ئەڤرۆ نیوز، زنار زوبێر:

یانا زاخۆ ب فەرمی گەھشتیە رێکەفتنێ ل گەل دو یاریکەرێن پیشەکار یێن لیبی و بریارە ئەڤرۆ رۆژا شەمبی ب گەھنە فروکخانەیا ھەولێر یا نیڤدەولەتی.
رێڤەبەرێ کارێن ڤان ھەردو یاریکەران بۆ مالپەرێ کورە یێ بەحرێنی دیارکریە کو ھەردو یاریکەرێن لیبی عەبدولسەرلام فەیتوری و موھەنەد بوعجێلە گەھشتینە رێکەفتنا دووماھیێ پێخەمەت کرنا یاریێ بۆ یانا زاخۆ د قوناغا دویێ یا خولا عیراقێ یا تەپا پێ و بریارە ئەڤرۆ رۆژا شەمبی ھەردو یاریکەرێن ناڤبری ب رێکا فروکخانەیا ھەولێر یا نیڤدەلەتی ب گەھن و دووڤدا پەیوەندیێ ب یانا زاخۆ بکەن و ھەڤبەستێ ئیمزا بکەن.

ئەڤرۆ نیوز، زنار:

پشتی ئێکەتیا تەپا پێ یا ھەرێما کوردستانێ کومبون ل گەل نوونەرێن یانێن پشکدار د خولا تەپا پێ یا ھەرێمێ دا کری، تنێ حەفت یانا بەرھەڤیا خوە دیارکر پشکداریێ د ھەڤرکیێن خولێ دا بکەن.
د ڤی چارچوڤەی دا ژێدەرکی تایبەت بۆ سایتێ ئەڤرۆ نیوز ئاشکرا کر کو پشتی ئەوان کومبون ل گەل نوونەرێن یانێن پشکدار دخولا ھەرێما کوردستانێ یا تەپا پێ دا کری د ڤێ کومبونێ دا تنێ حەفت یانا بەرھەڤیا خوە دیارکر پشکداریێ د ھەڤرکیێن خولێ دا بکەن ئەو ژی یانێن پارێزگەھا دھۆکێ زێرەڤانی و گارە و زاخۆ و دھۆک ل گەل ھەولێر و پێشمەرگە یا ھەولێر و نەوروز یا سلێمانیێ بەرھەڤن بۆ پشکداریێ لێ یانێن ئارارات و کەرکووک و ھندرین و شێروانە و برایەتی و سلێمانی و سولاڤ یا کەرکووک بەرھەڤ نەبون پشکداریێ د خولێ دا بکەن ژبەر قەیرانا دارایی یا ھەرێما کوردستانێ، لەورا ھەتا نوکە ئێکەتیا تەپا پێ چو بریار ل دۆر ئەنجامدانا خولێ و شێوازێ زێ دیارنە کرینە.

ئەڤرۆ نیوز، ھەژار مەعروف:

فوتو، قەیس وەیسی:
جێگرێ سەروکێ ئێکەتیا تەپا پێ یا عیراقێ عەلی جەبار د داخویانیەکێ دا بۆ مالپەرێ کورە دیارکری یە قارەمانا کاسا عیراقێ دێ نوونەریا عیراقێ کەت د قارەمانیا کاسا ئێکەتیا ئاسیا یا تەپا پێ بۆ وەرزێ ٢٠١٦-٢٠١٧ .
ناڤبری ئاماژە ب وێ چەندێ ژی کر کاسا عیراقێ ژلایێ گەلەک یانا ڤە گرنگی پێ نەھاتە دانێ کو چەندین یانێن بەرنیاس خوە ژ قارەمانیێ ڤەکێشا لێ ھەر یانەکا پشکداری تێدا نەکربیت ئەو دێ یا پەشێمان بیت ژبەرکو قارەمانا کاسێ ئێکسەر دێ پشکداریێ د قارەمانیا ئاسیا دا کەت.
ھەژی گوتنێ یە رێکا یانا دھۆک بۆ دەربازبوونێ بۆ قوناغا پێش دووماھیا کاسا عیراقێ یا ب زحمەت نینە دەمێ یاریا خوە یا قوناغا ھەشتێ ھەمبەری تیما ختوت کەت و سەرکەفتی وێ یاریێ دێ بەرامبەر سەرکەفتیێ یاریا جەویە و کەرخ کەت.

زاخۆ,هشیار دوبانكى:

ژ بۆ پتر به‌رهه‌ڤیا تیما ته‌پا پێ یا یانا زاخۆ ئه‌وا پشكدار دخولا نایابا عیراقێ دا هه‌ڤبه‌ستا یاریكه‌رێ هه‌لبژارتیێ لاوێن عیراقێ ویانا شورته‌ ئه‌كرم جاسمى ئیمزا كر.

راگه‌هه‌ندنا یانا زاخۆ دیاركر ل كه‌مپا راهینانێ ل باژیرێ ئه‌نتالیا ژبه‌ر وێ كێماسیا ل هێلا هیرش برنێ كارگێریا یانا زاخۆ هه‌ڤبه‌ستا یاریكه‌ر ئه‌كرم جاسمێ ئێمزا كر.