ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 2ىتيرمه‌تا 2015ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1241 |
| 1 يۆرۆيێ ئه‌ورۆپى | 1375 |
| 1 ليرێ توركى | 460 |
ژ به‌ر كو ره‌وشا دراڤى به‌رده‌وام دهێته گوهۆڕين بۆ زانينا نووترين گۆڕانكاريان سه‌ره‌دانا مالپه‌رێ ئه‌ڤرۆ نيوز بكه.
ئەڤرۆ نیوز،زنار تۆڤی:
سەرۆکوەزیرێن بریتانیا دێڤد کامیرۆن دپرێس کونفراسەکیدا ئەڤرۆ رۆژا پێنجشەمبی 2ى تيرمه‌هێ 2015 راگەهاند کو وەلاتێ وی دێ ل دژی داعشێ ل سوریێ راوەستیت و ژ ئەڤرۆ وێڤە دێ فرۆکێن بریتانی هێرشێ کەنە سەر مولگە و جهێن داعشێ ل سوریێ،ب ڤی رەنگی بۆ جارا ئێکێ یە بریتانیا ڤی هەلویستی بەرامبەر تیرورستێن داعش دیار دکەت،کو هێرشێن فرۆکەڤانی بکەتە سەر داعشێ ل سوریێ.
ئه‌ڤرۆ نيوز، نيوار محه‌مه‌د سه‌ليم:
هه‌ر چه‌نده بڕيار بوو ل ڤێ حه‌فتيێ هه‌ر پێنج لايه‌نێن سياسى ل هه‌رێما كوردستانێ كۆم ببن، به‌لێ كۆمبوون نه‌هاته ئه‌نجام دان و دهێته پێشبينيكرن ل حه‌فتيا بهێت ئه‌ڤ پێنج لايه‌نه كۆم ببن.
پشتى بزاڤا يه‌كگرتوو ئيسلامى كوردستان بۆ كۆمبوونا پێنج لايه‌نێن سياسى يێن سه‌ره‌كى ل هه‌رێما كوردستانێ “پارتى ديموكراتى كوردستان، بزاڤا گۆڕان، ئێكه‌تى نشتيمانى كوردستان، يه‌كگرتوو ئيسلامى كوردستان و كۆمه‌لا ئيسلامى” بۆ سازان و دانوستاندنێ ل سه‌ر پرسێن گرنگ، بڕياره حه‌فتيا بهێت ئه‌و كۆمبوون ل سه‌ر ئاستێ بلند بهێته ئه‌نجام دان و دانوستاندنێ ل سه‌ر وى بابه‌تى بكه‌ن.
كۆمبوون دێ ل سه‌ر ئاستێ بلندێ لايه‌نێن سياسى بيت و ب گۆره‌يى ئه‌و پێزانينێن پێشتر هاتينه به‌لاڤكرن پارتى بۆ ڤى بابه‌تى هه‌ر ئێك ژ نێچيرڤان بارزانى جێگرێ سه‌رۆكێ حزبێ و مه‌سرۆر بارزانى ئه‌ندامێ مه‌كته‌با سياسى و فازل ميرانى سكرتێرێ مه‌كته‌با سياسى راسپاردينه و يه‌كگرتوو ئيسلامى كوردستان ژى دهێته پێشبينيكرن ب ئه‌و لژنا بۆ سه‌ره‌دانا لايه‌نێن سياسى پێكئينايى پشكدار بيت كو ژ هه‌ر ئێك ژ محه‌مه‌د ئه‌حمه‌د جێگرێ ئه‌ميندارێ گشتى هه‌ر ئێك ژ به‌رپرسێ په‌يوه‌نديێن ئێكگتروو، خه‌ليل ئيراهيم و فه‌رهاد مه‌لا سالح سه‌رۆكێ جڤاتا سه‌ركرداتيا ئێكگرتوو ل هه‌ولێر، لايه‌نێن دژى هێشتا ناڤێن شاندێن خوه رانه‌گه‌هاندينه ب تنێ گۆڕان دايه زانين كو نه‌وشيروان مسته‌فا پشكدار نابيت و يا زانايه ژ به‌ر ره‌وشا خوه، سكرتێرێ گشتيێ ئێكه‌تى نشتيمانى كوردستان ژى پشكدارى كۆمبوونێ نه‌بيت، به‌لێ دهێته پێشبينيكرن ئێكه‌تى ب سه‌رۆكاتيا مه‌لا به‌ختيار پشكدارى كۆمبوونێ ببيت.
پشتى ل 23ى خزيرانێ گۆڕان و ئێكه‌تى و يه‌كگرتوو و كۆمه‌لێ ل په‌رله‌مانێ كوردستانێ ب ئاماده‌بوونا قونسلێ ئيرانێ خواندنا ئێكێ بۆ پرۆژێ قانوونا راستڤه‌كرنا قانوونا سه‌رۆكاتيا هه‌رێما كرى، پارتى نه‌رازيبوونا خوه دياركر و راگه‌هاند كو ئه‌گه‌رێ نه‌هێلانا حوكمه‌تێ و ئه‌نجامدانا هه‌لبژارتنێن پێش وه‌خت يا هه‌يى.
سه‌ركراتيا يه‌كگرتوو ژى ل ده‌ڤه‌را بادينان گه‌له‌ك ب هه‌لويستێ فراكسيۆنا يه‌كگرتوو دلگران بوو و گه‌فێن جودابوونێ كرن و ئه‌و بوو سه‌ركرداتيا يه‌كگرتوو ژ وى كارێ خوه لێڤه‌چوو و لژنه‌ك بۆ كۆمكرنا لايه‌نێن سياسى پێكئينا و بڕياره ل سه‌ر داخوازيا وێ لژنێ ئه‌ڤ كۆمبوونه بهێته‌ئ ئه‌نجام دان.
ئه‌ڤرۆ نيوز، نيوار محه‌مه‌د سه‌ليم:
ژ ئه‌گه‌رێ شۆرته‌كێ كاره‌بێ ئاگر به‌ربوو شه‌ش خيڤه‌تێن ناڤ كه‌مپا دوميز يا په‌نابه‌رێن رۆژئاڤايێ كوردستانێ و رێڤه‌به‌را كه‌مپێ راگه‌هاند كو گيان ب سلامه‌تن.
له‌يلان محه‌مه‌د سالح، رێڤه‌به‌را كه‌مپا دۆميز يا په‌نابه‌رێن رۆژئاڤايێ كوردستانێ د داخۆيانيه‌كێ دا بۆ ئه‌ڤرۆ نيوز راگه‌هاند كو به‌رى ده‌مه‌كێ كێم ژ ئه‌گه‌رێ شورته‌كێ كاره‌بێ شه‌ش خيڤه‌تێن ئاوارێن رۆژئاڤايێ كوردستانێ ل ناڤ كه‌مپا دۆميز هاتنه سۆتن.
رێڤه‌به‌را كه‌مپا دۆميز يا په‌نابه‌رێن رۆژئاڤايێ كوردستانێ زێده‌تر گۆت: “خۆشبه‌ختانه ب تنێ زيانێن مادى هه‌بوون و چو زيانێن گيانى لێ نه‌كه‌فتينه”.
ژ لايه‌كێ دى ڤه نيوار فه‌ريق به‌رپرسێ راگه‌هاندنا رێڤه‌به‌ريا به‌ره‌ڤانيا شارستانى راگه‌هاند كو 9 خيڤه‌ت هاتينه سۆتن و ئه‌گه‌رێن سۆتنێ ژى د ديار نينن.
ئه‌ڤرۆ نيوز:
رۆژناما ده‌يلى ته‌لگراف يا بريتانى راگه‌هاند كو چه‌ند وه‌لاتێن كه‌نداڤى خواستيه ب ره‌نگه‌كێ ئێكسه‌ر چه‌كێ گران بده‌نه هێزێن پێشمه‌رگه‌يى، به‌لێ باراك ئۆباما يێ سه‌رۆكێ ئه‌مريكا و وه‌لاتێ عيراقێ رێگرى ل ڤێ چه‌ندێ كريه و ئه‌وان ژى دايه زانين كو ئه‌و نه‌شێن بێى وان هه‌ردويان چه‌كى بده‌نه هێزێن پێشمه‌رگه‌يى و دايه زانين ژى كو ئه‌و دا وى چه‌كى ده‌نه پێشمه‌رگه‌يى دا كو داعش سنورێن خوه گه‌له‌ك به‌رفره‌هـ نه‌كه‌ت.
ئه‌ڤرۆ نيوز:
بازارێ زێری ژی د ناڤا پارێزگەھا دھۆکێ دا بەر ب نەمانێ یە و ڤێ چەندێ ژی زێرنگر بێ زارکرینە و دبێژن نھا ئەم نەشێین ب تنێ خەرجیێن دوکانێن خوە دەر بینین و ئەگەر ژی ب ڤی رەنگی د راپورتێ دا دانە دیار کرن و گۆت: مەزاختیێن مە رۆژانە ٦٠٠ دۆلارن و ب تنێ ٥٠ دولاران قازانج دکەم.
ئەیسەر حەمدی وەکو زێرنگرەک دبێژیت: بەری ئەڤ کاودانێن سیاسی بھینە پێش و حوکمەتا ھەرێما کوردستانێ دەست ب دانا قەرزێن پێکئینانا ھەڤژینیێ کری، بازارێ مە گەلەک یێ گەرم و بھایێ زێر ژی یێ گونجای بوو و خەلکی بەردەوام قەستا بازارێ زێرنگران دکر بۆ کرینا زێری و گۆت: بازارێ مە ژی بەھرا پتر ب سەروبەری ڤە گرێدایە. زێدەتر گۆت: ئەڤە پازدە ١٥ ئەز کارێ کرین و فرۆتنا زێری دکەم، ئێک جار مە نەدیتیە بازار ھوسا نەمای، نوکە پتریا زێرنگران بێ زاربووینە و ھەر ھندەک نەشێن بھێن دوکانێن خوە ڤەکەن و ھەکە بھێن ژی ب تنێ بۆراندنا دەمی یە و بێ مفایە، چونکو کرین و فرۆتنا زێری ژی ل دووڤ داھاتێ خەلکی یە. عەلی ژی وەک زێرەنگرەک دیار کر، ئەڤە ماو چار ھەیڤانە کارێ وان بێ سەروبەربووی و ھەتا گەھشتیە وی راددەیی بەرەڤ نەمانێ ڤە بچیت و گۆت: بازارێ زێری رۆژ بۆ رۆژێ خرابترە و ھەر ئەم یێ خوە دگرین بەلکو دروست ببیت، لێ وەسا دیارە چو گوھۆرین پشتی چەندین ھەیڤ دەرباز بووین پەیدانەبون و بەرەڤ تشتەکێ نەچاڤەرێ کری ڤە دچیت. رۆژانە ئەز وەکو زێرنگرەک بۆ خەرجیاتێن دوکانا خوە ھندەک رۆژان نێزیکی ٦٠٠ دۆلارێن ئەمریکی دمەزێخم و ب تنێ پێنجی دولاران شول دکەم و قازانج دبم و ھەکە ب ڤی رەنگی و ئەگەر پتر ڤەکێشیت دێ زێرنگر گەلەک زەرەرمەندبن و نەشێن بەردەوامیێ بدەنە کارێ خوە. ژ لایەکێ دیڤە زێرنگر عەدنان ژی دبێژیت: ھەکە بازارێ مە ھەبیت و خەلک بەردەوام بھێنە د بازاری دا و زێری بکرن پتر ژ ھەموو جورێ زێری زێرێ خەلیجی و تورکی دھێتە فروتن و خەلکی ژی حەز ل سەر ڤی جۆری ھەیە، بەلێ نوکە ھەر چو زێر ناھێتە فروتن. دیسان کرین ژی ب ڤی رەنگی یە و ھەر خەلکی قەستا بازاری ناکەن و ئەڤ چەندە ژی رۆژ بۆ رۆژێ بھێزتر لێ دھێت و ب ڤی دەست و داری ئەم پێشبینیا خرابتر دکەین نەک باشتر، چونکو ڤەکێشا و ھەر یا بەردەوامە.
ئه‌ڤرۆ نيوز:
ھەڤسەرۆکێ پارتیا ئێکەتیا دیموکراتیک راگەھاند کو چو بەرنامێ وان بۆ ئاڤاکرنا دەولەتا کوردی ل رۆژئاڤایێ کوردستتانێ نینن و وان دڤێت د چارچۆڤێ کانتۆنان ل گەل سووریا نوو بژین. ل سووریێ گەلەک نەتەوە و ئۆل و مەزھەبێن جودا ھەنە و ئەم دخوازین د سووریا داھاتی دا ھەر نەتەوەیەک و ئۆل ب تایبەتمەندیێن خوە یێن جودا د ناڤ ئازادیێ دا و وەکھەڤ بژین.
ھەڤسەرۆکێ PYD د داخۆیانیەکی تایبەت دا بۆ رۆژناما ئەڤرۆ راگەھاند کۆ ئەو بۆ ئاڤاکرنا سووریەکا دیمۆکراتیک یا کو ژ کانتۆن و ھەرێمان پێک دھێت کار دکەن و گۆت: (دەما ئەم ل رۆژئاڤایێ کوردستانێ و سووریێ دنێرین، گەلەک نەتەوە و ئۆل و مەزھەبێن جودا ئەم دبینن و ئەم دخوازین د سووریا داھاتی دا ھەر نەتەوەیەک و ئۆل ب تایبەتمەندیێن خوە یێن جودا د ناڤ ئازادیێ دا و وەکھەڤ بژین و سیستەما مەرکەزی ب تەمامی نەمینیت و ب رژدی دبێژم ئەم جارەکا دی دەولەتەکا مەرکەزی قەبوول ناکەین و رۆژئاڤا ژی دێ ب کانتۆنێن خوە وەک ھەرێمەکا خوەسەر د ناڤ سووریێ دا بمینیت و ئەز دوپات دکەم کو چو پلانەکا مە یا ئاڤاکرنا دەولەتەکا سەربخوە ل رۆژئاڤا نینە).
سالح موسلم ھەڤسەرۆکێ پارتا یەکیتیا دیمۆکراتیک (PYD) ل سەر رەوشا رۆژئاڤایێ کوردستانێ و ھێرشێن ڤێ داوی یێن بۆ سەر کۆبانێ و گرێ سپی ژ ئالیێ تیرۆرستێن داعشێ ڤە راگەھاند کو ل رۆژئاڤایێ کوردستانێ ھەموو دەستکەڤت ب خوین، قوربانی دان و کەدەکا مەزنا گەلێ کورد و شەرڤانان ھاتنە ب دەست خستن و گۆت: (گەلەک ئالیێن سیاسی، دەولەت و رێکخستنێن تیرۆریست دخوازن کانتۆنێن مە ژ ھۆلێ راکەن و ب شەڤ و رۆژ ل دووڤ لاوازیێن مەنە و د ناڤ ھەڤپەیمانیەکا دژوار دا ل ھەمبەری مە راوەستیانە ڤێجا دڤێت ئەم ژ خەلک ھەتا رێڤەبەرێن کانتۆنان و ژ شەرڤانان ھەتا ھێزێن ئاسایش و ھەر تاکەکی کورد ب ھشیاری تەڤبگەرین ھەکە نە د ھەر دەلیڤەیەکا بچووک دا ژی دێ دوژمنێن گەلێ کورد بخوازن زیانێ بگەھیننە مە و دەستکەڤتێن مە ژناڤ ببەن).
سالح موسلم د بەردەوامیا ئاخڤتنا خوە دا ژی راگەھاند کو کۆما ھەری مەزنا تیرۆرستان ژ ئاخا باکورێ کوردستانێ (تورکیا) ڤە دەربازی کۆبانێ و گرێ سپی بووینە و گۆت: (بەلگەیێن گەلەک رۆن و ئاشکرا ل بەر دەستن کو تیرۆرستێن داعشێ ژ ئاخا باکور ھێرشێ کۆبانێ کرینە و دیسان لاوازی و خەمساریێن ھێزێن ئاسایشێ ژی رێ خۆشکەر بوویە د ئەنجامدانا کریارا تیرۆرستی یا نە مرۆڤی دا، دڤێت بێی ئاگاھیا ھێزێن ئاسایشێ چ کەسێن چەکدار نەکەڤنە ناڤ باژێر و ھەماھەنگیەکا مەزن د ناڤبەرا ھەموو ھێزێن کانتۆنێن مە دا ھەبن، ژ خوە لێپرسینەکا بەرفرەە ژی ل سەر ڤێ مژارێ ھاتیە دەستپێکرن و دێ ئەنجامێن وێ ژی د دەمەکی نێزیک دا بھێتە راگەھاندن).
ل سەر پێشنیازا ھندەک پارت و ئالیێن سیاسی د دەربارێ دەربازبوونا ھێزێن پێشمەرگەیێن رۆژئاڤایێ کوردستانێ یێن کو نھا ل ھەرێما کوردستانێ نە و ھژمارا وان نێزیکی سێ ھزار کەسانە، ھەڤسەرۆکێ (PYD) راگەھاند کو ل رۆژئاڤایێ کوردستانێ ھێزەکا فەرمی و رەوا یێ پاراستنا دەستکەڤتان و گەلێن رۆژئاڤا کوردستانێ ھەیە و ئەو ژی YPGیە و ھەر کوردەک ئانکۆ ئالیەک ھەکە بخوازیت د ناڤ پاراستنا رۆژئاڤایێ کوردستانێ دا جھێ خوە بگریت دشێت بھێتە ناڤ رێزێن YPG.
ل سەر داخۆیانیا سەرۆک کۆمارێ تورکیا د دەربارێ ئاڤاکرنا ھەرێمەکا ئارام ل رۆژئاڤایێ کوردستانێ ژی ھەڤسەرۆکێ (PYD) راگەھاند کو نە تورکیا و نە ژی ئالیەکی دی ب سەرێ خوە نەشێت بکەڤیتە رۆژئاڤا و ئاخا سووریێ و قانوونێن نێڤدەولەتی و حسابێن ستراتیژی ب چو رەنگی رێ نادەت تورکیا ب کارەکی وەسا رابیت و ھەکە کارەکی وەسا ژی کر و ھێرشێ مە کر ئەم بێی بەرسڤ نامینین).
سالح موسلم ھەڤسەرۆکێ (PYD) ل سەر کۆمبوونێن ل ئیتالیا ژی راگەھاند کو وان وەک شاندەکا فەرمی ل گەل سەرۆک وەزیرێن کانتۆنا کۆبانێ و فەرماندارا یەکینەیێن پاراستنا ژن ل سەر داخوازا حوکمەت و پەرلەمانێ ئیتالیا سەرەدانا وی وەلاتی کرینە و گۆت: (د ھەڤدیتنێن ل گەل سەرۆکێ پەرلەمان و جێگرێ سەرۆک وەزیرێن ئیتالیا و سەرۆک و سەرکردێن پارتێن سیاسی و سەرۆکێن باژێرڤانیێن ئیتالیا رەوشا داوی یا رۆژئاڤایێ کوردستانێ ھاتە گەنگەشە کرن و وان رۆلێ YPG د ئازادکرنا ئاخا کوردستانێ و پاراستنا گیانێ پێکھاتێن جودا دا بلند نرخاندن و سۆز ژی دان د ئاڤاکرنا کۆبانێ دا ب رەنگەکی ئەکتیڤ پشکداریێ بکەن).
ئه‌ڤرۆ نیۆز، قائید میرۆ
ئه‌ڤرۆ ل باژێڕێ هه‌ولێرێ سێ وه‌لاتیان ب ئه‌گه‌رێ لێدانا كاره‌بێ گیانێ خوه ژه‌دستدان و دو ژوان ئاواره‌یێن عه‌ره‌بن.
رائید كاروان عه‌بدولكه‌ریم، په‌یڤدارێ پۆلیسێن پارێزگه‌ها هه‌ولێرێ ب ئه‌ڤرۆ نیۆز راگه‌هاند” به‌ری نیڤرۆیا ئه‌ڤرۆ ل قه‌زا خه‌بات یا رۆژئاڤایێ هه‌ولێرێ وه‌لاتیه‌كێ 23سالی خوه‌دیێ مۆه‌لیدا ئه‌هلی پشتی ده‌ستكاریكرنێ گیانێ خوه ژده‌ستدا.
رائید كاروانی گۆتژی” هه‌ر ئه‌ڤرۆ وه‌لاتیه‌كێ ئاواره‌یێ عه‌ره‌ب ل تاخێ به‌هار یێ باژێڕێ هه‌ولێرێ وی ده‌می َمژۆلی سه‌خبێریا مۆبه‌ریدا خوه بۆیه ب ئه‌گه‌رێ لێدانا كاره‌بێ گیانێ خوه ژده‌ستدایه، هه‌ر ئه‌ڤرۆ ل تاخێ راپه‌ڕین وه‌لاتیه‌كی دی یێ عه‌ره‌ب دده‌مێ كاركرنێ ب ئه‌گه‌ری َلێدانا كاره‌بێ گیانێ خوه ژده‌ستدا.
ئه‌ڤرۆ نیۆز، قائید میرۆ
هێزه‌كا پێشمه‌رگه‌ی شه‌ڤا بۆری خوه گه‌هاندیه دو گوندێن بن كۆنتڕۆلا داعش و ل جهێ ئالایێ داعش ئالایێ كوردستانێ هاتیه بلندكرن.
ژێده‌ره‌كێ هێزێن پێشمه‌رگه‌ی ل میحوه‌رێ گوێر ب ئه‌ڤرۆ نیۆز راگه‌هاند” شه‌ڤا بۆری مه‌فره‌زه‌یه‌كا پێشمه‌رگه‌ی بشێوه‌یه‌كێ پارتیزانی، شیاینه بچنه ده‌ڤه‌رێن بن كۆنتڕۆلا داعش و چالاكیه‌كێ ئه‌نجام بده‌ن”.
ئه‌ڤی ژێده‌ری كو نه‌ڤیا ناڤێ وی بهێته به‌لافكرن گۆتژی” ئه‌ف مه‌فره‌زا پێشمه‌رگه‌ی ب سه‌رپه‌رشتیار فه‌رمانده عه‌لی چه‌مچه‌مالی چووینه هه‌ردو گوندێن ته‌لشعیر و دویزات و ئالایێ داعش ئینایه خوار و ئالایێ كوردستانێ بلندكریه، بێی كو داعش چو كارڤه‌دان هه‌بن”.
نيشاندان
