ئه‌ڤرۆ نيوز:
نووترين نووچه
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
سهرهكى Twitter
تەقە ل یاریکەرەکێ زەورا ھاتەکرن
ئەڤرۆ نیوز، ھەژار مەعروف:
تەقە ژلایێ چەند کەسێن نەدیارڤە ل یاریکەرێ ھەلبژارتیێ لاوێن عیراقێ و یانا زەورا حسێن عەلی ھاتەکرن .
یانا زەورا ل سەر مالپەرێ خوە یێ کومەلایەتی یێ فێسبوکی دیارکری یە دوھی ل باژێرێ بەغدا تەقە ل یاریکەرێ تیما ئەوان ھاتیەکرن و پشتی یاریکەر ھاتیە ڤەگوھاستن بۆ نەخوشخانی نوژداری وەسا دیارکری یە رەوشا وی یا تەندروستی باشە و بتنێ پێ وی یێ چەپی زیان گەھشتی یێ و دیارکری یە ژی ئەو زیانا وی نە بیتە ئەگەرێ دورکەفتنا وی ژ تەپا پێ و یاریکەر دێ جارەکا دی ڤەگەریتە دناڤ یاریگەھێن تەپا پێ لێ پێدڤی دەمی یە .
ھەژی گوتنێ یە یاریکەرێ گەنج حسێن عەلی ئێک ژ یاریکەرێن خودان شیان ل وەرزێ بوری شیابوو جھێ خوە دناڤا ستێرێن زەورا دا بکەت ل وەرزێ ئەڤ سالە ژی چەندین یاریان پشکداری وەکو یاریکەرەکێ سەرەکی کری یە .
ب وێنه: 500 دینارێ کوردی ژی دەرکەفت
ئەڤرۆ نیوز، سالار دۆسکی:
ئەندامەکا لژنا ئابووری ل پەرلەمانێ عیراقێ ئاشکراکر کو ژلایێ بانکا ناڤەندی ڤە ھاتینە ئاگەھدارکرن کو 500 دینارێ کوردی ژی دەرکەفتیە و کەفتیە دبازاری دا.
نەجیبا نەجیب ئەنداما لژنا ئابووری ل پەرلەمانێ عیراقێ بۆ ئەڤرۆ نیۆز گۆت: ژلایێ بانکا ناڤەندی یا عیراقێ ڤە ھاتینە ئاگەھدارکرن کو پارێ500 دیناری ب زمانێ کوردی کەفتە دبازاری دا و ئەڤە پشتی دەرکەفتنا پارێ 50 ھزار ب زمانێ کوردی رۆژێ بوری.
خانم نەجیبایێ ئەڤ چەندە ژی بۆ ماندیبوونا ئەندامێن پەرلەمانێن عیراقێ ڤەگەراند و بەردەوام کارکرن ل سەر دابینکرنا مافێن کوردان ل عیراقا فیدرال دا.
ده‌قێ په‌یڤا نێچیرڤان بارزانى ل ده‌مێ دانانا به‌رێ بناغێ پرۆژێ هیدروپاوه‌رێ دێرالوك
ئه‌ڤرۆ نیوز:
ئامادەبوو یێت بەڕێز، مێهڤانێت قەدر گران،
ڕۆژا وە خۆش، هوین هه‌مى لایەك بخێربێن سەر سەر و سەر چاڤا..
ده‌سپێكا ڤێ ڕێوڕه‌سمێ، من دڤێت ب خۆشحالیڤه بخێرهاتنه‌كا تایبه‌تا ڕێزدار فۆمیۆ ئیوا باڵیۆزێ ژاپۆنێ ل عیراقێ و مێهڤانێن دگه‌لدا بكه‌م، كو ئه‌ڤڕۆ ب تایبه‌تى بۆ به‌شداریا ڕێوڕه‌سما دانانا به‌رێ بنیاتى بۆ پرۆژێ هایدرۆپاوه‌رێ 36 مێگاواتى ل دێره‌لۆكێ یێ دگه‌ل مه‌دا بەشدارن، بخێر بێن سەر چاڤا.
هه‌روه‌سا من دڤێت سپاسیا ژاپۆنێ و ب تایبه‌تیش ئاژانسا هاریكارى یێن ناڤنه‌ته‌وه‌یى یێن ژاپۆنێ ـ جایكا ـ بكه‌م كو بۆ ئه‌نجامدانا ڤێ پرۆژێ، د چارچۆڤا وان قه‌رزادا یێن كو داینه عیراقێ،هاریكاریا حكوومه‌تا هه‌رێما كوردستانێش یا كرى و پاره‌یێ پێویست بۆ ئه‌نجامدانا ڤێ پرۆژێ ب قه‌رز هاتیە دانان. دو سالێن چووییش ب بهایێ نێزیكى 120 ملیۆن دۆلاران ب ڕێكا ئاژانسێن یوو ئێن، هاریكاریا ئاواره و په‌نابه‌را ژلایێ جیاكا ڤە هاتیە كرن ئەم سوپاسیا وان دكەین.
د ڤێ ڕه‌وشا نۆكه یا هه‌رێما كوردستانێدا، ئه‌ڤ قه‌رزه، هاریكارییه‌كا مه‌زنه و جهێ ڕێز و پێزانینا حكوومه‌ت و خه‌ڵكێ كوردستانێ یه. هه‌روه‌سا من دڤێت سپاسیا وه‌زاره‌تا پلاندانانێ و وه‌زاره‌تا كاره‌بایێ یا حكوومەتا هەرێما كوردستانێ بكەم، كو لسه‌ر ڤێ پرۆژێ گه‌له‌ك ماندى بوون هه‌تا گه‌هاندینه قۆناغا ئه‌ڤرۆ و دانانا به‌رێ بنیاتى.
ئه‌ڤ پرۆژه، كو ب پترى 165 ملیۆن دۆلارا دێ هێته ئه‌نجامدان، دێ خزمه‌ته‌كا مه‌زنا خه‌لكێ ڤێ ده‌ڤه‌رێ كه‌ت. ژلایه‌كیڤه دێ ئه‌نه‌رژییه‌كا پاقژا به‌دیل و كاره‌بایێ بۆ هه‌ژماره‌كا مه‌زنا خه‌لكێ ده‌ڤه‌رێ دابین كه‌ت، ژ لایه‌كێ دیڤه‌ش ڕێژه‌یه‌كا مه‌زنا ئاڤا ڤێ ده‌ڤه‌رێ، چ ئاڤا چه‌م و كانى و ڕویبارا بیت، یانیش ئاڤا به‌فر و باران و له‌هیا بیت، دێ پارێزێت و دێ بۆ گه‌له‌ك پرۆژێن ئاڤدان و ئاڤدێریێ، مفایه‌كێ به‌رچاڤ ل ڤێ پڕۆژێ هێتە وەرگرتن و دێ ڕۆله‌كێ گرنگ بۆ ڤه‌ژاندنا كه‌رتێ چاندن و كشتوكالێ ل ده‌ڤه‌رێ گێڕیت.
ئه‌ڤ پرۆژه، دگه‌ل هندێ كو هه‌وجه‌دارییه‌كا پێویست یا ده‌ڤه‌رێ یه، هه‌روه‌سا وه‌فاداریا حكوومه‌تا هه‌رێما كوردستانێ یه، بۆ خه‌بات و تێكۆشین و ماندیبوینا خه‌لكێ خه‌باتگێڕ و تێكۆشه‌رێ ڤێ ده‌ڤه‌رێ، كو ب درێژیا هه‌مى شۆڕه‌شێن كوردستانێ، به‌رده‌وام پێشمه‌رگه بووینه و سه‌ر و مال و ژیانا خۆ، بۆ ئازادى و سه‌ركه‌فتنا كوردستانێ، كرینه قوربانى.
ئه‌ڤڕۆش مێرخاس و عه‌گیدێت ڤێ ده‌ڤه‌رێ، گه‌له‌ك مه‌ردانه به‌رامبه‌رى تیرۆرستا ڕاوه‌ستیانه و، یێ به‌ڕه‌ڤانیێ ل كوردستانێ دكه‌ن و ب خوینا خۆ یێ ده‌ستكه‌فتى یێن هه‌رێما كوردستانێ دپارێزن. لبه‌ر هندێ، خه‌لكێ ڤێ ده‌ڤه‌رێ، هێژایى گه‌له‌ك و گه‌له‌ك خزمه‌ت و پرۆژێن هۆسا و یێن مه‌زنتریشه. ئه‌م هیڤیدارین كو پاشه‌ڕۆژه‌كا نه‌یا دویر، دێ گه‌له‌ك پرۆژێن دى ل ڤێ ده‌ڤه‌رێ و گه‌له‌ك ده‌ڤه‌رێن دى یێن كوردستانێ ئه‌نجام ده‌ین.
ئاماده‌بوویێن هێژا..
دانانا به‌رێ بنیاتى بۆ پرۆژه‌یه‌كێ هۆسا یێ مه‌زن، دڤێ ڕه‌وشا ئالۆزا كوردستانێدا، كو ژ لایه‌كیڤه شه‌ڕه‌كێ دژوار ل سه‌ر كوردستانێ هاتیه سه‌پاندن، ژ لایه‌كێ دیڤه‌ش نێزیكى ملیۆنەك و حەفتسەد هزار ئاواره و په‌نابه‌را به‌رێ خۆ دایه كوردستانێ، دگه‌ل وێ قه‌یرانا دارایى یا كو ل ئه‌نجامێ بڕینا بودجا كوردستانێ ژ لایێ حكوومه‌تا عیراقێڤه و كێمبوونا بهایێ نه‌فتێ چێ بووى، د ڕه‌وشه‌كا هۆسادا، ئه‌نجامدانا ڤێ پرۆژێ، په‌یامه‌كا گرنگه و نیشانا وێ هندێ یه كوردستان و گه‌لێ كوردستانێ، د ڕۆژ و ڕه‌وشێن هه‌ره ته‌نگ و تاریشدا، ڤیان و حه‌زكرن و ئیرادا خۆ بۆ ژیانێ و، بۆ پێشڤه‌برنا ژیانێ و ئاڤاكرنا وه‌لاتێ خۆ، لده‌ست ناده‌ت.
ئه‌نجامدانا كار و پرۆژا و، خه‌بات و تێكۆشین و قه‌هره‌مانى یا پێشمه‌رگه و كوڕ و كچێن وه‌لاتێ مه، نیشان و په‌یامه‌كا ڕۆن و ئاشكرایه كو چ هێزێن تاریێ، چ ڕێكخستنێن تیرۆرێ و چ دوژمنێن مرۆڤاتیێ، هه‌رچه‌ند هۆڤ و دڕه‌نده بن، نه‌شێن ئیرادا ملله‌تێ مه بشكێنن. نه‌شێن كاروانێ كوردستانێ بۆ به‌ره‌ڤ پێشڤه‌چوونێ، ئاڤاكرنێ و جوانكرنا ژیانێ، ڕاوه‌ستینن، كورد و كوردستان دێ بەردەوام بیت.
خه‌لكێ كوردستانێ، ملله‌ته‌كێ زندییه، ملله‌ته‌كێ خودان ئیراده و مرۆڤدۆست و ژیاندۆسته، عاشقێ ئاڤاكرن و ئاڤه‌دانیێ یه، لبه‌ر هندێ، دگه‌ل هه‌مى زه‌حمه‌تى و ئاسته‌نگیاش، ئه‌م دێ هه‌ر له‌سه‌ر ئاڤاكرن، بنیاتنانێ و ئاڤه‌دانكردنێ به‌رده‌وام بین. به‌رێ مه به‌رده‌وام هه‌ر دێ ل ئاڤاكرنا وه‌لاتى و خزمه‌تكرنا خه‌لكێ كوردستانێ بیت.
مێهڤانێت هێژا:
هوین هه‌مى دزانن كو هه‌فتیا چوویى، ب مێرخاسیا پێشمه‌رگه‌یێن قه‌هره‌مان و ب سه‌رپه‌رشتیا ڕاسته‌وخۆ یا جه‌نابێ سه‌رۆك بارزانى و ب پشتگیریا هێزێن هه‌ڤپه‌یمانا و ب تایبه‌تیش هێزێن ئه‌سمانى یێن ئه‌مه‌ریكا، شنگال و ده‌وروبه‌رێن وێ، ژ ده‌ستێ تاوانكار و تیرۆرستێن داعشێ هاتنه ئازادكرن. ڕزگاركرنا شنگالێ ده‌ربه‌كا مه‌زنا له‌شكه‌رى و لۆجستیك بوو ب تیرۆرستێن داعشێ كه‌فت. ڤێ سه‌ركه‌فتنێ مه‌زنترین ڕێك و هێلا داعشێ یا په‌یوه‌ندى و پشته‌ڤانیێ لناڤبه‌را سووریێ و عیراقێ ب تەمامەتی بڕى.
هه‌روه‌سا سه‌ركه‌فتنه‌كا مه‌زن بوو بۆ هه‌رێما كوردستانێ كو دێ ب شێوه‌یه‌كێ به‌رچاڤو بۆ خزمه‌تا كوردستانێ گه‌له‌ك نه‌خشه و هه‌ڤكێشه‌یێن سه‌ربازى و سیاسیش ل ده‌ڤه‌رێ گۆڕێت. داستانه‌كا دى یا مه‌زن یا پێشمه‌رگا بوو، كو ئه‌ڤرۆ بوویه جهێ ڕێز و سه‌ربلندیێ و سیمبۆله‌كا مه‌زنا كوردستانێ ل سه‌رانسه‌رى جیهانێ.
ڕزگاركرنا شنگالێ دویماهى نینه. شنگال یا برینداره و دڤێت ئه‌م برینێن وێ ده‌رمان بكه‌ین. ئاڤه‌دانكرنا شنگالێ، كار و ئه‌ركه‌كێ مه‌زنێ نه‌ته‌وه‌یى و نیشتمانییه و تشته‌كێ ب ساناهیش نییه. حكوومه‌تا هه‌رێما كوردستانێ ده‌ست پێكریه و دێ پلانه‌كا هه‌مه‌لایه‌ن بۆ ئاڤه‌دانكرنا شنگالێ ئاماده كه‌ت. دێ هه‌مى هه‌ولێن خۆ ده‌ت كو ئه‌ڤ باژێڕه ژبه‌رێ باشتر بێته ئاڤه‌دانكرن، لێ بێگومان دڤێ ڕه‌وشا نۆكه‌دا بۆ ڤى ئه‌ركێ مه‌زن، ئه‌م هه‌وجه‌دارى هاریكاریا ناڤنه‌ته‌وه‌یى و وه‌لاتێن كۆمه‌كبه‌خش بگشتى و، هه‌روه‌سا حكوومه‌تا عیراقێینه.
هه‌روه‌سا ئه‌م هیڤیدارین ژاپۆن وه‌ك وه‌لاته‌كێ كۆمه‌كبه‌خش كو پشتى سالا 2003ێ ڕۆڵه‌كێ به‌رچاڤ بۆ ئاڤه‌دانكرنا عیراقێ گێڕایه، بۆ ئاڤه‌دانكرنا شنگالێش هاریكاریێ بكه‌ت. هه‌ر لێره داخازێ ل په‌رله‌مانێ عیراقێ دكه‌م، كو د بابه‌تێ قه‌رزێ نوى یێ ژاپۆنێدا بۆ عیراقێ، ڕه‌زامه‌ندیێ له‌سه‌ر به‌شێ هه‌رێما كوردستانێ ل ڤى قه‌رزى بده‌ت.
بۆ ڤێ چه‌ندێ داخازێ ژ جڤاكا ناڤنه‌ته‌وه‌یى و حكوومه‌تا عیراقێ دكه‌ین كو بۆ ئاڤه‌دانكرنا شنگالێ، هاریكاریا پێویست بۆ هەرێما كوردستانی و خه‌لكێ شنگالێ و ده‌ڤه‌رێ بكه‌ن. تڤیا حكوومه‌تا عیراقێ ئه‌ركێ خۆ بجى بینیت و بۆ ئاڤه‌دانكردنا شنگالێ و خه‌لكێ شنگالێ هاریكاریێ بكه‌ت.
حكوومه‌تا هه‌رێما كوردستانێ، به‌رى داگیركرنا شنگالێش، ب بهایێ سه‌دان ملیۆن دۆلاران، كار و پرۆژه د گه‌له‌ك وارێن جدایێن ژێرخان و خزمه‌تگوزارى یێن گشتى و په‌روه‌ردێدا ل شنگالێ ئه‌نجام داینه، هاریكاریا شنگالێ كریه و كه‌رتێ تایبه‌تیش هان دایه كو ل وێرێ پرۆژا ئه‌نجام بده‌ت.
هیڤیدارین كو وه‌كى شنگالێ، ب زویترین ده‌م هه‌مى ده‌ڤه‌رێن دى یێن هه‌رێما كوردستانێ و عیراقێش ب گشتى ژ ده‌ستێ ڕه‌شێ داعشێ بێنه ئازادكرن، داكو خه‌لكێ وا ده‌ڤه‌راش، هه‌ڤوه‌لاتى یێن مه یێن ئێزدى، مه‌سیحى، شه‌به‌ك، توركمان و عه‌ره‌ب ڤه‌گه‌ڕێنه‌ڤ سه‌ر جى و مال و حالێن خۆ و ژیانه‌كا نوى ده‌ست پێبكه‌نه‌ڤه. ئێش و كۆڤانێن چوویى، هێدى هێدى دگه‌ل ئاڤه‌دانكردنێ و چاندنا هیڤى و ئومێدا بۆ ژیانه‌كا نوى، سڤك ببن. بۆ ڤێ چه‌ندێش حكوومه‌تا هه‌رێما كوردستانێ دێ هه‌مى هه‌ولێن خۆ ده‌ت و چ ژ ده‌ستێ مه بێت، خه‌مساریێ ناكه‌ین.
ل دویماهیێ، جاره‌كا دى بخێرهاتنه‌كا گه‌رما هه‌وه هه‌میا و ب تایبه‌تى مێهڤانێ مه ڕێزدار باڵیۆزێ ژاپۆنێ ل عیراقێ دكه‌م. سپاسى و ده‌ستخۆشیێ ل وه‌زیر و وه‌زاره‌تێن په‌یوه‌ندیدار و هه‌مى وا كۆمپانیا دكه‌م ئه‌وێن كو دێ ڤێ پرۆژێ ئه‌نجام ده‌ن. هیڤیا سه‌ركه‌فتنێ و كاره‌كێ سه‌ركه‌فتى بۆ وان دخازم. هیڤیدارم كو ئه‌م گه‌له‌ك جارێن دى بۆ دانانا به‌رێ بنیاتى و ئه‌نجامدانا گه‌له‌ك ڕێوڕه‌سمێن دى یێن وه‌كى ڤێ ڕێوڕه‌سمێ، دگه‌ل هه‌وه شاد ببینه‌ڤه.
سوپاسییەكا تایبەتی ژی ژبۆ كۆمپانیا ئیتاڵی كو كارێ ڕاوێژكاری بۆ ڤێ پڕۆژێ ئەنجام دای و سوپاسیا كۆمپانیا زۆزك دكەم و هیڤیدارم ب باشترین شێوە ڤی پڕۆژی جی بجی بكەن و سوپاسیا كۆمپانیا فاراب یا ئیرانی و هەڤبەشێن وێ یێت ئیماراتی دكەم و هیڤیدارم ئەڤ پڕۆژەیە ب شكلەكێ باش و ڕێكوپێك بهێتە جی بجی كرن. بێ شك ڕابردوویا كۆمپانیا فاراب وێ یەكێ نیشان ددەت كو بەری نۆكە كارێن گەلەك باش و ڕێكوپێك ئەنجام داینە و هیڤیداران ڤێ پڕۆژێ ژی ب شكلەكێ سەركەتی ئەنجام بدەت.
سلاڤ و ڕێز، دروود و نه‌مرى بۆ گیانێ پاقژێ شه‌هیدێن كوردستانێ، كو ب سایا خوین و خه‌باتا وان، ئه‌ڤرۆ بوهست بوهست و گاڤ ب گاڤ كوردستان یا تێته ئازادكرن و سبه‌یش دێ هێته ئاڤه‌دانكرن. ئه‌م سه‌رێ خۆ لبه‌ر مه‌زنى و پیرۆزییا گیانێ وان دچه‌مینین. هه‌ر ب ڤێ هه‌لكه‌فتنێ، ئه‌م هه‌ردو قوربانى یێن ژاپۆنى “كینجى گۆتۆ و هاروونا یۆكاوا” ببیر تینین، كو ده‌سپێكا سالێ ب شێوه‌كێ هۆڤانه ژئالیێ داعشێڤه هاتنه شه‌هیدكرن، ئه‌مهه‌ڤسۆزێن مالباتێن وانین.
هه‌مى لایه‌ك جارەكا دی بخێربێن سەرچاڤا و پیرۆزە ل وە و ئەم چاڤەڕێی پڕۆژێت مەسترین ژبۆ دەڤەرا وە، چونكی دەڤەرا وە شایستەیا پڕۆژە و كارێن زێدەترە.
بخێربێن سەرچاڤا و زۆر سپاس.
بۆ جارا ئێکێ ھەرێما کوردستانێ پەترۆلا خوە بۆ فرۆتنێ بەر ب ڤێ دەڤەرێ بر
ئەڤرۆ نیوز، نەوزاد زادە:
ل گورەی ژێدەرێن بازرگانی و ژێدەرێن ڤەگوھاستنا دەریایی ، ھەرێما کوردستانێ بازارێ پەترولا باکورێ رۆژئاڤایێ ئەوروپا کریە ئارمانج کو ب دەڤەرا بالتیک دھێتە نیاسین.
بڤێ یەکێ ژی وەکو ئاژانسا رویتەرز یا بەریتانی ئاماژەیێ پێ دکەت کو پەترولا ھەرێما کوردستانێ ” ھەڤرکیا پەرتولا روسیا دکەت ل وان دەڤەران و بوویە سەدەما بەرفرھکرنا پەترولا زێدە ل دەڤەرێ ”
ئەوی ژێدەرێ بازرگانی دیارکر ژی کو ب کێمی سێ گەشتیێن پەرتولێ ھەلگرتینە و دمەھا ١٠ و ١١ یێن ئەڤ سالە دا گەھشتینە بنەجھێ ، یان ژی دێ گەھنە کەنارێن بەندرێ دانسک یا پولەندی و بەندەرێ بوتیک ل لیتڤانیا.
ژێدەرەکێ بازرگانی دیارکریە ” ئەوا ئێکێ گەشتیا پەترولا کوردستانێ یە و بەر ب باکوورێ ئەوروپاڤە دچیت ”
رۆژا سێشەمبی ١٧ی چریا دوویێ یا ٢٠١٥ ئاشتی ھەوارمی وەزیرێ سامانێن سروشتی یا حکومەتا ھەرێما کوردستانێ راگەیاند کو بکرێن پەترولا کوردستانێ بوو ١٠ وەلاتان بلندبویە ”
ھنارتنا پەترولا ھەرێما کوردستانێ بوو بازارێن باکورێ ئەوروپا ھێمایەکێ مەزنە بوو ب ھێزبوونا شەرێ دناڤبەرا روسیا و بەرھەمھێنەرێن پەرتولا ئوپیک ، و بڤێ یەکێ ژی بازارێ پەرتولا ئەوروپا دەمەکێ زورە ب پەترولا روسیا دێ ھێتە پرکرن.
لگورەی ھەمان ژێدەر گەھشتیا پەترول ھەلگرا سیکینوس کو پەترولا کوردستانێ ھەلگرتبوو ل دوماھیا ھەیڤا ١٠ گەھشتیە بەندەرێ گدانسک ژ دەریایا باتیک و وەسا بریارە کو بارێ پەرتولا دن ژی دڤێ مەھێ دا بگەھیتە ھەمان بەندەری.
مەزنترین کومپانیا پالاوتنا پولەندی کو ب PKN دھێتە نیاسین و کومپانیایەکا حکومی یە بریارە دوماھیا ڤێ مەھێ بکوژمێ ١٠٠ ھزار تەنێن پەرتولا کەرکوکێ ڤەگوھێزیتە پالاوتگەھا ماژێیکێ ل لیتڤانیا.
جاک کراویچ رێڤەبەرێ جێبەجێکارێ کومپانیا PKN دیارکر کو ھەردەم کومپانیا وان چاڤەرێ گەھشتنا بارێ پەترولێ یە یاکو ژ ئاراستەیەکێ نووڤە بوو وان بھێت ، و پەرتولا کوردان ژی دێ گەھیتە پالاوتگەھا ماژێیکێ.
شارەزایەکێ ناڤەندا ھزری JBC ئینێرژی دبێژیت ھەڤرکی دناڤبەرا جورێن پەترولێ بازارێن ئەوروپا روو ب روویەکێ بەرفرەھیێن پەترولێ کرینە.
بڤێ یەکێ ژی پەرتولا کوردستانێ بوویە ئێک ژ ھەڤرکێن پەرتولا روسیا و سعودیا بو ب دەستکەفتنا وان ل بازارێن ئەوروپا.
تووشى ئايدزێ بوويه و ترس خستيه دلێ ئه‌كته‌رێن هۆليۆدێ
ئه‌ڤرۆ نيوز:
پشتى نوچه‌يێ به‌لاڤبوونا تووشبوونا “چارلى شين” ب ئايدزێ، ترس كه‌فتيه دلێ چه‌ندين ئه‌كته‌رێن هۆليۆدێ ژ به‌ر ئه‌نجامدانا كريارێن سكسى ل گه‌ل ناڤبرى.
چارلى شين ئه‌كته‌رێ ناڤدارێ هۆليۆدێ ب وێ چه‌ندێ يێ به‌رنياسه كو گه‌له‌ك په‌يوه‌نديێن سكسى ل گه‌له‌ك ئه‌كته‌رێن هۆليۆدێ هه‌يه و دو ژن و پێنج ئيناينه و پێنج زارۆ ژى هه‌بووينه و هه‌رده‌م ژ به‌ر په‌يوه‌نديێن خوه يێن سكسى كێشه بۆ د ناڤبه‌را هه‌ڤژينێن وى دا دروست بووينه.
نوكه گه‌له‌ك ژ ستێرێن هۆليۆدێ ژ خوه د ترسن پشتى ئاشكه‌را بووى كو چارلى شين تووشى ئايدزێ بوويه و ب وان ژنان نه‌گۆتيه و په‌يوه‌نديا سكسى ل گه‌ل وان ئه‌نجام دايه.
پشتى رزگاركرنا شنگال داعش بزاڤ كر ڤێ رێ بۆ خوه ڤه‌كه‌ن
ئەڤرۆ نیوز، قائید میرۆ:
ھێزێن پێشمەرگەی ل میحوەرێ ئاسکی مووسل ھێرشەکا تیرۆرستێن داعش شکاند و زیانێن مەزن گەھاندن تیرۆرستان.
رزگار ھەرکی، ل فەوجا سێ یا تایبەت بۆ ئەڤرۆ نیوز راگەھاند” شەڤا بۆری چەکدارێن تیرۆرستێن داعش ل میحوەرێ ئاسکی مووسل ھێرشکرە سەر ھێزێن پێشمەرگەیێن کوردستانێ و پشتی شەڕ و پێکدادانەکا دوژار پێشمەرگەی ھێرشا تیرۆرستێن داعش تێکشاندن و نەچاربوون پاش ڤە بچن.
ھەرکی دیارکر، د ھێرشا شەڤا بۆری دا پێشمەرگە شیا گورزەکا کوژەک ل تیرۆرستان بدەت و زیانێن مەزن یێن گیانی و ماددی گەھاندن تیرۆرستان، بەلێ ھژمارا کوشتیێن داعش یێن ھێرشا شەڤا بۆری نەھاتیە زانین.
ژڤان و مه‌ره‌ما كۆمبوونا پارتى و ئێكه‌تى ديار بوو
ئه‌ڤرۆ نيوز:
مه‌لا به‌ختيار، به‌رپرسێ ده‌سته‌يا كارگێرى يا مه‌كته‌با سياسى يا ئێكه‌تى نشتيمانى كوردستان د داخۆيانيه‌كێ دا بۆ رووداو راگه‌هاند كو رۆژا ئێكشه‌مبى رێكه‌فتى 22ى چريا دويێ 2015 دێ ئێكه‌تى ل گه‌ل پارتى ديموكراتى كوردستان كۆم بيت مه‌ره‌م ژ ڤێ كۆمبوونێ ژى نيشان دانا بۆچوونا گۆڕانه بۆ پارتى ديموكراتى كوردستان.
پێشر ئێكه‌تى نشتيمانى كوردستان ل گه‌ل هه‌ر ئێك ژ بزاڤا گۆڕان و يه‌كگرتوو ئيسلامى كوردستان و كۆمه‌لا ئيسلامى كۆم بوويه.
هشيارى ڤان پيتێن ل سه‌ر تايرێن ترۆمبێلێن خوه بن
ئه‌ڤرۆ نيوز:
هه‌ر ده‌ما ته ڤيا تايرێن ترۆمبێلا خوه ب گوهۆڕى، گرنگيێ ب ڤان پيتێن ل خوارێ بده، ب پشت راستى ڤه گه‌له‌ك ژ مه رامانا دروستا ڤان پيتا نوزانن و ژ به‌ر هندێ ژى گرنگيێ پێ ناده‌ن، به‌لێ پشتى زانينا رامانا ڤان پيتان ئێكسه‌ر دێ چى ته‌ماشه‌ى ترۆمبێلا خوه كه‌ى دا بزانى حيله ل ته كريه يان نه:
J ب تنێ شيانێن له‌زاتيا 100 كم د ده‌مژمێره‌كێ دا يێن هه‌ين.
K ب تنێ شيانێن له‌زاتيا 110 كم د ده‌مژمێره‌كێ دا يێن هه‌ين.
L ب تنێ شيانێن له‌زاتيا 120 كم د ده‌مژمێره‌كێ دا يێن هه‌ين.
M ب تنێ شيانێن له‌زاتيا 130 كم د ده‌مژمێره‌كێ دا يێن هه‌ين.
N ب تنێ شيانێن له‌زاتيا 140 كم د ده‌مژمێره‌كێ دا يێن هه‌ين.
P ب تنێ شيانێن له‌زاتيا 150 كم د ده‌مژمێره‌كێ دا يێن هه‌ين.
Q ب تنێ شيانێن له‌زاتيا 160 كم د ده‌مژمێره‌كێ دا يێن هه‌ين.
R ب تنێ شيانێن له‌زاتيا 170 كم د ده‌مژمێره‌كێ دا يێن هه‌ين.
S ب تنێ شيانێن له‌زاتيا 180 كم د ده‌مژمێره‌كێ دا يێن هه‌ين.
T ب تنێ شيانێن له‌زاتيا 190 كم د ده‌مژمێره‌كێ دا يێن هه‌ين.
H ب تنێ شيانێن له‌زاتيا 200 كم د ده‌مژمێره‌كێ دا يێن هه‌ين.
Vr ب تنێ شيانێن له‌زاتيا 210 كم د ده‌مژمێره‌كێ دا يێن هه‌ين.
Zr ب تنێ شيانێن له‌زاتيا 220كم د ده‌مژمێره‌كێ دا يێن هه‌ين.
V ب تنێ شيانێن له‌زاتيا 240 كم د ده‌مژمێره‌كێ دا يێن هه‌ين.
W ب تنێ شيانێن له‌زاتيا 260 كم د ده‌مژمێره‌كێ دا يێن هه‌ين.
Y ب تنێ شيانێن له‌زاتيا 270 كم و زێده‌تر د ئێك ده‌مژمێر دا يێن هه‌ين.
پێدڤيه رامانا وان سێ پيتا ژى بزانن يێن ل سه‌ر تايران هه‌يى:
A ئانكو خوه ل هه‌مبه‌ر پلا گه‌رمێ يا گه‌له‌ك بلند دگريت.
B ئانكو خوه ل به‌ر پلا گه‌رمێ يا ناڤنجى دگريت.
C ئانكو خوه ل به‌ر پلا گه‌رمێ يا گه‌له‌ك سار و نزم د گريت.
نێچیرڤان بارزانى به‌رێ بنیاتى بۆ پرۆژه‌كێ ستراتیجى ل دێره‌لوك دانا
ئامێدیێ، مه‌حمود نهێلى
نێچیرڤان بارزانى سه‌روكێ حكومه‌تا هه‌رێما كوردستانێ ئه‌ڤرۆ به‌رێ بنیاتى پرۆژێ هایدروپاوه‌رێ دێره‌لۆك ل گه‌لیێ ره‌شاڤا دانا.
پشتى دانانا به‌رێ بیاتى و خواندنا په‌یڤا ب خێرهاتنێ ژ لایێ قایمقامێ قه‌زا ئامێدیێ و خواندنا په‌یڤا وه‌زیرێ كاره‌با حكومه‌تا هه‌رێمێ سه‌روكێ حكومه‌تا هه‌رێما كوردستانێ په‌یڤه‌ك پێشكێش كر و تێدا ئاماژه ب گرنگیا ڤى پرۆژه‌ى كر د بوارێ ئاڤه دانكرنا ده‌ڤه‌رێ و دابینكرنا كاره‌بێ ب ره‌نگه‌كى باش بۆ ده‌ڤه‌را ئامێدیێ.
هه‌روه‌سا بارزانى ئاماژه كره هاریكاریێن نێڤ ده‌وله‌تى بۆ كوردستانێ كو نها پێدڤیه‌ته‌كا زۆر ب هاریكاریان هه‌یه ب تایبه‌تى ژى دبوارێ ئاڤه‌دانكرنێ دا.
دیسان هیڤى خواست كو حكومه‌تا عیراقێ ب ڤى ره‌نگى و ب هه‌ڤكاریا قه‌رێن یابانى ده‌ست ب ئاڤه‌دانكرنا شنگالێ ژى بكه‌ت .
ئه‌ڤ پرۆژه‌ى ل سه‌ر قه‌رێن یابانى ژلایێ ئاژانسا جه‌یكا یا یابانى ب كوژمێ 168ملیون دولارا دهێته چێكرن و كو ژ 3 قوناغا پێك دهێت قوناغا ئێكى ژ لایێ كومپانیا زوزك 60% هاتیه چێكرن و و قوناغانێن دوویێ و سێ یێ دێ ژلایێ كومپانیا ( E I C) ڤه دهێته چێكرن.
نيشاندان
WP Facebook Auto Publish Powered By : XYZScripts.com