ئه‌ڤرۆ نيوز:
ب گۆره‌ى بازارێن پاره‌گوهۆڕان ئه‌ڤرۆ رێكه‌فتى 5ى كانوونا ئێكێ يا سالا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز، کاروان باعەدری:
ب رەزامەندیا سەرۆکاتیا ھەرێمێ و حکومەتا ھەرێما کورستانێ بڕیار ھاتبوو دان پەرلەمانەک بۆ ئێزدیان بھێتە دانان بۆ ب رێڤەبرنا کاروبارێن ئێزدیان ب شێوەیەکی رێکخستی.
بەرپرسێ لژنا نڤیسینا رەشنڤیسێ سیستەمێ ناڤخۆیێ یێ پەرلەمانێ ئێزدیان ئەندازیار مەھدی حاجی بۆ ئەڤرۆ نیوز دیارکر: “مە ئەڤ رەشنڤیسە پێشکێشی جیگرێ میرێ ئیزدیان کر و چەندین لیژنە دڤی رەشنڤیسی دا ھەنە و دێ ب شیوەیەکی گرۆپ شێن کارێ خوە برێڤە بەن و ئەڤە بۆ ماوێ 3 ھەیڤانە دەست ب نڤیسینا ڤی رەشنڤیسی ھاتیە کرن و نھا ب دووماھی ھاتیە و مە پێشکێشی جێگری میری کریە”.
حاجی ئەو چەندە ژی خویاکر کو ب ڤی رەشنڤیسی دێ دامودەزگەھێن ئێزدیان ژ نوو ژ دایک بن و دێ نوونەراتیا ئێزدیان ل ھەموو جیھانێ کەت و ئەڤ پەرلەمانێ دێ ژ ھەموو کاروبارێن ئێزدیان یێ بەرپرس بیت.
ئەڤ پەرلەمانە یێ کو دێ 100 کەس تێدا وەکو نوونەر ھێنە وەرگرتن ل سەر داخوازیا میر تەحسین سەعید بەگ بوویە دەما ل 7ی کانوونا ئێکێ یا سالا 2012 خواستی پەرلەمانەک و سندوقەکا ھاریکاریێ بۆ ئێزدیان بھێنە دانان بۆ ب رێڤەبرنا کاروبارێن وان و سەرۆکاتی و حوکمەتا ھەرێمێ ژی رەزامەندیا خوە بۆ ڤێ چەندێ دەربڕی بوو.
ئه‌ڤرۆ نيوز:
په‌رله‌مانتاره‌كێ فراكسيۆنا كۆمه‌لا ئيسلامى ل په‌رله‌مانێ كوردستانێ راگه‌هاند كو چاره‌نڤيسێ 45 مليۆن دۆلارێن په‌ترۆلێ ل به‌نكا كوردستانێ ديار نينه و سه‌رۆكێ حوكمه‌تێ ژى داخوازا روونكرنێ ژ وان دو وه‌زاره‌تان دكه‌ت.
سۆران عۆمه‌ر، ئه‌ندامێ فراكسيۆنا كۆمه‌لا ئيسلامى ل په‌رله‌مانێ كوردستانێ ل په‌يجێ تايبه‌ت يێ خوه ل تۆڕا جڤاكيا فه‌يسبۆكى نڤيسيه: “پشتى دووڤچوونێ بۆ چاوانيا مه‌زاختنا ئه‌وان 125 مليۆن دۆلارێن كو ژ پارێ په‌ترۆلێ ب بڕيارا سه‌رۆكێ حوكمه‌تێ بۆ وه‌زاره‌تا چاندنێ هاتينه دان، ده‌ركه‌فت كو 45 مليۆن دۆلار ژ وى كۆژمێ پاره‌ى هێشتا نه‌هاتينه وه‌رگرتن و ژ به‌نكا كوردستان يا ئه‌هلى نه‌دايه وه‌زاره‌تا چاندنێ”.
ئاماژه ب وێ چه‌ندێ ژى كريه كو نوكه سه‌رۆكێ حوكمه‌تا هه‌رێما كوردستانێ داخوازا روونكرنێ ژ هه‌ردو وه‌زاره‌تێن دارايى و سامانێن سرۆشتى كريه بۆ زانينا چاره‌نڤيسێ وان 45 مليۆن دۆلاران.
ئەڤرۆ نیوز، نەوزاد زادە ھلوری:
سێ گەنجێن دەڤەرا ئامێدی زێدەتری دو ھەیڤایە د بێ سەروشینن و پشتی لێگەریانەکا زور ئەڤرۆ ل زیندانەکا بولگاریا ھاتنە دیتن.
دڤی واری دا شڤان ھروری کو کەس و کارێ ئەوان گەنجایە بۆ ئەڤرۆ نیوز گۆت: “زێدەتری دو ھەیڤایە سێ گەنجێن گوندێ مە ب ناڤێن (ئالان محەمەد عومەر، ئازاد عومەر محەمەد، رێبەر محەمەد عومەر) بێ سەروشوون ببوون و کەسێ نەدزانی کا کیڤە چووینە، پشتی لێگەریانەکا زۆر سۆپاس بۆ خودێ ئەڤرۆ د زیندانا (خوفە) یا وەلاتێ بولگاریا دا ھاتنە دیتن”.
دەربارەی چاوانیا دیتنا وان گەنجان ناڤبری گۆت: “مە لێگەریان ل ھەموو پارێزگەھێن کوردستانێ بۆ دیتنا وان کرینە و پشتی بێ ھیڤیبوونێ د ئەنجام دا مە لێگەریانا وان ژ دەرڤەیێ ھەرێمێ دەستپێکرد ب تایبەتی پشتی وێ یەکێ کو کوچکرنا گەنجان بۆ دەرڤەیێ کوردستانێ بەر ب زێدەبوونێ ڤە چووی، مە ل وەلاتێ تورکیا دەسپێکر دووڤ دا بۆ وەلاتێ یونان و و وەلاتێن دی یێن ئۆروپا، بەلێ دیسان چو زانیاری ل سەر وان نەبوون و گومان بۆ مە دروست بوو کو د دەریا ئیجە یا تورکی دا خەندقی بن و ئەڤرۆ ب رێیا کەسەکێ کورد کو پەنابەرە ل بولگاریا دەنگ و باس گەھشتن کو ئەوی ئەو ھەر سێ گەنج یێ د زیندانا (خوڤە) دا دیتین و ھاتینە حوکمکرن بۆ دەما 3 ھەیڤان ب تومەتا بەزاندنا سنوورێن وی وەلاتی ب قاچاغی”.
ل دووماھیێ گۆت: “روژێن بھێت بۆ پشتراستبوون ژ ڤێ یەکێ دێ سەرەدانا وێ زیندانێ ھێتەکرن”.
ئەڤرۆ نیۆز، قائید میرۆ:
رێکخراوەکا تایبەت ب پرسا ئەنفالێ مژۆلی بەرھەڤکرنا پرتووکەکێ یە لدۆر تاقانەیێ، ئنفال و کیمیا بارانێ.
ئیسماعیل ھەنارەیی، سەرۆکێ رێکخراوا سەلباتو یا تایبەت ب ئەنفالێ ب ئەڤرۆ نیۆز راگەھاند” نوکە دگەل وەزارەتا کاروبارێن شەھید و ئەنفالکریان مژۆلی بەرھەڤکرنا پرتووکەکێ نە لدۆر تاقانەیێن پشتی پڕۆسەیا ئەنفال و کیمیابارانێن بسەر ھەرێما کوردستانێ دا ھاتین.
ھەنارەیی گۆتژی” لپارێزگەھا دھۆکێ سێ کەس وەک تاقانە ھاتینە تۆمارکرن و داخواز دکەین ھەر تاقانەیەک ھەبیت بلا پەیوەندی بمەڤە بکەت ، ھەتا چیرۆکاویژی د پرتووکێ دا بھێتە تۆمارکرن.
خولا ئسپانیا گەرا ١٤
٦:٠٠ ریال مەدرید_ خیتافی
٨:١٥ غەرناتە _ ئەتلەتیکو مەدرید
١١:٣٠ ڤالێنسیا_ بەرشلونە
خولا ئنگلیزی گەرا ١٥
٣:٤٥ ستوک ستی – مانچستەر ستی
٦:٠٠ مانچستەر یونایتد – وێستھام یوناتید
٦:٠٠ ئەرسینال – ساندرلاند
٦:٠٠ وێست برومێچ ئەلبیون – توتنھام ھوتسپێرز
٦:٠٠ ساوسھامبتون – ئەستون ڤێلا
٦:٠٠ سوانزی ستی – لێستەر ستی
٨:٣٠ چێلسی – بورنموس
خولا ئیتالیا گەرا ١٥
٥:٠٠ تورینو – روما
١٠:٤٥ ئەنترمیلان – جەنەوا
خولا ئەلمانیا گەرا ١٥
٥:٣٠ بروسیا مونشنگلادباغ – بایرن میونێخ
٥:٣٠ ھێرتا بەرلین – بایر لیڤەرکوزن
٥:٣٠ ھامبورگ – ماینز
٨:٣٠ ڤولڤسبورگ – بروسیا دورتموند
خولا فرەنسا گەرا ١٧
٧:٠٠ لیون – ئەنجیە
١٠:٠٠ ستاد ریمس – تروا
١٠:٠٠ باستیا – موناکو
١٠:٠٠ ئەجاکسیو – نانت
١٠:٠٠ کان – لیل
١٠:٠٠ تولوز – لوریان
ئەڤرۆ نیوز:
ژێدەرێن دەنگوباسی ل ئێکەتیا نیڤدەولی یا فیفا دیارکری نە ل دووماھی کومبوونا خوە ئێکەتیا فیفا ھزر ل زێدەکرنا ھەلبژارتیێن موندیالا جیھانی کری نە ژ ٣٢ ھەلبژارتیا بۆ ٤٠ ھەلبژارتیا ژبەرکو گەلەک ھەلبژارتی ھەنە ژ موندیالێ دھێنە بێ بارکرن و ئاستێ ئەوان ژ گەلەک ھەلبژارتیێن دی باشترە.
ئەوان ژێدەرێن دناڤا ئێکەتیا فیفا ئەوێن نەڤیان ناڤێن خوە دیاربکەن بۆ دەزگەھێن راگەھاندنی ل ئورۆپا دیارکری نە پشتی ئەوان ئاریشەیێن بەردەوام ل شەش ھەیڤێن بوری کو گەندەلیی ل ناڤا ئێکەتیا نیڤدەولی دا دیاربووین ئێکەتیا ناڤبری دخوازیت چەند گوھورینا بکەن بۆ موندیالێن بھێت کو ھزر ل زێدەکرنا ھەلبژارتیێن پشکدارە بۆ موندیالا ٢٠٢٦ کو ھژمارا ئەوان بکەنە ٤٠ ھەلبژارتی .
ئەڤرۆ نیوز، ئەیاد بەرواری:
رێکخراوا نەتەوێن ئێکگرتی بۆ خوارنێ و چاندنێ (فاو) ھوشداریا زێدەبوونا کولیا بیابانێ دا، ژ ئەگەرێ بارانێن بەرفرەە یێن ل ڤێ دووماھیێ ل باکوورێ رۆژئاڤایێ ئەفریقیا و قرنێ ئەفریقی و یەمەنێ بارین، دیارکر ژی کو پێدڤیە ل شەش مەھێن داھاتی چاڤدێریەکا ھوور بھێتە کرن بۆ نەھێلانا پێکئینانا گرۆپێن وێرانکەر ژ وان کولیان.
شارەزایێن وێ رێکخراوا نێڤدەولەتی خویا دکەن کو ژ ئەگەرێ دیاردا (نینۆ) ل ئەفریقیا و گەردەلولێن (شابالا و میغ) ل گزیرتا عەرەبی و قرنێ ئەفریقی، دبیت کولی ب ڕەنگەکێ مەزن زێدە بن.
کیت کریسمن، مەزنە بسپۆرێ تایبەتمەند ب کولیان ڤە ل رێکخراوا (فاو) دبێژیت” دیاردێن گەش و ھەوای یێن ب وی ڕەنگی، ب تایبەتی ژی بارانێن زێدە، دشێن ببنە ئەگەرێ زێدەبوونا ھەرە مەزن یا کولیان، کو بران ژینگەھەکا گونجای بۆ ھێکێن کولی دروست دکەت و زێدەبوونا کولی دێ زیانێن مەزن ب چاندنێ گەھینیت “.
گوت ژی” دەمێ کولی دگەھیتە قۆناغا فڕینێ و گرۆپێن وی کو ب میلۆنان کولی نە دشێن 150 کیلۆمەتران د رۆژێ دا بفڕن و ھەر کولیەک دشێت دو گرامان بخوت و گرۆپەکێ کولیان دشێت د رۆژێ دا خوارنا تێرا 35 ھزار کەسان دکەت بخوت”.
ئەڤرۆ نیوز:
یاریکەرێ یانا ریال مەدرید و ھەلبژارتیێ فەرەنسا کەریم بن زیما نێزیکی ئیمزاکرنا ھەڤبەستا یانا ئەرسنال یا ئینگلیزی بوویە پشتی یانا مەلەکی دیارکری ل ماوێ بوری ئاستێ وی پاشڤەزفری یە
رۆژناما ئەلکونفیندسینال یا برێتانی دیارکر کارگێریا یانا ریال مەدرید یاریکەرێ خوە کەریم بن زیما ئینا بەر فروتنێ پشتی ئاستێ وی ل یاریێن بوری پاشڤەزفری و تایبەت پشتی وێ ئاریشا دناڤبەرا وی و ھەڤالێ وی یاریکەرێ ھەلبژارتیێ فەرەنسا ماتیۆ فالبوینا پەیدابووی ژبەر ئەو ڤیدیویا بەلاڤەکری کو کارگێریا یانێ ھزر دەست بەردانا وی کری یە ل جھێ وی یاریکەرەکێ دی بینە دناڤ پێکھاتیێ یانێ دا ل ڤەگوھاستنێن زفستانی دا.
ئەڤرۆ نیوز، ئەیاد بەرواری:
سەرۆک وەزیرێن تورکیا رەجەب تەیب ئەردۆگان راگەھاند کو وی بەلگە ل سەر بازرگانیا پەترۆلێ د ناڤبەرا روسیا و داعشێ دا ل سووریێ یێن ھەین.
سایتێ (تورکیا پۆست) ب زمانێ عەرەبی بەلاڤکریە، ئەردۆگانی د پەیڤەکێ دا ل رۆژا پێنج شەمبی 3/12/2015 ێ ل ئەنقەرە گوت” مە بەلگە ل سەر بازرگانیا پەترۆلێ ژلایێ روسیا ڤە ل گەل داعشێ ل سووریێ یێن ھەین و دێ وان بەلگان بۆ جیھانێ ئاشکرا کەین”.
ئەردوگانی گوت ژی” ئەو بازرگانیا پەترۆلێ ب ڕێیا بازرگانێ سووری (جۆرج حەسوانی) دھێتە کرن، کو ناڤبری ھەلگرێ پاسەپۆرتا روسی یە”.
سەرۆک وەزیرێن تورکیا، داخواز ژ روسیا ژی کر کو بەلگێن خوە یێن ل سەر کڕینا تورکیا بۆ پەترۆلێ ژ داعشێ بەرچاڤ بکەت.
نيشاندان