ئه‌ڤرۆ نیوز:
نووترين نووچه
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
- مەسرور بارزانی بۆ سۆدانی: پێدڤییە مووچە ژ ناكۆكییا سیاسی بهێتە دوورئێخستن
- گۆتن و کریارێن دەستهەلاتێ ل دۆر پرسا کوردی گەلەک ژێک دوورن
- سەرۆك بارزانی: دانیێل میتێران رۆلەكێ گەلەك مەزن د بەرگریكرنێ ژ دۆزا گەلێ كورد دا هەبوو
- نێچیرڤان بارزانی: پێکڤە دێ شێین روو ب روویێ گوهۆڕینا سەقای بین
- پێدڤییە سەرژمێری بۆ مەبەستێن سیاسی نەهێتە بكارئینان
سهرهكى Twitter
فیزا تورکی بۆ رێگر د رێیا سێ یاریکەرێن زاخۆ دا
زاخۆ،ھشیار دوبانکی:
پشتی کارگێریا یانا زاخۆ ب فەرمی ھەڤبەستا سێ پیشەکارێن لیبی ل ماوێ چەند رۆژێن بوری ئیمزاکری کو بھایێ ھەڤبەستا ئەوان گەھشتە ١٤٠ ھزار دولاران و ئەو یاریکەر ھەتانوکە نەشیانە پشکداریێ د یەکەکا راھێنانی یا یانا زاخۆ دا بکەن .
ل دۆر نە پشکداریا ئەوان یاریکەران د کەمپا راھێنانی یا تیما زاخۆ دا بەرپرسێ راگەھاندنا یانا زاخۆ محەمەد سەدیق بۆ ئەڤرۆ نیوز دیارکر :نەبوونا فیزی بۆ ھەر سێ یاریکەرێن پێشەکار بۆ ئەگەر نەشیان پشکداریێ دکەمپێ دا بکەن و نوکە ھەرسێ یاریکەر نوکە بەردەوام راھێنانێن خوە ل گەل تیما خولا کوردستانێ کەن و ھەر دەمێ تیما خولا عیراقێ ڤەگەریا دێ پەیوەندی ب تیما ئێکێ کەن.
سوێد ئه‌ڤ بریاره دژى هه‌رێمێ دا
ئه‌ڤرۆ نیوز:
ژ ئه‌گه‌رێ ئالوزبوونا ره‌وشا ده‌ڤه‌رێ، ب تایبه‌ت پشتى كه‌تنا فرۆكا رووسى ژ ئالیێ توركیا ڤه، ده‌زگه‌هێ ڤه‌گوهاستنا سوێد بریاردا هه‌موو گه‌شتێن خوه یێن د ناڤبه‌را كوردستان و سوێد راگریت.
ده‌زگه‌هێ ڤه‌گوهاستنا سوێد ژ زارێ سیمون پوسلووك به‌رپرسێ پشكا فرۆكه‌ڤانى یا ده‌زگه‌هێ راگه‌هاندیه” ژبه‌ر زوربوونا ڤه‌لڤینێن سه‌ربازى ل ده‌ڤه‌رێ، مه بریاردا گه‌شتێن خوه یێن راسته‌خو یێن سوێد بۆ كوردستانێ رابگرین.
ئیسکۆ ژبەر نیماری ھاتە سزادان
ئەڤرۆنیوز، کاروان باعەدری :
لژنەیا بەریکان ل خۆلا ئیسپانیا یا تەپا پێ یاریکەرێ ھێلا ناڤینێ یانا ریال مەدرید ئیسکۆ بۆ دو یاریا سزادا , پشتی یاریا زفر بەرامبەر یاریکەرێ بەرازیلی و یانا بەرشەلۆنا نیمار کری د یاریا کلاسیکویێ دا.
ئیسکۆ د یاریا کلاسیکو دا پشتی یاریا زفر بەرامبەر یاریکەرێ یانا بەرشەلۆنا نیمار کری ھاتبو دورخستن ب کارتا سۆر ژ یاریێ ل سەرارەی وێ کارتا سور دادڤانێ یاریێ د راپورتا خوە یا پشتی یاریێ نڤێسینەک ل سەر یاریکەرێ یانا ریال نڤێسی بوو دیارکر بۆ ئەوا ئیسکوی بەرامبەر نیماری کری یا دور بۆ ژ گیانێ وەرزشی .
دبیت ئه‌لمانیا ژی هێزێن خوه ڤرێكه‌ته سووریێ
ئه‌ڤرۆنیۆز، ئه‌یاد به‌رواری
ئه‌لمانیا ب دوور نابینیت له‌شكرێ وێ ژی شه‌ڕێ رێكخستیا داعش یا تیرۆرستی ل سووریێ بكه‌ت د چارچۆڤێ بزاڤێن نیڤده‌وله‌تی بۆ ژناڤبرنا هه‌موو جۆریچن تیرۆرێ ل سه‌ر ئاستێ جیهانێ.
گۆڤارا (دیر شبێگل) یا ئه‌لمانی ژ چه‌ند ژێده‌رێن وه‌زاره‌تا به‌رگریا ئه‌لمانی ڤه‌گۆهاست كو حوكمه‌تا ئه‌لمانی هزر د پشكداریا له‌شكرێ ئه‌لمانی د ئۆپه‌راسیۆنێن ل سووریێ دژی داعشێ دهێنه ئه‌نجامدان دكه‌ت.
ل دووڤ وان ژێده‌ران، مه‌رجێ ئه‌لمانیا یێ پێدڤی بۆ پشكداریێ د وی شه‌ڕی دا، ده‌ركه‌فتنا بریاره‌كا نێڤده‌وله‌تی یه.
گوڤارا ئه‌لمانی خویا دكه‌ت كو ئه‌ڤه جارا ئێكێ یه د دیرۆكا ئه‌لمانیا فیدرال دا كو ب دوور نه‌هێته دیتن هێزێن خوه بهنێریته ئێك ژ وه‌لاتێن رۆژهه‌لاتا ناڤین.
ل دووڤ وێ رۆژنامێ ژی، حوكمه‌تا ئه‌لمانی هزر د وێ چه‌ندێ دا دكه‌ت كو رۆلێ ئه‌لمانی د بزاڤێن نێڤده‌وله‌تی دا د شه‌ڕێ داعشێ دا دێ پتر ل سه‌ر وێ چه‌ندێ بیت، پشتی جڤاتا ئاسایشا نێڤده‌وله‌تی بریاره‌كێ ل دۆر وێ چه‌ندێ بده‌ت، د مه‌شقدانا هێزێن به‌هنگاریا سووری، یان ژی پشته‌ڤانیا لۆژستی بۆ فره‌نسیان د ئۆپه‌راسیۆنێن واندا.
به‌ری نوكه ئه‌لمانیا ب شێوه‌كێ ڤه‌بڕ ره‌تكربوو هێزێن وێ پشكداریێ د شه‌ڕێ دژی داعشێ دا بكه‌ن، به‌لێ هێرشێن پاریس ئه‌و پالدا كو هه‌لویستێ خوه ل دۆر وی بابه‌تی نه‌رمتر بكه‌ت.
وه‌لاتیه‌كێ تورك چه‌كێ تێرا فه‌وجه‌كێ دا ب قه‌چاخی به‌ته ئورۆپا
ئه‌ڤرۆنیۆز، ئه‌یاد به‌رواری
ده‌ستهه‌لاتێن ئه‌منی ل ئیتالیا دوهی ئه‌ینیێ 27/11/2015 ێ وه‌لاتیه‌كێ تورك ل به‌نده‌رێ باژێرێ تریستی یێ ئیتالی ده‌سته‌سه‌ركر ل گه‌ل 800 پارچێن چه‌كێ توركی كو بزاڤا برنا وی چه‌كی ب قه‌چاخی بۆ ئورۆپا دكر.
ل دووڤ سایتێ (مه‌علومه)، ده‌زگه‌هێن ئه‌منی یێن ئیتالی خویاكر كو وان ئه‌و وه‌لاتیێ تورك ده‌سته‌سه‌ركر كو تڤه‌نك و ده‌بانجه ب ڕێیا سندووقێن گرتی ڤه‌دگوهاستن بێ كو چو به‌لگه‌نامه ل گه‌ل بن كو ڕێ بۆ ڤێ چه‌ندێ بده‌نێ.
ده‌زگه‌هێن ئه‌منی یێن ئیتالی دیاركرن ژی كو وی وه‌لاتیێ تورك ئه‌و چه‌كه ژ توركیا و چه‌ندین ده‌وله‌تێن ئورۆپی ده‌ربازكر و گه‌هانده ئیتالیا كو ل وێرێ ب چه‌كڤه هاته ده‌سته‌سه‌ركرن.
كارگێره‌كێ پارتى وه‌غه‌ركر
ئه‌ڤرو نیوز، نه‌وزاد زاده هلورى:
ده‌مه‌ك به‌ریا نها كارگێرێ لقێ 20ێ پارتى دیموكراتى كوردستان ل شێخان مه‌لا یونس وه‌غه‌را داویێ كر.
دڤى واریدا عه‌بدوللا شكاك پسمامێ ناڤبرى بو ئه‌ڤرۆ نیوز گۆت : ( ژبه‌ر سه‌ده‌ما نه‌خوشیه‌كا درێژخایه‌ن ئه‌ڤ شه‌ڤه پێشمه‌رگه و كارگێرێ لقێ 20ێ پارتى دیموكراتى كوردستان مه‌لا یونس چوبه‌ر دلوڤانیا خودێ )
زێده‌تر گۆت : ( ناڤبرى ئێك بوویه ژ رهسپیێن عه‌شیره‌تا شكاك و ل سالا 1952 ل موسل ژ دایك بویه و پشتى دامه‌زراندنا پارتى ئێكسه‌ر په‌یوه‌ندى ب رێزێن وێ كریه و ل سالا 1966 بوویه ئه‌ندامێ ئێكه‌تیا قوتابیێن كوردستانێ ل موسل و دیڤدا ل سالا 1974 بوویه به‌رپرسێ لیژنا ناوچا پارتى دیموكراتى كوردستان ل قه‌زا ئاكرێ و پاشان دبیته كارگێرێ لقێ 20ێ شێخان ، و ئه‌و ده‌ما كو ل موسل بوو بوو ده‌ما 7 سالان كه‌فتیه دزیندانێن موسل دا)
هه‌ر ئه‌ڤ شه‌ڤه ب به‌رهه‌ڤبوونا به‌رپرسێن لقا 20 پارتى و چه‌ند ئه‌ندام په‌رله‌مان و جه‌ماوه‌ره‌كێ زورێ ده‌ڤه‌رێ ته‌رمێ ناڤبرى ل گوندێ زیناڤا یا سه‌ر ب ناحیا كه‌له‌كچى ڤه هاته ڤه‌شارتن.
یا ژ به‌ربژێره‌كێ سه‌رۆكاتییا ئه‌مریكا ڤه “كورد” جۆره‌كێ په‌نیری یه
ئه‌ڤرۆ نیوز: ڤه‌ده‌ر ره‌شاڤایی:
به‌ربژێرێ ره‌شپیست یێ سه‌رۆكاتییا ئه‌مریكا ژ پارتا كۆماری زانیاریێن وی و هزرێن وی لسه‌ر سیاسه‌تا ده‌رڤه تا راده‌كی د لاوازن كو هه‌تا هزردكه‌ت كورد جۆره‌كێ په‌نیری یه.
ئه‌ندامه‌كێ كۆنگریسێ ئه‌مریكی ژ ویلایه‌تا ئایوا ژ پارتا هه‌مان به‌ربژێر ئاشكرا كر كو چانسێ سه‌ركه‌فتنا به‌ربژێر كارسۆن د مه‌ترسیێ دایه، ژبه‌ركو دیاربوویه ئه‌و نه‌یێ زیره‌كه د سیاسه‌تا ده‌رڤه دا و یا ژ وی ڤه “كورد” جۆره‌كێ په‌نیرێ “ویسكۆنسن”ه (كو ده‌ڤه‌ره‌كا ئه‌مریكیه گه‌له‌ك جۆرێن په‌نیران به‌رهه‌م دئینیت و جۆرێ ژ هه‌میان ناڤدارتر ناڤێ وی وه‌ك په‌یڤا “كوردان” “curds” دهێـه خواندن) .
ژ ئالیێ خوه‌ڤه پشته‌ڤانه‌كێ كارسۆن گۆت كو ئه‌ڤ یه‌كه وه‌ك لێكتێنه‌گه‌هشتنه‌كێ یه چێبووی و هه‌ڤركێن وی مه‌زن كرییه، هه‌كه‌ر كارسۆن كوردان دنیاسیت و چه‌ندین جاران كورد ب خه‌لكه‌كێ قاره‌مان وه‌سف كريه .
هه‌رێما كوردستانێ ڤێ رێژا به‌رهه‌مێن خارنێ ژ ده‌رڤه دئینیت
ئه‌ڤرۆ نیوز: ڤه‌ده‌ر ره‌شاڤایی:
لدووڤ زانیاریێن وه‌زاره‌تا چاندنێ یا هه‌رێما كوردستانێ به‌لاڤكرین، هه‌رێما كوردستانێ پتری 90% ژ به‌رهه‌مێ خارنێ بۆ خوه ژ ده‌رڤه‌ی كوردستانێ دابین دكه‌ت و دئینیت.
ئه‌نوه‌ر عۆمه‌ر رێڤه‌به‌رێ گشتی ل وه‌زاره‌تا چاندنێ دبێژیت: هه‌ژمارا ئاكنجییان یا زێده‌بووی لێ هه‌ژمارا به‌رهه‌مێ مه وه‌كی خوه مایه”
ناڤهاتی دیاركر كو ل سالا 2020 پشتی هه‌ژمارا ئاكنجییان ژ 5.4 ملیۆنان دبیته 6 ملیۆن، پێدڤییا هه‌رێمێ ب خارنێ دێ گه‌له‌ك زێده‌تر بیت.
هه‌روه‌سا گۆت ” پرانیا وه‌لاتێن جیهانێ سه‌رجه‌مێ 10 سه‌دێ ژ بۆدجێ خوه بۆ گه‌شه‌پێدانا كه‌رتێ چاننێ ته‌رخان دكه‌ن، لێ هه‌رێما كوردستانێ بتنێ 2 سه‌دێ ژ بودجا خوه بۆ چاندنێ ته‌رخان دكه‌ت، ئه‌ڤ یه‌كه ژی كاره‌ساته.”
هه‌رێما كوردستانێ تێرا خوه به‌رهه‌مێ خارنێ ژ (گه‌نم، پتات، هێك و سیر)ان هه‌یه و دشیان دایه بۆ ده‌رڤه‌ی هه‌رێمێ ژی بهێته هنارتن، هه‌روه‌سا به‌رهه‌مێن هه‌رێمێ یێن خارنێ ژ (گوشتێ مریشكێ، خیار و باجان)ان پێدڤیێن هه‌رێمێ پێ دهێنه پركرن.
وه‌زاره‌تا چاندنێ ئه‌و یه‌ك ژی ئینا زمان كو 9 سه‌دێ یا ئاكنجیێن هه‌رێمێ ژیارا وان لسه‌ر چاندنێ یه و 10 سه‌دێ یا سه‌رجه‌مێ داهاتێ ناڤخۆیێ هه‌رێمێ ژ به‌رهه‌مێن چاندنێ یه.
رووسیا ئێكه‌م پێنگاڤا دژى توركیا ده‌ستپێكر
ئه‌ڤرۆ نیوز:
سێرگى لاڤروڤ وه‌زیرێ ده‌رڤه‌یێ رووسیا راگه‌هاند كو سالا بهێت ئه‌و دێ دانا ڤیزێ ب وه‌لاتیێن توركى راگرن و رێكێ ناده‌ن چ وه‌لاتییه‌كى تورك بچیته ناڤ ئاخا رووسیا.
د كونگره‌كێ رۆژنامه‌ڤانى دا سێرگى لاڤروڤ وه‌زیرێ ده‌رڤه‌یێ رووسیا راگه‌هاند كو سه‌رێ سالا بهێت ئه‌و ڤیزێ ناده‌نه چ وه‌لاتیێن تورك.
ئالوزبوونا په‌یوه‌ندیێن توركیا و رووسیا پشتى وێ یه‌كێ هات كو توركیا فرۆكه‌كا رووسى ئێخستیه خوارێ.
نيشاندان
WP Facebook Auto Publish Powered By : XYZScripts.com