ئەڤرۆ نيوز:

ھونەرمەندا شێوەکار ئەڤین ئەمین کاکەی، دیارکر کو چوار پیشانگەھێن تایبەت ھەنە و ھەتا بیست پێشانگەھێن ھەڤ پشک ژی ھەنە کو ل کوردستانێ و دەرڤە ڤەکرینە.
ئەڤینێ ھێشتا ژی گۆت: دسەربۆرا من یا ھونەری دا گەلەک تابلۆیێن من ھاتینە فرۆتن و حەزا ستایلێ مە ھەیە، نوکە مژوولی کارەکێ گرافیکی مە و ب مخانی ڤە ل کوردستانێ گەلەک گرنگی پێ نەھاتیەدان، ھیڤی خوازم ل داھاتی گرنگی بڤێ تەکنیکا ھونەری بھێتەدان، ناڤبریێ ئاشکراکر ژی کو نوکە ل ئەکادیمی یا ھونەری یا بەلچیکان بەردەوامیێ د دەتە خواندنا خوە یا ئەکادیمی.

ئەڤرۆ نیوز:
سترانبێژ محسن بەندی، دیارکر کو وی بەرھەمێ خوە یێ نوو ئەوێ کو ژ ١٣ تراکان پێک دھێت ب دووماھی ئینایە، و ل بەر بوو ل جەژنا رەمەزانێ بەلاڤکەت لێ، ژ بەر کاودانێن نوکە ئەم تێدا دەرباز دبین بەلاڤکرنا وی بوو دەمەکێ نە دیار پاشئێخست و گۆت: راستە من سۆز دابوو کو ل ھەیڤا رەمەزانێ ل گەل خێزانا خوە بچمە عومرێ، بەلێ دەلیڤە پەیدا نەبوو بچین، ب ئانەھیا خودێ دێ پشتی جەژنا قوربانی یا ئەڤ سالە چین.
ناڤبری گۆت: رەنگە نوکە مزگەفتەکێ ئاڤا ژی بکەم، بەلێ کەس نوزانیت، چونکو ئەو خێرێن ئەز دکەم من نەڤێت بۆ خوە پێ ریکلامێ بکەم، ل دووماھیێ موحسن گۆت: رەوشا ساخلەمیا من ھەر وەکو خوە یە ل دووماھی سەردەدانا خوە بۆ چارەسەریا چاڤێن خوە من سەردانا وەلاتێ ئەلمانیا کر و ژڤان دایە من کو ل دەمەکێ نێزیک نشتەرگەریەکێ بۆ من ئەنجام بدەن، ئەڤە دێ بیتە نیشتەرگەریا من یا نەھێ بۆ چاڤێ خوە دکەم.

ئەڤرۆ نيوز:

سترانبێژ ھەڤال ئیبراھیم د دیدارەکا رۆژنامەڤانی دا ل کەنالێ نێت تیڤی، بەحسێ سەبۆرا خوە یا ھونەرێ ستران گۆتنێ دکەت و ئاشکراکر کو گیتار و عودێ دژەنیت، پتر ئامیرێَ عودێ، مۆزیکە ب زمانەکێ جیھانی، بێ سنور ل قەلەم دا.
ھەڤال ئیبراھیم ھێشتا ژی گۆت: بۆ بەرھەمێ نوو من سترانەکا کەلتوری چێکریە ل سەر کچان ب گشتی ئەوێن جلکێن کوردی دکەنێ و تایبەت کچێن سلێمانیێ، ھەڤالی ئاشکراکر ژی ھەتا نوکە چ سیستەم نەھاتینەدانان کو ل سەر بچی کو تێدا بژی، دڤێت ھەموو پێکڤە کار بکەن کا چو شێوە دێ شێن پێکڤە ژین و ھونەرێ وەلاتێ خوە پێش ئێخن، ئاریشێن جڤاکی ھەنە و ھەتا نوکە چوونا ئاھەنگ تشتەکێ حەرام و عەیبە، دیسان حوکمەتێ چو بەرنامێن رژد نین کو سیستەمەکی بدانیت و ھندەک سترانبێژێن باش ژێبگریت و کلیپان بۆ دروست بکەت و پاران نە دەستە سترانبێژان و ئەڤە سیستەمەکێ گەلەک شاشە، بەلکو ھندەک ئوتێل و خوارنگەھێن باش تێدا کار بکەن و سترانان تێدا بێژن,
ھەڤال ئیبراھیم گۆت: سترانبێژێن کورد تایبەت دەڤەرا مە حەز نینە ھەموو کاران بکەت و حەز ھەیە روونتە خوار و ھەما پار بۆ بھێت و ئەڤە شاشی ی و دڤێت سترانبێژ بخوە کار بکەت، سێ سالان ئەز چوومە دەواتان و نەچاربووم پاران کوم بکەم دا ستران و کلیپان چێکەم و پارێ مۆزیکژەنان دابین بکەم، ھەڤال ئیبراھیم ھەمان گۆتژی: سلاڤێن خوە بۆ وەزیرێ رەوشەنبیری دھنێرم حەزدکەم دەمێ دەستیردان بۆ خوارنگەھەکێ یان ئوتێلەکێ دھێتەدان بیتە مەرجەک کو سترانبێژەکێ کورد ژی ل ڤی جھی کار بکەت، چونکە شەھیدان د دەین دا ھونەر و کەلتور و زمانێ خوە و ھونەرێ خوە ب پارێزین.
ھەڤال ئیبراھیم زێدەتر ژی گۆت: زارۆکینی من حەز ل سەر وەرزشێ ھەبوو پتر ژ ھونەری و یاریکەرێ تەنسێ بووم دیسان من بۆ یانێ ژی دکر و دیسا قارمانی من بدەست ڤەئیناینە و ئێکەم دەرچووم ل سەر پارێزگەھا نەینەوا ل قوناغا ناڤنجی.