ئەڤرۆ نیوز،زنار تۆڤی:
ئەڤرۆ ل رۆژا ئەینی7.8.2015 و لدەمژمێر 10 سپێدێ ل باژێرێ سلۆپی ل باکوورێ کوردستانێ شەر و لێکدان دناڤبەرا خەلكى و پۆلیسێن تورکیا روودا و د ئەنجامدا کۆشتی و بریندار ژی دناڤا وەلاتیان دا هەنە.
پەرلەمانتارەکێ هەدەپێ ل سڵۆپیا دبێژیت:هەتانوکە د وی شەری دا دو کەس هاتینە کۆشتن و چەندین کەسێن دی برینداربووینە.
فەرهاد ئۆنجۆ،ئەو پەرلەمانێ هەدەپێ یە دبێژیت:د وی شەری و ئالۆزیان دا پۆلیسێن تورکی 5 خانی سۆتینە،هەروەسا ژ ترسا وەلاتیان پۆلیسان دەرگەهێ نەخۆشخانا سلۆپیا داخستیە و خەلک نەچارن بریندارێن خوە ببەنە باژێرێ شەرنەخێ ژبۆ چارەسەریێ.

ئەڤرۆ نیوز،زنار تۆڤی:

سەرۆکێ ئەمریکا باراک ئۆباما ئەڤرۆ رۆژا ئەینی راگەهاند: رێکحراوا داعش مەزنترین هێرشە ل سەر ڤێ دەڤەرێ،بۆ وێ هندێ کو ل دژی راوەستین مە دگەل تورکیا پەیوەندی گرێداینە،ئاماژە دا هندێ،د گفتۆگویاندا دگەل ئەنقەرە،مە جەخت لسەر چاوانیا تەمام داخستنا سنۆرێ تورکیا کریە ل بەرامبەر وان مۆجاهدێن دڤێن بچنە دناڤ داعشدا و کارێن چەکداری بکەن.

پەیڤدارێ وەزارەتا دەرڤە یا ئەمریکا مارک تۆنەر دبێژیت:ئەم پشتەڤانیا وان هێزان دکەین کو ل دژی داعش ل سوریا شەری دکەن،دناڤ واندا کورد و عەرەب و تورکومانێن سوریێ، کو ل باکۆرێ سوریێ دژی داعش شەری دکەن. هەروەسا گۆت ژی:رێکەفتنا مە دگەل تورکیا ژبۆ بکارئینانا بنگەهێ ئنجەرلیک خیانەت نینە ل هێزێن کوردی ل سوریا..

ئه‌ڤرۆ نیۆز، قائید میرۆ
په‌رله‌مانتاره‌كێ پارتی دیموكراتی كوردستان ئاشكراكر، ئومێد هه‌یه‌ لایه‌نێن سیاسی لدۆر راستڤه‌كرنا قانوونا سه‌رۆكایه‌تیا هه‌رێما كوردستانێ بگه‌هنه‌ رێكه‌فتنێ.
شوان شێخ ئه‌حمه‌د، ئه‌ندامێ لیژنا قانوونی لسه‌ر پشكا پارتی دیموكراتی كوردستان ب ئه‌ڤرۆ نیۆز راگه‌هاند” بلندكرنا راپۆرتا لیژنا قانوونی لسه‌ر پرسا پۆستێ سه‌رۆكێ هه‌رێما كوردستانێ هاتیه‌ پاشخستن هه‌تا رۆژا ئێكشه‌مبیا داهاتی.
شوانی گۆت ژی” وه‌كی پارتی پێشبینی دكه‌ین و مه‌ ئومێد هه‌یه‌، هه‌تا رۆژا ئێك شه‌مبی لایه‌نێن سیاسی بگه‌هنه‌ رێكه‌فتنێ و ئه‌ف پرس بهێته‌ چاره‌سه‌كرن، ئه‌گه‌ر هه‌تا ئێك شه‌مبیێ ژی نه‌گه‌هشتن رێكه‌فتنێ دێ به‌ری 19ی ته‌باخێ رێككه‌ڤن.

ئه‌ڤرۆ نیوز:
سه‌رۆك بارزانى ل گه‌ل شانده‌كێ پارتا دیموكراتا گه‌لان HDP ب سه‌روكاتیا ئوسمان بایدەمیر، ئەندامێ پەرلەمانێ توركیا كومبوو و راگه‌هاند” ئه‌نجامێ شه‌رى مالوێران و كاڤلكارییه‌، هندى شه‌ر رۆژه‌كى زووتر بهێته‌ راگرتن باشتره‌ و د قازانجا هه‌موو لایه‌كێ دایه‌ و بۆ سه‌رخستنا ئاشتیێ ژى پێدڤیه‌ هه‌موو لایه‌ك پالپشت و هه‌ڤكاریا ئێكدو بكه‌ن.