چه‌ند رۆژێن بهێت راپۆرتا كه‌فتنا مووسل دێ هێته‌ ئاشكراكرن

30/07/2015 17:42

104

ئه‌ڤرۆ نیوز:

حاكم زاملى سه‌رۆكێ لژنا ڤه‌كولیتنێ ل كه‌فتنا مووسل راگه‌هاند: راپورتا دووماهیێ یێ ب دووماهى هاتى و ل چه‌ند رۆژێن بهێت دێ پێشكێشى په‌رله‌مانى هێته‌ كرن.
حاكم زاملى سه‌رۆكێ لژنا ڤه‌كولیتنێ ل كه‌فتنا مووسل رژدى ل سه‌ر وێ یه‌كێ كور كو ناڤێ هه‌موو وان كه‌سان تێدا هاتیه‌ ئاشكراكرن كو به‌رپرسن ژ كه‌فتنا مووسل و راده‌ستكرنا وان ب داعش.
سه‌رۆكێ لژنا ڤه‌كولیتنێ ل كه‌فتنا مووسل دیاركر كو راپورتا دووماهیێ ژ 100 به‌رپه‌ران پێكهاتیه‌ و ل چه‌ند رۆژێن بهێت دێ راده‌ستى په‌رله‌مانێ عیراقێ هێته‌ كرن.

ده‌ست ب هنارتنا نه‌فتا كه‌ركووكێ هاته‌ كرن

30/07/2015 17:34

150

ئه‌ڤرۆ نیوز:

پشتى كو هێلا بوریا كه‌ركووكێ روى ب روى هێرشه‌كا تێكده‌ر بووى، ئه‌ڤرۆ رۆژا 5 شه‌مبى، هنارتنا نه‌فتا كه‌ركووكێ ب رێیا هێلا بوریان بۆ به‌نده‌رێ جه‌یهانێ توركیا ل سه‌ر ده‌ریا ناڤه‌راست ده‌ست پێ هاته‌ كرن.
به‌رى نوكه‌ تانه‌ر یلدز وه‌زیرێ وزا توركیا راگه‌هاندبوو ئه‌و هێلا بوریا عێراقێ كو نه‌فتا كه‌ركووكێ و نه‌فتا خاڤ یا هه‌رێما كوردستانێ بۆ به‌نده‌رێ جه‌یهان ڤه‌دگوهێزیت ژ كاركه‌فتبوو.

ئەردۆگان داخوازا ھەلبژارتنێن پێشوەخت دکەت

30/07/2015 14:50

136

ئەڤرۆ نیۆز، ئەیاد بەرواری
سەرۆک کومارێ تورکیا د کۆمبوونەکێ دا ل گەل پەرلەمانتارێن ھەردو پارتێن (داد و گەشەپێدان) و ( بزاڤا نەتەوی) راگەھاند، ھەکە پێکئینانا حوکمەتەکا ئیئتیلافی ل تورکیا یا ب زەحمەت بیت، پێدڤیە بەرەڤ ئەنجامدانا ھەلبژارتنێن پێشوەخت بچین.
ل دووڤ سایتێ ( تورکیا پۆست) د کۆمبوونا رەجەب تەیب ئەردۆگان سەرۆکێ تورکیا و عسمەت یەلماز سەرۆکێ پەرلەمانێ تورکی ل گەل پەرلەمانتارێن وان ھەردو پارتان، ئەردۆگانی گوت” پێدڤی ناکەت دەمێ خەلکی ب ھەروە ببەین و ھەکە حوکمەتەکا ئیئتیلافی نەھێتە پێکئینان، پێدڤیە ھەر ژ نوکە قەستا خەلکی بکەین و ھەلبژارتنێن پێشوەخت بھێنە ئەنجامدان”.
دووماھی ھەلبژارتنێن گشتی ل تورکیا ل دەستپێکا مەھا خزیرانا ٢٠١٥ ھاتبوونە ئەنجامدان کو تێدا چو پارتان زوورینەیا پەرلەمانی بۆ پێکئینانا حوکمەتێ بدەستڤەنەئینا و ژسەرجەمێ ٥٥٠ کورسیێن پەرلەمانێ تورکی، پارتا داد و گەشەپێدانێ (ئەکەپە) ٢٥٨ کورسی، پارتا گەل یا کوماری (جەھەپە) ١٣٢ کورسی، پارتا بزاڤا نەتەوی(مەھەپە) ٨١ کورسی، پارتا دیموکراتیا گەلان (ھەدەپە) ٨٠ کورسی بدەستڤەئینابوون، ھەرچەندە ئەحمەد داود ئۆگلۆ سەرۆکێ پارتا داد و گەشەپێدانێ و سەرۆکێ نوکە یێ حوکمەتا تورکی یێ ھاتیە راسپاردن بۆ پێکئینانا حوکمەتا تورکی، لێ ھەتا نوکە حوکمەت نەھاتیە پێکئینان.

ساخکرنا سالروژا جینوسایدا بارزانیان ھاتە پاشئێخستن

30/07/2015 14:43

224

بارزان ، نەوزاد زادە ھلوری:
رێبوار رەمەزان رێڤەبەرێ شەھید و ئەنفالکریێن بارزان بو ئەڤرۆ نیوز گۆت : ( وەسا بریار بوو کو وەزارەتا شەھید و ئەنفالکریێن کوردستانێ ب ھەڤکاریا دام و دەزگەھـ و سازیێن دەڤەرا بارزان سالرۆژا جینوسایدا بارزانیان لرۆژا ٢-٨-٢٠١٥ ساخ بکەت ، و ئەڤرو ٣٠-٧-٢٠١٥ ئەم ژلایێ وەزارەتێ ڤە ھاتینە ئاگەھدارکرن کو و ژبەر بلندوبونا پلەیێن گەرماییێ سالرۆژا ساخکرنا جینوسایدا بارزان بو دەمەکێ دن ھاتە پاشئێخستن )
دەبارەی ژڤانێ ساخکرنێ رێڤەبەرێ شەھید و ئەنفالکریان گۆت : ( وەزارەتێ چوو ژڤانێن دن نەداینەمە ،بەلێ گوتیە کو دێ ھەر ھێتە ساخکرن )
دھێتە زانین کو ل رێکەفتی ٣١-٧-١٩٨٨ ھەشت ھەزار بارزانی ژ توخمێ نێرینە ژلایێ رژێما بەعس ب ساخی ھاتنە بن ئاخکرن و وەکو وەفا و رێزگرتنەک بو گیانێ وان قوربانیان سالانە لسەر گورستانا جینوسایدکریان ئەڤ رۆژ دھێتە ساخکرن

فرۆکێن تورکی دەڤەرا بەرواری بالا بۆردۆمانکر

30/07/2015 14:28

166

ئەڤرۆ نیوز،زنار تۆڤی:
ئەڤرۆ رۆژا پێنجشەمبی 30.7.2015 ل دەمژمێر 2 پشتی نیڤرۆ چەندین فرۆکێن تورکی گەلیێ بازێ و شکەفتا بابەکرا ل دەڤەرا بەرواری بالا ب دژواری بۆمبەبارانکر،بۆ ماوێ پتر ژ 15 خولەکان بۆردومانکرن یا بەردەوام بوو.

ره‌وشا دراڤى ل بازارێن پاره‌گوهۆڕان

30/07/2015 13:22

676

ئه‌ڤرۆ نيوز:

ره‌وشا دراڤى ئه‌ڤرۆ رێكه‌فتى 29ى ىتيرمه‌تا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

بۆ وه‌رگرتنا نووترين پێزانينان ل سه‌ر ره‌وشا دراڤى ژماره‌ “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه‌.

جێگرێ وەزیرێ دەرڤە یێ تورکیا ئەڤرۆ دێ ل گەل ئێکەتیێ ۆ گۆران کۆم بیت

30/07/2015 12:42

111

ئەڤرۆ نیوز، زنار تۆڤی:
ئەڤرۆ رۆژا پێنجشەمبی ٣٠ تيرمه‌ها ٢٠١٥ جێگرێ وەزیرێ دەرڤە یێ تورکی سلێمان سنرلی گەھشتە باژێرێ سلێمانیێ و بریارە ھەر ئەڤرۆ ناڤھاتی ل گەل ئێکەتی نیشتیمانی کوردستان کۆمببیت و د ھەمان دەم دا جێکرێ وەزیرێ دەرڤە دێ سەرەدانا نەوشێروان مستەفا كەت و ل مەکۆیا سەڕەکی یا بزاڤا گۆران ل سلێمانیێ پێكڤه‌ كۆم بن.

پلێن گه‌رمێ ل هه‌رێمێ سوبه‌هى دێ ب ڤى ره‌نگى بن

30/07/2015 12:10

1335

ئه‌ڤرۆ نيوز:

رێڤه‌به‌ريا گشتيا كه‌شناسى و بيڤه‌له‌رزا هه‌رێمێ راگه‌هاند كو بڕياره‌ سوبه‌هى رۆژا ئه‌ينى رێكه‌فتى 31ى تيرمه‌ها 2015ێ پلێن گه‌رمێ دێ بلند بن.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ هاتنا فشارێن نزمێن گه‌رما سالانه‌ بۆ سه‌ر هه‌رێما كوردستانێ بڕياره‌ د 24 ده‌مژمێرێن بهێت دا پلێن گه‌رمێ بلند ببن.

پشكا پێشبينيان دايه‌ زانين ژى كو دهێته‌ پێشبينيكرن بلندترين پلێن گه‌رمێ يێن پارێزگه‌هێن هه‌رێمێ ب ڤى ره‌نگى بن: دهۆك 45 پله‌ و سلێمانى 48 پله‌ و هه‌ولێر 48 پله‌ و كه‌ركووك 50 پله‌.

ئه‌ڤ ژمارا كوردێن ئێزدى يا ل لايێ داعش مايى

30/07/2015 12:01

365

ئه‌ڤرۆ نيوز:

ڤيان ده‌خيل ئه‌نداما جڤاتا نوونه‌رێن عيراقێ ل سه‌ر ليستا پارتى ديموكراتى كوردستان بۆ رووداو راگه‌هاند كو نێزيكى دو هزار و 600 بۆ دو هزار و 700 كوردێن ئێزدى ژ ژن و كچان دبن ده‌ستێ داعش دابوون، به‌رى نوكه‌ هزار و 900 كه‌س ژ بن ده‌سته‌لاتا وان رزگار بووينه‌ و ب رێيێن جودا ڤه‌گه‌رياينه‌ و 750 ژ وان زارۆ بوون و 475 ژى ژن بوون و دبيت هزار و 500 كه‌س نوكه‌ مابنه‌ ل بن ده‌ستێ داعش.

ڤيان ده‌خيل گۆتژى: “ئه‌و ژن و كچێن ژ بن ده‌ستێ داعش رزگار دبن ژ لايێ حوكمه‌تێ ڤه‌ هاريكارى بۆ دهێته‌ كرن، به‌لێ ژ لايێ ده‌روونى و ساخله‌ميێ ڤه‌ پێدڤى ب هاريكاريا زێده‌ترن”.

كۆمبوونا لايه‌نێن سياسى ده‌سپێكر

30/07/2015 10:33

ئەڤرۆ نیوز،زنار تۆڤی:

ئەڤرۆ ل دەمژمێر 10 سپێدەهیا رۆژا پێنجشەمبی 30ى تيرمه‌ها 2015ێ كۆمبوونا هەر پێنج پارتیێن کوردستانی کو پێکهاتینە ژ پارتی و ئێکەتی و گۆڕان و ئێکگرتوویا ئیسلامی و کۆمەل ل بارەگایێ مەکتەبا سیاسیا ئێکگرتوویا ئیسلامی ده‌سپێكر.

ئەڤ کۆمبوونە دێ ل سەر پرۆژێ سەرۆکاتیا هەرێمێ هێتە ل دارخستن و بریارە پشتی کۆمبوون ب دووماهی دهێت، چ کۆنفرانسێن رۆژنامەڤانی نەهێنە ئەنجامدان.

نيشاندان 1...1,440 2,440 3,440 3,4483,4493,450...4,170 زێده‌تر

لاپه‌ر 3,449 ژ 4,170