ئه‌ڤرۆ نیوز:
ل دووڤ راپورته‌كا كه‌ناله‌كێ ئه‌مریكى، ولاتێن عه‌ره‌بى كێمترین هێرش یێن كرینه سه‌ر داعش ب ره‌نگه‌كێ كو كێمتر ژ هێرش دانیمارك بۆ سه‌ر داعش بووینه.
ژمارا هێرشێن ئه‌سمانى بۆ سه‌ر داعش ل سورێ:
ئه‌مریكا 2 هزار و 92 هێرش
ولاتێن عه‌ره‌بى( سعودیه و ئوردن و به‌حرێن و ئیمارا) 108 هێرش
دانیمارك 109 هێرش
هوله‌ندا 180 هێرش
مسر كو خودانا مه‌زنترین هێزا ئه‌سمانى یه ل ده‌ڤه‌رێ هه‌تا نوكه چ هێرشێن ئه‌سمانى بۆ سه‌ر داعش ئه‌نجام نه‌داینه.
ئه‌ڤرۆنیۆز، ئه‌یاد به‌روارى
سه‌رۆكێ توركیا راگه‌هاند، هێرشێن دهێنه كرن دژى چه‌كدارێن پارتا كاركه‌رێن كوردستانێ ل (باكوورێ عیراقێ) د قانوونی نه و ب رازیبوونا سه‌رۆكێ عیراقێ یێن هاتینه ئه‌نجامدان.
سایتێ (توركیا پۆست) ژ رۆژناما (یه‌نی شه‌فه‌ق) یا توركی به‌لاڤكریه كو سه‌رۆكێ توركی ره‌جه‌ب ته‌یب ئه‌ردۆگان راگه‌هاندیه “چو پێنگاڤێن به‌ره‌ڤ پاش ناهێنه هاڤێتن و ئه‌و هێرشێن ئه‌سمانی یێن ژلایێ هێزێن توركی دژى چه‌كدارێن پارتیا كاركه‌رێن كوردستانێ (په‌كه‌كه) ل ( باكوورێ عیراقێ) دهێنه ئه‌نجامدان، هه‌موو دچنه د چارچۆڤێن قانوونی یێن دانپێدان كری دا، ئه‌و هێرشێن دهێنه ئه‌نجامدان ژى ب رازیبوونا سه‌رۆكێ عیراقێ و ئاگه‌هداریا هێزێن ناتۆ یه.
ئه‌ڤرۆ نیۆز بزاڤكر داخۆیانیه‌كێ ل دۆر ڤی بابه‌تی ژ په‌یڤدارێ سه‌رۆكێ عیراقێ وه‌رگریت، لێ په‌یوه‌ندی یا به‌رده‌ست نه‌بوو.
ئه‌ڤرۆ نیوز:
په‌رله‌مانێ كوردستانێ راگه‌هاندنه‌ك به‌لاڤكر و تێدا توپبارانا ئه‌ڤرۆ یا فرۆكێن توركیا شه‌رمزار كر بۆ سه‌ر گوندێ زارگه‌لى و د راگه‌هاندنێ هاتیه” چ به‌هانه‌ك بۆ ڤێ توپبارانكرنێ ب ره‌وا نابینین”.
سه‌رۆكاتیا په‌رله‌مانێ كوردستانێ د راگه‌هاندنێ دا دیسا گوتیه” ڤێ روودانێ ب توندى شه‌رمزار دكه‌ین و چ به‌هانه‌یه‌ك بۆ ڤێ توپبارانكرنێ ب ره‌وا نابینین، هیڤیدارین ل جهێ په‌نابرن بۆ زمانێ چه‌ك و توندوتیژیێ، حكومه‌تا توركیا و پارتا كرێكارێن كوردستانێ په‌نایێ ببه‌ته به‌ر زمانێ دانوستاندنێ و درێژه‌دان ب پرۆسا ئاشتیێ”.
ئه‌ڤرۆ نیوز:
ل دووڤ ئاماره‌كا هه‌یڤا بوورى ب تنێ ل پارێزگه‌ها نه‌ینه‌وا 784 چه‌كدارێن داعش هاتینه كوشتن و 135 وه‌لاتیێن مه‌ده‌نى ژى ژ ئه‌گه‌رێ نه‌خووشى و نه‌بوونا خزمه‌تگوزاریان گیانێ خوه ژ ده‌ستداینه.
سه‌عید مه‌موزینى، به‌رپرسێ راگه‌هاندنا لقێ 14 ل مووسل دیاركر ” ل دووڤ ئاماره‌كێ د هه‌یگا چوویى دا، 784 چه‌ندارێن داعش ژ ئالیێ هێزێن پێشمه‌رگه‌ى و فرۆكێن هه‌ڤپه‌یمانان و ململانێیا ناڤخو ل سنورێ پارێزگه‌ها نه‌ینه‌وا هاتینه كوشتن”.
ئه‌ڤرۆ نيوز:
پشتى دوهى دانێ ئێڤارى ئاگر به‌ردايه چيايێ زاوا ل ره‌ختێ تاخێ سێگركا و ب ژماره‌كا ره‌ز و باغێن وه‌لاتيان را چووين دو برايێن ئێك ژى د ناڤ دا هاتنه سۆتن.
حه‌مزه ره‌زيكى به‌رسێ راگه‌هاندنا رێڤه‌به‌ريا گشتيا ساخله‌ميا پارێزگه‌ها دهۆكێ د داخۆيانيه‌كێ دا بۆ ئه‌ڤرۆ نيوز راگه‌هاند كو پشتى دوهى رۆژا ئه‌ينى رێكه‌فتى 31ى تيرمه‌ها 2015ێ ئاگر به‌ربوويه چيايێ زاوا ل تاخێ سێگركا و ره‌ز و باغێن وه‌لاتيان سۆتين، دو ره‌زڤان ژى د ناڤ دا هاتنه سۆتن.
به‌رسێ راگه‌هاندنا رێڤه‌به‌ريا گشتيا ساخله‌ميا پارێزگه‌ها دهۆكێ زێده‌تر گۆت: “ئه‌ڤ هه‌ردو ره‌زڤانه برايێن ئێكن و د ژيێ 30 و 42 ساليێ دانه و رێژا سۆتنا وان 95% يه”.
ره‌زيكى دا زانين ژى كو پشتى كونترۆلكرنا ئاگرى ئێكسه‌ر تيمێن وان يێن ڤێراگه‌هشتنێن ده‌سپێكى گه‌هشتبوونه وێرێ، به‌لێ ژ به‌ر كو دره‌نگ ئاگر هاته كونرۆلكرن، گه‌له‌ك هاتينه سۆتن.
ئەڤرۆ نیوز،زنار تۆڤی:
پشتی بۆ ماوێ چەند رۆژان ھەلبژارتیێ لاوێن کوردستانێ یێ تەپاپێ بەرەف وەلاتێ نەرویج ڤەچووین و بەشداری دقارەمانیا نۆروای کۆپا دا کری،ئەڤرۆ ھەلبژارتیێ لاوێن کوردستانێ ناسناڤێ قارەمانیا نورواری کۆپا بۆ تەپاپێ ل وەلاتێ نەرویج بدەستڤە ئینا،پشتی ھەلبژارتیێ لاوێن کوردستانێ شیاین دیاریا دوماھیا قارەمانیێ دا سەرکەفتنێ لسەر ھەلبژارتیێ ھاندینگ گەیلۆی نەرویجی دا تۆماربکەن ب لێدانێن پەنەلتیا،ب ڤی رەنگی ھەلبژارتیێ لاوێن کوردستانێ ب ناسناڤێ قارەمانیێ ھاتە خەلاتکرن.
ئه‌ڤرۆ نيوز:
ژ ئه‌نجامێ شه‌هيد و برينداركرنا ژماره‌كا وه‌لاتيێن هه‌رێما كوردستانێ، سه‌رۆكاتيا هه‌رێما كوردستانێ راگه‌هاندننامه‌كێ به‌لاڤ دكه‌ت.
د راگه‌هاندنێ دا كو وێنه‌ك بۆ ئه‌ڤرۆ نيوز ره‌وانه‌كريه، سه‌رۆكاتيا هه‌رێما كوردستانێ، داخوازێ ژ توركيا دكه‌ت، بۆردۆمانا خه‌لكێ مه‌ده‌نى دووباره نه‌بيته‌ڤه و شه‌هيدركرنا وه‌لاتيێن مه‌ده‌نى چو رێ ناچنێ.
هه‌ر د ڤێ راگه‌هاندنێ دا، داخوازێ ژ گه‌ريلايێن په‌كه‌كێ ژى دكه‌ت كو هه‌رێما كوردستانێ نه‌كه‌نه مه‌يدانا خوه يا شه‌رى و ژێ دوور كه‌ڤن دا كو زێده‌تر خوونا وه‌لاتيێن سڤيل نه‌هێته رێژتن.
ئه‌ڤرۆ نيوز:
ره‌وشا دراڤى ئه‌ڤرۆ رێكه‌فتى 1ى ته‌باخا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
رەواندوز، نەوزاد زادە ھلوری:
ئەندامەکێ جڤاتا نوونەرێن عیراقێ ل دۆر بوردومانکرنا بنارێ قەندیل و شەھید و بریندارکرنا وەلاتیێن سڤێلێن گوندێ زارگەلێ ھاتە دەنگ و دیارکر کو دێ ل گەل جڤاتا نوونه‌رێن عیراقێ ڤێ یەکێ ب جدی بەحس کەن.
سیروان سرێنی ئەندامێ جڤاتا نوونەرێ عیراقێ و قایمقامی بەرێ یێ قەزا رەواندوز بو ئەڤرۆ نیوز گۆت : (بۆردۆمانا ئەڤرو ١ێ ته‌باخا ٢٠١٥ێ بۆ سەر گوندێ زارگەلێ یا ناحیا وەرتێ جھێ قبولکرنێ نینە و ئەز د گەل ھندەک ئەندامێن جڤاتا نوونەرێن عیراقێ ئاخفتیمە و ھەموويان بریار دایە کو ھەلویستەکێ وەربگرن بەرامبەر ئەڤان کریارێن فروکێن تورکیا و ھەبوونا بارەگایێن پەکەکێ ل وان دەڤەران و ژ بەر ڤێ ئەم دێ کارکەین کو پەکەکە بارەگایێن خوە ل وان دەردوران دویر بکەن).
زێدەتر گۆت: (ژبلی کو ٦ ھاولاتی شەھید بووینە و ٧ کەس ژی برینداربووینە د ھەمان دەم دا وەلاتیێن گوندێ زارگەلێ گوندێ خوە چولکر و ئاوارەبوون و زیانێن ماددیێن مەزن ب خەلکێ گوندی و دارستان و پاوان و مەرومالاتێن گوندی کەفتینە کو ئەڤ یەک ژی تشتەکێ مەزنە و پێدڤی یە ھەلویست بەرامبەر بھێنە وەرگرتن).
ئەڤرۆ نیوز،زنار تۆڤی:
ئەڤرۆ رۆژا شەمبی رێكه‌فتى 1ى ته‌باخا 2015ێ فرۆکێن سۆپایێ تورکی بۆ جارا ئێکێ گوندێ گیلکا ل دەڤەرا بەرواری بالا بۆردۆمانکر.
ژ ئەنجامێ بۆردۆمانکرنێ ئاگرەکێ مەزن بەربوویە گوندی و هەروەسا ئەڤرۆ فرۆکان گوندێ هێسێ بومبەبارانکر و ئەڤە ماوێ سێ رۆژانە ئاگر بەربوویە گوندێ ناڤبری و نوکە ژی ئاگر بەردەوام يێ پێڤه.
نيشاندان