ئه‌ڤرۆ نیوز: بێوار زێبارى:
فیراس یاسین به‌رپرسێ راگه‌هاندنا به‌ره‌ڤانیا باژێرى ل ئاكرێ بۆ ئه‌ڤرۆ نیوز دیاركر كو ئاگر به‌ردبیته ترومبێله‌كێ به‌لێ چ زیانێن گیانى ل دوڤ خوه نه‌هێلان.
پشتى كو د ماوێ بوورى دا پانزینه‌كا نه‌باش دهاته به‌لاڤكرن، چه‌ندین ترومبێل ل سه‌رانسه‌رى هه‌رێمێ ئاگر به‌ردبیتێ و هه‌تا نوكه ئه‌و ئاریشه نه‌هاتیه چاره‌كرن.
ئه‌ڤرۆ نیوز:
داعش ل باژێرێ فه‌لوجه هه‌مى مزگه‌فت و مال و ئه‌و رێكێن دگه‌هنه فه‌لوجه بومرێژكرن، فازل غه‌راوى ئه‌ندامێ لژنا مافێن مروڤى ل په‌رله‌مانێ عیراقێ راگه‌هاند: داعش پشتى ئه‌و زیانا زورا گه‌هشتیێ ل فه‌لوجه، هه‌مى مزگه‌فت و مال و ده‌ڤه‌رێن ئاكنجیكرنێ و ده‌زگه‌هێن حكومى و رێكێن دگه‌هنه فه‌لوجه بومبرێژكرینه و ئامانج ژێ ئه‌نجامدانا تاوانایه به‌رامبه‌ر وه‌لاتى و هێزێن ئێمناهیێ.
ئه‌ڤرۆ نیۆز، سالار دۆسكى:
په‌یڤدارێ ده‌سته‌یا گه‌شت و گوزارێ ل حوكه‌تا هه‌رێما كوردستانێ دیاركر كو هه‌رده‌م به‌رهه‌ڤن پێشوازیێ ل گه‌شتیاران بكه‌ن و هه‌موو به‌رهه‌ڤى هاتینه‌كرن.
نادر روستى په‌یڤدارێ ده‌سته‌یا گه‌شت و گوزارێ ل هه‌رێمێ بۆ ئه‌ڤرۆ نیۆز گۆت: هه‌ر ده‌م د پێشوزایكرنا گه‌شتیاران داینه و ئه‌ڤ ساله ژبه‌ر كاودانێن ئابوورى و شه‌رێ داعش باوه‌ر ناكه‌ین گه‌له‌ك گه‌شتیار بێن و هه‌كه بێن دێ ژ ناڤه‌راست و باشورێ عیراقێ بیت و به‌ر ب سلێمانیێ ڤه دێ چن چونكه دبینم ئه‌و باژێرێ وه‌ك رێكا هاتن و چوونێ ئاسانتر و ب سلامه‌تره ژ دهۆك و هه‌ولێرێ.
نادر روستى هێشتا ژى گۆت: هاتنا ئاواران كارتێكرن ل گه‌شتیاران كریه چونكه قه‌ستا گه‌له‌ك جهێن گه‌شتیارى كرینه و دیسان نه وه‌ك گه‌شتیارانه دێ پاران مه‌زێخن.
ناڤبرى گۆتژى: باروه‌رناكه‌م گه‌شتیارێن بیانى بێنه هه‌رێمێ چونكه راگه‌هاندێن بیانى رۆژانه ده‌نگ و باسێن شه‌رى ڤه دگوهێزن و باوه‌رناكه‌م بیانیه‌ك ژیانا خوه بكه‌ته دمه‌ترسیێ دا و دیسان ژبه‌ر كاودان نه دئاسایى نه نه‌شێن دیاركه‌ین كا دێ چه‌ند گه‌شتیار هێنه كوردستانێ.
رۆستى ئاشكراكر ژى كو ل سالا 2014 ئێك ملیۆن 400 هزار گه‌شتیار هاتبوونه كوردستانێ و 60% رێژا هاتبوو كێمكرن و هه‌ر چوار هه‌ێڤێن ئه‌ڤ ساله دیسان هه‌مان رێژه یا كێم كرى كو 60% بوویه.
ئه‌ڤرۆ نيوز، نيوار محه‌مه‌د سه‌ليم:
فراكسيۆنا پارتى ديموكراتى كوردستان راگه‌هاند كو ئه‌و وه‌رگرتنا چه‌كى ره‌تدكه‌ن و به‌رامبه‌ر وێ ژى په‌رله‌مانتاره‌كێ بزاڤا گۆڕان داخوازێ ژ فراكسيۆنا پارتى دكه‌ت كو ل شوونا ره‌تكرنا چه‌كى دا ئمتيازاتێن خانه‌نشينيێ ره‌ت بكه‌ن.
پشتى سکرتێرێ پەرلەمانێ کوردستانێ نڤێسینەک دایە وەزارەتا پێشمەرگەی کو ئیمزایا وی ل سەرە داخواز ژێ کریە کو ب بھایێ نیڤ ملیۆن دولاران 111 کلاشینکوف و 111 دەبانجەیان بدەنە پەرلەمانتەرێن کوردستانێ و وەزارەتا پێشمەرگەی ژی ئەڤ داخوازکریە قەبوولکریە.
لەورا ئەڤرۆ 14ى تيرمه‌ها 2015ێ فراکسیۆنا پارتی ل پەرلەمانێ کوردستانێ کونفرانسەکێ رۆژنامەڤانی سەبارەت ڤی بابەتی ل بەر پەرلەمانی ئەنجام دا و سەرۆکێ فراکسیۆنا پارتی ل پەرلەمانێ کوردستانێ، ئومێد خوشناو، گۆت: “ئەڤە داخوازیا سکرتێرێ پەرلەمانی بوویە و کو ھەر پەرلەمانتارەک کلاشینکوفەکێ و دەبانجەکێ وەربگریت، لێ ئەم وەکو فراکسیونا پارتی ئەڤی بابەتی رەتدکەین، چونکو پەرلەمانتار پێدڤی ب کلاشینکوف و دەبانجەیان نابن و ئەم ناخوازین وەکو پەرلەمانتارێن پارتی چ کلاشینکوف و دەبانجەیان وەربگرین”.
به‌رامبه‌ر ڤێ چه‌ندێ ئه‌ندامێ ديارێ فراكسيۆنا گۆڕان ل په‌رله‌مانێ كوردستانێ ل سه‌ر په‌يجێ خوه يێ تۆڕا جڤاكيا فه‌يسبۆكى نڤيسينه‌ك به‌لاڤكر و داخواز ژ فراكسيۆنا پارتى كر كو ل شوونا وه‌رنه‌گرتنا ده‌بانجان بلا پێكڤه ئمتيازاتان نه‌هێلن.
عه‌لى حه‌مه سالح، په‌رله‌مانتارێ ديارێ بزاڤا گۆڕان ل سه‌ر په‌يجێ خوه يێ تۆڕا جڤاكيا فه‌يسبۆكى نڤيسيه: “بۆ فراكسيۆنا زه‌ر، دا ئمتيازاتان ره‌تبكه‌ين”.
زێده‌تر نڤيسيه: “هيڤيدارم هاريكار بن دا مووچێ په‌رله‌مانتاران ب نيڤى بكه‌ين و خانه‌نشينيا په‌رله‌مانتاران ژى نه‌هێلين و وان 48 مليۆنێن خانه‌نشينيێ ژى وه‌رنه‌گرين”.
ئه‌ڤى په‌رله‌مانتارێ بزاڤا گۆڕان ئاماژه ب وێ چه‌ندێ ژى كريه كو ئه‌و ئمتيازاتان نه‌كو وه‌گرتنا كلاشينكۆفا و پاش ڤه‌گه‌راندنا وان ب دو سالان.
ئه‌ڤرۆ نیوز:
بابه‌كر زێبارى سوپاسالارێ به‌رێ یێ عیراقێ كو به‌رى چه‌ند رۆژان ده‌ست ژ پۆستێ خوه به‌ردا ددیداره‌كێ دا سه‌باره‌ت دابینكرن و گه‌هشتنا 4 فرۆكێن F16 ژ ئالیێ ئه‌مریكا ڤه بۆ هێزا ئه‌سمانیا عیراقێ ل رۆژا 13/7/2015 و به‌هرا وان بۆ كوردان بۆ ئه‌ڤرۆ نیوز گۆت” ئه‌و فرۆكه دێ دده‌ستى هێزا ئاسمانیێ عیراقێ دابن، به‌لێ دوژمنێ مه یێ هه‌ڤبه‌شه كو داعشه و ئێك ژ وان فرۆكه‌ڤانان كورده”.
سه‌باره‌ت شه‌رێ داعش و چاره‌نڤیسێ وان ل ده‌ڤه‌رێ، بابه‌كر زێبارى سوپاسالارێ به‌رێ یێ عیراقێ گۆت” داعش ئه‌و هێزه نینه، هندى هزر بۆ دهێته كرن كو یا بهێزه، به‌لێ شێوازێ شه‌ركرنا وان یا جودایه كو په‌نایێ دبه‌ته به‌ر دانانا بۆمب و خوته‌قاندنێ، داعش زیانه‌كا مه‌زن پێ گه‌هشتیه و رۆژانه چه‌ندین كه‌س لێ دهێنه كوشتن و ئه‌و چه‌كێ پێشكه‌فتى ئه‌وێ كه‌تیه ده‌ستێ وان، به‌هرا پتر ژێ ژ ئالیێ فرۆكێن ئه‌مریكى ڤه هاتیه ژڤانبرن “.
سه‌باره‌ت ژناڤبرنا داعش ل عیراقێ، بابه‌كر زێبارى دبێژیت” عیراق پێدڤى ب هێزه‌كا بژاره هه‌یه، كو هه‌ر چه‌نده جاره‌كادى سوپایێ عیراقێ و حه‌شد شه‌عبى یێ شه‌رێ داعش دكه‌ت، به‌لێ پێدڤى ب هێزه‌كا بژاره هه‌یه”.
سه‌باره‌ت ده‌ستێوه‌ردانا نورى مالكى د كاروبارێن سه‌ربازى دا، زێبارى گۆت” مالكى ئه‌و هێزا به‌رێ نه‌مایه، ژبه‌ر كو پرسێن له‌شكه‌رى كى فه‌رماندێ هێزێن چه‌كداره، ئه‌و دێ فه‌رمانا كه‌ت، ره‌نگه كاریگه‌ریێن جانبى هه‌بن، به‌لێ نه ب وى شێوه‌یه كو به‌حس ژێ دهێته كرن”.
سه‌باره‌ت ده‌ستپێكرنا شه‌رێ ئه‌نبار و پاشگوه هاڤێتن و گیروكرنا شه‌رێ مووسل ، بابه‌كر زێبارى گۆت” ئه‌نبار گه‌له‌ك یا نێزیكى به‌غدا بوو و دیسا پارێزگه‌هێن ناڤه‌راست ژى، وه‌كو نه‌جه‌ف و كه‌ربه‌لا، عیراقێ نه‌دڤیا داعش نێزیكى وان ده‌ڤه‌رێن پیرۆز یێن شیعان ببیت كو بۆ وان سومبوله، له‌وما گرنگى پتر ب رزگاركرنا ئه‌نبار هاته دان و هه‌تا رومادى ژى نه‌هێته ستاندن شه‌رێ ئازادكرنا مووسل ده‌ست پێ ناكه‌ت”
سه‌باره‌ت نه‌گه‌هشتنا چه‌كێ پێدڤى بۆ ده‌ستێ هێزێن پێشمه‌رگه‌ى، زێبارى گۆت” عیراق دبێژیت، هێزێن هه‌ڤپه‌یمان چه‌كى دده‌نه پێشمه‌رگه‌ى و به‌هرا وان دكه‌ت، ئه‌م ناده‌ینێ”
سه‌باره‌ت ب شوونگریا وى ل به‌غدا، بابه‌كر زێبارى سوپاسالارێ به‌رێ یێ عیراقێ گۆت” مه‌سعود بارزانى سه‌رۆكێ هه‌رێما كوردستانێ پێشنیازا دانانا فه‌ریق ئه‌نوه‌ر حه‌مه ئه‌مین یا كرى، به‌لێ دانانا وى پیچه‌ك گیروبوو ره‌نگه عیراقێ ب دلى نه‌بیت كورده‌كێ دانن و جاره‌كادى پۆستێ سوپاسالاریا عیراقێ بده‌نه كوردان”.
سه‌باره‌ت كارێ وى یێ بهێت كو دهێته گوتن دێ بیته شیره‌تكارێ مه‌سعود بارزانى سه‌رۆكێ هه‌رێما كوردستانێ و ئه‌ندامێ فه‌رماندا گشتیا هێزێن چه‌كدار ل هه‌رێما كوردستانێ، بابه‌كر زێبارى گۆت” هێشتا چ تشته‌كى ب ڤى ره‌نگى نه‌هاتیه به‌حسكرن، به‌لێ سه‌رۆك بارزانى چ فه‌رمان بكه‌ت، ئه‌م دێ جێبه‌جێ كه‌ین”.
سه‌باره‌ت ده‌ست ژ كاركێشانا وى وه‌ك سوپاسالار، زێبارى گۆت” ده‌ست ژ كاركێشانا من ل سه‌ر داخوازا من بوویه “
ئەڤرۆ نیوز،زنار تۆڤی:
سکرتێرێ پەرلەمانێ کوردستانێ نڤێسینەک دایە وەزارەتا پێشمەرگەی کو ئیمزایا وی ل سەرە داخواز ژێ کریە کو ب بۆھایێ نیڤ ملیۆن دولاران 111 کلاشینکوف و 111 دەبانجەیان بدەنە پەرلەمانتەرێن کوردستانێ و وەزارەتا پێشمەرگەی ژی ئەڤ داخوازکریە قەبوولکریە.
لەورا ئەڤرۆ 14ى تيرمه‌ها 2015ێ فراکسیۆنا پارتی ل پەرلەمانێ کوردستانێ کونفرانسەکێ رۆژنامەڤانی سەبارەت ڤی بابەتی ل بەر پەرلەمانی ئەنجام دا و سەرۆکێ فراکسیۆنا پارتی ل پەرلەمانێ کوردستانێ، ئومێد خوشناو، گۆت: “ئەڤە داخوازیا سکرتێرێ پەرلەمانی بوویە و کو ھەر پەرلەمانتارەک کلاشینکوفەکێ و دەبانجەکێ وەربگریت، لێ ئەم وەکو فراکسیونا پارتی ئەڤی بابەتی رەتدکەین، چونکو پەرلەمانتار پێدڤی ب کلاشینکوف و دەبانجەیان نابن و ئەم ناخوازین وەکو پەرلەمانتارێن پارتی چ کلاشینکوف و دەبانجەیان وەربگرین”.
ئه‌ڤرۆ نيوز:
گرێدايى نه‌ره‌حه‌تيا ژ ڤه‌گه‌ريانا هێزێن پێشمه‌رگێ له‌شكرێ رۆژئاڤا، بۆ ناڤ ئاخا رۆژئاڤا، سه‌ركرداتيا هێزێن پاراستنا گه‌له‌ك “هه‌په‌گه” و يه‌كێن پاراستنا گه‌ل “يه‌په‌گه” دێ كۆم بن.
ب هزاران پێشمه‌رگێ له‌شكرێ رۆژئاڤا كو ژ كوڕ و كچێن پێشمه‌رگه‌يێ كوردستانێ يێ خه‌لكێ رۆژئاڤا پێك دهێن و ل هه‌رێما كوردستانێ مه‌شق كريه، چاڤه‌رێ رێكه‌فنێ نه بۆ چوونا رۆژئاڤا و پاراستنا ئاخا كوردستانێ، به‌لێ ده‌سته‌لاتدارێن رۆژئاڤا رێ ب چوونا وان ناده‌ن، نوكه ژى ب رۆژانه ب ده‌هان گه‌نجێن رۆژئاڤا و شه‌رڤانێن يه‌كينێن پاراستنا گه‌ل، په‌يوه‌نديێ ب وێ هێزێ دكه‌ن.
ژێده‌ره‌كێ ئاگه‌هدار ژ كاودانێن رۆژئاڤايێ كوردستانێ بۆ “باس” ئاشكه‌را كر كو رۆژا 8ى تيرمه‌ها 2015ێ باهۆز ئاردال، ئه‌ندامێ جڤاتا له‌شكرێ هه‌په‌گێ ل چيايێ “په‌ره‌چۆخ – دێرك” ل كوردستانا رۆژئاڤا، كۆمبوونه‌كا ل گه‌ل سه‌ركرداتيا يه‌كێن پاراستنا گه‌له‌ك “يه‌په‌گه” كريه.
ئه‌ڤى ژێده‌رى گۆت: “د ڤێ كۆمبوونێ دا به‌حسێ مه‌ترسيا هاتنا پێشمه‌رگه‌يێ له‌شكرێ رۆژئاڤا بۆ ناڤ ئاخا رۆژئاڤايێ كوردستانێ كريه و هه‌ردولا نه‌ره‌حه‌تيا خوه ده‌ربڕيه كو هه‌كه بهێت و ئه‌و هێز بچيته رۆژئاڤايێ كوردستانێ، دێ ژمارا چوونا شه‌رڤانان بۆ ناڤ وى له‌شكرى گه‌له‌ك زێده بيت و ئه‌گه‌رێ وێ چه‌ندێ ژى يێ هه‌يى گه‌له‌ك كه‌س ئێكسه‌ر په‌يوه‌نديێ ب ڤى له‌شكرى بكه‌ن.
ب گۆره‌يى پێزانينان ئه‌و له‌شكر ژ 11 فه‌رجێن پێشمه‌رگه‌يى پێكهاتيه و هێزه‌كا نيزامى يا ب چه‌ك و ئمتيازاته و ل به‌رامبه‌ر “يه‌په‌گه” جوداهيه‌كا مه‌زن يا هه‌يى كو هێزه‌كا ژێك ڤه‌قه‌تيايه و بێ ئاماده‌كاريێن له‌شكرى هاتيه دامه‌زاندن، ئه‌ڤه ژى دێ بيته ئه‌گه‌رێ وێ چه‌ندێ كو ژماره‌كا زێده يا شه‌رڤانان د ناڤبه‌را هه‌ردو هێزان دا، هێزا له‌شكرێ رۆژئاڤا هه‌لبژێرن. ب تايبه‌ت ئه‌وێن بيروباوه‌رێن وان دوور ژ “په‌كه‌كێ” و “يه‌په‌گێ” كو كه‌سێن حزبى نينن و د سه‌ربه‌خۆ نه، چونكو له‌شكرێ رۆژئاڤا هه‌لگرێ هه‌موو ئايدولۆژيايێن جودا يێن رۆژئاڤايێ كوردستانێ يه و بنه‌مايێ وه‌رگرتنێ ب تنێ نشتيمانى يه، نه‌وه‌كو سياسى و حزبى.
ب ديتنا ڤى ژێده‌رێ “باس” نوكه ب ره‌نگه‌كێ كريارى ژماره‌كا زۆر يا شه‌رڤانان په‌يوه‌نديێ ب له‌شكرێ پێشمه‌رگێ رۆژئاڤا دكه‌ن و نوكه بووينه پێشمه‌رگه.
د ڤێ ده‌ربارێ دا، نورى بريمۆ، ئه‌ندامێ سه‌ركرداتيا پارتى ديموكراتى كوردستان – سوريا بۆ “باس” ته‌كست ل سه‌ر وێ چه‌ندێ كريه كو ئه‌و هێزه‌كا نيزامى و له‌شكرى يه هه‌ر وه‌كو هێزا پێشمه‌رگێ كوردستانێ ل ژێر فه‌رماندا سه‌رۆكێ كوردستانێ يه و فه‌رمانێ ژ وه‌زاره‌تا پێشمه‌رگه‌يى وه‌ردگرن.
گۆتژى: “ئاماده‌كاريێن ته‌مام بۆ چوونا ناڤ رۆژئاڤا كرينه و ئه‌و نوكه هێزه‌كا ته‌مام و نيزامى و پرچه‌ك و مه‌شقكرى نه و راهێنانێن باش ديتينه و د دوورن ژ ئايدولۆژيايێن حزبى و سه‌ر ب چو پارت و حزبا نينن، ب تنێ سه‌ر ب نشتيمانێ خوه نه.
بريمۆى راگه‌هاند ژى كو ئه‌و هێز دێ پشتى جه‌ژنێ به‌ر ب رۆژئاڤا ب رێ كه‌ڤيت و ئه‌و ژى ئه‌ركێ سه‌رۆكێ هه‌رێمێ يه ل گه‌ل هه‌پڤه‌يمانان و ده‌سته‌لاتدارێن نوكه يێن رۆژئاڤا رێك بكه‌ڤن، چونكو دڤێ چوونا وێ هێزێ بێ كێشه و ب رێكه‌فتن بيت.
به‌لێ غه‌ريب حه‌سۆ، نوونه‌رێ “په‌يه‌دێ” ل هه‌رێما كوردستانێ بۆ “باس” ئاماژه ب وێ چه‌ندێ كر كو ئه‌و رێگريێ ل چو هێز و لايه‌نان ناكه‌ن بچنه رۆژئاڤايێ كوردستانێ و خه‌باتێ بكه‌ن، ب تنێ مه‌رجێ وان ئه‌وه ل ژێر فه‌رمانده‌يا “يه‌په‌گێ” دا بن و گۆتژى: “هه‌كه ئه‌و هێز ئه‌وى مه‌رجى قه‌بۆل بكه‌ت، ده‌رگه‌هێ رۆژئاڤا ب روويێ وان دا يێ ڤه‌كرى يه”.
ده‌رباره‌ى وێ چه‌ندێ كا بۆچى “يه‌په‌گه” هاتيه باشوورێ كوردستانێ بێى ل ژێر فه‌رمانا وه‌زاره‌تا پێشمه‌رگێ كوردستانێ بيت، حه‌سۆى گۆت: “يه‌په‌گێ ب تنێ ل سنورێ شنگال پێشره‌وى كريه و ئه‌و ژى ژ ئه‌گه‌رێ كاودانێن ده‌ڤه‌رێ بوويه، هه‌ر ده‌ما كاودان ئاسايى بوون، “يه‌په‌گه” دێ خوه ژ وان وان سنوران ڤه‌كێشيت”.
ئه‌ڤرۆ نيوز:
ئاژانسا رۆيته‌رز ژ زارێ دبلوماتكاره‌كێ ئيرانى به‌لاڤكريه كو ئيران و وه‌لاتێن 5+1 رێكه‌فتن و ب رێكه‌فنه‌كا مێژوويى ژى وه‌سف كر.
ئه‌ڤرۆ رۆژا سێشه‌مبى رێكه‌فتى 14ى تيرمه‌ها 2015ێ، ئاژانسا ده‌نگوباسێن رويته‌رز ژ زارێ دبلوماتكاره‌كێ ئيران كو نه‌ڤيايه ناڤێ خوه ئاشكه‌را بكه‌ت به‌لاڤكر كو ئيران و وه‌لاتێن 5+1 به‌رامبه‌ر كێمكرنا به‌رنامێ ئه‌تومى گه‌هشتنه رێكه‌فتنێ.
هه‌ڤده‌م ئاخفتنكه‌رێ ب ناڤێ ئێكه‌تيا ئورۆپا بۆ رۆيترز راگه‌هاند: بڕياره ئه‌ڤرۆ رۆژا سێشه‌مبى وه‌زيرێن وه‌لاتێن 5+1 ل گه‌ل وه‌زيرێ ده‌رڤه يێ ئيرانێ كۆم ببن و پاشان ل باره‌گايێ نه‌ته‌وێن ئێكگرتى ل ڤيه‌نا كۆنگره‌كێ رۆژنامه‌ڤانى ئه‌نجام بده‌ن.
12 ساله كێشا ئه‌تۆمى يا ئيرانێ و كۆمه‌لگه‌ها نێڤده‌وله‌تى جيهان ب خوه مژوول كريه و د ماوێ بۆرى دا و ب تايبه‌ت پشتى سه‌رۆكاتيا حه‌سه‌ن رۆحانى دانوستاندن د ناڤبه‌را هه‌دو لادا پێشكه‌فتنێن به‌رچاڤ ب خوه ڤه دي بوون.
نيشاندان