ئه‌ڤرۆ نیوز:
ئه‌ڤرۆ ل باژێرێ دهۆكێ ، خه‌لكه‌كێ زور رژیاینه سه‌ر جادان و پیرۆزباهیا سه‌ركه‌فتنا شنگالێ ل سه‌رۆك بارزانى دكه‌ن.
سه‌رۆك بارزانى ئه‌ڤرۆ دێ ل به‌رۆكێن شه‌رى ل شنگالێ ڤه‌گه‌ریته هه‌ولێر، خه‌لكێ دهۆكێ ژى رژیاینه سه‌ر جادان و ب هه‌لكه‌فتا سه‌ركه‌فتنا پێشمه‌رگه و كونترولكرنا شنگالێ دلخوشیا خوه ده‌رده‌برین و پێشوازیێ ل بارزانى دكه‌ن.
ئه‌ڤرۆ نیوز:
ئه‌ڤرو بهه‌لكه‌فتنا سال روژا راگه‌هاندنا مافێن زاروكان ل جیهانێ رێڤه‌به‌ریا چاكسازیا ئافره‌ت وسنێلان دهوك بهه‌ڤكارى دگه‌ل ده‌سته‌یا سه‌ربه‌خویا مافێن مروڤى ورێڤه‌به‌ریا ره‌وشه‌نبیریا زاروكان لدهوكێ پێشانگه‌هه‌كا كارێن ده‌ستى وئاهه‌نگه‌كا هونه‌رى بو گرتى وراگرتیێن سنٍێله یێن د ناڤا چاكسازی ێدا سازكر ب ئاماده‌بونا لیژنا مافێن مروڤى ئه‌نجومه‌نێ پارێزگه‌ها دهوكێ وچه‌ندین به‌رپرسێن حكومى.
ئەڤرۆ نیوز، سالار دۆسکی:
ئەندامەکا جڤاتا نوونه‌رێن عیراقێ ژ فراکسیۆنا پارتی دیموکراتی کوردستان ئاشکرا دکەت کو وەزیرێ دارایی سوز دایە کو پارەی بۆ وەزارەتا بازرگانی یا عیراقێ بھنێریت ب مەرەما دانا پارێن جۆتیارێن کوردستانێ.
نەجیبا نەجیب ئەنداما جڤاتا نوونه‌رێن عیراقێ بۆ ئەڤرۆ نیوز گۆت: “مە وەزیرێ بازرگانی یێ عیراقێ ب وەکالەت مێھڤانی جڤاتا نوونه‌رێن عیراقێ کر و گەلەک پرس ژێ ھاتنەکرن و ئەندامێن جڤاتا نوونه‌رێن عیراقێ ژ لیستا پارتی گەلەک گڤاشتن ل سەر وەزیرێ بازرگانی کرن کا بۆچی پارێن جوتیاران ناھنێریت؟”.
نەجیبایێ گۆتژى: “وەزیرێ بازرگانی ب وەکالەت ئاشکرا کر کو پارە نینە، پارێ جۆتیارێن ھەرێمێ ب ھنێریت و سوز دا ب تنێ پارەک بھێت ئەو پارێ جوتیارێن ھەرێمێ ب ھنێریت”.
دا زانين ژى كو د کۆمبوونا وان دا ل گەل ھوشیار زێباری وەزیرێ دارایی و ئابووریێ ھەرێمێ داخواز کر کو پارەی بۆ وەزارەتا بازرگانی بھنێریت، دا پارێ جۆتیارێن ھەرێمێ بھێتەدان و وەزیری ژی ھەمبەر بابەتی سوز داینە.
ئه‌ڤرۆ نيوز:
ده‌مژمێر 11ى به‌رى نيڤرۆ يا ئه‌ڤرۆ رۆژا ئێكشه‌مبى رێكه‌فتى 22ى چريا دويێ 2015، هه‌ردو مه‌كته‌بێن سياسى يێن پارتى ديموكراتى كوردستان و مه‌كته‌با سياسى يا ئێكه‌تى نشتيمانى كوردستان يێ د كۆمبوونێ دا ژ بوو چاره‌كرنا كێشێن سياسى و هێشتا ژى يێ دانوستاندنێ دكه‌ن.
وه‌كو هاتيه زانين شاندێ ئێكه‌تيێ ژ مه‌لا به‌ختيار و قوباد ته‌له‌بانى و سه‌عدى پيره و حاكم قادر و شاندێ پارتى ژى نێچيرڤان بارزانى و فازل ميرانى و د. رۆژ و ئازاد به‌روارى و مه‌حمود محه‌مه‌د و دلشاد شه‌هاب پێكهاتيه.
به‌رى نوكه ئێكه‌تى نشتيمانى كوردستان ل گه‌ل گۆڕان و ئێكگرتوو ئيسلامى كوردستان و كۆمه‌لا ئيسلامى كۆم بوويه و پێشنيازه‌كا گۆڕان ژى ل گه‌ل شاندێ ئێكه‌تيێ يه دێ ده‌نه ده‌ست پارتى ديموكراتى كوردستان.
ئه‌ڤرۆنیۆز، ئه‌یاد به‌رواری
پشتی ئه‌نجامدانا چه‌ندین هێرشێن تیرۆرستی ژلایێ رێكخستیا ده‌وله‌تا ئیسلامی (داعش) یا تیرۆرستی ل مسرێ و لوبنانێ و پاریسێ و تێدا ب سه‌دان كه‌س هاتینه كوشتن، وه‌لاتێن رۆژئاڤا ژ وێ چه‌ندێ دترسن كو تیرۆرستێن داعش چه‌كێن ئه‌تۆمی و بایۆلوجی بده‌ستڤه بینن و بكاربینن.
ل دووڤ سایتێ (هاڤینگتۆن پۆست)، ریًكخستیا ده‌وله‌تا ئیسلامی (داعش) یا تیرۆرستی ل هاڤینا بۆری دیاركربوو كو ئه‌و دشێت چه‌كێ ئه‌تۆمی ژ پاكستانێ بكڕیت و ئه‌ڤه ئاماژه‌كا ب مه‌ترسی یه ژبه‌ركو چه‌كێ ئه‌تۆمی یێ عومباركری ل پاكستانێ به‌ر ب زێده‌بوونێ دچیت، دیسا هه‌تا نوكه پاكستان چه‌كێ ئه‌تۆمی ب ترۆمبێلان د ڤه‌گۆهێزیت، دیسا ده‌مێ سه‌رۆك وه‌زیرێن پاكستانێ سه‌ره‌دانا واشنتۆن كری، نه‌شیا ترسا ئه‌مریكا ژ كه‌فتنا به‌رنامێن چه‌كێ پاكستانێ د هنده‌ك ده‌ستێن تێدا نه‌هێلیت.
ل سالا 2007 ێ ئیسرائیلێ ده‌زگه‌هه‌كێ ئه‌تۆمی یێ سووری – كوریا باكوور ل ده‌ڤه‌ره‌كا سووری ژناڤبربوو كو نوكه ئه‌و ده‌ڤه‌ر یا دبن كونترۆلا داعشێ دا و هه‌كه كوریا باكوور پێشڤه‌چوون د به‌رنامێ چه‌كێ كۆمكۆژ داكر، دبیت ئه‌و پێشڤه‌چوونا ئه‌تۆمی و كیمیاوی و بایلۆژی ببیته مه‌ترسی هه‌كه كه‌فته د ده‌ستێ تیرۆرستان دا.
سایتێ ناڤبری ئاماژێ دده‌ت كو ب قه‌چاخ فرۆتنا چه‌كێ ئه‌تۆمی یا چالاكه ل رۆژهه‌لاتا ئورۆپا و ب تایبه‌تی ل وه‌لاتێ مولدۆڤا و دهێته گوتن كو هنده‌ك بازرگانێن روس یێن تاوانبار بزاڤێن رژد دكه‌ن كو بگه‌هنه بكڕێن جیهادی ب تایبه‌تی ئه‌وێن دخوازن زیانێ بگه‌هینه رۆژئاڤای.
ئه‌ڤرۆ نيوز:
ڤايبه‌ر گه‌له‌ك خزمه‌تێن باش يێن هه‌ين و گه‌له‌ك كه‌سان نوكه پشت به‌ستنه‌كا ئێكسه‌ر بۆ تله‌فۆن يان نامه و يان ژى هنارتنا وێنه و ڤيديۆيان ل سه‌ر دكه‌ن، سه‌ره‌راى ڤان مفايان گه‌له‌ك خالێن نه‌رێنى ژى يێن ل ده‌ف ڤايبه‌رى هه‌ين.
1- ب رێيا ڤايبه‌رى دشيان دايه بگه‌هنه هه‌موو وان پێزانينێن د ناڤ تله‌فۆنێ دا و ژ وان ژى ئه‌و نامێن بۆ ته دهێن و دهێنه وه‌رگرتن ژى، ديسا وان هه‌موو تله‌فۆنێن بۆ ته دهێن و يێن ته ئه‌نجام داين.
2- ب رێيا ب كارئينانا ڤايبه‌رى دشيان دايه بگه‌هنه جهێ ته يێ جوگرافى و ب ره‌نگه‌كێ گه‌له‌ك به‌رچاڤ و ئاشكه‌را بۆ ديار دبيت.
3- هه‌ر ب رێيا ڤايبه‌رى دشيان دايه بگه‌هنه وان هه‌موو وێنێن د ناڤ تله‌فۆن يان كۆمپيۆته‌رى دا هه‌ين، ديسا وان هه‌موو ڤيديۆيێن هه‌ين ژى، سه‌ره‌راى وان هه‌موو ئه‌پليكه‌يشنێن د ناڤ مۆبايلێ دا هه‌ين.
4- تشتێ د ڤايبه‌ر دا نه‌يى و د خزمه‌تێن دى يێن وه‌كو وه‌تسئاپ و يێن دى دا هه‌ين، ئه‌وه تو نه‌شێى ده‌ستنيشان بكه‌ى، كا تو يێ ب كارى يان ژى بێ كارى يان ته ده‌مێ دانوستاندنێ هه‌يه، نينه.
5- ل گه‌ل واى فاى و سێ ره‌هندى 3G نيشانا وێ گه‌له‌ك يا ب هێز نينه و يا لاوازه.
6- نه‌شێت ب تله‌فۆنێ يان ب ناما ل گه‌ل كه‌سه‌كى باخڤى كو هه‌لگرێن ڤێ خزمه‌تێ نه‌بن، ئانكو يێن ڤايبه‌ر نه‌ين.
7- ئه‌ڤ خزمه‌تا ڤايبه‌ر ل گه‌ل گه‌له‌ك جۆرێن مۆبايلان ناگۆنجن و ژ وان ژى نۆكيا و سيمبيان و گه‌له‌كێن دى.
8- سه‌ره‌راى ڤان هه‌موو كێشان، جهێ هاريكاريكرنێ نه‌يێ دياره و خودانێ وێ ژى كه‌سه‌كێ ئسرائيلى ئه‌مريكى يه و چار سالان يا د ناڤ له‌شكرێ ئسرائيل دا كار كريه و بۆچوون بۆ هندێ دچن كو بۆ مه‌ره‌مێن سيخۆريێ بهێته بكار ئينان سه‌ره‌راى وێ چه‌ندێ كو د چه‌ندين هه‌لكه‌فتان دا تالمۆن ماركۆ يێ خودانێ وێ راگه‌هانديه كو ئه‌ڤ هه‌موو پێزانينه د پاراستينه.
ئه‌ڤرۆنیۆز، ئه‌یاد به‌رواری
فرۆكه‌ڤانێن له‌شكری یێن ئه‌مریكی ئه‌وێن ژ ئه‌ركێن خوه د شه‌ڕێ دژی رێكخستیا داعش یا تیرۆرستی ل عیراقێ زڤرین ئاشكرا دكه‌ن كو ڕێ ل وان هاته گرتن كو 75% ژ بۆمبێن خوه ئاراسته‌ی ئارمانجێن تیرۆرستان بكه‌ن چونكی ده‌ستوروی بۆ نه‌هاته دان بۆ ئه‌نجامدانا هێرشێن ئه‌سمانی ل دووڤ داخویانیێن ئه‌ندامه‌كێ به‌رنیاس د كۆنگرێسێ ئه‌مریكی دا.
رۆژناما (واشنتۆن فرى باكون) یا ئه‌مریكی، ل دووڤ سایتێ مه‌علومه، ژ ئه‌ندامێ كونگرێسێ ئه‌مریكی ژ ویلایه‌تا كالیفورنیا (ئاد رویس) ڤه‌گوهاستیه كو” گه‌له‌ك جاران ئیدارا سه‌رۆكێ ئه‌مریكی ڕێ ل هێرشێن ئه‌سمانی دگرت ژ ئه‌گه‌رێ سیاسه‌تا ده‌رڤه یا ئیدارا ئه‌مریكی یا دووركرنێ ژ هه‌بوونا قوربانیێن سڤیل و په‌یداكرنا زیانان ب وان”.
ڤی سیناتۆری ئه‌مریكی بۆ رۆژناما ئه‌مریكی زێده‌تر گوت” فرۆكه‌ڤانێن ئه‌مریكی ده‌مێ 12 مه‌هان بوو چووین، دده‌مه‌كی دا رێكخستیا داعشێ د لڤینان دا بوو بێ كو ئه‌مریكا هێزا خوه یا ئه‌سمانی بكاربینیت و فرۆكه‌ڤانێن ئه‌مریكی زڤرین بۆ ئه‌مریكا و گوتنه مه كو سێ چارێكێن چه‌كێن وان نه‌هاتنه هاڤێتن چونكی ده‌ستووری ب وان نه‌دهاته دان ده‌مێ ئارمانجه‌كا رۆهن ل به‌رچاڤێن وان”.
دیاركر” ب چو شێوه‌كی ئه‌ز د ڤێ ستراتیژیه‌تێ ناگه‌هم، چونكی وێ ڕێ نه‌دانێ ده‌لیڤه دا داعشێ كو كو پتر كه‌سان بینیت دناڤ رێزێن خوه‌دا”.
ئەڤرۆ نیوز، ھەژار مەعروف:
ھەردو یاریکەرێن ھەلبژارتیی َعیراقێ کەرار جاسم ئەوێ دەست بەردانا خوە ژ یانا ئیستقلال یا ئیرانی وەرگرتی و یاریکەرێ یانا رەفاع یا بەحرێنی گەھشتی نە رێککەفتنێ ل گەل دەستەیا کارگێریا یانا نەفت وەست بۆ ئیمزاکرنا ھەڤبەستێ د یاریێن بھێت یێن خۆلا عیراقێ و قارەمانیا کاسا ئێکەتیا ئاسیا .
ژێدەرەکێ ژ یانا نەفت وەست د داخویانیەکا تایبەت بۆ ئەڤرۆ نیۆز دیارکر بریارە پیشەکارێ عیراقێ کەرار جاسم ل دو رۆژێن بھێت ب گەھیتە باژێرێ نەجەف بوو ئیمزاکرنا ھەڤبەستا یانا نەفت وەست و ھەتارادەکێ مەزن ل سەر ھەمی بەندێن ھەڤبەستێ پێکھاتی نە.
ھەمان ژێدەر ئەو چەندە ژی دیارکر ھەڤبەستا یاریکەرێ بەرێ ھەلبژارتیێ عیراقێ و یانا رەفاع یا بەحرێنی مستەفا کەریم دێ ل ڤان دو رۆژان ھێـتە راگەھاندن کو ھەردو لایەن ل سەر ھەمی خالێن ھەڤبەستێ پێکھاتی نە بتنێ چاڤەرێ دەست بەردانا وی نە ل یانا بەحرێنی.
ئەڤرۆ نیوز، نەوزاد زادە ھلوری:
لوتکەیا ئابووری و وزێ یا ئەنجومەنا ئەتلانتیک د کارناما لوتکەیا ئەڤ سالە دا ب دووڤ ژێدەرێن وزەێن دن دگەریێن کو شوونا پەترولێ بگریت ل جیھانێ ب گشتی و وەلاتێن ئورۆپی ب تایبەتی.
پەترول و گازا سروشتی یا باشوورا کوردستانێ ژی ئێکە ژ وان وزەیێن کو شوونا وان دگریت ل بازارێن وزەیێن جیھانێ و پێشوازی لێ دھێتەکرن.
شارەزایێن دڤی واریدا وەسا ھزردکەن کو ئێدی ھێزا وزەیا باشوورا کوردستانێ ھاتیە دناڤ بازارێ وزەیا جیھانێ دا، بەلێ ئاسایشا وزەیا دەڤەرێ ئاستەنگان بەرامبەر وزەیا باشوورا کوردستانێ درۆستدکەن.
پانێلەکا وێ لوتکێ تایبەت ل بارا ئایندەیێ وزەیا کوردستانێ “فرێدبێرت فلوگەر” بەرپرسێ ناوەندا ئورۆپی بوو پرسێن وەز و ئاسایشا وزەیێ دیارکر کو پەترولا کوردستانێ نھا ھاتیە ناڤ بازارێ جیھانێ و دێ یا بەردەوام ژی بیت دڤی بازارێ جیھانی دا، بێگومان شەرێ پێشمەرگە بو بەرنگاربوونا داعشێ و تێکچونا ئاسایشا دەڤەرێ و نزمبوونا بھایێ نەچاڤەرێکریێ پەترولێ ئاستەنگ درۆستکرینە بەلێ پەترول و گازا سروشتی یا باشوورێ کوردستانێ دێ رولەکێ تەکتیف ھەبیت ل ئایندە.
فلوگەر ھەروەسا گوت ژی: (سیاسەتا وەزیا باشوورێ کوردستانێ د کێشانا بەرھەم ھێنەرێن بیانی بوو دەڤەرێ یا سەرکەفتی بوویە و کارتێکرن سەر سیاسەتا وەزەیا وەلاتێن دەڤەرێ کریە، بو نموونە ئێران، ژ بەرڤێ سیاسەتا کوردان ژ روویێ وزەیێ ب سەرکەفتی دبینم و دڤێت یا بەردەوام بیت بو دەربازبوون ژ وان ئاستەنگان).
شارەزایێن ڤی بواری گەشبینن ب ھنارتنا پەترولێ ل باشوورێ کوردستانێ بوو بازارێن جیھانێ، و ئەڤ یەک ژی ژچاڤەرێکریێن ھنارتنا گازا سروشتی یا باشوورێ کوردستانێ نە، کو دێ بیتە ژێدەرەکێ جھگر بوو تورکیا و وەلاتێن ئورۆپی.
نيشاندان