ئەڤرۆ نیوز:
ژورا ڤەکولینێ یا سەر ب لژنا رەوشتیێ یا فیفایێ داخوازکر ھەردو سەروکێن ئێکەتیا فیفایێ جوزێب سیب پلاتەر و یێ ئێکەتیا ئوروپی میشێل پلاتینی بھێنە سزادان بێ کو زێدەتر رونکرنا بەلاڤبکەن.
ڤێ لژنێ دیارکریە ڤەکولینا خوە ل دۆر بادەکا ڤان ھەردو کەسان د کەیسێ وان ھەتکبەری و گەندەلیا د فیفایێ دا پەیدابوی ب دووماھی ئینایە و ئەڤ بادەکە رادەستی دادوەرێ ئەلمانی ھانس یواکیم ئایکرت سەروکێ لژنا دادوەری کریە پێخەمەت سزادانا وان بێ کو جور و ماوێ سزای دیاربکەن ژلایێ خوە ڤە ئەڤ لژنە ل ل گەل دادوەرێ ئەلمنی دێ دوبارە پێداچونێ د ڤی کەیسی دا کەن دووڤدا دبیت رەوانەی دادگەھێ بکەن ئەگەر ھاتو دوپات بوو کو تاوانبارن د ڤێ کێشێ دا لێ ھەتا رادەیەکێ مەزن دبیت پلاتەر و پلاتینی بھێنە رەوانەکرن بۆ دادگەھێ بۆ وەرگرتنا سزایێ خوە ل دۆر ئەوان گەندەلیێن د فیفایێ دا ئاشکرا بوین.

ئەڤرۆ نیوز:
د کومبونا خوە یا ڤێ حەفتیێ دا ئێکەتیا تەپا پێ یا ھەرێما کوردستانێ ب ئامادەبونا ھەمی ئەندامان بریارێن گرنگ دەرھەڤی ئەوان یانا کرن یێن بریارا خوە ڤەکیشانا خولێ دای و دووماھی دەلیڤە دایە ڤان یانا.
سەلام حسێن سکرتێرێ ئێکەتیا تەپا پێ یا کوردستانێ دا د داخویانیەکێ دا بۆ ئەڤرۆ نیوز گۆت: د کوموبونا دوھی یا ئێکەتیا تەپا پێ یا کوردستانێ دا چەندین بریار دەرھەقی یانێن ھزرا خوە ڤەکێشانێ دای دەرخستی نە ژوانا بریار و سزایێن ھاتینە دیارکرن دابەزینا وێ یانێ بۆ خولا پلە ئێک ل سالا بھێت، دیسان ھەمی یاریکەرێن وان یانا د ئازادن بەر ب یانەکا دی بچن بێ دەستبەرداری، د دەمێ ئەنجامدانا ھەڤرکیێن خولێ ھەر یانەکا خوە ڤەکێشیت دێ دابەزیتە خولا پلە دو یا کوردستانێ ل سالا دووڤ دا.
ناڤبیر دیارکریە ئەوان دووماھی دەلیڤە دایە یانێن نایاب ھەتا شەمبیا بھێت خوە ئێکلا بکەن و رۆژا پێنج شەمبیا بھێت نڤیسارێن فەرمی پێشکێشی ئێکەتیا وان بکەن پێخەمەت پشکداریێ د ھەڤرکیێن خولێ دا زێدەباری دیارکرنا شێوازێ خولێ و پشککێشانێ.

ب، ئەڤرۆ نیوز:
بریارە ئەڤ شەڤە دەمژمێر ٨:١٥ یاریا کلاسیکویا ئسپانی بھێتە کرن ناڤبەرا یانا ریال مەدرید و ھەڤرکا وێ یانا بەرشەلونە ل یاریگەھا سانتیاگۆ بێرنابیو ل مەدرید، ئەڤ یاریە دێ ھێتە ب رێڤەبرن ژلایێ دادڤان فێرناندێز بۆربولان، ژێدەرێن رۆژنامەڤانی پێکھاتیێ چاڤەرێ کری یێ ڤێ یاریێ ئاشکرا کری یە ئەو ژی ب ڤی شێوێ ل خوارێ یە.
پێکھاتیێ ریال مەدرید: گولچیی ناڤاس، دانیێلو، ڤاران، رامۆس، مارسێلو، کاسیمیرو، کروس، مودرێچ، جێمس رودریگێز، گارس بێل، رونالدۆ.
پێھاتیێ بەرشەلونە: گولچی براڤۆ، دانی ئەلڤێس، پێکێ، ماسکیرانو، ئەلبا، بۆسکێتس، ئینیستا، روبێرتو، نێیمار، مێسی.