ئه‌ڤرۆ نیوز:
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سهرهكى Twitter
داخوازیێن پێكهاته‌یان بۆ نه‌ته‌وه‌یێن ئێكگرتى دێ هینه شاندن
ئه‌ڤرۆ : كاروان باعه‌درى :
كونگره‌یێ جنیڤ یێ نیڤده‌وله‌تى َیێ نه‌ته‌وه‌یێن یه‌كگرتى بۆ پێكگه‌هشتنا مافێن پێكهاته‌یان ل جنێڤ یا پایته‌ختێ سویسرا دوهى24 ڤێ هه‌یڤێ ده‌ست پێكر.
چالاكڤانێ كوردێ ئێزدى حه‌سۆ هورمى ئێك ژ كه‌سێن ره‌ڤه‌ندا كوردێن ئیزدیێن هۆله‌ندایه پشكدارى د ڤى كونگره‌یه بۆ ئه‌ڤرۆنیوز دیار كر : كونگره‌یێ جنیڤ یێ نیڤده‌وله‌تى یێ نه‌ته‌وه‌یێن یه‌كگرتى بۆ پێكگه‌هشتنا مافێن پێكهاته‌یان ل جنیڤ ل 24 ڤى هه‌یڤێ ده‌ستپێكر دڤى كونگره‌ى دا ژ هه‌موو وه‌لاتان و نێزیكى 300 رێكخراوێن نیڤده‌وله‌تى و ناڤخوى و كه‌سایه‌تى و پسپۆر دشاره‌زایێن پێكهاته‌یان دا پشكدارببون .
حه‌سۆ هورمى ئه‌و نه‌خۆشى و ئازارێن دهێنه دپێشیا پێكهاته‌یان دا دهێن ل عیراقێ و كوردستانێ دێ ده‌ینه نه‌ته‌وێن یه‌كگرتى.
پرسا خرابكرنا سیاجێ مالا پێشمه‌رگه‌یه‌كێ شه‌هید ل دهۆكێ گه‌هشته كیڤه؟
ئه‌ڤرۆ نیوز: ره‌وان نهێلى
ل تورا جڤاكى یا فێسبوكێ پرسا خرابكرنا سیاجێ مالا پێشمه‌رگه‌یه‌كێ شه‌هید یێ خوه‌به‌خش كو ل شه‌رێ دژى داعش شه‌هید بووى، گه‌له‌ك ده‌نگ ڤه‌دا و بۆ ئه‌گه‌ر كو لایه‌نێن په‌یوه‌ندیدارێن دهۆكێ دووڤچوونێ بكه‌ن.
ڤیان عه‌باس ئه‌نداما په‌رله‌مانى كوردستانێ بۆ ئه‌ڤرۆ نیوز گۆت” شانده‌ك كو ژ سه‌رۆكێ باژێرڤانیا دهۆك و نوێنه‌رێن جڤاتا پارێزگه‌ها دهۆك و چه‌ند په‌رله‌مانتارێن دهۆكێ پێكدهات، دوهى مه سه‌را وێ مالێ دا و پشتى ل نێزیك ئه‌م ئاگه‌هدارى ره‌وشا وان بوون، بریار هاته دان لژنه‌یه‌ك بهێته پێكئینان بۆ زانینا راستیا بابه‌تى و سه‌رۆكێ باژیرڤانیا دهۆك ژى بڕیاردا قه‌ره‌بوونا وێ مالێ بكه‌ت”
پێشمه‌رگێ خوبه‌خش ( شه‌هید مراد توفیق) ل شه‌رێ دژى داعش شه‌هید بوویه و دیاربوو به‌رى چه‌ند رۆژان لژنا نه‌هێلانا زێده‌گاڤیان ل باژێرڤانیا دهۆك رابوویه ب خرابكرنا سیاجێ مالا شه‌هید مراد توفیق پشتى كو ژ نوو سیاج چێدكر كو ل دووڤ یاسایێ خانى نه یێ تاپوكریه و رێ ناهێته دان كو چ زێده‌یى لێ بهێنه كرن.
ڤیدیو: گه‌شته‌كا ده‌نگوباسان یا كومێدى ل دۆر داعش، وێنێ مه‌لا شوان ژى یێت تێدا
بۆ جارا سیێ کچێن زێرەڤانی کونترولا فوتسالا کوردستانێ کر
ئەڤرۆ نیوز، زنار:
تیما فوتسالا زێرەڤانی شیا بۆ جارا سیێ ل دووڤ ئێک ناسناڤێ خولا کوردستانێ یا فوتسالێ دەست خوە ڤە بینت پشتی شیای سەرکەفتنێ د یاریا دووماھیا خولێ دا سەرکەفتنێ ل سەر فوتسالا ئەفرودێت توماربکەت ب ئەنجامێ ھەشت گۆلان بەرامبەر شەش گۆلان د وێ یاریێ دا ئەوا ل ھۆلا گرتیا فرەنسو حەریری ھاتیە کرن.
د ڤێ یاریێ دا کچێن زێرەڤانی شیان تولا خوسارەتیا خوە یا یاریا ئێکێ ڤەکەن ژ تیما ئەفرودێت و ناسناڤێ خولێ ل سەر کیستێ ڤێ تیمێ دەستڤە بینن کو دبیتە جارا سیێ ل دووڤ ئێک کچێن زێرەڤانی ڤی ناسناڤی دئینن.
د ڤێ یاریێ دا زێرەڤانی شیا ئاستەکێ باش پێشکێش بکەت و ھەر زوو کونترولا یاریێ بکەن ھەتا دووماھیێ یاریێ ب جوداھیا دو گۆلان سەرکەفتنێ توماربکەن ب ئەنجامێ ھەشت گۆلان بەرامبەرە شەش گۆلان، گۆلێن تیما زێرەڤانی ژلایێ یاریکەران ئاتا داود و سیپەل شوکر و لاڤا محەمەد ڤە ھاتنە تومارکرن پشتی ب دووماھی ھاتنا یاریێ خەلاتێن سەرکەفتنێ ل سەر تیم و یاریکەران بەلاڤکرن.
ڤیدیو: هه‌تكبه‌رى….ماچه‌كا گه‌رم ل كه‌نالێ ئه‌لعه‌ره‌بیه
110 هزار كه‌سێن باوه‌رناما دكتورایێ هه‌ى دبێ كارن
ئه‌ڤرۆ نیوز:
ناڤه‌ندا ئامارا ئیرانێ راگه‌هاند كو 110 هزار كه‌س كو باوه‌رناما دكتورایێ هه‌نه ل وه‌لاتێ ئیرانێ دبێ كارن وپرانیا بێكاریێ د ناڤ خودان باوه‌رنامان دا یێن وان كه‌سانه یێن باوه‌رناما ماسته‌رێ هه‌ى.
ناڤه‌ندا ئامارا ئیرانێ راگه‌هاند راگه‌هاندیه كو پرانیا وان كه‌سێن بێ كار یێن باوه‌رناما دكتورایێ هه‌ى ژ ره‌گه‌زێ نێرن.
ماره‌ك دچیته د جلكێن وى دا
سویسرا سزا بۆ وان ژنان دیار كر یێن له‌چكێ دكه‌نێ
ئه‌ڤرۆنیۆز، ئه‌یاد به‌رواری
باژێرڤانیا (تیتشینۆ) یا سویسری بریار دا هه‌ر ژنه‌كا له‌چكێ ل جهێن گشتی بكه‌ته به‌رخوه كو هه‌موو دێمێ وێ ڤه‌گریت، ب 6500 یورۆیان بهێته سزادان.
ل دووڤ رۆژناما (دیلی میل) یا بریتانی، وێ باژێرڤانیا سویسری بریاردایه هه‌ر ژنه‌كا له‌چكری ل هۆلێن سینه‌مایێ و قوتابخانا و جهێن بازرگانی و جاده‌یان بهێته دیتن دێ تووشی سزادانێ بیت.
ئه‌و قانوونا نوو به‌حس ل وێ چه‌ندێ دكه‌ت كو ئه‌و ژن دێ هێنه سزادان یێن هه‌موو دێمێ خوه ب له‌چكێ به‌رزه‌دكه‌ن و ژ وان ژنان ناگریت یێن ده‌رسوك ل سه‌ری و دێمێ وان یێ دیار.
ئه‌مریكی گه‌هشته كۆبانێ
ئه‌ڤرۆنیۆز، ئه‌یاد به‌رواری
ژێده‌ره‌كێ یه‌كینه‌یێن پاراستنا گه‌ل (هه‌په‌كه) دیاركر كو ب ده‌هان سه‌ربازێن ئه‌مریكی د چه‌ند ده‌مژمێرێن بۆری دا یێن گه‌هشتینه باكوور و باكوورێ رۆژهه‌لاتا سووریێ ژبۆ مه‌شقكرنا كوردان و پشته‌ڤانیكرنا وان بۆ به‌رهه‌ڤیێن ئۆپه‌راسیۆنێن چاڤه‌ڕێكری دژی داعشێ ب تایبه‌تی ل پارێزگه‌ها ره‌قه كو بنگه‌هێ وێ رێكخستیا تیرۆرستی یه.
وی ژێده‌رێ هه‌په‌كێ كو بالێ له‌شكریێ حزبا ئێكه‌تیا دیموكراتیا كوردی (په‌یه‌دێ) یه بۆ ئاژانسا رۆژنامه‌ڤانیا فره‌نسی گوت” ئه‌و سه‌ربازێن ئه‌مریكی یێن گه‌هشتینه كۆبانی ل پارێزگه‌ها حه‌له‌ب و ئه‌ركێ وان دانانا پلانێن شه‌ڕێن جه‌رابلوس و ره‌قه یه و هه‌ڤكاری ل گه‌ل فرۆكێن هه‌ڤپه‌یمانیا نێڤده‌وله‌تی ب سه‌ركێشیا ئه‌مریكا و هێزێن ل سه‌ر ئه‌ردی.
سه‌رۆكێ ئه‌مریكی (باراك ئۆباما) ی ل دووماهیا مه‌ها چریا ئێكێ یا بۆری رۆناهیا كه‌سك دابوو بۆ به‌لاڤكرنا 50 سه‌ربازێن ئه‌مریكی ژ هێزێن تایبه‌ت ل سووریێ كو ب ئه‌ركێ شیره‌تكاریێ رابن.
نوونه‌رێ سه‌رۆكێ ئه‌مریكی د هه‌ڤپه‌یمانیا نێڤده‌وله‌تی دا (بریت ماكگورد) ل 22 ڤێ مه‌هێ راگه‌هاندبوو” ئه‌و سه‌رباز دێ ل ده‌مه‌كێ نێزیك گه‌هن و پێدڤیه ره‌قه بهێته دۆرپێچكرن”.
پشته‌ڤانیا ئه‌مریكی بۆ كوردێن سووریێ نه تنێ ب ڕێیا مه‌شقا له‌شكری یه، واشنتۆنێ ل مه‌ها بۆری راگه‌هاندبوو كو ب ڕێیا فرۆكان چه‌ك و ته‌قه‌مه‌نی بۆ به‌هنگاریا سووری ئه‌وا شه‌ڕێ داعشێ دكه‌ت ل باكوورێ سووریێ هاڤێتینه خوار، ئه‌وژی ئاماژه‌كه بۆ (هێزێن سووریا دیموكراتی) كو ژ یه‌كینه‌یێن پاراستنا گه‌ل ( هه‌په‌كه) و هنده‌ك گرۆپێن چه‌كدارێن عه‌ره‌بی یێن هه‌ڤپه‌یمان ل گه‌ل هه‌په‌كێ.
نيشاندان
WP Facebook Auto Publish Powered By : XYZScripts.com