ئه‌ڤرۆ نيوز:
دو گه‌نج ل سه‌ر جاده‌كا سه‌ره‌كى يا كوێت ترانا ب حه‌ليما پۆلاند ميداكارا ناڤدارا وى وه‌لاتى دكه‌ن ل ده‌مێ دا بزاڤێ كه‌ت ل ترۆمبێلا خوه سووار بيت.
نووترين نووچه
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
سه‌ره‌كى Twitter
پشكا هه‌رێمێ دێ ژ بوودجه‌ى هێته لابرن
ئه‌ڤرۆ نيوز:
حه‌يده‌ر مه‌ولا په‌رله‌مانتارێ هه‌ڤپه‌يمانيا ده‌وله‌تا قانوونى هه‌بوونا رێكه‌فتنه‌كێ د ناڤ جڤاتا نوونه‌رێن عيراقێ دا ژ بوو لابرنا پشكا 17% يا هه‌رێما كوردستانێ د بوودجه‌يێ سالا 2016يێ عيراقێ دا ئاشكه‌را كر.
مه‌ولا د به‌ياننامه‌كێ دا كو ئه‌ڤرۆ رۆژا شه‌مبى رێكه‌فتى 21ى چريا دويێ به‌لاڤكريه راگه‌هاند: جڤاتا نوونه‌ران كار ژ بوو لابرنا وێ برگێ ژ بوودجه‌ى دكه‌ت هه‌كه هه‌رێم پابه‌ندى راده‌ستكرنا هنارتيێ په‌ترۆلێ نه‌بيت، ژ به‌ر هندێ د وى حاله‌تى دا حوكمه‌تا فيدرال ژى ئاماده نابيت پابه‌ندى ره‌وانه‌كرنا پشكا دارايى يا هه‌رێمێ بيت، ئه‌ڤه ب خوه ژى ل گه‌ل به‌ندێن قانوونا بوودجه‌ى ئێك ناگريت.
هه‌ر ب گۆره‌يى به‌ياننامێ، پشكا هه‌رێمێ ژ دامه‌زاندنێ د بوودجه‌ى دا گه‌هشتيه 23%، ئه‌ڤه ژى ل گه‌ل ژيوارى ئێك ناگريت و ل گه‌ل ژمارا خه‌لكێ هه‌رێمێ ناگۆنجيت، ئاماژه ب وێ چه‌ندێ ژى كر كو “بوودجه‌ى دامه‌زراندن تێدا نينه، ئێدى چاوان دێ ئه‌و رێژه بۆ هه‌رێمێ هێته ته‌رخانكرن؟”.
ل دووڤ گۆتنێن وى په‌رله‌مانتارێ ده‌وله‌تا قانوونێ، فراكسيۆن كار بۆ ژناڤبرنا ماده‌كێ دى دكه‌ن كو يێ پێكهاتيه ژ 300 هزار به‌رميلێن په‌ترۆلا كه‌ركووك، چونكو ئه‌ڤه ب خوه دانپێدانه ب وێ چه‌ندێ كو كه‌ركووك سه‌ر ب كوردستانێ يه.
سەندیکا ھونەرمەندێن رۆژئاڤا ستافه‌ك بۆ خوه هه‌لبژارت
ئه‌رڤرۆ نیوز:
کۆنفرانسێ ئێکێ یێ سەندیکا ھونەرمەندێن رۆژئاڤایێ کوردستانێ لقێ دھۆک ئەڤرۆ رۆژا ئەینی ٢٠/١١/٢٠١٥ ب ئامادەبوونا (ئەیوب رەمەزان) رێڤەبەرێ گشتی یێ رەوەشنبیری و ھونەری ل دھۆکێ و چەندین ھونەرمەند و ھونەردۆست و دەزگەھێن راگەھاندنێ ل ھولا ئەحمەدێ نالبەند ل پانۆراما ئازادی ل دھۆکێ ھاتەگێران و دەستەکەک بۆ سەندیکا ناڤبری ھاتە ھەلبژارتن.
ئەیۆب رەمەزان، رێڤەبەرێ گشتی یێ رەوشەنبیری و ھونەری ل دھۆکێ پشتی پیرۆزباھی ل ھەموو ھونەرمەندێن رۆژئاڤایێ کوردستانێ کری ب ھەلکەفتا دامەزراندنا سەندیکا وان د پەیڤەکێ دا ئاشکرا کر کو دامەزراندنا ڤێ سەندیکایێ پێنگاڤەکا دیرۆکی و گرنگە د ڤێ قووناغێ دا و گۆت:” ھونەرمەندێن رۆژئاڤا یێ د ناڤ مللەتێ خوە دا و ھوون پشکەکا گرنگ و رەسەنێن ڤی مللەتی نە”.
ناڤھاتی ئاماژە دا وێ چەندێ ژی کو رێڤەبەریا گشتی یا رەوەشنبیری و ھونەری یا بەرھەڤە ھەر کارەکێ پێدڤی و دشیان دا بیت بۆ ھونەرمەندێن رۆژئاڤا ئەنجام بدەت و گۆت: ” ھیڤیدکەم ئەڤ سەندیکایە بشێشت بەرەڤانیێ ژ مافێن ھونەرمەندێن رۆژئاڤایێ کوردستانێ بکەت”.
ھەژی گۆتنێ یە کو ئەنجامێن ڤی کۆنفرانسی ب ڤی رەنگی بوون
١- ئعتیدال مەحمود، سەرۆکا سەندیکایێ
٢- ئەحمەد شوێش، سکرتێرێ سەندیکایێ
٣- ئاریا حەسەن، بەرپرسا چالاکیێن سەندیکایێ
ل شندوخا ئاگر به‌ردبیته ترومبێلەکێ
ئه‌ڤرۆ نیوز:
بێوار عه‌بدولعه‌زیز، به‌رپرسێ راگه‌هاندنێ ل رێڤه‌به‌ریا به‌ره‌ڤانیا باژێرى ل دهۆكێ بۆ ئه‌ڤرۆ نیوزدیاركر: ئەڤرو رێکەفتی 20/11/2015 ل دەمژمێر 8:30 شەف بنگەهێ نزاری هاتە ئاگەهدارکرن ب هەبونا رویدانەکا ئاگری ئەوژی ترومبێلەکا ژ جورێ (BMW .x5 ) ل سەر جادا شندوخا سوپاس بو خودێ گیان ب سلامت بون، به‌لێ ترومبێل بتمامی ژ کارکەفت.
بێوارى دیاركر كو سایدی چونێ هاتبو گرتن بتمامی و قەرەبالغەک ئێک جار زور یا ترومبێلا ل سایدی بو ئەگەر کو ببیتە ئاستەنگ د رێکا تیمێن واندا .ڵێ سوپاس بو خودێ دڤێ رویدانێ دا گیان ب سلامت بوون.
به‌رپرسێ راگه‌هاندنێ ل رێڤه‌به‌ریا به‌ره‌ڤانیا باژێرى داخاز ژ هەمی شوفێرێن هێژا كر ل دەمێ دەنگێ ترومبێڵا ئاگرڤەمراندنێ دهێت خو بدەنە لایەکی داكو رێک بو بهێتە ڤەکرن چونکی هەر چرکەیک گەلەکە بو رویدانێ
گه‌فێن هه‌لوه‌شاندنا ئه‌ندامه‌تیا په‌رله‌مانی ل له‌یلا زانا دهێنه كرن
ئه‌ڤرۆنیۆز، ئه‌یاد به‌رواری
سه‌رۆكێ به‌رێ یێ په‌رله‌مانێ توركیا جه‌میل ججك راگه‌هاند، دبیت ب شێوه‌كێ قانوونی ئه‌ندامه‌تیا په‌رله‌مانێ توركی ژ په‌رله‌مانتار (له‌یلا زانا) بهێته كێشان هه‌كه هات و دوباره سویند نه‌خواند وه‌كو په‌رله‌مانتار، پشتی كو هنده‌ك په‌یڤێن زێده ل گه‌ل سویندا خوه خواندین.
ل دووڤ سایتێ (توركیا پۆست)، له‌یلا زانان په‌رله‌مانتارا پارتا دیموكراتیا گه‌لان (هه‌ده‌په) د سویندا خوه دا وه‌كو په‌رله‌مانتار گوتبوو (گه‌لێ توركیا) ل شوینا بێژیت (گه‌لێ توركی) و سه‌رۆكێ به‌روه‌خت یێ په‌رله‌مانێ توركی ئه‌و سویند قه‌بوول نه‌كربوو و داخواز ژێ كربوو سویندا خوه دوباره بكه‌ت، به‌لێ له‌یلا زانا رازی نه‌بوو دوباره بكه‌ت.
په‌رله‌مانتارا هه‌ده‌پێ دیاركربوو ژی كو ئه‌و خواندنا سویندا په‌رله‌مانتاریێ ب چو شێوه‌كی دوباره ناكه‌ت و ئه‌ڤێ چه‌ندێ دلته‌نگی ل ده‌ڤ هه‌ده‌پێ دروستكریه كو ناخوازیت هێشتا په‌رله‌مانتاران ژده‌ست بده‌ت و داخواز ژ له‌یلا زانا كریه رۆهنكرنه‌كێ بده‌ت ل دۆر ڤێ پرسێ.
له‌یلا زانا پشتی بوویه ئه‌نداما په‌رله‌مانێ توركیا ل سالا 1994 ێ، سویند په‌رله‌مانتاریێ ب زمانێ كوردی دناڤ هولا په‌رله‌مانی خواندبوو و د ئه‌نجامدا حوكمێ زێندانێ بۆ ده‌مێ 15 سالان ل سه‌ر هاتبوو سه‌پاندن.
داعش گه‌ف ل نیویۆرك ژی كرن
ئه‌ڤرۆنیۆز، ئه‌یاد به‌رواری
ریًكخستیا ده‌وله‌تا ئیسلامی (داعش) یا تیرۆرستی د توماره‌كا ڤیدیویی دا دیاركر كو وێ ل به‌ره هێرشه‌كێ دژی باژێرێ نیویۆرك یێ ئه‌مریكی ئه‌نجام بده‌ت، پۆلیسێن وی باژێری ژی دیاركرن كو وان پێزانین ل سه‌ر وێ تومارا ڤیدیویی یێن هه‌ین و هژماره‌كا زێده‌تر ژ پۆلیسێن نه‌هێلانا تیرۆرێ یێن به‌لاڤكرین.
د وێ ته‌مارا ڤیدیویی یا داعشێ دا، هنده‌ك وێنه ژ مه‌یدانا (تایمز سكوێر) یا بناڤوده‌نگ ل نیویۆرك دهێنه نیشاندان، زێده‌باری نیشاندانا هنده‌ك وێنان ل دۆر دروستكرنا بۆمبه‌كێ و كه‌سه‌كێ خوه‌كوژ قاییشه‌كا مینرێژكری دكه‌ته به‌رخوه.
پۆلیسێن نیویۆرك خویاكرن كو هه‌ر چه‌نده هنده‌ك وێنێن وێ ڤیدیویێ د نوو نینن، به‌لێ ئه‌و وێنه دیاردكه‌ن مو هه‌تا نوكه نیویۆرك ل سه‌رێ لیستا ئارمانجێن تیرۆرستان دهێت و ئه‌م د هشیارین بۆ هه‌ر كاره‌كێ و ئارمانج ژ وان وێنێن ڤیدیویی به‌لاڤكرنا ترسێ یه.
پۆل كروكشینك، شرۆڤه‌كار د كاروبارێن تیرۆرێ دا بۆ كه‌نالێ (سی ئێن ئێن) یێ ئه‌مریكی دبێژیت” نابیت ده‌زگه‌هێن ئه‌منی ل ئه‌مریكا وێ تومارا ڤیدیویی پشت گوه ب هاڤێژن و پێدڤیه ب رژدی ڕه‌فتار ل گه‌ل وی بابه‌تی بهێته كرن، چونكی داعش زه‌نگینترین رێكخستیا تیرۆرستی یه د دیرۆكێ دا و گه‌له‌ك ئه‌ندام ولایه‌نگر ل وه‌لاتێن رۆژئاڤای یێن هه‌ین و ئه‌و رێكخستیا تیرۆرستی دخوازیت هیرشه‌كا تیرۆرستی بكه‌ته سه‌ر ئه‌مریكا”.
سەروکێ یانا پاریس سان جێرمان ل مەدرید چدکەت؟
ئەڤرۆ نیوز:
ژێدەرێن رۆژنامەڤانی ھوسا خویاکریە کو نوکە سەروکێ یانا پاریس سان جێرمان یا فرەنسی یێ قەتەری ناسر خلێفی ل پایتەختێ ئسپانیا مەدریدە پێخەمەت دانوستاندنا ل گەل سێرا یانا مەلەکی رونالدوی.
رۆژنامەیا ئاس د ڤی چارچوڤەی دا دیارکریە کو ناسر خلێفی سەروکێ یانا پاریس سان جێرمان نوکە ل مەدریدە و دوھی دانێ شیڤێ ل گەل بریکارێ کارێن کرستیانو رۆنالدوی خورخێ مێندێز ل خوارنگەھەکێ کومبوینە پێخەمەت بابەتێ ڤەگوھاستنا ستێرا پرتوگالی بۆ یانا فرەنسی و دێ ئامادەی یاریا کلاسیکو ناڤبەرا ھەردو یانێن بەرشەلونە و ریال مەدرید بەرھەڤ بیت.
ڤی ژێدەری ئاماژە ب وێ چەندێ کریە کو ناسر خلیفی حەزەکا مەزن ھەیە ھەڤبەستێ ل گەل یاریکەرێ یانا ریال مەدرید رونالدوی ئیمزا بکەت ل ھاڤینا سالا بھێت داکو ل شوونا یێ سویدی ئیبراھیموڤیچ بگریت ژبەرکو دێ دووماھی وەرز بیت بۆ یاریکەرێ سویدی ل گەل یانا پاریسی.
دھێتە وانین گوتگوتکێن زور ھەنە دەربارەی ستێرا یانا ریال مەدرید کرستیانو رۆنالدوی کو دێ دووماھی وەرز بیت ل گەل یانا پایتەختێ ئسپانی و حەزا وی یە بەر ب یانا پاریس سان جێرمان بچیت ل وەرزێ بھێت.
بزانە مێسێ دێ چەند دەقیقا پشکداریێ د کلاسیکویێ دا یاریێ کەت؟
ئەڤرۆ نیوز، زنار:
یاریکەر و ستێرا یانا بەرشەلونە یێ ئەرژەنتینی لیونێل مێسی بۆ راھێنەرێ یانێ لویس ئێنریکی دیارکریە د شیان دا نینە ئەو بشێت یاریێ وەک یاریکەرەکێ سەرەکی د کلاسیکویێ دا بکەت و داخواز ژێ کریە ماوەکێ کێم د یاریێ دا پشکداریێ بکەت ئەوا بریارە ئەڤرۆ رۆژا شەمبی ل دەمژمێر ٨:١٥ شەڤ بھێتە کرن ژ خولا ئسپانیا یا تەپا پێ.
زێدەتر دڤی دەربارەی دا تێلەڤزیونا کادینا کوبی یا ئسپانی د پەیامەکی دا ئاماژە ب ڤی بابەتی دایە و دیارکریە کو لیونێل مێسی ئەو ڤێ حەفتیێ ژ ھنگافتنێ ڤەگەریای داخواز ژ راھێنەرێ تیمآَ کریە ئەو نەشێت پشکداریێ د یاریا کلاسیکویا ئسپانی ل گەل یانا ریال مەدرید دا بکەت وەک یاریکەرەکێ سەرەکی ژبەرکو ھێشتا ب تمامی ژ ھنگافتنا خوە چارەسەر نەبویە و مەترسیا ھنگافتنا وی زێدەتر لێبھێت ھەیە، لەورا داخواز ژ راھێنەرێ خوە کریە وەک یاریکەرەکێ یەدەک بیت ل دەسپێکا یاریێ و پشکداریێ نەکەت ئەگەر یا پێدڤی نەبیت ژبەرکو ھێشتا پێدڤی ب دەمی یە بۆ ساخ بونا وی یا تمام داکو دوبارە ڤەگەریتە یاریگەھان.
گرنگترین مانشێتێن ئه‌ڤرۆ، یێن رۆژنامێن ئسپانیا سه‌باره‌ت یاریا كلاسیكو
ئه‌ڤرۆ نیوز:
رۆژناما ماركا به‌لاڤكریه كو بو یاریا سوبه‌هى یا د ناڤبه‌را ریال و به‌رشه‌لونه‌دا، گارێس به‌یل یاریكه‌رێ ریال مه‌درید 100% یێ به‌رهه‌ڤه و د باشترین حاله‌ت دا دێ گه‌هته یاریا كلاسیكو، هه‌روه‌سا هاتیه كو به‌یل خه‌ونا ب وێ یه‌كێ دبینیت كو باشترین ئاست د ڤێ شه‌ڤێ دا پێشكێش بكه‌ت، سه‌باره‌ت چاره‌نڤیسێ كه‌ریم بنزیمه هاتیه نڤێسێن كو چاره‌نڤیسێ وێ نه‌یێ دیاره، ژبه‌ر كو هه‌ست ب پیچه‌كا ئێشانێ دكه‌ت.
ئه‌نیستا یاریكه‌رێ یانا به‌رشه‌لونه گوتیه” گه‌له‌ك یا خه‌له‌ته ئه‌م هزر بكه‌ین كو ریال یانه‌كا لاوازه.
رووسیا ئه‌ڤ كوژمێ خه‌یالى بۆ گرتنا ئه‌نجامده‌رێ ته‌قینا فرۆكا رووسى ته‌رخان كریه
ئه‌ڤرۆنیۆز، ئه‌یاد به‌رواری
حوكمه‌تا روسی 50 ملیۆن دۆلار یێن ته‌رخانكرین به‌رامبه‌ر هه‌ر پێزانینه‌كا ببیته ئه‌گه‌رێ ده‌سته‌سه‌ركرنا ئه‌و كه‌سێ به‌رپرس ژ چاندنا بۆمبێ د فرۆكا روسی دا ئه‌وا ل دووماهیا مه‌ها بۆری ل ده‌ڤه‌را سینا مسری ل ئه‌سمانی په‌قی و 224 كه‌سان گیانێ خوه ژ ده‌ستدای. ئه‌ڤ گوژمێ پاره‌ی ژی گه‌له‌ك یێ پتره ژ بهایێ ده‌سته‌سه‌ركرنا هه‌ردو سه‌ركرێد رێكخراوا قاعیده یا تیرۆرستی و رێكخستیا داعش یا تیرۆرستی.
بۆ ده‌سته‌سه‌ركرنا سه‌ركردێ رێكخراوا قاعیده یا تیرۆرستی (ئه‌یمه‌ن زه‌واهری) ل دووڤ سایتێ (چاكوچ) ئه‌مریكا گوژمێ 25 ملیۆن دۆلار یێن ته‌رخانكرین و ئه‌و گوژمێ پاره‌ی هه‌مان هه‌مان بهایێ ده‌سته‌سه‌ركرنا سه‌ركردێ به‌رێ یێ قاعیده (ئوسامه بن لادن) بوو، دیسا ئه‌مریكا 10 ملیۆن دۆلار ته‌رخانكربوون بۆ بهایێ ده‌سته‌سه‌ركرنا (حافز محه‌مه‌د سه‌عید) سه‌ركردێ گرۆپێ ده‌عوه ل پاكستانێ كو ژلایێ ئه‌مریكا و هندستانێ ڤه هاتبوو تۆمه‌تباركرن ب ئه‌نجامدانا هێرشێن بۆمبای ل هندستانێ ل سالا 2008 ێ كو تێدا 166 كه‌س هاتبوونه كوشتن.
سه‌ركردێ رێكخستیا ده‌وله‌تا ئیسلامی (داعش) یا تیرۆرستی (ئه‌بوبه‌كر به‌غدادی)، ئه‌مریكا گوژمێ 10 ملیۆن دۆلار بۆ بهایێ پێزانینێن ببنه ئه‌گه‌رێ دیاركرنا جهێ وی .
نيشاندان
WP Facebook Auto Publish Powered By : XYZScripts.com