ئەڤرۆ نیوز
ناڤو دەنگێ ستێرا یانا لیستەر ستی و ھەلبژارتیێ ئینگلتەرا جیمی فاردی رۆژ بۆ رۆژێ یێ بلندتر لێدھێت پشتی وی ئاستێ بلند ل گەل یانا خوە د خولا ئینگلتەرا پێشکێشکری کو یاریکەرێ ناڤبری بەری سێ سالان یاری دخۆلا پلا پێنج دا یاری کر .
راپورتێن رۆژنامەڤانی ل برێتانیا وەسا دایە دیارکرن جیمی فاردی بەری پەیوەندی ب یانا لیستەر ستی بکەت یاریکەرەکێ خودان شیان بوو ھەردەم گول تومارکرن ل دەمێ یاری ل یانا فلیتوود تاون کری کو ل وەرزێ ٢٠١١-٢٠١٢ ل سەرجەمێ ٣٦ یاریا شیابوو ٣٤ گولا توماربکەت.
ل وەرزێ ٢٠١٢-٢٠١٣ یانا لیستەر ستی ل وی دەمێ یاری دخۆلا پلا ئێک یا ئینگلتەرا دا یاری کر ب کوژمێ ١.٧ ملیون جینی ئیسترلینی ھەڤبەست ل گەل جیمی فاردی ئیمزاکر نوکە چەندین یانێن بەرنیاس وەکو چێلسی و مانچێستەر یوناید داخوازا یاریکەرێ ناڤبری کەن بەرامبەر کوژمەکێ زێدەتر ژ ٢٥ ملیون جینی ئیسترلینی .

ئەڤرۆ نیوز:
یاریکەرێ ئوروگوایی و یانا بەرشەلۆنا لویس سوارێز  ل وەرزێ ئەڤ سالە شیای یە ئاستەکێ بلند ل گەل یانا خوە پێشکێش بکەت ونوکە بوویە گرنگیا گەلەک یانێن ئورۆپا و کوژمێن خەیالی یێن پارەی پێشکێشی ئەڤی یاریکەری کرینە بۆ ب دەستڤە ئینانا شیانێن ئەوی.
یاریکەرێ ناڤبری د داخویانیەکا رۆژنامەڤانی دا ئەڤرۆ دیارکر ئەو ب ھیج رەنگەکی یانا خوە یا نوکە ب جھـ ناھێلت بۆ ھەڤبەستەکا زێدەتر ھەکە چار جاران ژی کوژمێ وی پارەی ژ یێ یانا وی یا نوکە بەرشەلۆنا زێدەتر بیت ژبەرکو ئەو نوکە د باشترین رەوش دایە ل یانا کەتەلونی ل گەل خێزانا خوە خوشترین دەم د ژیانا خوە دا ل ڤی باژێرێ دەربازکەن .

ئەڤرۆنیوز،کاروان باعەدری :
وەکو رێزگرتن بۆ شەھیدێن وەلاتێ ئیماراتێ بریارە ئەڤرۆ ل دەمژمێر حەفت شەڤ ل وەلاتێ ئیمارات ل باژێرێ دبی یاریەکا ھەڤالینی دناڤبەرا ستێرێن بەری نوکە یێن یانا ریال مەدرید و یانا بەنی یاس یا ئیماراتی بھێتەکرن کو ئەڤ یاریە ل سەر داخوازیا یانا ئیماراتی ھاتیە دروستکرن .
دڤێ یاریێ دا چەندین یاریکەر بۆ یانا ئیماراتی ھاتینە داخوازکرن ژ وەلاتێن کەنداڤی ھەلبژارتیێن عەرەبی ژ ئەوانا گولچیێ ھەلبژارتیێ عیراقێ و یانا نەفت وەست نور سەبری ژی ھاتیە داخوازکرن.

ئەڤرۆ نیوز، کاروان باعەدری :
پشتی مێسی ھاتیە ھەلبژارتن وەکو باشترین یاریکەر و باشترین ھێرشبەر دخۆلا لیگا ئیسپانی دا ل وەرزێ ٢٠١٤-٢٠١٥ ل چەندین رۆژنامەیێن ئیسپانی وەسا ھاتیە دیارکرن کورێ وێ بەری ھەر یاریەکێ یێ بناڤێ تیاگوی د گوتە بابێ خوە ( بابۆ دیسان دێ چی گۆلا تومارکەی) و مێسی ژی بەرسفا وی دا بەلێ .
ھێتە زانین تیاگۆ ل ٢ نۆڤەمبەرا سالا ٢٠١٢ ھاتیە سەر دنیایێ و ھەروسان کوڕێ دی یێ مێسی بناڤێ ماتیۆ و پشتی ستێرا ئەرژەنتینی لیونێل مێسی خەلاتێ باشترین یاریکەرێ لیگا ئیسپانیا وەرگرتی ل سەر دەپێ خەلاتکرنێ ئەو دیاری پێشکێشی کورێ خوە تیاگوی کر .