ئه‌ڤرۆ نیوز: ڤه‌ده‌ر ره‌شاڤایی:
وه‌زیرێ ده‌رڤه‌یێ ئه‌لمانیا شتاینمایه‌رد سه‌ره‌دانه‌كێ دا ژ به‌غدا گه‌هشته فرۆكخانا هه‌ولێرێ ل هه‌رێما كوردستانێ، كو دبیته سێیه‌م سه‌ره‌دانا وی بۆ هه‌رێمێ و ژ ئالیێ نێچیرڤان بارزانی سه‌رۆك وه‌زیرێن هه‌رێما كوردستانێ ڤه هاته پێشوازیكرن.
شتاینمایه‌ر دێ لگه‌ل سه‌رۆك بارزانی كۆم بیت، و دێ سه‌ره‌دانا هێزێن پێشمه‌رگه یێن ژ ئالیێ شیره‌تكارێن ئه‌لمانیا ڤه دهێنه مه‌شقدان كه‌تن.
ئه‌ڤرۆ نیوز: ڤه‌ده‌ر ره‌شاڤایی:
د به‌یاننامه‌كێ دا پارتا ده‌عوه ره‌تكر كو سكرتێرێ گشتیێ وێ پارتێ نوری مالكی چ رێككه‌فتن دگه‌ل توركیا بۆ رێدانێ ب له‌شكه‌رێ توركیا بۆ ناڤ ئاخا ئیراقێ ئیمزاكربیت.
ئه‌ڤ یه‌كه هات وه‌ك به‌رسڤه‌ك بۆ ئه‌ندامێ لژنا په‌یوه‌ندیێن ده‌رڤه ل په‌رله‌مانێ ئیراقێ میسال ئه‌لوسی كۆ گۆت بوو: حكومه‌تا نوری مالكی ب مه‌ره‌ما كێمكرنا رۆلێ كوردان ل ناوچێن ناكوكی لسه‌ر و رێگرتنا كوردان ژ گرتنا وان ده‌ڤه‌ران رێكه‌فتنه‌كا ئێمناهیێ لگه‌ل توركیا بۆ هنارتنا هێزێن خوه بۆ ناڤ ئاخا ئیراقێ ئیمزاكربوو.”
هه‌روه‌سا د به‌یاننامێ دا پارتا ده‌عوه ئه‌سیل نوجێفی ب راده‌ستكرنا مووسل بۆ داعش تومه‌تباركرییه.
ئه‌ڤر نیوز: ڤه‌ده‌ر ره‌شاڤایی:
“هه‌له‌و ئه‌دێل! سترانا ته وه‌كی یا سترانبێژێ كورد ئه‌حمه‌د كایا یه” ئه‌ڤه گۆتنا چه‌ندین حه‌ژێكه‌رێن ده‌نگێ سترانبێژێ كورد ئه‌حمه‌د كایایه د تۆرێن جڤاكی دا.
حه‌ژێكه‌رێن ده‌نگێ سترانبێژێ كورد ئه‌حمه‌د كایا وه‌سا خویادكه‌ن سترانا نوو (Million Years Ago) یا سترانبێژا ناڤدارا بریتانی (Adele) ژ ئه‌لبوما وێ (25) یا 2015 ێ، وه‌كی سترانا (خوه‌گرتن ب ئێشانێ ڤه، “Acılara Tutunmak”) یا ئه‌حمه‌د كایا یه كو ناڤهاتی ل سالا 1985 گۆتییه.
گۆلته‌ن كایا هه‌ڤژینا سترانبێژێ كورد یێ وه‌غه‌ركری ئه‌حمه‌د كایا گۆت : باوه‌رنه‌كه سترانبێژا بریتانی ب ئه‌نقه‌ست ئه‌ڤ تشته كربیت، هه‌كه‌ر ب ئه‌نقه‌ست وه‌كربیت ئه‌ڤه دێ ب دزین هێته هه‌ژمارتن.”
سترانبێژا بریتانی ئه‌دێل د چه‌ند حه‌فتیان دا بملیۆنا كۆپیێن ئه‌لبوما خوه یا نوو فرۆتینه و ده‌نگڤه‌دانه‌كا مه‌زن ب تایبه‌ت د سترانا (Hello)دا په‌یدا كرییه.
https://www.youtube.com/watch?v=CYllPvAeXUU
https://www.youtube.com/watch?v=-RfOLOC3Oy0
ئه‌ڤرۆ، قائید میرۆ:
ل میحوه‌رێ رۆژئاڤایێ كه‌ركووكێ تیرۆرستێن داعش دخواست دڕبه‌كێ ل هێزا پێشمه‌رگه‌ی بده‌ن، به‌لێ پیلانا داعش هاته هاته ژناڤبرن و چه‌ندین چه‌كدار ژی هاتنه كوشتن.
دكتۆر كه‌مال كه‌ركووكی، به‌رپرسێ میحوه‌رێ رۆژئاڤایێ كه‌ركووكێ بۆ ئه‌ڤرۆ نیۆز راگه‌هاند” نیڤرۆیا ئه‌ڤرۆ هیزه‌كا گروپا تیرۆرستیا داعش ل نێزیك گوندێ بۆتمه یێ میحوه‌رێ رۆژئاڤایێ كه‌ركووكێ كه‌فتنه لڤینان بۆ لێدانا هێزێن پێشمه‌رگه‌ی، به‌لێ پیلانا وان هه‌ر زوو ژلایێ هێزێن پێشمه‌رگه‌و هه‌ڤپه‌یمانان هاته ژناڤبرن.
كه‌ركووكی دیاركر، پشتی ده‌ستنیشانكرنا جهێ خرڤه‌بوونا چه‌كدارێن داعش ژۆرا عه‌مه‌لیاتا میحوه‌ری دگه‌ل هه‌ڤپه‌یمانان دڕبێن كوژه‌ك ل چه‌كدارێن داعش دان و د ئه‌نجامدا زیانێن مه‌زنێن گیانی گه‌هشتن تیرۆرستان و پیلانا وان ژی هاته پیچكرن.
ئەڤرۆ نیوز:
رۆژێن یاریکەرێ نیڤدەولی یێ ئیسپانی دیگو کوستا ل گەل یانا چێلسی یێ بەرەڤ دووماھیێ ڤە چن تایبەت پشتی ئەو ئاریشەیێن بەرەدەوام ل گەل راھێنەرێ تیمێ یێ پرتوگالی جوزێ مورینھوی.
د ھژمارا خوە یا ئەڤرۆ دا رۆژناما دیلی ئکسپریس یا برێتانی دیارکری یە یانا گەلاتەسرای یا تورکی دخوازیت ئەو ئاریشەیێن دناڤبەرا دیگو کوستا و راھێنەرێ تیما چێلسی مورینھوی بخوە ب مفا بینت و ھەڤبەستێ ل گەل وی یاریکەری ئیمزابکەن ل ڤەگوھاستنێن زفستانی یێن ئەڤ سالە.
ھەمان رۆژنامێ ئاماژە ب وێ چەندێ ژی کری یە یانا گەلاتەسەرای ل رۆژێن بھێت بریارە شاندەکێ بنێرتە باژێرێ لەندەن بۆ دانوستاندنان ل گەل بریکارێ یاریکەری و یاریکەری بۆ رازیکرنا ئەوی بۆ دناڤ رێزێن پێکھاتیێ یانا گەلاتەسرای.
ئه‌ڤرۆ نیوز:
ژ ئه‌گه‌رێ داخستنا ئه‌سمانێ هه‌رێما كوردستانێ ل هه‌مبه‌ر فرینا فرۆكان، هێلا ئه‌سمانیا توركیا ئه‌ڤرۆ و سوبه گه‌شتێن خوه بۆ هه‌ولێر و سلێمانیێ راگرتن.
هێلا ئه‌سمانیا توركیا ب رێیا مالپه‌رێ خوه یێ فه‌رمى ئاگه‌هداریه‌ك به‌لاڤكریه و ب فونته‌كێ مه‌زن نڤیسى یه” ئاگه‌هداریه‌ك بۆ گه‌شتیارێن هه‌ولێر و سلێمانیێ”
هێلا ئه‌سمانیا توركیا ب رێیا مالپه‌رێ خوه یێ فه‌رمى دیسا دیاركریه كو بو وان كه‌سێن دخوازان پتر پێزانینان وه‌رگرن، بلا په‌یوه‌ندى ب ژمارا ته‌له‌فونا ٤٤٤٠٨٤٩یان سه‌ره‌دانا مالپه‌رێ هێلا ئه‌سمانیا توركیا بده‌ن ب ڤى ناڤ و نیشانێ www.thy.com.
ئه‌ڤرۆ نیۆز، قائید میرۆ
ژ ئه‌گه‌رێ راگرتنا گه‌شتێن فڕۆكخانێن هه‌رێمێ، حه‌فتێ په‌رله‌مانتارێن عێراقێ نه‌شێن پشكداری د كۆمبوونا سبه‌هى یا په‌رله‌مانێ عێراقێ دا بكه‌ن.
دكتۆر ئه‌رده‌لان نوره‌دین، په‌رله‌مانتارێ كورد ل به‌غدا ب ئه‌ڤرۆ نیۆز راگه‌هاند” بڕیاره سوبه سێشه‌مبیێ په‌رله‌مانێ عێراقێ ده‌ست ب كۆمبوونێن خوه بكه‌ت، به‌لێ ژبه‌ر راگرتنا گه‌شتێن فڕۆكخانێن هه‌رێمێ ئه‌م نه‌شێین پشكداریێ دكۆمبوونا په‌رله‌مانی دا بكه‌ین.
دكتۆر ئه‌رده‌لانی گۆتژی” بڕیاربوو نێزیكی 70 په‌رله‌مانتارێن كورد ئه‌ڤ شه‌ڤه ب رێیا فڕۆكخانا هه‌ولێرێ بگه‌هینه به‌غدا، به‌لێ گه‌شت هاتینه راگرتن و نه‌شێین بچینه به‌غدا و پشكداری كۆمبوونا سبه‌هی یا په‌رله‌مانی دا بكه‌ین، لێ هێشتا دیارنینه دێ كۆمبوون ژبه‌ر نه‌چوونامه هێته راگرتن یانژی نه.
ئه‌ڤرۆ نیۆز، قائید میرۆ
به‌رپرسه‌كێ توركومان ئاشكراكر، سه‌ره‌دانا سه‌رۆك بارزانی بۆ توركیا دێ یا گرنگبیت بۆ ره‌وشا نوكه ده‌ڤه‌ر تێدا ده‌ربازدبیت.
ئایدن مه‌عرۆف، سه‌رۆكێ به‌ره‌یێ توركومانی ل هه‌رێما كوردستانێ ب ئه‌ڤرۆ نیۆز راگه‌هاند” سه‌ره‌دانا سه‌رۆكێ هه‌رێما كوردستانێ بۆ توركیا زۆرا یا گرنگه بتایبه‌تی پشتی ئالۆزیێن ڤان رۆژێن بۆری ل دۆر هاتنا سوپایێ توركیا چێبووین دناڤبه‌را عێراق و توركیا، ئه‌ز باوه‌رم دێ ئه‌ڤ ئاریشه هێته چاره‌سه‌ركرن.
ئایدنی گۆت ژی” سه‌ره‌دانا بارزانی پشتی سه‌ره‌دانا وى بۆ وه‌لاتێن كه‌نداڤێ دهێت، د سه‌ره‌دانێ دا سه‌رۆك بارزانی دێ ل گه‌ل به‌رپرسێن بلندێن ئه‌نكه‌ره دانوستانان لدۆر ره‌وشا ده‌ڤه‌رێ بكه‌ن و په‌یوه‌ندیێن هه‌رێما كوردستانێ و توركیا دێ بكه‌ڤن قۆناغه‌كا باشتردا.
ئەڤرۆ نیوز:
ل ڤێ دووماھیێ دەنگوباسی ھاتنا گولکەرێ یانا بایرن موینیخ و ھەلبژارتیێ پولەندا لیفاندوفسکی بۆ دناڤ پێکھاتیێ یانا ریال مەدرید گەرم بوویە و چەندین مالپەرێن جیھانی بەحس ل ڤی دەنگوباسی کری یە.
رۆژناما ئاس یا ئیسپانی د نوچەیەکێ خوە دا یێ ئەڤرۆ دا بەلاڤەکری یە سیزاری کوتشارسکی بریکارێ یاریکەرێ پولەندی ئەڤە ژ رۆژا شەمبی وەرە ل وەلاتێ ئیسپانیا و ل یاریا رۆژا شەمبیا بوری بەرامبەر خیتافی ئامادە بوو کو ل جھێن مێڤانێن تایبەت بوو.
ھەمان رۆژنامە ئاماژە ب وێ چەندێ ژی کری یە کو پشتی یاریێ بریکارێ لیفاندوفسکی رونشتنەکا تایبەت یا گرتی ل گەل سەروکێ یانا ریال مەدریدو رێڤەبەرێ تیما ریال مەردید یێ تەپا پێ کو دەنگوباس وەسا خویادکەن ئەو کومبوونا ئەوان بۆ رازیکرنا بریکارێ لیفاندوفسکی یە بۆ ئینانا وی بۆ ناڤ رێزێن یانا مەلەکی .
نيشاندان