ئەڤرۆ نیوز، ھەژار مەعروف:
تیما گارە یا تەپا پێ پشتی بورینا زێدەتر ژ ھەشت سالان جارەکا دی ڤەگەریا دناڤ یانێن خۆلا پلا نایاب یا ھەرێما کوردستانێ پشتی ل وەرزێ ئەڤ سالە وەکو قارەمانا خولێ دەربازی خۆلا پلا نایاب بوو کو ل وەرزێ ٢٠٠٧تیما گارە پاشڤەزفری بوو یانێن خۆلا پلا ئێک .
تیما گارە ئەوا ل وەرزێ ئەڤ سالە بەرھەڤیێن باش کرین و کومپانیەکێ خوە ل ڤێ یانێ کری یە خودان بوویە سپونسەرێ وی یێ فەرمی ئەوژی کومپانیا نەوروز تیلکوم کو پشتەڤانیەکا ب ھێز بۆ ڤێ یانێ کەت و ل وەرزێ ئەڤ سالە ئەڤێ یانێ ھەر ژ ھەیڤا ھەشت ئەڤ سالە وەرە دەست ب بەرھەڤیێن خوە کری نە و چەندین ھەڤبەست و یاریێن ھەڤالینی کری نە و پشکداری د قارەمانیا کاسا عیراقێ دا ژی کری یە، تیما گارە ل وەرزێ ئەڤ سالە ١٤ یاریێن ھەڤالینی کری نە وەکو خوبەرھەڤکرن بۆ وەرزێ نوویێ خولا کوردستانێ ئەوژی ل گەل یانێن پلا نایاب یا عیراقێ و کوردستانێ .
سەرجەجێ ئەوان ١٤ یاریان شیا شەش سەرکەفتنا توماربکەت و بەرامبەر چار خوسارەتیا ئەوژی ل گەل یانێن زاخۆ و ھەولێرێ بوو تیمێن خولا عیراقێ دو وەکەھەڤیا.
ئەو یاریێن گارە ل وەرزێ ئەڤ سالە کرین ئەوژی سێ یاریێن ھەڤالینی بەرامبەر تیما ھەولێرێ یا پشکدار دخولا عیراقێ دا کو ھەرسێ یاریان خوسارەت بۆ ھەردیسان ب گولەکێ بێ بەرامبەر ل گەل تیما زاخۆ یا خۆلا عیراقێ ژی خوسارەت بوو ب ھەمان ئەنجام ب سەرکەفت ل سەر تیما دھۆکێ یا خۆلا عیراقێ.
گارە دو یاریێن ھەڤالینی بەرامبەر تیما دھۆکێ یا پشکدار دخولا کوردستانێ دا کری یە تێدا شیا سەرکەفتنێ توماربکەت و د یاریێن بەرامبەر ئاکرێ و ھندرین و غازی باکور دا ژی شیا سەرکەفتنێ توماربکەن و د یاریێن بەرامبەر تیما زاخۆ یا پشکدار دخولا کوردستانێ دا و ئاکرێ پێشمەرگا ھەولێرێ وەکھەڤ بووی نە

ئەڤرۆ نیوز، زنار
یانا ڤالێنسیا یا ئسپانی ل سەر مالپەرێ خوە یێ یانێ ھەڤ خەمیاخو ھەمبەر مرنا پشتەڤانەکێ یانا خوە راگەھاند ژ ئەگەرێ جەلتا دلی پشتی یانا وان شیای ل دووماھیا یاریێ گۆلا وەکھەڤیێ ل سەر یانا بەرشەلونە توماربکەت ژ چارچوڤێ یاریێن گەرا ١٤ ژ خولا ئسپانیا یا تەپا پێ ل یاریگەھا مێستایا.
یانا ڤالێنسیا ئەو چەندە ژی دیارکر کو یانا پشتەڤانەکێ وان ژ نشکەکێ ڤە تووشی جەلتا دلی بوو ل یاریگەھێ پشتی یاریکەرێ یانا وان سانتیاگو پیتا شیای ل دەقیقەیا ٨٦ ژ یاریێ گۆلا وەکھەڤیێ ل سەر یانا بەرشەلونە توماربکەت ژ خولا ئسپانیا یا تەپا پێ.

ئەڤرۆ نیوز، ھەژار مەعروف:
بریارە سوباھی ل یاریگەھا یانا دھۆک یا وەرزشی یاریەکا ب ھێز و پری ب ھەڤرکی دناڤبەرا ھەردو یانێن دھۆک و کە رخ بھێـتەکرن ژ چارچوڤێ یاریێن گەرا نەھێ ژ خۆلا پلا نایاب یا عیراقێ کو رەوشا ھەردو یانا ل وەرزێ ئەڤ سالە د مەترسیێ دا یە بۆ پاشڤەزفرینێ بۆ خۆلا پلا ئێک یا عیراقێ .
یاریا سوباھی دێ بیتە یاریا ئێکێ یا فەرمی یا راھێنەرێ یانا دھۆک یێ نووی دخۆلا عیراقێ دا ئەڤێ یاریێ گرنگیا خوە یا تایبەت ھەیە ژبەرکو دھۆک نوکە ل رێزا دووماھیێ و دەھێ دھێت ب چار خالان و کەرخ رێزا نەھێ دھێت ب پێنج خالان و سەرکەفتنا ھەر تیمەکێ دڤێ یاریێ دا دێ رەوشا وی بەرەڤ باشی ڤە چیت.
ھەژی گوتنێ یە تیما دھۆک بۆ یاریێن قوناغا دوێ دەھـ یاریکەر ل تیما خوە زێدەکری نە کو ژ ئەوانا دو پیشەکار ئەوژی ئەحمەد دونی و یێ غانی سالومون تاجی ھەردیسان ھەڤبەست ل گەل ھەر ئێک ژ ئەحمەد ئیبراھیم ژ نەجەف سەلاح ھیلال ژ حدود و غیاس شوکر ژ مینا ھەردیسان پێنج یاریکەر ژ تیما خولا کوردستانێ سەرئێخستی نە بۆ تیما خۆلا عیراقێ