ئه‌ڤرۆ نیوز:
ئه‌ڤرۆ پشتى نیڤرو په‌رله‌مانێ ئه‌لمانیا ژى بریار ل سه‌ر وێ پروژه قانوونێ دا كو وه‌لاتێ وان ژى بچیته پال هه‌ڤپه‌یمانیا نێڤده‌وله‌تى بۆ شه‌رێ دژى داعش.
ئه‌ڤرۆ په‌رله‌مانێ ئه‌لمانیا بریار ل سه‌ر پێشنیازا حكوومه‌تا وه‌لاتێ خوه دا كو بچیته پال هه‌ڤپه‌یمانیا نێڤده‌وله‌تى بۆ دژایه‌تیكرنا رێكخراوا ده‌وله‌تا ئیسلامى، داعش ل سووریا و عیراقێ.
په‌رله‌مانێ به‌ریتانیا ژى به‌رى دو رۆژان رازیبوو كو وه‌لاتى وان پشكدار ببیت د شه‌رێ د ژى داعش دا.
ئه‌ڤرۆ نیوز:
قایمقامێ شنگال مه‌حما خه‌لیل راگه‌هاند كو ئه‌گه‌ر یه‌په‌گه و یه‌په‌ژه كو سه‌ر ب په‌كه‌كێ ڤه ئاڤاهیێن حكومى یێن شنگالێ چول نه‌كه‌ن، ئه‌و دێ ل دادگه‌هێن عیراقێ و ل دادگه‌هێن نێڤده‌وله‌تى سكالایێ ل سه‌ر تومار كه‌ن.
پشتى ئازادكرنا شنگالێ ل 13 هه‌یڤا چوویى ل سه‌ر ده‌ستێ پێشمه‌رگه‌ى، په‌كه‌كێ 7 ئاڤاهیێن حكومه‌تى ل ناڤ شنگالێ ده‌سته‌سه‌ركرینه و هه‌ر چه‌نده ب فه‌رمى داخواز ژێ كرینه كو وان ئاڤاهیان چول بكه‌ن، لێ ئه‌و نه ئاماده‌نه چول بكه‌ن.
ئەڤرۆ نیوز، ھەژار :
رۆژناما سپۆرت یا کەتەلەونی دیارکری یە نوکە یانا بەرشەلۆنا خودانا ب ھێزترین سێ ھێرشبەرە ل سەر ئاستێ ئورۆپا و چەندین یانێن بەرنیاس ل سەر ئاستێ ئورۆپا گرنگی دایە ھەرسێ یاریکەرێن یانا کەتەلونی.
یانا بەرشەلۆنا ب فەرمی چو دەنگوباس ل سەر فروتنا ھەرسێ یاریکەران نەدایە لێ رۆژناما سپورت یا کەلەلونی دیارکری یە ژێدەرێن دەنگوباسی ل یانا بەرشا دیارکری یە کوژمێ فروتنا ھەرسێ یاریکەران ٦٤٠ ملیون یورونە کو یا ستێرا ئەرژەنتینی لیونێل مێسی ٢٥٠ ملیون یورو بەرامبەر سواریز ٢٠٠ ملیون یورۆ یێ بەرازیلی نیمار بھایێ ڤەگوھاستنا وی ١٩٠ ملیۆن یورو نە.
ژلایەکێ دووڤە راپورتێن رۆژنامەڤانی ل فەرەنسا و ئینگلتەرا دیارکری یە ھەردو یانێن مانشێستەر سیتی و پاریس سان جێرمان ب ھێز ھاتیە دناڤ بازارێ ب دەستڤە ئینانا ئێک ژ ستێرین یانا کەتەلونی کو کوژمەکێ مەزن ب موچەیەکێ حەفتیانە پێشکێشی مێسی و سواریز و نیماری کری یە بتنێ بۆ دەستڤە ئینانا ئێک ژ ھەرسێ یاریکەرێن تیمێ بەرامبەر مانشێستەر سیتی یا بەرھەڤە حەفتیانە ٨٠٠ ملیون جینی ئیسترلینی پێشکێشی مێسی بکەت بۆ دەستڤە ئینانا ڤی یاریکەری.
ھەژی گوتنێ یە یانا بەرشەلۆنا سوارێز ل وەرزێ بوری ب کوژمێ ٨٠ ملیون یورۆیا ژ یانا لیڤەرپۆل کری بۆ بەرامبەر یێ بەرازیلی نیمار ژ یانا سانتۆس ب کوژمێ ٥٠ ملیون یورۆیا ھاتبۆ ڤەگوھاستن.
ئەڤرۆ نیوز، زنار:
سەروکێ یانا ڤیاریال یا ئسپانی دانپێدان ب وێ چەندێ کر کو یانا وی ژ لایێ ئێکەتیا تەپا پێ یا ئسپانی ڤە ھاتیە ئاگەھدارکرن ل دۆر سزدانا یاریکەرێ وێ یێ وەرزێ بوری و یێ نوکە ریال مەدرید دینس چێرێچێڤ پشتی یاریکەرێ ناڤبری ل گەل یانا وان ل وەرزێ بوری سێ کارتێن زەر وەرگرتین.
زێدەتر فێرناندو رویگ د داخویانیەکێ دا بۆ رۆژناما مارکا یا ئسپانی گۆتیە ل وەرزێ بوری یانا وی ھاتبوو ئاگەھدارکرن ل دۆر راوەستاندنا یاریکەرێ وێ یێ وەرزێ بوری یێ روسی چێرچێڤ و پشتی ئەڤ یاریکەرە ھاتیە ڤەگوھاستن بۆ یانا ریال مەدرید وان ئاگەە ژ ڤی بابەتی نەمابوو و تنێ ھزرا وان ل سەر یاریکەرێن یانا وی ڤیاریال بویە لێ یانا ریال مەدرید پشکداری ب ڤی یاریکەری کریە د یاریا ھەمبەر قادش دا ژ کاسا شاھێ ئسپانیا.
ئەڤ داخویانیا سەروکێ یانا ڤیاریال دبیت یانا ریال مەدرید تووشی کێشەیەکا مەزن بکەت ژ بەرکو دانپێدان ب ڤێ چەندێ کریە کو ئەو ھاتنە ئاگەھدارکرن و دبیت سوباھی ئێکەتیا تەپا پێ یا ئسپانی بریارا دووماھیێ ل دۆر ڤی کەیسی بدەت.
ئەڤرۆ نیوز:
پشتی یاریکەرێ یانا ریال مەدرید و ھەلبژارتیێ فەرەنسا کەریم بن زیما فیدیویەک بەلاڤەکری و ب وێ بەلاڤبوونێ گەلەک ئاریشا بۆ ھەڤالێ خوە ماتیۆ فالبوما دروستکرین جەماوەرێ ھەلبژارتیێ فەرەنسا ب رێژەیا ٨٢% ناخوازن کەریم بن زیما ڤەگەریتە دناڤ پێکھاتیێ ھەلبژارتیێ فەرەنسا.
رادیویا مۆنتیکارلۆ “ببی ئەڤ ئەم تی فی” ل سەر مالپەرێ پرسیار ژ جەماوەرێ ھەلبژارتیێ فەرەنسا کر بوو ئەرێ کەریم بن زیما پشتی وێ ھەتکبەریا کری ل گەل ھەڤالێ خوە دێ شێت جارەکا دی ڤەگەریتە دناڤ پێکھاتیێ فەرەسنا، کو رێژەیا ٣٥% بێکو دەنگێ خوە دیاربکەن بن زیما ڤەگەریت بەرامبەر ٥٠% دیارکر ناخوازن ڤەگەریت ئانکو زێدەتر ٨٠% ناخوازن ھێرشبەرێ یانا مەلەکی ڤەگەریتە ھەلبژارتیێ فەرەنسا بەرامبەر ١٨% حەزا ڤەگەراندنێ ھەیە
ھەژی گوتنێ یە کەریم بن زیما بەری نوکە ژی توشی دو ئاریشا بوو ل گەل دو کچێن فەرەنسی کو ئێک ژ ئەوان ھەتکبەریا سکسی بۆ ل گەل کچەکا کێمتر ژ ١٨ سالی ئەڤە دبیتە جارا گەلەکێ یاریکەرێ یانا ریال ژ دەرڤەی یاریگەھێ توشی ئاریشەیان بیت.
ئه‌ڤرۆ نيوز:
ل سنورێ قه‌زا ئاكرێ ئاگر به‌ربوو ترۆمبێله‌كێ و پێنج قوتابى تێدا بوون، قوتابى هاتنه قورتالكرن بێ كو چ زيانێن گيانى هه‌بن.
رائيدێ مافپه‌روه‌ر، بێوار عه‌بدولعه‌زيز، به‌رپرسێ به‌ره‌ڤانيا باژێرێ ل پارێزگه‌ها دهۆكێ بۆ ئه‌ڤرۆ نيوز گۆت: “پشتى ئاگر به‌ربوويه ترۆمبێله‌كا قوتابيان، پشكا به‌ره‌ڤانيا باژێرى ل قه‌زا ئاكرێ شيان وان قوتابيان قورتال بكه‌ن و ترۆمبێلێ ژى قورتا بكه‌ن و نه‌هێلن گه‌له‌ك زيان پێ بگه‌هيت”.
ئه‌ڤرۆ نیوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا شه‌مبى رێكه‌فتى 5ى كانوونا ئێكێ يا 2015 ئه‌سمانێ دهۆكێ دێ ساهى بيت و ل گه‌ل هه‌بوونا هنده‌ك ئه‌ورێن كێم.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ لاوازبوونا فشارێن نزمێن وه‌لاتێ توركيا و هاتنا فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمانى دهۆكێ ساهى بيت و ل گه‌ل هه‌بوونا هنده‌ك ئه‌ورێن كێم.
پشكا پێشبينيان دايه زايه زانين كو دێ ئاراستێ باى ژى دێ باشوورێ رۆژئاڤا بيت ب ره‌نگه‌كى د ناڤبه‌را 5 هه‌تا 15 كم دا و ماوێ ديتنێ ژى 8 بۆ 10 كم بيت و پلێن گه‌رمێ ژى دێ د ناڤبه‌را سفر بۆ 6 پلان دا بيت.
ئه‌ڤرۆ نيوز:
ل سه‌ر داخوازا وه‌زاره‌تا ساخله‌ميێ ل هه‌رێما كوردستانێ، جڤاتا وه‌زيران فه‌رمانا دامه‌زراندنێ بۆ 253 ده‌رچوويێن كوليژا نوشدارى ل زانكۆيێن هه‌رێما كوردستانێ ده‌ركر.
فه‌رمانا جڤاتا وه‌زيران ب ژماره 9158 ل رێكه‌فتى 3ى كانوونا ئێكێ 2015 ژ لايێ نێچيرڤان بارزانى سه‌رۆكێ حوكمه‌تا هه‌رێما كوردستانێ هاتيه ئيمزا كرن و وێنه‌ك ب ده‌ست ئه‌ڤرۆ نيوز كه‌فتيه تێدا هاتيه:
1- دامه‌زراندنا 253 نوشداران كو ده‌رچوويێن خولا ئێكێ يا كوليژێن نوشدارى يێن زانكۆيێن هه‌رێمێ بن ل سه‌ر ميلاكێ وه‌زاره‌تا ساخله‌ميێ ب مووچه و ناڤونيشانێن شايسته ژ مێژوويا ده‌ست ب كاربوونێ.
- ده‌رچوويێن زانكۆيا هه‌ولێر يا نوشدارى 132 كه‌س.
- ده‌رچوويێن زانكۆيا سلێمانيێ 90 كه‌س.
- ده‌رچوويێن زانكۆيا دهۆكێ 31 كه‌س.
2- وه‌زاره‌تا ساخله‌ميێ ب هه‌ماهه‌نگى ل گه‌ل رێڤه‌به‌ريا گشتيا ساخله‌ميێ ل پارێزگه‌هێن هه‌رێمێ ب گۆره‌يى پێدڤياتيێ، ميلاكێ ل سه‌ر هاتيه ئاماژه پێكرن دێ پارڤه‌كه‌ن ب گۆره‌ى به‌رچاڤگرتنا پێدڤيا پارێزگه‌هێ و يه‌كێن ئيدارى.
ئەڤرۆ نیوز:
یانا مانشێستەر یوناید یا ئینگلیزی ب سەرپەرشتیا راھێنەرێ خوە یێ ھولەندی لویس ڤان گال یا بەردەوامە بۆ ب دەستڤە ئینانا ھێرشبەرەکێ خودان شیان و پەیوەندی ب چەندین ھێرشبەرێن بەرنیاس کری یە ل سەر ئاستێ ئورۆپا.
رۆژناما دیلی ئەکسپریس یا برێتانی د نوچەیەکێ خوە دا بەلاڤەکری یە یانا مانشێستەر یوناید حەزا خوە بۆ ئینانا ستێرا ھەلبژارتیێ ئوروگوای ئەدینسون کاڤانی دیارکری یە و پەیوەندی ب یاریکەرێ ناڤبری کری یە ب رێکا بریکارێ کاڤانی بەرامبەر یاریکەرێ پاریس سان جێرمان حەزا خوە دیارکری یە بتنێ یانا مانشێستەر دێ چاڤەرێ بریارا یانا وی یا فەرەنسی بیت بۆ کوژمێ ڤەگوھاستنا وی بیت.
ھەمان مالپەر دیارکری یە ژی یانا فەرەنسی چو بریارا ل سەر ڤەگوھاستنا کاڤانی ل ڤی دەمی نادەت ژبەرکو ئەو دخوازن یاریکەرەکی دەست نیشان بکەن ل جھێ کاڤانی پاشی دێ بریارێ ل سەر چونا یاریکەرێ خوە دەن بۆ یانا ئینگلیزی .
نيشاندان