ئه‌ڤرۆ نيوز:

پشتی کچەکا ئاوارە ب شێوەکێ نە شەرعی ب دوگیان کەفتی دەمێ زارۆ پەیدا دبیت د خەندقینیت، دادگەھا تاوانان ل دھۆکێ بۆ ماوێ دو سالان حوکم کر و خوشکا وێ ژ پشکدار بوو د تاوانا وێ دا و شەش ھەیڤان ھاتە حوکم کرن.
ژنەکا ئاوارە ل دەڤەرا شنگالێ ژ ئەگەرێ دەست درێژیا کەسەکێ تووشی ھەڤروشیێ دبیت و ژ ئەنجامێ ڤێ دەست درێژیێ دوگیان دکەڤیت، پشتی تیرورستێن داعش ب سەر دەڤەرا شنگالێ دا گرتی ئەڤ کچە ل گەل خێزانا خوە بەر ب باژێرێ دھۆکێ دھێت و پشتی بورینا ماوەکێ ل نە خوشخانەیا زارۆ بوونێ نشتەگەریەکێ دکەت داکو ئەڤ زارویە ژ دایک بیت بێ کو خێزانا خوە ئاگەھدار بکەن ل سەر ڤێ روودانێ، پشتی ئەنجامدانا ڤێ نشتەگەریێ ئەڤ کچە ل گەل خووشکا خوە ھەر ل نەخوۆشخانێ ڤی زارویی د خەندقینن و خوشکا وێ ڤی زارویی د ھاڤێژیتە د تەنەکا گلێشی یا نە خوشخانێ دا پشتی ئەڤ کریارا ئەوان ئاشکرا بوی ئەڤ کچە ل گەل خووشکا وێ ژلایێ پولیسان ڤە دھێنە دەستەسەر کرن.
پشتی ڤەکولین ژ لایێ دادوەری ڤە دھێتە کرن ئەڤ ھەردو ژنە دانپێدانێ ب ئەنجامدانا ڤێ تاوانێ دکەن، و د رۆژا دادگەھکرنا ئەوان دا ل دەسپێکێ ئەڤ کچا تاوانبار بۆ دادگەھێ دیار دکەت، بەری تیرورستێن داعش ب سەر دەڤەرا ئەوان دا بگرن ئەو ژ ئەگەرێ دەستدرێژیا کەسەکی دوگیان کەفتیە و وێ خێزانا خوە ئاگەھدار نە کربوو ل سەر ڤێ چەندێ و پشتی تیرورستێن داعش ب سەر شنگالێ دا گرتی ئەو گەنجێ ئەڤ تاوانە دەرھەقێ من دا کری ھاتیە کوشتن ب دەستێ ڤان تیرورستا و ئەو ئاوارەی دھۆکێ بویە، پشتی بورینا چەند ھەیڤەکان ل سەر دوگیان کەفتنا وێ د گەل خووشکا خوە دھێنە نەخوشخانێ و نشتەگەریەکا زارۆبونێ بۆ خوە دکەت و پشتی ڤێ نشتەگەریێ داکو بۆ خێزانا وێ ئەڤ تاوانە ئاشکرا نەبیت ئەو نەچار دبیت د ژورا دەست شوێ ڤە ڤی زارویی د خەندقینت و ددەتە دەستێ خووشکا خوە کو بکەتە د تەنەکا گلێشی دا و پشتی ئەڤ چەندە کری ئەو ئاشکرا دبن و دھێنە دەستە سەرکرن.
دووڤدا داواکارێ گشتی داخواز ژ دادگەھێ کر ڤێ ژنێ سزا بدەن لەورا دادگەھا تاوانان ل گۆر مادێ ٤٠٧ ژ قانوونا سزایێن عیراقی ئەڤ کچە دو سالان ب حوکمێ زیندانێ ھاتە حوکم کرن ژ لایێ دادگەھا تاوانێن دھۆکێ ڤە.
ژلایێ خوە ڤە بەرامبەر دادگەھا کەفتنێ خوشکا ئەڤێ کچا ھاتیە حوکم کرن کو پشکدار بوو د ئەنجامدانا تاوانا کوشتنا زارویێ وێ دا بۆ دادگەھا کەفتنا دھۆکێ ئاشکرا کر کو، وێ ئاگەە ژ ڤێ روودانێ نەبویە ھەتا روژا نشتەگەریا زارۆبونێ بۆ ھاتیە کرن دووڤدا ل ژۆرا دەست شوویێ تشتەک داف من و داخواز ژ من کر بکەمە د تەنەکا گلێشی دا و پشتی من ئەڤ چەندە کری وێ نە د زانی کو ئەو زارویێ وێ یە وێ ھاڤێتی.
دووڤدا دادگەھا کەفتنا دھۆکێ ئەو ژی ل گۆر مادێ ٤٢٠ یا قانوونا سزایێن عیراقێ بۆ ماوێ شەش ھەیڤان حوکم کر.

ئه‌ڤرۆ نيوز:

گەلەک جاران دایک و باب ب زارۆیێ خوەڤە ماندی دبن و ھزر دکەن ژ تەمبەلی ئەو فێری تشتا نابیت و ل دەمێ دبیتە قوتابی مامۆستا ھەمان گازندا ژێ دکەت دڤی دەربارەی دا چارەسەرکارا دەروونی دیار دکەت کو، وەرگرتن و فێربون ژ زارۆیەکی بو زارۆیەکێ دی جوداھیا خوە ھەیە و دڤێت ئاستێ فێرکرنێ و بیرتیژیا زارۆی بھێتە زانین تاکو ماموستا و دایک و باب بشێن سەرەدەریەکا دروست دگەل وی زارۆی بکەن.
چارەسەرکارا دەروونی رێزان عەلی ژ سەنتەرێ ساخلەمیا دەروونی دبێژیت: دڤێت چارەسەرکار یان قوتابی ڤان رێکان بکار بینیت ژ بو چارەسەرکرنا ئاستەنگێن فێربونێ ل نک زارۆی ئانکو قوتابی، فێربکە کو پەیڤێن وەک ئێک یان ئێک واتا ب کاربینیت، لدور پەیڤێن دژی ئێک بگەریێت وەک ( سپی –رەش)، واتایێن ئێک پەیڤ بزانیت، قوتابی فێربکە کا پەیڤ ژ چ ھاتییە ئو ژ چ پێک دھیت، ھاریکاریا وی بکە داکو ئەو بۆ خوە فەرھەنگەکا تایبەت چێبکەت .
چارەسەر کارا دەروونی دا زانین کو، سەرنج ڕاکێشان ژ ئەرکێن گرنگن د ژیانا خواندن و کارێ قوتابی دا دھێتە ھژمارتن و ھەر کارەکێ قوتابی ئەنجام ددەت دھەر بیاڤەکێ ژیانێ دا بیت , پشت بەستنێ ب رەنگەکێ سەرەکی لسەر سەرنج راکێشانێ دکەت و گوت: دیارترین رێکێن چارەسەریا دەروونی و پەروەردەیی بۆ باشکرنا سەرنج راکێشانێ سەرەدەریکرن دگەل قوتابی دڤێت وەک کەسەکی بھێتە کرن خودان تایبەتمەندیێن لەشی و شیانێن ژیری و سیمایێن کەسی یە.
رێزان زێدەتر دبێژیت: دایک و باب دشێن ب رێکا یاریێن بیر تیژیێ ئاستێ زارۆیێ خوە باشتر لێبکەن و بزانن دێ چەوا ئاستەنگێن زراویی ھەین بو فێربوونێ چارەسەر کەن ب تایبەت ل دەمێ کو دبیتە قوتابی و دچیتە قوناغا تایبەت ب فێرکرنێ.
ژ لایەکێ دیڤە رێزانێ ئاماژە بڤێ چەندێ ژی کر کو، لدووڤ ئەو بابەتێن کو پێدڤیە قوتابی فێر کەن دڤێت دگەل شیانێن قوتابی ئەوێن پیڤاین و حەژێکرین بگونجن ھەروەسا دگەل کەسایەتی و سیما و کاودانێن ژینگەھا وی ژی بگونجن و گۆت: دەمێ قوتابی ب ئەرکەکی رادبیت , پێدڤیە بھێتە ھاندان و پالپشتی یا وی بھێتەکرن , دیارییەکێ بۆ پێشکێش بکەن پشتی کارێ خوە ئەنجام ددەت، و قوتابی فێربکە کو ئەو ب خوە چاڤدێرییا رەوشتێ خوە بکەت , و ئەو ب خوە، خوە ب ھەڵسەنگینیت , و ھانبدە ئەو ب خوە رەوشتێ خوە راستڤە کەت داکو بۆ وی حەزا گوھورینێ چێبیت , ھوسا دێ ب رەنگەکی ئەرینی سەرەدەریێ دگەل کەسێ چارەسەرکەر کەت.
ھەروەسا رێزانێ خویا کر ، چارەسەریا ئاستەنگێن ئاگەە ژێبوونێ کریارا دوێ یە ژ کریارێن ژیری یێن پێزانینا کو قوتابی سەرەدەریێ دگەل دکەت داکو د ھزرا خوە دا وێنەکی چێکەت و تێگەھەکێ خودان واتا ژێ دەربریت بو ڤێ چەندێ ماموستا دڤێت چەندین رێکا بکار بینیت مینا جوداکاریا ب ھاریکاریەکێ ، شەریتەکا ڤیدیویێ کو ( دەست قوتانەک،زەنگ لێدانەک ، ئاڤ رژیانەک ) تێدا دیار بن، دەنگێن بالندا ژێک جودا بکەت ، جوداھیێ دناڤبەرا دەنگێن گیانەوەرا دا بکەت و بزانیت ، ھژمارا پەیڤان لسەر شەریتەکێ توماربکەت و لیستەکا وان پەیڤان ل نک قوتابی بیت ، دەمێ شەریت ئاماژێ ب پەیڤەکێ دەت قوتابی ژی لسەر لیستێ ئاماژێ پێ بدەت.
ل دووماھیێ ئەو چارەسەر کار ڤان رێیە چارەسەریا پشنیاز دکەت و دبینیت کو، چارەسەریا ئاستەنگێن چێکرنا تێگەھی، بو مە دیاربویە کو قوتابی ب ھژمارەکا تشتان د ژیانێدا یێ ئاگەھدارە ، و سەرەدەریێ دگەل ھژمارەکا کەسێن جودا جودا دکەت و د ھەلویستێن جودا جودا دا دبوریت ئەڤەژی ھاریکاریا پێ ئاگەھیا وی و وردبینیا وی و کارێن ھزرا وی و ھەر تشتەکێ ب خوەڤە بگریت ڤێجا چ تایبەتمەندی و وانە و ئاماژەدار بن .