ئه‌ڤرۆ نیوز:
سهرهكى Twitter
نیڤا چیایێ كوره‌ژار هاته سووتن
شێلادزێ ، نه‌وزاد زاده هلورى :
ئه‌ڤرۆ ئێڤارى ئاگره‌كێ ب هێز به‌ردبیته چایێ كوره‌ژار ل شێلادزێ و نیڤا چیایى دهێته سووتن.
سه‌ردار به‌لو به‌رپرسێ بنگه‌هێ به‌رگریا شارستانیا شێلادزێ بو ئه‌ڤرۆ نیوز گۆت : ( ئێڤاره دره‌نگیا ئه‌ڤرو ژ ئه‌گه‌ره‌كێ نه‌دیار ئاگر به‌ردبیته پشتا باژێرێ دووبرا ستى و پاشان به‌ر ب چیایى دچیت و دبیته سه‌ده‌ما وێ یه‌كێ كو پتر ژ نیڤا چیایى ب سووژیت )
زێده‌تر گۆت : ( سوپاس بو خودێ ئه‌م شیاین ب هه‌ڤكاریا به‌رگریا شارستانیا دێره‌لوكێ و دارستانا شێلادزێ و وه‌لاتیێن ده‌ڤه‌رێ نه‌هێلین ئاگر بوو ناڤ سیریێ و ره‌ز و بیستانێن ره‌خ و رویێن كومه‌لگه‌ها سیریێ و شێلادزێ بهێت ، و هه‌تا نها ژى ئه‌ڤ ئاگره یێ به‌رده‌وامه )
ل گور ته‌خمینان دورێن 1000 دونه‌مێن دارستان و پاوانى ل ئاقارى سوتیه.
سۆپایێ توركیا ئارمانجكرنا سڤیلان ل هه‌رێما كوردستانێ ره‌ت دكه‌ت و ب نه‌وه‌یی ده‌ردئێخیت
ئه‌ڤرۆ نیوز: ڤه‌ده‌ر ره‌شاڤایی:
سۆپایێ توركی د به‌یاننامه‌كێ دا ئه‌و یه‌ك ره‌ت كر كو وان كه‌سێن سڤیل ل هه‌رێما كوردستانێ كربنه ئارمانج یان چ كه‌سه‌كێ سڤیل كوشت بیت.
هه‌روه‌سا دده‌ته خویاكرن كو ئارمانجكرنا جهێن مه‌به‌ست ژ ئالیێ تیمێن پرۆفێشنال ڤه دهێته دیاركرن، ئه‌و جهێ وان كرییه ئارمانج بنگه‌هێ چه‌كدارێن په‌كه‌كێ بوو،
ئاشكرا كریه ژی كو لدووڤ لێكولینان وان لسه‌ر گوندێ زه‌رگه‌له كرین دیاربوویه چ جهێن ئاكنجیێن سڤیل لێ بژین ژ ئاليێ فرۆكه‌یێن توركیا ڤه نه‌هاتینه بۆمبه باران كرن.
تێ زانین ژ ئه‌گه‌رێ بۆمبه بارن كرنا فرۆكه‌یێن توركیا بۆ سه‌ر گوندێ زه‌رگه‌له ل بنارا چیاێ قه‌ندیلێ 10 كه‌سێن سڤیل ژ ژن و زارۆیان هاتبوونه كوشتن و 15 كه‌س ژی بریندار ببوون و ئه‌ڤ هێرشه ژی ژ ئالیێ گه‌له‌ك ئالییان ڤه هاته ئیدانه‌كرن .
كچێن چیچانی ب فێلبازییان بهزاران دۆلاران ژ داعش چێدكه‌ن
ئه‌ڤرۆ نیوز: ڤه‌ده‌ر ره‌شاڤایی:
چه‌ند كچێن چیچانی ل هه‌رێما چیچانێ یا رووسی برێیه‌كا تایبه‌ت فێلبازی ل رێكخستییا تیرۆرییا داعش كرن و هزرا وێ یه‌كێ كو فێلبازیكرن ل وێ رێكخستییا تیرۆری یا بزه‌حمه‌ته ب نه‌وه‌یی ده‌رێخست.
سێ كچێن گه‌نج دانپێدان كر كو وان برێیا ئه‌نترنێتێ په‌یوه‌ندی ب ئه‌ندامێن داعش ل سوریا كرییه، وێنێن خوه بۆ هنارتینه و ب په‌یوه‌ندییان دگه‌ل ئاخڤتینه، پاشی ده‌مێ داعش داخاز ژێ كری هه‌می تشتا بهێلن و بگه‌هنه رێزێن وان ڤان كچان وه‌سا خویاكریه كو وان هه‌قێ رێكێ نینه و داخازا پاران ژ داعش كریه.
پشتی وه‌رگرتنا پاران ژ داعش ڤان كچان هه‌می ئالیێن په‌یوه‌ندیێن خوه دگه‌ل وان ئه‌ندامێن داعش برینه و چه‌ندین جارێن دی دگه‌ل چه‌ندین ئه‌ندامێن دی یێن داعش هه‌مان رێ بكارئینایه، هه‌ر جارێ داخازا 350 دۆلاران كریه هه‌تا هه‌ر ئێك ژ سێ كچان نێزیكی هزار دۆلاران بڤێ رێیێ كۆم كری.
نها ئه‌و كچ ژ ئالیێ ده‌ستهه‌لاتا چیچانێ ڤه هاتینه ده‌سته‌سه‌ركرن و دهێنه دادگه‌هكرن، دهێته پێشبینی كرن سزایێ وان ژ غه‌رامه‌كرنێ هه‌تا 10 سالێن زیندانێ بیت ژبه‌ر په‌یوه‌ندی كرن ب تیرۆرستان.
ئێزدیان خونیشادانه‌ك ل هه‌مبه‌ر ئاڤاهیێ نه‌ته‌وێن یه‌كگرتى ئه‌نجامدا
عه‌بادى به‌حسێ خونیشادانێن به‌غدا دكه‌ت
ئه‌ڤرۆ نیوز:
حه‌یده‌ر عه‌بادى سه‌رۆك وه‌زیرێن عیراقێ راگه‌هاند كو خونیشادانێن ل به‌غدا هاتینه كرن سه‌را كێمیا ئاڤا ڤه‌خوارنێ و كاره‌بێ هوشداریه‌كه بۆ وان و ئاماژه‌یه‌كه بۆ وێ چه‌ندێ كو كێشه یێن هه‌ین و پێدڤیه ره‌فتارێ ل گه‌ل بكه‌ین و چاره بكه‌ین.
حه‌یده‌ر عه‌بادى سه‌رۆك وه‌زیرێن عیراقێ هه‌روه‌سا راگه‌هاند: خونیشادان مافه‌كێ سروشتى یه و زه‌نگه‌كا مه‌ترسیداره بۆ مه، ژبه‌ر كو ئاماژه‌ن بۆ هه‌بوونا كێماسیان و دڤێت چاره بكه‌ین”.
دلنیا سترانه‌كا ته‌حسین ته‌ها دبێژیت
نووترین وێنێ مام جه‌لال
ڤیدیو: راگه‌هاندنا ئه‌نجامێ كومبوونا پێنج قولى
ره‌وشا دراڤى ل بازارێن پاره‌گوهۆڕان
ئه‌ڤرۆ نيوز:
ره‌وشا دراڤى ئه‌ڤرۆ رێكه‌فتى 2ى ته‌باخا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
نيشاندان
WP Facebook Auto Publish Powered By : XYZScripts.com