ئه‌ڤرۆ نیوز:
ئه‌ڤرۆ ده‌زگه‌هێ دژه تیرورێ، ئازادكرنا زانكۆیا ئه‌نبار ل ژێر ده‌ستێ رێكخراوا تیرورستیا داعش راگه‌هاند و ئاشكراكر كو ئالایێ عیراقێ ل سه‌ر بانێ زانكۆیێ هاتیه بلندكرن و هێزێن ئه‌منى ژى به‌رده‌وامن ل سه‌ر پێشره‌ویێ بۆ به‌ره‌ڤ تاخێ ته‌ئمیم ل رۆژئاڤایێ رومادى.
عه‌مید عه‌ماش ژى په‌یڤدارێ جڤاتا پارێزگه‌ها ئه‌نبار راگه‌هاند كو هێزێن ئه‌منى شیاینه بچنه ناڤ زانكۆیا ئه‌نبار و ب تمامى ئازاد بكه‌ن.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 26ى ىتيرمه‌تا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1232 |
| 1 يۆرۆيێ ئه‌ورۆپى | 1355 |
| 1 ليرێ توركى | 450 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
حه‌سه‌ن رۆحانى سه‌رۆك كۆمارێ ئيرانێ د چارچۆڤێ گۆتاره‌كێ دا د ناڤ جه‌ماوه‌رێ خه‌لكێ سنه دا ب زمانێ كوردى گۆت: “بژى كوردستان”.
سه‌رۆك كۆمارێ ئيرانێ د گۆتنێن خوه دا ئاماژه ب وێ چه‌ندێ كر كو هه‌موو ده‌مان سنه ده‌نگێ ميانڕه‌ويێ بوويه د هه‌لبژارتنێن سه‌رۆك كۆماريا ئيرانێ دا 72% رێيا ميناڕه‌ويێ هه‌لبژارت.
حه‌سه‌ن رۆحانى سه‌رۆك كۆمارێ ئيرانێ خۆياكر كو دێ هه‌موو بزاڤێن خوه ئێخنه گه‌ر ژ بوو گه‌شه‌پێدانا پارێزگه‌ها سنه و گۆت: “سه‌رۆك كۆمارێ ئيرانێ ب هه‌موو رژديه‌تيا خوه دێ چاڤدێريا پرسا كوردستانێ كه‌ت”.
گۆتژى: “هه‌كه ئيران نه‌يايه، به‌غدا و هه‌ولێر دا كه‌ڤنه ده‌ستێ تيرۆرستان”، ئاماژه دا وێ چه‌ندێ ژى كو كا چاوان ئاسايشا كوردستانێ ئيرانێ بۆ وى يا گرنگه، وه‌سان ئاسايشا هه‌ولێر ژى بۆ وى يا گرنگه.
حه‌سه‌ن رۆحانى ته‌كست ل سه‌ر وێ چه‌ندێ كر كو ئه‌و پشته‌ڤانيا هه‌موو گه‌لێن زۆريلێكرى دگرن و گۆت: “چاوان پشته‌ڤانيا پارێزگه‌ها سنه دكه‌ين وه‌سان ژى پارێزگاريێ ل سلێمانيێ و دهۆك و هه‌ولێر ژى دكه‌ين”.
ئەڤرۆ نیوز،زنار تۆڤی:
سەرۆکێ سوریێ بەشار ئەسەدی ئەڤرۆ رۆژا ئێکشەمبی 27ى تيرمه‌ها 2015ێ ل دیمەشما پایتەختێ سوریێ گۆتارەک بۆ سەندیکێن پیشەکاران ل وی وەلاتی پێشکێشکر و تێدا گۆت: “د ڤان چەند سالێن شەری دا ل سوریێ سۆپایێ، سوریێ ھەمی پێڤەرێن بەرھنگاریێ شکاندن و نەھێلا سوریا بکەڤیت”.
ھەروەسا دەولەتا سوریێ فەرمانا لێبورینێ بۆ ئەوان سەربازان دەرکر، یێن کو رێزێن سۆپایی بجهـ ھێلاین و نوکە ئەو دشێن ڤەگەرنە وەلاتێ خوە و گۆت: “دێ بەردەوام بین ھەتا کو سەرکەفتنێ ب دەست ڤە دئینین، لێ ھەرجار دوژمنێن سۆریێ دڤیا سوریێ پارچە بکەن، لێ داخوازا وان بجهـ نەھات، چونکی خەلکێ سوریێ وەلاتەکێ پارچە پارچەکری نەڤێت و لەورا دێ دبەردەوام بین ل بەرھنگاری کرنێ”.
بەشار ئەسەدی دیارکر ژی:سوریا بۆ وی خەلکی یە یێن کو بەرەڤانیێ ژێ دکەن، نەکو بۆ وانە یێن کو ژ سوریێ دەرکەفتین و رەڤین.
دا زانين ژى كو دوژمنێن سوریێ دڤیان شەرێ تائیفەگەری ل سوریێ دروست بکەن، لێ دڤێ پلانا خوە دا د سەرکەفتی نەبوون، لەورا بلا بۆ وان دیار بیت کو سوریا دێ ب سەرکەڤیت.
دوێ گۆتارێ دا ئەسەد داخواز ژ خەلکێ سوریێ کر کو پشتەڤانیێ لێ بکەن و ھەمی سەندیکێن پیشەیی پتر خزمەتا سوریێ بکەن.
ژنەکا ٢٣ دلێ خوە بۆ ئەڤرۆ ڤەدکەت و دبێژیت: من ٣ زارۆ ھەنە و دەمێ من شوی کری ژیێ من ١٨ سال بون، شویکرنا من نە بدەستێ من بو بەلکو بدەستێ دایک و بابێت من بو من ژی ب بریا وان کر، ئاریشا من ئەوە ئەز یا جودا نینیم و نەشێم بەحسێ جودابونێ بکەم ھەم نە بدلێ ھەڤژینێ منە و ھەم ژی نە بدلێ دایک و بابێن وی یە، ئەو مالا من شوی پێ کری لگەل وان یا ئارام نینم و نەشێم خوە دگەل وان بگونجینم و دگەل من دباش نینن ژبەرھندێ ئەز ھەردەم یا بخەم و گریمە و ھزرا خوە کوشتنێ گەلەک خوە لسەرێ من ددەت! لێ نەشێم ژبەر زارویێت خوە ڤێ چەندێ بکەم، ئەڤجا ھیڤیە ھوین بێژنە من ئەز چ بکەم و چاوا بو وان دیار کەم ئەز یا باشم چونکی ئەز چەند بو وان بکەم و چەندا لگەل وان باش بم ھەر من باش نابینن ؟
خانما ھێژا :
بابەتێ بەرێ ژبیر بکە و وان ھزرا ژسەرێ خوە بینە دەرێ ژبەر ئەو دێ تە ئێشینن و د بێ مفانە و ژیانا تە دێ پتر ئالوز کەن و ھزرێ د نوکە دا بکە بۆ ژیانا خوە و زارویێن خوە کار بکە ب دیتنێن پێشکەفتی کا چەوا ئاریشە دێ بدووماھی ھێت تو و خێزان دێ بەختەوەرتر بن، باشترین رێک کو دایک و باب بھێلن کور و کچێن وان ھەست ب بەرپسایەتیێ بکەن ئەوە دەرفەتا سەربەخویێ بدەنێ و دیر بێخن ژ ئعتمادیێ و بڤێ رێکێ دێ کەسایەتیا وان بھێز ئێخیت و دێ ھاریکاریا وان کەت بو برێڤەبرنا ژیانا خوە ب رێکێت دروست و ئەڤەیە حەژیکرنا دروست بو وان لەوما دڤێت دایباب پشتی ژن ئینانێ ئێکسەر وان جودا بکەن، ژبەر بێگومان گونجاندنا دو کەسا دگەل ئێک یا بزەحمەتە، ئەڤجا پا بو چەند کەسا دێ یا چەوا بیت نەخاسمە جوداھیەک یا ھەی دناڤبەرا رەوشەنبیریا وان دا لەوا یا باش ئەوە تو و ھەڤژینێ خوە ھزرێ د جودا بونێ دا بکەن و بدلێ دایک و بابێن وی و پتر دانوستاندنا دگەل وی بکە و پال بدە بلا یێ سەربەخو بیت و ئعتمادێ لسەر خوە بکەت ژبو رێڤەبرنا کاروبارێن خێزانێ.
ئه‌ڤرۆ نيوز:
سكرتێرێ ئێكه‌تيا ته‌پا پێ يا كوردستانێ ئاشكه‌را كر كو هه‌موو بزاڤێن خوه راگرتن، ژ ئه‌گه‌رێ وێ چه‌ندێ كو وه‌زاره‌تا دارايى پارێ ئێكه‌تيا وان ناده‌ت، هه‌ر چه‌نده سه‌رۆكاتيا حوكمه‌تا هه‌رێما كوردستانێ ره‌زامه‌ندى ده‌ربڕى يه.
سه‌لاح حسێن راگه‌هاند: “مه بڕيار دايه هه‌موو چالاكى و قاره‌مانيێن خوه ب راوه‌ستينين و چو چالاكى ب رێڤه ناچن، هه‌تا وه‌زاره‌تا دارايى يا حوكمه‌تا هه‌رێما كوردستانێ ئه‌وى پاره‌ى بۆ خه‌رج نه‌كه‌ت ئه‌وێ ره‌زامه‌ندىا سه‌رۆكاتيا حوكمه‌تێ ل سه‌ر ده‌ربڕى.
سكرتێرێ ئێكه‌تيا ته‌پا پێ يا كوردستانێ روون كر ژى كو بۆ چالاكيێن وه‌رزێ 2014-2015 حوكمه‌تا هه‌رێما كوردستانێ ره‌زامه‌ندى ل سه‌ر ئێك مليار دينار دابوو، ژ وى پاره‌يى ژى ب تنێ 250 مليۆن دينار وه‌رگرتينه و يێن دى كو 750 مليۆن دينارن ژ لايێ وه‌زاره‌تا دارايى ڤه نه‌هاتينه مه‌زاختن و گۆت: “د ئاماده ژى نينن ئه‌وى پاره‌ى بده‌ن، ژ به‌ر هندێ ژى مه هه‌موو چالاكى و خولێن خوه راگرتن هه‌تا وى پاره‌يى بۆ مه د مه‌زێخن”.
ئه‌ڤرۆ نيوز:
بلند بوونا پلا کەرمێ کارتێکرنێ ل پیستێ سەروچاڤان دکەت نەخاسمە ئەویێن دێمێ وان یێ دوھنی کو بەردەوام پێدڤی ب شوشتن و چاڤدانێ ھەیە و رەنگە پرسک ل ڤی وەرزی پتر لێبھێن ل نک خودانێن ڤی پیستی تایبەتمەندێن جوانکاریێ چەندین ماسکێن سروشتی دیار کرینە بو ڤی وەرزی و یێ ژ ھەموویان باشتر ماسکی ھنکڤین و ماستی یە کو پێک دھێت ژ کەچکەکێ ماستی ئێکێ ھنگڤینی و ئێکێ ئاڤا گولا دێ ل دێمێ خوە دەی و بوماوێ ١٥ خولەکان ھێلی پاشی ب ئاڤا تەزی شوی ئەڤ ماسکە باشترە تو حەفتیێ دو جاران بکار بین.
نيشاندان
