شوفێره‌كی گیانی خوه‌ ژده‌ستدا

13/07/2015 03:19

729

ئه‌ڤرۆ نیۆز، قائید میرۆ
ئه‌ف شه‌ڤه‌ ژ ئه‌گه‌رێ روویدانه‌كا هاتن و چوونێ دناڤبه‌را دو ترۆمبێلان دا شوفێره‌كی گیانێ خوه‌ ژ ده‌ستدا.
رائید كاروان خۆشناو، په‌یڤدارێ پۆلیسێن هه‌ولێرێ ب ئه‌ڤرۆ نیۆز راگه‌هاند”ئه‌ڤ شه‌ڤه‌ هێزێن پۆلیسان ل هه‌بوونا روویدانه‌كا هاتن و چوونێ هاتنه‌ ئاگه‌هداركرن و پشتی گه‌هشتنا هێزه‌كا پۆلسان ده‌ركه‌فت لبن پرا رزگاریا سه‌نته‌رێ باژێڕێ روویدان دناڤبه‌را دو ترۆمبێلێن بیكاشۆ چێبوویه‌ و شوفێره‌كێ 20 سالی لجهێ روویدانێ گیانێ خوه‌ ژده‌ستدایه‌.
رائید كاروانی گۆتژی” پۆلیسان باده‌كا ڤه‌كۆلینى ڤه‌كریه‌ و ڤه‌كۆلین ل دۆر چێبوونا روویدانێ به‌رده‌وامن هه‌تا دگه‌هینه‌ ئه‌نجامه‌كی.

ڤیدیو: حه‌فت باژێر ل جیهانێ دێ ژ ناڤ چن

13/07/2015 02:55

978

ئه‌ڤرۆ نیوز:

زانایێن زانكۆیا كالیفورننیا ئاشكراكرن كو 7 باژێرێن جیهانێ د ڤى چاخى دا دێ ژ ناڤ چن ئه‌وژى (ئیڤانوڤا ل روسیا – دیترۆیت و سان فرانسیسکۆ ل ئەمریکا – ڤینیسیاو ناپۆلی ل ئیتاڵیا – تمبکتو ل مالی)

كه‌مپینه‌كا هاریكاریێ بۆ پێشمه‌رگه‌ى دهێته‌ رێكخستن

13/07/2015 02:15

137

ئه‌ڤرۆنیوز,ره‌وزان رۆژبه‌یانى:
ئه‌ڤرۆ رۆژنامه‌ڤانێین به‌رده‌ره‌ش كه‌مپینه‌ك هاریكارى بۆ پێشمه‌رگه‌ى رێكخستن.
رۆژنامه‌ڤان حازم گوران ئێك ژ رێكخه‌رێ كه‌مپینێ بۆ ئه‌ڤرۆن یوز خویاكر ئه‌و وه‌ك سه‌رجه‌م رۆژنامه‌ڤانێن به‌رده‌ره‌ش بێ جیاوازیا پارتایه‌تى وه‌ك ئه‌ركه‌كێ نیشتمانى رابوینه‌ ب رێكخستنا كه‌مپینه‌كێ ل ژێر دروشمێ ئه‌م هه‌موو پێشمه‌رگه‌ین كو كه‌مپینه‌كا خرڤه‌كرنا هاریكایێ یه‌ بۆ هێزا پێشمه‌رگه‌ى یێن ل سه‌نگه‌رێ و گوت: ئه‌ف كه‌مپینه‌ ل رێكه‌فتێ 12/7/2015 تا 16/7/2015دێ به‌رده‌وام بیت ئه‌م داخاز ژ هه‌موو به‌رپرس و رێڤه‌به‌ر و وه‌لاتیێن ده‌ڤه‌را به‌رده‌ره‌ش و هه‌ر ده‌ڤه‌ركا دى دكه‌ین كو پشكدار بن دڤێ كه‌مپینێ دا چونكه‌ ئه‌ڤه‌ خزمه‌ته‌ما بچیكه‌ به‌رامبه‌ر خه‌بات و وان قوربانى دانێن پێشمه‌رگه‌ى.

جگارێ پترى 50 دۆنه‌مێن ئه‌ردى سۆتن

13/07/2015 02:09

ئه‌ڤرۆ نیوز،زنار تۆڤى:
ئه‌ڤرۆ ل رۆژا ئێكشه‌مبى 12/7/2015 ژ ئه‌گه‌رێ هاڤێتنا جگارێ ژلایێ شۆفێره‌كێ ڤه‌ ل نێزیك كۆمه‌لگه‌ها بێگۆڤا ئاگر به‌ر دبیته‌ دارستانێ و پترى 50 دۆنه‌مێن ئه‌ردێ دارستانێ هاتنه‌ سۆتن.
جه‌گه‌ر جه‌میل وه‌لاتیه‌كێ كۆمه‌لگه‌ها بێگوڤایه‌ بۆ ئه‌ڤرۆ نیوز دبێژیت:لده‌مژمێر 2 پشتى نیڤرۆ ژ نشكه‌كێڤه‌ مه‌دیت ئاگر به‌ربوو پیش و په‌له‌خى ل نێزیك كۆمه‌لگه‌هێ و ئه‌و ئاگره‌ ژ لایێ شۆفێره‌كى ڤه‌ و ب جگارێ به‌ربوویه‌ وى جهى،ژبه‌ركو ئاگر ژ جادێ چوویه‌ و به‌ربوویه‌ دارستانێ و گوت ژى:هه‌ر زوو هنده‌ك ژ خه‌لكێ كۆمه‌لگه‌هێ و هه‌روه‌سا ترۆمبێلا ئاگر ڤه‌مراندنێ ژى ژ ناحیا باتیفا هات،لێ ژ ئه‌گه‌رێ نه‌بوونا رێكێ ترۆمبێلا ئاگر ڤه‌مراندنێ نه‌شیا كۆنترولێ ل سه‌ر ئاگرى بكه‌ت، هه‌روه‌سا ژ ئه‌گه‌رێ هاتنا بایه‌كێ بهێز و هه‌بوونا پیش و په‌له‌خه‌كێ زۆر خه‌لك نه‌شیان ئاگرى ب ڤه‌مرینن،له‌ورا ئاگرى ده‌ڤه‌ره‌كا مه‌زن ڤه‌گرت و بڤى چه‌ندێ زیان دێ گه‌هیته‌ ته‌رش و كه‌والێ كۆمه‌لگه‌هێ ژبه‌ركو پتریا پیش و په‌له‌خ هاتیه‌ سۆتن.
ناڤهاتى دیاركر ژى:دڤێ روودانا ئاگرى دا پترى 50 دۆنه‌مێن ئه‌ردێ دارستانێ و گه‌له‌ك جورێن دارۆبارى سۆتن.

بۆ جارا ئێكێ ئه‌ڤ ئاره‌ ل دهۆكێ هاته‌ به‌لاڤكرن

12/07/2015 17:47

776

ئه‌ڤرۆ نیۆز، سالار دۆسكى:
رێڤه‌به‌رێ گشتیێ كومپانیا دانو دكاكى ل پارێزگه‌ها دهۆكێ دیاركر كو ئار نوكه‌ یێ ل سه‌ر بریكارێن ئاهێن خوارنێ ل چه‌ندین تاخا دهێته‌ به‌لاڤه‌كرن و به‌رى جه‌ژنێ دێ به‌هرا خوه‌ وه‌رگرن.
نه‌جم عه‌بدوللا یوسف، رێڤه‌به‌رێ گشتیێ كومپانیا دانو دكاكى ل پارێزگه‌ها دهۆكێ بۆ مالپه‌رێ ئه‌ڤرۆ نیۆز گۆت: ئارێ سفرێ ئه‌ڤ ساله‌ نه‌وه‌ك یێ ئارێ سفرێ سالێن بورى یه‌، سالێن بورى گه‌نمێ ئوسترالى دهاته‌ هێران و دبوو ئار، ئه‌ڤ ساله‌ گه‌نمێ نافخوه‌ مه‌ هێرایه‌ بوویه‌ ئارێ سفر، ئه‌ڤه‌ نه‌شتى یێ سالێن بورى یه‌ و باشترین گه‌نم بۆ ئارى گه‌نمێ ئوسترالى یه‌، به‌س ئه‌ڤه‌ ژى یێ باشه‌ و خراب نینه‌.
ناڤبرى گۆت: هه‌ر سه‌رۆك خێزانه‌كى پێنچ كیلۆیێن ئارى دێ وه‌رگریت، دیسان ل سه‌ر ده‌ڤه‌رێن ره‌بیعه‌ و زومار و شێخان و فه‌یدیێ و ئه‌لكوش و ل سه‌ر ئاواران و هه‌موو بێ به‌رامبه‌ر هاتیه‌ به‌لاڤه‌كرن.

پێشمه‌رگه‌ى گونده‌ك رزگاركر

12/07/2015 15:48

136

ئه‌ڤرۆ نیوز،زنار تۆڤى:
به‌رپرسێ میحوه‌رێ شنگالێ یێ هێزێن پێشمه‌رگه‌ى لیوا هاشم سیته‌یى دا دیاركرن كو ئه‌ڤرۆ رۆژا ئێكشه‌مبى12/7/2015 هێزێن پێشمه‌رگێ كوردستانێ هێرش كره‌ سه‌ر گوندێ گابارێ ل میحوه‌رێ شنگالێ و شیان دده‌مه‌كێ كورت وى گوندى ژ ده‌ستێ تیرورستێن داعش رزگار بكه‌ن،نوكه‌ ئه‌و گوند ل ژێر كونترولا هێزێن پێشمه‌رگه‌ى دایه‌ و هه‌روه‌سا پێشمه‌رگه‌ شیایه‌ دربه‌كێ كۆژه‌ك ل تیرورستێن داعش بده‌ن و چه‌ندین تیرورست هاتینه‌ كوشتن.

سوبه‌ ئه‌ڤ جهه‌ دێ مووچه‌ى وه‌رگرن

12/07/2015 15:19

966

ئه‌ڤرۆ نیوز:
رێڤه‌به‌ریا راگه‌هاندن و په‌یوه‌ندیان ل وه‌زاره‌تا دارایى و ئابوورى خشتێ سوبه‌ بۆ به‌لاڤكرنا مووچێ هه‌یڤا 5 یێ ڤان جهان راگه‌هاند.
رێڤه‌به‌ریا راگه‌هاندن و په‌یوه‌ندیان ل وه‌زاره‌تا دارایى و ئابوورى دیاركریه‌ كو سوبه‌ روژا دوشه‌مبى دێ ئه‌نجومه‌نێ ئاسایشێ و ده‌زگه‌هێ گشتى یێ ئاسایشێ دێ مووچێ هه‌یڤا 5 وه‌رگرن.

ئه‌ڤرۆ كاسياس ب رۆندكان خواتر خواست

12/07/2015 14:40

649

ئەڤرۆ نیوز،زنار تۆڤی:
ئەڤرۆ د کونگرەکێ روژنامەڤانی دا ل پایتەختێ مەدرید ئیکەر کاسیاسی گولچی و کاپتنێ یا نەیا ریال مەدرید یا ئیسپانی ب چاڤێن تژی رۆندک خاترا خوە ژ حەژێکەرێن خوە خواست و بەرەف یانەیا پۆرتۆ یا پۆرتوگالی ڤەچوو،کو بۆ ماوێ دوو سالان گرێبەست دگەل وێ یانێ گرێدایە، گولا وێ یانێ ب پارێزیت.

ناڤھاتی ٢٥ سالان مایە دناڤ رێزێن یانەیا شاھانەدا و بۆ ماوێ ١٦ سالان وەکو گولجیێ سەرەکی دگەل یانەیا ریال مەدرید کارکریە و چەندین ناسناڤ دگەل وێ یانێ برینە،لێ ئەڤە ماوەیەک بوو سەروکێ یانێ ژ ئاستێ وی رازی نەبوو،لەورا کاسیاسی بریاردا کو پەیوەندیێ ب یانەیا پۆرتۆ یا پۆرتۆگالی بکەت،ئەڤرۆ ب فەرمی بۆ یاریکەرێ وێ یانێ.

ل دهۆكێ رێژا ده‌رچوونا ئه‌ڤ ساله‌ ژ سالێن دى باشتر بوو

12/07/2015 14:25

289

ئه‌ڤرۆ نيوز:

ئه‌ڤرۆ رۆژا ئێكشه‌مبى رێكه‌فتى 12ى تيرمه‌ها 2015ێ رێڤه‌به‌رێ گشتيێ په‌روه‌ردا پارێزگه‌ها دهۆكێ د كۆنگره‌كێ رۆژنامه‌ڤانى دا ئه‌نجامێن ئه‌زموونێن گشتی یێن قووناغا 12 ئاماده‌یی و ئه‌نجامێن پولا نه‌هێ‌ بنه‌ره‌تی و رێژا ده‌رچوونێ‌ یا پارێزگه‌ها دهۆكێ‌ د ئه‌زموونێن ئه‌ف ساله‌ دا سالا خواندنێ‌ 2014/2015 خولا ئێكێ‌ راگه‌هاندن.

ل ده‌ستپێكێ‌ عه‌بد يوسف رێڤه‌به‌رێ‌ گشتی به‌حسێ ره‌وشا خواندنێ‌ د ئه‌ف ساله‌ دا كر كو سالا خواندنێ‌ 2014/2015 و ئه‌و ئاسته‌نگ و به‌رهنگاریێن كه‌فتینه‌ به‌ر رێ‌ یا كه‌رتێ‌ په‌روه‌ردێ‌ نه‌خاسمه‌ ئه‌و پێلا ئاواره‌یان كو زوربه‌ری وان و بۆ ماوه‌یه‌كێ‌ درێژ ماینه‌ د ناڤ ئاڤاهیيێن قوتابخانان دا و كارتێكرن ل سه‌ر ره‌وشا قوتابخانان بۆ ماویه‌كی كری.

هه‌روه‌سا رێڤه‌به‌رێ‌ گشتی یێ‌ په‌روه‌ردا پارێزگه‌ها دهۆكێ‌ دیاركر كو ب هیمه‌تا ماموستا و سه‌میانیێن قوتابیان ئه‌ف ساله‌ ژی ب سه‌ركه‌فتیانه‌ ده‌ربازبو و پیروزباهی ل قوتابیێن سه‌ركه‌فتی كر و داخازا ژیانه‌كا پری خوشی وشادی بو وان خواست.
هه‌روه‌سا د كونگرێ‌ روژنامه‌ڤانی دا رێژێن ده‌رچوونێ‌ و سه‌ركه‌فتیێن ئێكێ‌ ل هه‌ردوو قووناغا ئاماده‌یی وبنه‌ره‌تی بۆ ده‌زگه‌هێن راگه‌هاندنێ‌ دانه‌ دیاركرن و كو رێژا ده‌رچونێ‌ ل پارێزگه‌ها دهوكێ به‌راورد د گه‌ل یا پار سال باشتر بوو.

كێشا په‌نزينێ نه‌مايه‌

12/07/2015 13:59

338

ئه‌ڤرۆ نيوز:

هه‌ڤال مايى، رێڤه‌به‌رێ گشتى ل وه‌زاره‌تا سامانێن سرۆشتى يا حوكمه‌تا هه‌رێما كوردستانێ راگه‌هاند كو وه‌زاره‌تا رێژه‌كا گه‌له‌ك مه‌زن يا پانزينێ ل ده‌ف خوه‌ عه‌مبار كريه‌ و ل رۆژانێن جه‌ژنێ و عه‌ره‌فاتێ كێشا كێميا په‌نزينێ نابيت.

نيشاندان 1...480 1,480 2,480 3,4803,4813,482...4,170 زێده‌تر

لاپه‌ر 3,481 ژ 4,170