاربن بۆ کونترولکرنا ھندەک جورێن میکروبان، بەلێ ھەکە روژانە و ب شێوەیەکێ رێکخستی ب رێکا فرچەکرنێ و دەزی دو جاران نەھێنە پاقژکرن، ئەو پاقژکەر ژی دێ بنە ئەگەر بێھن بکەڤیتە دەڤی، و گۆتژی زانا ھەموو ل گەل وێ چەندێ نە کو پاقژکرنا دەڤی ب رێکا غەرغەرێ ب تنێ چارەسەری نینە، پێنگاڤا ئێکێ یا وان کەسێن بێھن ژ دەڤی دھێت ئەوە کو سەرەدانا نوشدارەکێ تایبەتمەند بکەت داکو پلانەکێ بۆ دەستنیشان بکەت و ھەکە ئاریشە ھەبن چارەسەربکەت.
دشیاندایە ھەودانا جیوبێن دفنێ،ھندەک جارا ببیتە پالدەر کو بێھن ژ دەڤی نەھێت، سەرەرای وێ چەندێ کو خەلک وەسان ھزر دکەن بێھن ژ ئەنجامێ مەعیدێ پەیدادبیت، بەلێ ئەڤە د ھندەک حالەتێن دەگمەن دا پەیدادبیت و ب تایبەت ھەکە ترشیاتیەکێ زێدە تێدا ھەبیت.