ئه‌ڤرۆ نیوز”
رێڤه‌به‌ریا راگه‌هاندن و په‌یوه‌ندیان ل وه‌زاره‌تا دارایى و ئابوورى راگه‌هاند: سوبه سێ شه‌مبى، دێ وه‌زاره‌تا ناڤخو مووچێ هه‌یڤا 5 وه‌رگرن.
سوبه ئه‌ڤ وه‌زاره‌ته دێ مووچه‌ى وه‌رگريت
نووترين نووچه
- پێدڤییە د پرۆسەیا سیاسی یا سووریێ دا هەلوەستێ كوردی ئێك بیت
- سەرۆكێ حوكمەتا هەرێمێ هەموو وەزارەت راسپاردن ب لەز لیستا مووچەیێ مەها ئادارێ بەرهەڤ بكەن
- هنارتنا پەترۆلێ دێ كاریگەری ل سەر داهاتێ ئیراقێ و كوردستانێ هەبیت
- حزبا كۆمۆنیستا چینی: ب گرنگیڤە دنێڕینە پەیوەندیێن خوە ل گەل پارتی دیموكراتی كوردستان
- رێككەفتنا 11 ئادارێ بەرهەمێ خەباتا پێشمەرگەی و هەموو تەخ و چینێن كوردستانێ یە
- رێككەفتنا 11 ئادارێ نموونەیا چارەسەرییەكا دادپەروەرانە بوو ل سەر بنەمایێ تێكگەهشتنێ
- سەرۆكێ هەرێما كوردستانێ: پێشوازیێ ل رێككەفتنا د ناڤبەرا سەرۆكێ سووریێ و فەرماندەیێ هەسەدێ دا دكەین
- مەسرور بارزانی: پێدڤییە كێشەیێن هەولێرێ و بەغدایێ ب شێوەیەكێ بنەڕەتی بهێنە چارەسەكرن
- رێككەفتنا 11 ئادارێ دەستكەفتا خەبات و قوربانیدانا كوردستانییان و شۆڕەشا مەزن یا ئیلۆنێ بوو
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
سهرهكى Twitter
ڤیدیو: ده‌قێ په‌یڤا سه‌رۆك بارزانى ل دهۆكێ
قاسم سلێمان په‌یاما ئیرانێ ل دوور بارزانی گه‌هانده گۆران و ئێكه‌تی
ئه‌ڤرۆ نیوز، ئومێد وه‌لاتى:
قاسم سوله‌یمانی ژ هێرۆ ئیبراهیم ئه‌حمه‌د و نه‌وشێروان مسته‌فا را گوتیه ” د وێ باوه‌ریێ داینه كو پێدڤیه مه‌سعود بارزانی مینا سه‌رۆكێ هه‌رێما كوردستانێ بمینیته‌ڤه ” فه‌رماندارێ هێزا قودس یا سوپایێ پاسدارێن ئیرانێ ، چه‌ند رۆژه‌كان ب سه‌ردان دناڤبه‌را هه‌ولێر و سلێمانیێ دا هاتووچوو دكر ، دگه‌ل سه‌ركردێن هه‌ر ئێك ل ئێكه‌تی و گۆران و پارتی جڤیایه و هه‌ڵویستێ ده‌وڵه‌تا ئیرانێ ل دوور كێشه‌یا سه‌رۆكایه‌تیا هه‌رێما كوردستانێ ژێرا راگه‌هاندیه .
ژێده‌ره‌كێ هایدار دناف جڤینێن مه‌كته‌با سیاسیا ئێكه‌تی ب تورا میدیایا رووداوێ راگه‌هاندیه : ” قاسم سوله‌یمانی ل چه‌ند ڕۆژێن بوری دا دگه‌ل هه‌ر ئێك هێرۆ ئیبراهیم و ئه‌حمه‌د و كوسره‌ت ره‌سوڵ و به‌رهه‌م صالح ، هه‌روه‌سا دگه‌ل نه‌وشێروان مسته‌فاش دا جڤیایه و ژێرا راگه‌هاندیه كۆ كومارا ئیسلامیا ئیرانێ دگه‌ل مانه‌ڤا بارزانی دانه ل پوستێ سه‌رۆكێ هه‌رێما كوردستانێ .
هه‌روه‌سا وی ژێده‌رێ رووداو ل مه‌كته‌با سیاسیا ئێكه‌تی ئه‌وچه‌نده‌ژی ئاشكراكر كو سوله‌یمانی ب سه‌ركرده‌یێن ئێكه‌تی و گورانێ را گوتیه : ” ده‌مێ وێ چه‌ندێ نینه هه‌رێما كوردستانێ ب قه‌یرانه‌كا مینا سه‌رۆكایه‌تیا هه‌رێما كوردستانێ مژیل ببیت و پێدڤیه هه‌می شیان ببنه ئێك ژبۆ شه‌رێ داعش و ئه‌و ته‌حه‌دیاتێن دیتر یێن ل هه‌مبه‌ر هه‌رێما كوردستانێ دانه ، چونكی ڤێ ده‌ڤه‌رێ ب گشتی پێدڤی ئارامیێ یه و ئیرانیش دگه‌ل وێ ئارامیێ دایه ” . هه‌روه‌سا سوله‌یمانی گوتیه‌ژی : ” راست نینه كه‌سایه‌تیه‌كێ مینا مه‌سعود بارزانی بهیته شكاندن و ب ئێخنه دناڤا وان جوره گه‌نگه‌شان دا كو نها لسه‌ر پرسا سه‌رۆكایه‌تیا هه‌رێما كوردستانێ هاتینه چێكرن ” .
ل دوور وان پیزانینێن تورا میدیایا رووداوێ قاسم سوله‌یمانی دوو جاران ” پێش چوونا سلێمانیێ و پشتی ڤه‌گه‌ریانێ ” سه‌ردانا هه‌ولێرێ كریه و دگه‌ل هه‌رئێك ل مه‌سعود بارزانی سه‌روكێ هه‌رێما كوردستانێ و نێچیرڤان بارزانی سه‌روكێ حكومه‌تا هه‌رێما كوردستانێ جڤیایه ، دڤان سه‌ردانان دا سوله‌یمانی هه‌ر ئه‌و هه‌لویستێ ب سه‌ركردایه‌تیا ئێكه‌تی و گوران را راگه‌هاندیه ژبۆ هه‌ردوو بارزانیان ژی دووپاتكریه.
ژێده‌ر تورا میدیایا رووداو
چه‌ند ته‌وه‌رێن گرنگ يێن په‌يڤا سه‌رۆكێ هه‌رێمێ د ساخكرنا بيره‌وه‌ريا كاره‌ساتا شنگال دا
ئه‌ڤرۆ نيوز:
د رێ و ره‌سمێن ساخكرنا بيره‌وه‌ريا كاره‌سا شنگال دا، سه‌رۆكێ هه‌رێما كوردستانێ په‌يڤه‌ك پێشكێشكر و تێدا ئاماژه ب چه‌ند خالێن گرنگ دا و ژ وان ژى به‌حسكر كو دێ ئازادكرنا ناڤا شنگال پرۆژه‌كا هه‌ڤپشك و كرياره‌كا مه‌زن بيت و ده‌رباره‌يى ناميسا ئێزديان ژى دا زانين كو ناميسا وان نه‌هاتيه شكاندن، به‌لێ بێ ناميسا وان نيشان دده‌ت ئه‌وێن به‌رامبه‌ر وان ئه‌ڤ ره‌فتاره كرى.
مه‌سعود بارزانى سه‌رۆكێ هه‌رێما كوردستانێ د گۆتارا خوه دا گۆت: “رێز و حورمه‌ت بۆ مالباتێن پێشمه‌رگه‌يى و هه‌ڤخه‌مێ ئێك ئێكه بۆ خێزانێن شه‌هيد و كچ و خووشكێن مه يێن ره‌ڤاندى مه، ژ خودێ دخوازم ئه‌ڤێن ئه‌ڤ كاره كرين بگه‌هنه سزايێ خوه”.
گۆتژى: “هێزا داعش دونيا هژاند، به‌لێ ل كوردستانێ و ب چه‌كه‌كێ گه‌له‌ك كه‌ڤن، هێزه‌كا دڕه‌نده يا ب ناڤێ داعش تێكشكاند، ب ڤێ خوينا شه‌هيد و هێزا پێشمه‌رگه‌يى ناڤوده‌نگێ كوردستانێ گه‌هانده هه‌موو جيهانێ”. ئاماژه ب وێ چه‌ندێ ژى كر كو چ جهـ ل دنيايێ نه‌ماينه نوكه به‌حسێ مێرخاسيا پێشمه‌رگه‌يى و خه‌لكێ كوردستانێ نه‌كه‌ت.
دا زانين ژى كو گه‌له‌ك جهـ هاتنه رزگاركرن و گه‌له‌ك ژى يێن ماين، ئێك ژ ئه‌وێن ماين ژى نيڤا شنگاله و گۆت: “مومكين نينه، ئه‌م بهێلينه د ده‌ستێ داعش دا، به‌لێ دڤێت ل ده‌مه‌كێ وه‌سان بيت كو خه‌لك ڤه‌گه‌رنه وان ده‌ڤه‌ران”.
سه‌رۆكێ هه‌رێما كوردستانێ زێده‌تر روونكرن دانه سه‌ر پرۆسا رزگارنا شنگا و گۆت: “ئه‌و پێدڤى ب كريارێن مه‌زنن، حوكمه‌تا عيراقێ دێ پشكدار بيت و دێ ل گه‌ل هنده‌ك كريارێن گه‌له‌ك مه‌زن و هه‌ڤپشك بيت”.
بارزانى بيرا ئاماده‌بوويان ل سالا بۆرى هه‌يڤا 10 ئيناڤه و گۆت: “ل ڤێ هۆلێ ل هه‌يڤا 10 من گۆته خووشك و برايێن ئێزدى چه‌ند پێ بچيت دێ هه‌ر رزگار كه‌ين و ئه‌و بوو ل هه‌يڤا 12 ب سه‌ر بلندى ل گه‌ل وان پێشمه‌رگه و خێزانێن ل وێ ده‌ڤه‌رێ ماين ئه‌و ده‌ڤه‌ر هه‌موو هاته رزگاركرن كو بۆ من رۆژه‌كا نوو بوو”.
گۆتژى: “مه كێشه‌كا مه‌زن يا د جوگرافيايێ دا يا هه‌يى، ناڤبه‌ره‌كا گه‌له‌ك مه‌زن ل گه‌ل مه بۆ شنگال دوژمن تێدا بوو، من زۆر هزر كر، هه‌تا نه‌رابينه سه‌ر پێن خوه و خوه موكم و ب هێز نه‌كه‌ين نه‌شێين ده‌ست ب رزگاركرنا وێ ده‌ڤه‌رێ بكه‌ين، ئه‌و بوو نێزيكى حه‌فت كيلۆمه‌تران ب مێرخاستى و چاڤه‌نه‌ترسيا پێشمه‌رگه‌يى هاتنه رزگاركرن”.
سه‌رۆكێ هه‌رێما به‌حسێ چوونا بابا شێخ كر بۆ لايێ وى ل پشتى ڤێ كاره‌ساتا ب سه‌رێ كوردێن ئێزدى هاتى و گۆت: “بابه شێخ و هه‌ڤالێن ئێزدى هاتنه ده‌ف من كوت ئێزديخان نه‌ما، ئه‌ز چ جارا رۆندكێن وى ژبير ناكه‌م، من گۆتێ دلێ من ژ هه‌وه سۆتى تره، سۆز بيت يان روحا خوه ل سه‌ر بدانم يان ژى رزگار بكه‌م، من گۆتێ من نه‌ڤێت دووباره بكه‌يه‌ڤه كو ئێزديخانه ته‌مام بوويه، ئێزديخان ته‌مام نابيت و ئه‌و كوردستانه و چو جاران ژ ناڤ ناچيت”.
بارزانى گۆتژى: “من يا گۆتى كورێن ره‌سه‌ن ئێزدى نه من ژ خوه وه‌نه‌گۆتيه، ئه‌وان خاك و ئه‌رد و ئاين و ره‌سه‌نه‌تيا خوه پاراستيه”.
ته‌كست ل سه‌ر وێ چه‌ندێ ژى كر كو گه‌له‌ك زۆرى يا ل ئێزديان هاتيه كرن ژ هه‌موو لايان ڤه و گۆت: “ژ به‌ر هندێ مه كار ب وێ چه‌ندێ كر كو هه‌موو كه‌سان باوه‌رى ب خوه هه‌بيت و ب تايبه‌ت تاكێ ئێزدى و هه‌ست نه‌كه‌ن كو دێ غه‌در و زۆلم لێ هێته كرن. ئه‌ڤا ب سه‌رێ ئێزديان هاتى، درێژه‌پێده‌را ئه‌نفالێن كوردێن فه‌يلى و بارزانى و 182 هزار كه‌سايه كو ب درێژاهيا مێژوويێ ب سه‌رێ مله‌تێ كورد هاتيه”.
ل دۆر ناميسا كوردێن ئێزدى ژ به‌ر وان كچ و ژنێن كه‌فتينه ناڤ ده‌ستێ داعش سه‌رۆكێ هه‌رێما كوردستانێ گۆت: “ناميسا مه تێك نه‌چوويه و نه‌هاتيه شكاندن، بێ شه‌رفيا خوه ئه‌وان يا سه‌لماندى گه‌له‌ك ژ وان گه‌هشتينه مافێن خوه”.
سه‌رۆكێ هه‌رێما كوردستانێ ژ كوردێن وێ ده‌ڤه‌رێ خواست ژى كو به‌رێ خوه نه‌ده‌نه تۆلڤه‌كرنه‌كا عه‌شيائيرى، ب هزاران ژ وان تاوانباران ته‌رمێن وان يێن كه‌فتينه مه‌يدانا شه‌رى و گۆت: “ئه‌م دێ ب مه‌ردانه تۆلا خوه ڤه‌كه‌ين، دێ رێزێ ل قانوونێ گرين، يێ بێ تاوان بيت مه چو ل گه‌ل نينه، ناكه‌ينه شه‌رێ مله‌ت و مه‌زهه‌بى، به‌لێ يێن تاوان و ته‌عدا كريى، ب تايبه‌ت بابه‌تێ ناميسێ و رێ خوشكرى و هاريكار بوويى، مو مه‌جال تێدا نينه و دێ گه‌هنه سزايێن خوه”.
بارزانى پێڤه‌چوو و گۆت: “مله‌تێ مه گه‌له‌ك زۆردارى يا ديتى، به‌لێ چو وه‌كو ئه‌ڤا ب سه‌رێ برايێن مه يێن ئێزدى هاتى دلێ من بريندار نه‌كر، هه‌موو كوردستان بۆ مه يا پرۆزه و شانازيێ پێ دكه‌م، به‌لێ وه‌كو من گۆتى، ڤێ كاره‌ساتێ هند ئه‌م يێن بريندار كرين و من هه‌ست پێ دكر، ژ به‌ر سۆزا بۆ بابا شێخ، ئه‌ز هاتمه شنگال و من هه‌موو كارێن خوه يێن دى هێلان. پاراستنا شنگال ب تنێ يا گرنگ نه‌بوو، به‌لكو دڤێت ده‌وروبه‌رێن وێ ژى هه‌موو بهێنه پاقژكرن دا كو ژيان لێ بهێته كرن. ئه‌ڤ ده‌ڤه‌ره مه ب خوينێ رزگار كر و چو جاران هزر نه‌كه‌ن كو دێ جاره‌كا دى ئه‌ڤ ده‌ڤه‌ره بڤه‌گه‌ريته سه‌ر عيراقێ”.
مزگينيه‌كا خۆش ژى دا خه‌لكێ وێ ده‌ڤه‌رێ و راگه‌هاند: دڤێت كار ژ بوو وێ چه‌ندێ بهێته كرن ئه‌و ده‌ڤه‌ر ببيته ئيداره‌كا سه‌ربه‌خۆ و ل گه‌ل عيراقێ ژى كار ژ بوو پارێزگه‌هبوونا رۆژئاڤايێ ديجله بهێته كرن.
سه‌رۆك پارزانى سۆپاسيه‌كا ژ دل ژى يا ئێك ئێكا خه‌لكێ دهۆكێ و پارێزگه‌ها دهۆكێ كر بۆ هاريكاريكرنا خه‌لكێ ئاواره و چاڤدانا وان ژ هه‌موو لايه‌كى ڤه و هاريكاريكرنا ل گه‌ل وان.
بارزانى هه‌ر د درێژاهيا ڤێ گۆتارا خوه دا راگه‌هاند ژى: د هه‌موو سه‌ره‌دانێن خوه دا بۆ ژ ده‌رڤه‌يى وه‌لاتى و هاتنا وان ژى بۆ ڤێره بابه‌تێ وان ب گرنگى و ده‌سپێكا هه‌موو بابه‌تان هاتيه كرن، ل ڤێره ژى داخوازێ ژ مرۆڤێن خودان وژدان و سه‌رۆك عه‌شيره‌تێن عه‌ره‌بان دكه‌ين كو هاريكار بن بۆ ئازادكرنا كچ و ژنێن ئێزدى.
گۆتژى: “وه‌عدى دده‌ين ئه‌ڤێن بووينه ئه‌گه‌رێ ئه‌ڤا ب سه‌رێ كچ و ژنێن ئێزدى، ژێ ڤه‌نه‌بيت هه‌كه خوه ل كيرا دنيايێ بن هه‌تا تۆلا خوه ژێ ڤه‌نه‌كه‌ين”.
ده‌رباره‌يى هاريكاريكرنا ئاواران ژى گۆت: “هه‌چيا ژ ده‌ستێ مه هاتى بۆ ئێزديان مه يا كرى و دێ كه‌ين و مه چو منه‌ت نه‌كريه واجبه، خوزى مه‌شيابا مه زێده‌تر كربا، من دڤێت بزانن ئه‌ڤه ئه‌ردێ وانه و هه‌ر تشتێ ب سه‌رێ وان هاتى يێ ب سه‌رێ هه‌موو كوردان هاتى كا چاوان ب سه‌رێ فه‌يلى و گه‌رميان و باليسان و دهۆك و هه‌موو ده‌ڤه‌رێن دى هاتى، بۆچى گه‌رميانى و بارزانى تووش بوون وه‌سان ئێزدى ژى تووش بوون، هه‌موو ئێك فه‌رهه‌نگه. يا گرنگ ئه‌وه باوه‌رى يا خوه ژ ده‌ست نه‌ده‌ن”.
گۆتژى: “سۆپاسيا هه‌موو پێشمه‌رگێ قه‌هره‌مان دكه‌ين يێن كو هه‌ر ژ رۆژا ئێكێ قاره‌مانى سه‌لماندى و سۆپاسيا خه‌لكێ پارێزگه‌ها دهۆكێ دكه‌م و شه‌رڤانێن رۆژئاڤا كو بووينه ئه‌گه‌رێ رزگاربوونا گه‌له‌ك ژن و زارۆيێن ئێزدى. ئه‌ڤه ژى وێ چه‌ندێ نيشان دده‌ت كو ئێكرێزا كوردان ژ هه‌موو تشتان گرنگتره”.
بارزانى مزگينيه‌كا دژى دا ئاماده‌بوويان و گۆت: “د پشت راست بن دێ پێكڤه چينه د شنگال دا، كرياره‌كا مه‌زنه و مه نه‌ڤێت بهێته پارچه كرن و پێكڤه بهێته كرن و ئه‌م ب تنێ نينن”.
رێورەسمێن یادا شنگالێ ل پەرلەمانێ عێراقێ دهێنەکرن
ئەڤرۆ نیوز،زنار تۆڤی:
ئەڤرۆ رۆژا دوشەمبی 3.8.2015 سالڤەگەرا کارەساتا شنگالێ ل پەرلەمانێ عێراقێ هاتە ساخکرن،کو دڤێ رۆژێ دا ل سالا بۆری تیرورستێن داعش ب رەنگەکێ هۆڤانە هێرش کرە سەر شنگالێ و ب هزاران کەس هاتنە کۆشتن گرتن و زیانێ مەزن گەهاندنە خەلکی،لەورا ئەڤرۆ رێورەسمەک ل پەرلەمانێ عێڕاقێ برێڤەبرن و فلمەکێ دکیومێنتاری ل سەر وێ کارەساتێ هاتە نیشاندان.
شێخ شامۆ: داخوازێ ژ بارزانى دكه‌ين له‌زێ د ئازادكرنا ناڤا شنگال دا بكه‌ت
ئه‌ڤرۆ نيوز:
شێخ شامۆ، په‌رله‌مانتارێ ئێزدى ل په‌رله‌مانێ كوردستانێ ل سه‌ر ليستا پارتى ديموكراتى كوردستان د رێ و ره‌سمێن بيره‌وه‌ريا كاره‌ساتا ب سه‌رێ كوردێن ئێزدى دا هاتى راگه‌هاند: داخواز ژ سه‌رۆكێ هه‌رێما كوردستانێ كر كو ئێدى رزگاركرنا شنگال درێژ بوو و هيڤى خواست كو ب زووترين ده‌م بهێته ئازادكرن و ژ هه‌رسێ سه‌رۆكاتيێن عيراقێ ژى خواست كو ئێدێ چاڤه‌رێ مادێ 140 نه‌مينن و ئێزدى خوه ل هيڤيا وى ماده‌ى ناگريت.
ره‌وشا دراڤى ل بازارێن پاره‌گوهۆڕان
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 3ى ته‌باخا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1222 |
| 1 يۆرۆيێ ئه‌ورۆپى | 1330 |
| 1 ليرێ توركى | 440 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
زێر هێشتا ژى هاته خوار
ئاریشا ئەوە ئەز ژێ مەزنترم
ئه‌ڤرۆ نيوز:
کچەکا ٢٥ سالی دلێ خوە بۆ ئەڤرۆ ڤەدکەت و دبێژیت: ئەز و کورەکێ ٢٠ سالی حەز ژ ئێکدو دکەین کور حەز دکەت من بخۆ بخوازیت، لێ دبێژیت ئاریشە ئەوە تو ژ من مەزنتری و ئەڤ چەندە بدلێ مالباتا من نینە، ئەڤجا ئەز نزانم کا چاوا باوەریا خۆ پێ بینم و ھوین دبێژن ئەز چ بکەم؟.
کچا ھێژا:
یا باش ئەوە ژلایێ زانستی ڤە ژیێ کورکی مەزنتر بیت ژ یێ کچکێ بەلێ ھەکە ھەردو د گونجای بن ژلایێن ھزری ڤە و دئێک بگەھن و پەیوەندی د ناڤبەرا وان دا یا راست و دروست بیت جوداھیا کێم یا تەمەنی نە گەلەک ئارێشەیە بەلێ دەمێ ئەو ڤێ چەندێ دسەلمینت وەسا یا دیارە کو حەز دکەت پەیوەندی یا بەر دەوام بیت بێی پێک ئینانا خێزانێ یا چاک ئەوە وی تێبگەھینی ئەڤێ چەندێ بدووماھی بینیت یان تو پەیوەندیا خوە دگەل بدووماھی بینە و دەرگەھێن ژیانی ب بەرفرەھی لبەر تە د ڤەکرینە ویا زیرەک بە و بساناھی نەھێ یە خاپاندن.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123
لژنا ساخلەميێ: 80% جھێن مەساجێ بۆ لەشفرۆشیێ دھێنە بکار ئینان
ئه‌ڤرۆ نيوز:
سەرۆکا لیژنا ساخلەمی ل پەرلەمانێ کوردستانێ ئیماژە بڤێ چەندێ دکەت، پتریا سەنتەرێن مەساجێ بۆ کارێ لەشفرۆشیێ دھێنە بکار ئینان و گورەی دووڤچوونا لیژنێ 80%ێ جھێن مەساجێ بتنێ بۆ لەشفرۆشیێ دھێنە بکارئینان، داخوازکر رێگری لڤان جھان بھێتە کرن ژبەرکو ئەگەرن بۆ بەلاڤکرنا ئایدزێ.
زۆلفا مەحموود، سەرۆکا لیژنا ساخلەمی ل پەرلەمانێ کوردستانێ بۆ رۆژناما ئەڤرۆ گۆت” لیژنا ساخلەمی ژلایێ رێکخراوەکا ناڤ و دەنگ ھاتیە ئاگەھدار کرن، کو جھێن مەساجێ ژ بۆی مەرەمێن لەشفرۆشیێ دھێنە بکار ئینان و لیژنا ساخلەمی ژی دووڤچوونەکا ھویر لدۆر ڤێ پرسێ کریە و بۆمە دەرکەفتیە، پتریا جھێن مەساجێ بن ناڤێ مەساجێ کارێ لەشفرۆشیێ دکەن، ھەروەسا ھژمارەکا زۆرا وەلاتیان سکالا گەھاندیە لیژنێ لدۆر لەشفرۆشیا بن ناڤێ مەساجێ دھێتەکرن، پشتی مە دەست ب دووڤچوونێ کری، سەرەدانا چەندین جھێن مەساجێ ھاتیەکرن کێم جھێن مەساجێ ھەبوون ژبەرکو بەھرا پتریا جھێن مەساجێ پتر بۆ لەشفرۆشیێ دھێنە بکار ئینان و چو مەساج تێدا نینە، ھەر بۆ نموونە ل رۆژێن بۆری دگەل ئەڤێ رێکخراوێ مە سەرەدانا جھەکێ مەساجێ کر و سەرۆکێ ئەڤی سەنتەری گۆت ببۆرن ئەم کارێ مەساجێ ناکەین و مە کارێ خوە ھەیە.
سەرۆکا لیژنا ساخلەمی گۆتژی” نوکە ل وەلاتێن پێشکەفتی نەخۆشیا ئایدزێ یا دھێتە ژناڤبرن، بەلێ ل ھەرێما کوردستانێ ژ ئەگەرێ ڤەکرنا جھێن لەشفرۆشیێ تازە کار بۆ بەلافکرنا ئایدزێ دھێتەکرن، لەوڕا ئەم وەکی لیژنە یێن گەھشتینە ڤی ئەنجامی کو 80%ێ یا سەنتەرێن مەساجێ کارێ خوە ناکەن و تنێ لەشفرۆشیێ دکەن، ھەتا ھندەک جھێن مەساجێ ھەنە لەشفرۆشێن وەلاتێن جۆدا تێدا ھەنە، ئەم ژلایێ ئاینی لێ بەرپرس نینە، بەلێ ژلایێ ساخلەمی ڤە وەلاتیێن ھەرێمێ و دەزگەھێن پەیوەندیدار ئاگەھدار دکەین، تنێ چەند جە و سەنتەرێن کێم ھەنە کارێ مەساجێ دکەن و یێن لەشفرۆشیێ دکەن”.
زۆلفایێ دیارکر” وەزارەتا ناڤخۆ چاڤدێریا ڤان جھان دکەت، ئەگەر ئەڤ جھە بۆ لەشفرۆشیێ نە، ئەڤە خەلک و حوکمەت د ئازادن بلا مۆھلەتا لەشفرۆشیێ بدەنە جھێن لەشفرۆشیێ و چاڤدێریا ڤان جھان بھێتەکرن، بەلێ نابیت بن ناڤێ مەساجێ لەشفرۆشیێ بکەن و ببنە ئەگەرێ پەیداکرنا ڤایرۆسا ئایدز، لەوڕا پێدڤیە ددەمەکێ زوودا چاسەری بۆڤان سەنتەران بھێتە دیتن و ئیدی خەلک بناڤێ مەساجێ نەھێتە خاپاندن”.
نيشاندان
WP Facebook Auto Publish Powered By : XYZScripts.com